伍佰海鮮火鍋 (Closed)

🌊🐚🔥【 伍佰海鮮火鍋 】🔥🍲🦐⋄ —————⧫♟⧫————— ⋄最近喺尖沙咀山林道搵到間高質火鍋😍老闆本身係做海鮮批發，所以供應嘅海鮮全部係優質靚料💯👏🏻鮑魚上桌嘅時候仲識郁㗎🤭其餘蟶子、帶子、象拔蚌、鮮蝦…… 款款肥美，食得出勁新鮮🤩$398/位 嘅價錢，包6️⃣款精選時令海鮮🦐極上刺身拼盤，全部魚生厚切🐟🔪仲可以自選🔟款不同配料‼️有美國安格斯肩胛肥牛🐂、伊比利亞黑毛豬🐖等，絕對不惜工本🔥🥟餃類、🍢丸類都係店家新鮮手打，碟碟精品✨另外，🥬蔬菜任食、🍶精選飲品任飲，絕對食到捧住個肚離開🤰🏻湯底揀咗「清潤海底椰雞腳湯」🥥🐓勁足料，打邊爐之前記得飲返碗湯，有清熱潤肺、化痰止咳嘅功效👍🏻除咗打邊爐，呢度仲供應雞煲及私房菜，樓上亦設有舒適VIP房，適合一班朋友聚會🤗 咁有heart嘅高質港式火鍋店，千祈唔好錯過❤️‍🔥😄☎️立即訂坐👉🏻 61997676⏰營業時間👉🏻 中午12:00-凌晨03:00⋄ ┄ ┄ ┄ ┄ ❖ ┄ ┄ ┄ ┄ ⋄🔥【伍佰精選套餐】🔥（$398/位）🌊6款精選時令海鮮🍱極上刺身拼盤🥬蔬菜任食(蔬菜拼盤、生菜、白菜仔、菜芯苗、皇帝菜、油麥菜、娃娃菜、通菜）🍶精選飲品任飲（不包

我係一個懶鬼，雖然成日出去食，不過好懶出post😅尋晚試咗朋友介紹呢間火鍋，真係覺得唔錯，就的起心肝出個post 😉有朋友係外國返嚟，所以訂左間K房，叫左兩個湯底，一個冬蔭功，一個鴛鴦湯底，本人好冬蔭功，見OpenRice既人話好味，梗係先飲碗湯，湯係BB辣帶酸但勁香，連唔好冬蔭功既老公聞到都飲左半碗😉唔記得影兩個湯底🙈池魚刺身、骨椒鹽⋯正👍叫左兩款牛，手切極牛同手切牛肉（大）兩款都好食😋水餃、雲吞、韭菜餃、手打墨丸同蝦丸都好食😃因為有啲朋友唔食海鮮，所以叫左其他素食要贊下佢咸蛋黃魚皮，好鬆化，一上枱就勁香咸蛋黃味👍👍全晚最唔得👎嘅係⋯嘩鬼蝦條

前牌去咗呢間食放題套餐 食物質素正正常常冇咩驚喜但係某一位戴眼鏡嘅男員工服務態度真係令人接受唔到🤢嗰陣時見到OpenRice話呢間餐廳放題套餐有兩折 睇落好似好抵 於是就帶埋班朋友去試吓 點知就中咗個大伏😵‍💫放題套餐都唔係放題嚟嘅 每次叫佢落單都黑口黑面 驚死我哋食到佢破產咁每次叫嘢食都要清空晒枱面上所有嘢食先至可以再叫 每次仲要比得一張點餐紙 叫佢比多幾張都唔肯最咪埋單原來都要三百幾蚊 仲要收茶錢 一啲都唔抵 尖沙咀大把放題平過佢又抵過佢 又唔使受佢氣Last order佢又唔提我地 其他放題都唔會係咁最尾每人食得嗰少少牛就俾人趕走咗鍾意食牛嘅千祈唔好嚟呢度食🤮

第一次寫食評，就是因為這間餐廳的服務態度十分差劣。負責下單上菜的職員黑口黑面，眉宇間十分不耐煩。一放下火鍋及食材便轉身走人，全程一聲不響，好像有甚麼得罪了他們。請他開多一壺茶，不肯。問他菜單上問題，單字一兩句。點了一瓶竹蔗茅根，但沒跟杯子。我們要清空茶杯裏茶，才可以飲到。馬虎程度，可見一斑。六點已到，便下單試不同的牛肉，但職員轉頭同你說，只得一款牛小排，其他已售罄。接著鴨腸，酸梅湯也如是，一開鋪已售罄這間價錢不平，食物是可以的，四人食，埋單二千幾，但服務垃圾，永不回頭。

魚頭湯好好味，好足料，打邊爐前一定係飲一碗湯先。海鮮好新鮮，很多選擇，服務週到，值得一去再去，推介，下次會試埋其他湯底，山林道很方便，易搵，推介🥳🥳😋😋

成日行經山林道，見到樓下有牌寫住海鮮火鍋，都想一試。今日天氣涼涼地❄️又想打邊爐，就即興上左去。第一次去，感覺環境都幾闊落，我地嘅的位置對住大電視，播緊K 歌🎼🎼都幾好氣氛。由於，今日我同老公都唔係好餓。我地就冇join 佢任食套餐。想散叫飲下啤酒傾下計。我地就揀左沙爹湯底，沙爹味越煲就越濃，好香，但又唔會好鹹，不錯。我地叫左桂花蚌，份量都算多，夠粗身，讚。叫左隻龍蝦，非常新鮮，即劏，好彈牙，推介。響鈴，不過不失。四寶丸，4款，每款2粒，新鮮好吃，墨丸出色。蔬菜拼盤，份量很足，有3種菜。本人今晚很想吃蔬菜，感覺滿足。總括食物質素係很好的。聽員工介紹原來有私人K房加邊爐，下次要帶埋35知己開party 一齊來試下一路食一路唱，仲可以飲酒麻雀🀄️耍樂。👍

我去個陣, 竟然無人.但係講返D餸, 我覺得質素對得住價錢.我屋企人覺得好好食, 我就覺得合格啦.勝在多款, 同埋坐得都算夠闊落.可能個陣得我地一台, 服務都特別好。.咁我都希望依間港式火鍋好生意嘅.需要改善嘅係冷氣位.我食完個晚就發燒. 個爐好熱, 但個位好凍.一冷一熱. 令我對依間店留下左陰影.我覺得老闆重新要諗下D位點放.同埋個陣得我地一台, 應該開附近嘅冷氣頭頂嘅冷氣應該閉掉.所以環境我只能俾2分.雖然我未必會再黎, 不過公道點講.依間係值得一試嘅. 款式真係夠多夠抵.

呢間伍佰🦐海鮮火鍋主打高質🐓雞煲🐚海鮮火鍋🍲加精選🤩配料任食🤤，而且價錢💰都好實惠抵食。入面全層🤩環境寬敞，有大電視📺又有包廂。先上嘅🐓雞煲份量都好足👍。一打開個煲蓋即刻👃聞到濃烈嘅🐓雞煲香辣味，超吸引🤤。🐓雞肉肥美嫩滑，唔會太辣🌶️，味道又有層次，而且好入味😋。食完🐓雞煲就可以打邊爐🍲，佢哋有幾款湯底🥣可以揀，我哋揀咗沙爹鍋🥰，味道都幾濃郁。佢最正嘅就係個餐嘅😍6款精選時令海鮮🐚，雖然唔係任食，不過就好👍新鮮高質。其中鮑魚同埋海螺🐚就最得我心❤️，又腍又滑又鮮味🤤。蟶子入口☺️又爽又鮮甜好好味😋，青口同埋其他蜆呀花甲呀嗰啲都好飽滿肥美🥰。任食🤩嘅火鍋配料有十幾種，肉類有兩款，分別係🇺🇸美國安格斯肩胛肥牛🐂同埋伊比利亞黑毛豬🐖，質素亦都唔錯。炸嚮鈴🔥炸得十分之鬆脆😍，另外瑤柱水餃好🤤鮮味，都值得一試！佢哋仲有🦆鴨血同埋其他😋丸類，款式都好夠食👌。飲品🥤方面佢哋有幾款自家製💪飲品，我就試咗酸梅湯🤤同埋紫貝天葵，酸甜開胃🥰又解膩，正呀！

同朋友聚舊最好打邊爐，一邊打一邊傾，越傾越有。今次黎到位於尖沙咀嘅伍佰海鮮火鍋。餐廳主打新鮮海鮮，坐低先點了一整條大紅魚！好新鮮，不過份量超級大，如果唔多人食記得問清楚份量，刺身彈牙鮮甜，仲可以放入火鍋燙一下，之後仲會將魚頭椒鹽油泡，脆卜卜又惹味，真係三重享受！湯底我地揀左冬蔭功同杏汁豬肺！冬蔭功係朋友強烈推介，話唔太辣唔太鹹，可以直接飲，果然好味。杏汁豬肺湯底呈奶白色，裡面有大大舊豬肺，一路滾聞到杏仁味好香，不過飲落就冇乜杏仁味。火鍋料方面，手切肥牛好有牛味，好好食。朋友話試過唔使叫最貴嗰款可以唔使叫，第二級已經夠好味。水餃大大粒好推介，仲有鵝腸好新鮮，必點。豬膶厚度適中，好粉好好味。整體來說係好高質素嘅火鍋餐廳。不過侍應好忙，有啲難叫人攞野。

#伍佰海鮮火鍋 🔥近日天氣乍暖還寒，為捉緊冬天的尾巴，我同朋友受到邀請去呢間火鍋餐廳食雞煲放題😋佢位置係山林道樓上鋪，餐廳有超大電視，可以同朋友一邊食火鍋，一邊睇波、睇電視。2小時任飲任食火鍋放題套餐（$298）包括1. 麻辣雞煲 2. 6款精選海鮮3. 火鍋配料任食（精選海鮮盤除外）4. 精選飲品任飲🔸雞煲好足料，有大量洋蔥、芫荽、豆卜等等，幾香。 雞肉嫩滑，辣到恰到好處，上碟前侍應仲幫手炒下個雞煲。🔸火鍋湯底可揀清湯、麻辣、芫荽皮蛋及沙嗲湯。我地揀咗芫荽皮蛋湯，湯底有豆腐、粟米、芫荽、皮蛋及馬蹄，好清熱。🔸海鮮拼盤打卡一流，入面有仲郁緊嘅鮑魚、大蜆、蜆仔、爽口大蝦，比較小見的日本螺、青口等，海鮮都幾新鮮😋🔸火鍋配料及蔬菜可以任食，個人推介韭菜餃、雲吞同魚皮餃，食得出唔係急凍貨😋📍尖沙咀山林道21-23號1及3樓#雞煲 #山林道美食 #hkfoodie #尖沙咀美食#foodphotography #foodblogger #火鍋 #火鍋放題 #相機食先 #chickenpot #hkig #放題 #海鮮拼盤 #spicyfood #辣得過癮

今次嚟到伍佰海鮮火鍋！啱哂咩都想試既我，有套餐有散叫先講下呢到有80吋大電視📺⚽️英超、西甲、德甲、直播嚟呢到一班人睇邊睇邊打邊爐🍲爽到飛起😹要試下伍伯精選套餐首先第一道上咗刺身，整體好新鮮跟住就上海鮮有鮑魚，聖子、蜆、青口、海蝦🦐、日本螺、沙白全部都好生猛，送到上枱都仲郁郁下😍特別係青口！超級肥美🤤呢個價錢食到咁新鮮！真係物超所值點少得介紹湯底，一共有5款湯底沙嗲、清湯、麻辣、芫荽皮蛋、清潤海底椰雞腳我揀咗清潤海底椰雞腳湯底，因為員工介紹話嚟到飲碗湯先😍 乳白色海底椰同雞味都非常濃郁 仲有大量雞腳、粟米等配料我都忍唔住食咗幾舊粟米超甜🌽😛有超香椰奶味，再用嚟打邊爐勁鮮甜！套餐包10款不同配料自選配料亦有比較少見既點咗幾款牛肉試🐮✅美國安格斯肩胛肥牛肉質同脂肪分布均勻、冇乜筋！食落肉味濃✅伊比利亞黑毛豬肥瘦適中、唔會食落韌！✅西冷羊肉片🐑中意食羊肉既你一定中意！夠羊羶味🤤✅ 牛胸爽呢個係出面比較少見！食入口係爽口，好得意既口感😍✅瑤柱水餃🥟、鮮蝦🦐雲吞皮薄餡靚！完全足料！仲叫咗丸同墨魚釀豆卜、響鈴👍🏻🥬蔬菜好多選擇，例如有油麥菜、菜心苗、皇帝菜等等🍸而飲品就有竹蔗茅根、酸梅湯任飲！Lik

近牌呢間餐廳邀請我哋去試食 想我哋試吓佢哋嘅雞煲火鍋放題套餐 唔知好唔好食呢😚兩小時雞煲火鍋任食 $298👅雞煲雞肉正常嘅 有豆卜可以朔晒啲汁 麻味幾足😝不過雞煲略嫌偏油🤨👅海鮮佢有鮑魚 蝦 象拔蚌 蜆 青口 螺 食落質素唔錯 幾新鮮😋呢個係有啲驚喜🤩👅火鍋配料有十幾款 例如雲吞 水餃 午餐肉 芝士腸等等嘅正常火鍋配料🤓

講到明係放題，但係每次落單淨係俾落1碟，落單又要受老闆質疑食唔曬，俾人感覺真係好孤寒🙁。埋單人頭成$350(已經做緊55折discount)，性價比完全唔高😓。———見呢間火鍋店夜晚7:30都唔洗排隊就決定試吓，入到去成間舖頭都冇客，已經覺得少少伏🤔。同其他雞煲邊爐大同小異，一嚟先上雞煲，味道正常，麻辣味都香。食完雞煲，轉邊爐，一開始上海鮮拼盤，老實講都新鮮足料，有蝦蜆鮑魚蟶子，賣相、味道唔差👍🏾。食完海鮮，要嗌其他肉類雜丸蔬菜等等，就要填紙交俾waiter嘅。———我哋個set係2小時任食火鍋放題，咁初頭照平時食放題咁落單，牛肉嗌咗3份、豬肉嗌咗2份(我哋5人行，呢個量絕對唔過分)，點知老闆過嚟講話呢度同其他餐廳唔同，啲份量係按人頭嘅，所以每樣嘢嗌1份就得，話驚我哋食唔曬😅。好啦，咁即管嚟咗一次睇吓點先😅。上到嚟，嗰份牛同豬各自得10塊左右，基本上唔洗10分鐘食完，於是就問waiter再攞紙落單。為咗避免嘥紙，每次淨係落得1份，我哋同waiter提出不如一次過落3份牛，初頭waiter都同意，點知老闆又走過嚟話，呢個套餐嘅規矩係每次每樣嘢只可以落1份😅，費事嘥嘢。結果食咗兩個鐘，淨係

Seafood & ingredients海鮮及配料 🦞🍖餐廳有多種火鍋配料同飲品可以任食任飲，好似有美國安格斯肥牛🥩、港式鮮蝦雲吞🥟、魚片頭🐟、嫩鴨血、爽口彈牙嘅稻庭烏冬🍜，仲有用嚟影相打卡好靚嘅新鮮海鮮拼盤，入面有仲郁緊嘅鮑魚、聖子、蜆肉、爽口大蝦🦐等，而嘢飲就有火鍋必備嘅竹蔗茅根同酸梅湯，連埋打邊爐一齊飲真係好match 啊👍🏻Hotpot 火鍋 🍲火鍋總共有四款湯底選擇，包括係沙嗲、清湯、麻辣🌶️同埋芫荽皮蛋鍋底，今次揀咗比較健康清淡嘅清湯，用新鮮豬骨、粟米🌽、娃娃菜同其他蔬菜熬製而成，味道清甜，容易突顯其他配菜嘅鮮味

📍尖沙咀山林道21-23號1及3樓2022世界杯⚽️🏆終於開羅，班friend又話要睇波又話要同我慶祝生日🎂🎂，咁最簡單就係搵一間有大電視📺同打邊爐嘅火鍋店 😂😂咁就可以一舉兩得，咁啱上網見到尖沙咀有間火鍋店做緊精選套餐每位＄398，套餐包括極上刺身拼盤、六款精選時令海鮮、自選十款唔同配料、蔬菜任食及精選飲品任飲，抵食到咁就諗都唔使諗就book咗佢一路食一路睇波😏😏😏1. 極上刺身拼盤 - 三文魚、帶子、自家製醋鯖魚，啲刺身非常新鮮🤤🤤🤤2. 六款精選時令海鮮 - 青口、聖子、海蝦、日本螺、沙白、貴妃蚌，啲海鮮全部都生猛上枱，最緊要係全部都好鮮甜美味😋😋😋3. 5選1湯底 - 我哋揀咗沙爹鍋，湯底落足料勁濃沙爹味😋😋4. 自選十款唔同配料 - 美國安格斯肩胛肥牛、西冷羊肉片、牛胸爽、嫩鴨血、鮮支竹、牛丸、鯪魚丸、鮮蝦丸、韮菜餃、墨魚釀豆卜，又好味勁大碟😝火鍋小店整體環境都已經佈置好準備世界盃，見到佢個無敵大電視📺就知道睇波一流，呢位坐得好舒服😂😂套餐加海鮮價錢性價比超高😁😁😁想一路睇波一路打邊爐一定會介紹呢間火鍋店比啲朋友仔去試吓👍🏻👍🏻👍🏻