銀杏時光

Open Now

Now Closed

自不再光顧家附近的那間餐廳後，這裡已是我們經常會吃的餐廳了，我們已光顧了這間餐廳3次，覺得食物水準不錯外，餐廳主打的是一班年齡已是退休了的老人家做侍應，加上會有一些老人家主持的樂隊高歌（老歌）演奏，實際是香港比較罕有的懷舊社企餐廳，我十分欣賞這種社企形式的店，為長者提供了不一樣的工作場地，更讓有材能的長者一展歌喉，本來食飯時聽一下舊歌是不錯的，今晚又同家人來吃晚餐，但是，想不到“懷舊餐廳”變了“大媽舞廳”，今晚這裡竟演變成大媽廣場，確實令人超倒胃口。過大聲的音響，聲演“友誼之光”，跟住食客出去跳舞，想與家人談話都不行了，根本要叫出來才能聽到大家的聲音。希望餐廳定位清楚一點，是長者演唱懷舊歌的餐廳並令人可以舒適地用餐；還是舞池茶舞式的餐館？如是後者我便不再去。或者，餐廳可圈出地方是讓客人不被騷擾吧。

Recently moved to this area and found out about this place everytime walking to the MTR station. It is off the King's road along the Greig Street opposite the Quarry Bay Community Centre.We were there for dinner and made reservations via the Openrice App (very convenient!). They offer semi-buffet meals where you get to choose a main dish accompanied with unlimited salad bar and soup, pretty good deal!One thing you will notice going into the restaurant is the workers; they are mostly retired peop

#小秘書 已經有好一段時間無嚟 #銀杏時光 食lunch，呢日見比較得閒，#飯腳 又齊人，就行多幾步，走到去 #太古城 見吓班 #公公婆婆服務員👵🏻👴🏻。嚟銀杏時光食飯，預先電話訂座，飲品係免費嘅。食過 #沙律🥗後，呢日我揀咗 #港式豬柳焗飯。大家嘅食物已經嚟齊，唯獨我仲等緊，不過呢日唔太肚餓，就由廚師精心炮製啦😉 等埋大概廿五分鐘，焗飯終於上枱，醬汁味道一啲都唔係港式風味，而咬落啲豬柳似乎未熟透，不過我唔係太肚餓，唔想浪費，所以個飯食咗1/4左右就比服務員收走😪 杯免費 #凍咖啡 還可以，環境又都幾舒服，而班 #服務員 又幾有禮貌，呢次就算啦！

集郵系列－太古銀杏時光！之前去過長沙灣的銀杏時光，今次就去另一分店。午餐時間坐無虛席，裝潢也是以木色為主，簡潔整齊，餐廳的座位設計比較寬闊，坐著舒適，再加上一面是落地大玻璃，感覺挺舒服自在。這裡逢星期一至五會有午餐精選優惠，比起午餐MENU價錢平了20-30蚊左右，感覺是划算了不少～當然我也不會錯過這優惠，星期三的優惠午餐是紐西蘭西冷牛扒配薯菜($118)，還包了自助沙律吧和餐湯，這裡的沙律吧很受歡迎，見到侍應好快就要refill，所以一見到佢加沙律菜我就立即衝去排隊，還裝了雜菜湯，回到座位看到拿沙律的人龍仍然是有增無減，真厲害！沙律菜一如以往咁受歡迎，因為真係好新鮮同好爽脆清甜，我平時因為佢苦苦地而唔食的紫椰菜，今次都有食～同埋有個紅腰豆＋鷹咀豆！哩個一定要試！好甜好有咬口～撈埋啲醬食一絕！紐西蘭西冷牛扒配薯菜($118)點了七成熟的西冷牛扒，份量又厚身又大塊！！！我無諗過會大塊成咁，佢真係足足有半隻碟咁大～開頭見到佢係配薯菜仲有啲擔心唔夠飽～而現實係飽到上心口～本來有啲驚點七成會太熟，點知佢煎得岩岩好，好稔好好咬，肉質好～有牛味！百幾蚊可以食到哩個質素～抵呀！我好喜歡觀察，去到專做

一直都想試一試這間餐廳，今日正好在太古的時候，決定去試一試它。除左係佢理念吸引我之外，有長者歌手在餐廳駐唱都係一大吸引之處，一邊食西餐一邊聽歌都幾享受，哈哈。一入到去長者態度都好好，我亦認得之前有在他們舊店做的其中一位長者，見到佢都幾開心，入到一間餐廳，可以同店員吹下水咁，正係個感覺都夠溫馨。呢度沙律可以任食，湯可以任飲，沙律吧的沙律款式夠哂多，行到過去正係食沙律都有選擇困難症，最後決定樣樣都試小小，而佢地係農場送到的有機菜做沙律，食落口都更加鮮甜。主菜方面，決定嘗試佢地比較出名的經典海鮮餐:海龍皇盛宴這個套餐有齊不同的高質海鮮，有龍蝦，帶子，青口，比目魚每一樣都有鮮味之外，煮法都令佢更加入味。青口有鮮甜的海水味，龍蝦肉質夠彈性，食落口好彈牙，帶子食落口亦都有口感，比目魚雖然唔算太新鮮，但係口感唔錯同埋個汁亦都夠入味，對最鐘意海鮮的我黎講，可以一次過滿足哂，這份海解盛宴是值得推薦的。今日呢餐的質素可以話比預期高，想不到長者的廚藝過咁多年都寶刀未老，雖然菜式簡單，但其實要保持食材的鮮味又要配合到汁的味道都要有技巧的，再加上這樣的海鮮配搭，同埋一路聽歌一路品嚐，成餐飯都食得好舒服

話說之前試過係OpenRice book 位，但比人ignore 左。好啦，今次係OpenRice book完，就再打去確認多次啦，點知就比聽電話既婆婆鬧，話點解你地個個都係咁架！網上訂完又再打過來。 （你咁講即係唔只我一個咁做啦）我都好聲好氣架，我話驚你地miss 左我既訂位（我只係考慮到老人家對網上運作唔太了解者），而呢位老員工就好勞氣話，係架，會睇漏眼，有乜出奇。（係囉，我就係驚睇漏睇，所以打來再確認下者）如果呢個咁既情況成日發生，不如就索性唔好提供網上訂位啦？ 無啦啦就變左炮灰

4月13日上午透过openrice訂了4人座，傍晚1930时用餐，当日1925出现，年近80的老服务员說她以為我訂枱时間是2030,我把手机記錄给她看，她瞟了眼走开了。無奈在門前小桌子坐下等了10分钟，见到情况是座無虚席，便再趋前向另一位75左右男服务员重提訂了枱没枱事情，这位大哥面部表情作个不屑样子，𠯻起嘴巴說这又怎样，跟着转头离去。我觉得银杏时光既失信也没有提供起码的服务也离开了。

一直想試今次第三次訂枱終於食到。叫咗三樣主菜~豬鞍~肉質唔鞋，蘋果汁好味，但食落感覺肉還肉汁還汁，可以再入味d。薄西冷~肉質處理ok，不過燒汁咸咗少少。雞扒拼司華力腸~我無試雞扒，但腸係出奇好食唔太咸。叫主菜係包自助沙律同餐湯，沙律有薯仔沙律~太多醬；沙律菜~標準；蕃茄仔~標準；餐湯~太淡。呢個價錢呢個服務同食物質素，值得支持。懇請各食客如果繁忙時段請自覺埋單，其實好多客想支持但坐位有限 多謝幫忙。

每週都會有一日返太古坊開會，我諗糸鰂魚涌返工既香港市民都知道，糸鰂魚涌食lunch就好似地獄咁...有得食就好食喇，唔好咁多揀擇、唔好咁多要求，你食飯你估個個都想食飯咩⋯⋯好喇，點解會選擇依間銀杏時光，第一，打電話book位有免費餐飲，第二，有自助沙拉及餐湯(我好喜歡食沙拉)，第三，有班耆英糸度工作，因為我覺得老而不休係好值得欣賞🧓🏻👴🏻👵🏼講返野食先，佢哋午市套餐非常多，其實我好想食牛排餐，但是星期二優惠套餐係雜扒套，咁唯有照食，我個人比較慳家😁其實肉肉肉真係無乜好講，成個扒我最欣賞條腸，又長又脆口😆其他就一般般啦⋯⋯各位黎依度食飯無人會催你走，想坐幾耐都無問題，但要包容一下班老友記，年紀有返咁上下，記性一定差緊D，落錯單必會出現，所以如果係執著L就請繞道...

很有意義的一家餐廳，為了支持一群長者，所以就來吃。要5成熟，入口即溶，很有水準，但吃到最後，有不少筋，但總體來說也是不錯。份量超多的，而且裡面有7,8種不同的蔬菜，像紅蘿蔔，西蘭花，椰菜花，秋葵，馬鈴薯等等，上面佈滿起士，配五穀飯(??不太確定)晚餐都配沙拉(有5,6款)，湯及一杯飲料，但主菜太豐富，只是吃了一盤沙拉跟一碗湯，就已經飽的不行。另外還有現場演奏，都是唱一些老舊的歌曲，但我覺得舊歌更百聽不厭。

素食早餐自助餐7:30am至11:00am，素肉丸真心好味，全部食物清淡、少油為主。平日唔多人，若果慢慢坐低睇書睇報紙好寫意，地方唔逼，坐得舒服。長者侍應有禮貌，唔黑面，感覺大家都可以慢活😅🙏🏻

以前去過饒宗頤的銀杏館，長者樂隊好有氣氛，是一間值得推介的社企餐廳，今次朋友推介太古的銀杏時光，晚上七點到達，已經滿座，如果walk-in 肯定冇機會，今晚的樂隊比以前銀杏館的樂隊更勝一籌，現場有fans打氣，好有氣氛，不過略嫌餐廳較噪，未能好好享受樂隊表演，至於食物確實唔錯，所有的main course都包沙律同湯，我哋order slow cook豬肋骨，黑松露意粉，海龍王盛宴，全部大大份，可以四個人share，味道都幾好，有一間值得推介的社企餐廳。

本身好支持這家社企的理念，支持退休人士，其實他們很多也是專業人士，絕對唔失禮，英文可以lock lock聲。侍應服務之體貼、友善和用心真非一般餐廳可以感受到，好多次我都無要求和想過的，他們會主動問或建議，而且不是公式化那種，個個都讓我感受到他們尊重這個工作，尊重客人，對他們來說，可能這不只是份工作，好有心和有份熱情。餐牌很好的有好多素食選擇，適合健康口味和素食者。有特別套餐外，亦有半自助餐，Salas bar 及湯是自助任食，沙律都好好幾盆不同選擇，蔬菜都好新鮮，湯味亦鮮甜。主菜有好多素外，亦有不同肉，有飯又有pasta，都是百零蚊。仲包餐飲。這裡像是慶祝生日熱門地方，昨晚有成最少8次唱生日歌，氣氛好好。又有掛燈，好有情調。沙律有好成五六盆揀，任食好味，食完一碟本來好想再食多碟，但仲有主菜就要留位。沙律啲蕃茄好甜😊😊湯是雜菜湯，足料夠甜，有好多雜菜。都係任食。主菜下面詳細講。杯奶茶是港式奶茶，以西餐廳 (即係唔係茶餐廳) 來說是意外地好飲。我好中意飲奶茶，所以要求都高，呢杯我讚😊😊特別的是原來每晚都有不同”歌手”表演，有中英文歌，水準好超班，真係好好聽。星期四晚的叫Raymond，自彈

今晚一家人六位在沒有訂座情況下有一張枱，非常滿意，因為往後半小時全塲爆滿!菜色一流，大人小朋友都十分滿足!值得大力推介，尤其Raymond先生的自彈自唱更是聽出耳油!不過建議如果想盡情享受必須暫時放下小孩在家!

環境:出邊係一個小公園環境優雅入邊燈光同裝潢都幾好可以令人食的開心食物:好多可以揀而且午餐有蔬菜沙律可以彌補瘋狂食肉的罪惡感因為係附近返工時常黎尼度食飯雖然都是公公婆婆但是服務品質同食物質素都好好第一次未有經驗揀左一個飯味道麻麻地第二次雞扒真係好食因為同事推介豬扒第三次也就是今日試吃豬扒多汁外焦內嫩雖然我真係好飽但唔捨得浪費快樂食完#睇到公公婆婆大把年紀都在努力認真返工我都充滿動力和希望努力生活開心返工希望銀杏館大發達