樂心冰室

Open Now

Now Closed

已見好幾個評論都説這裡服務態度很差，只不過來了幾次都唔覺得，原來我之前只係好彩，上得山多終遇虎，今日來飲下午茶，本來心情很好，但無原無故伙記態度惡劣，唔使食都一肚氣。多幾間這樣的餐廳喺香港會令已經分化的香港再添怨氣。

我每次食都係食營養餐，好好食，最重要係有鮮奶飲而唔洗加錢，服務亦好，裝修係好似舊式香港茶餐廳咁，呢樣先係吸引我，價錢亦合理，我亦有試過奄列都唔錯，不過都係次次叫營養餐

🐣晨早需要係銅鑼灣工作所以7點半左右就去左樂心冰室食嘆個醒晨早餐🌞先和很多冰室一樣 這裡有早餐 常餐 特餐 營養餐等🍴早餐可選火腿湯通粉或叉燒湯意粉 鮮奶炒蛋或西煎雙蛋 牛油厚多士 包餐飲 （$34）我選了火腿湯通粉 炒蛋 牛油厚多士 茶走火腿湯通粉 湯底感覺沒有味精 通粉煮得比較腍 火腿十分大方地有三塊😳 加了幾條菜更覺健康🤓但🐏個人比較喜歡有嚼勁的通粉 所以這不是我的茶👽鮮奶炒蛋 雖吃不到鮮奶味 但炒蛋炒得相當滑溜😙牛油厚多士則略為遜色 上桌時已經冷了😭茶走茶味香濃整體而言$34有這樣質素的早餐 🐏個人認為都總比「大家樂」「美心」等快餐店早餐來得好😅😂沒選擇的時候可以試下😂🙈

諗唔到想食咩，諗住冰室有番咁上下水準，所以又黎左樂心常餐 $42可選意粉或通粉.. 兩者都叫過，對我黎講，份量都係偏少，好彩食埋份多士、炒蛋同火腿都勉強夠飽（如果男士們應該會唔夠食？）通粉入口好似食緊一pat粉團咁，口感不太討好要左杯柚子茶，柚子蜜既份量好足，甜度剛好谷古聞落幾香，友人表示飲落去淡到好似飲緊滾水咁圖片只供參考..

這日準備見工，事前緊要食個醒神Lunch選了叉燒意粉, 火腿鮮奶炒蛋和牛油厚多士多士夠脆，火腿就比較薄同細，炒蛋好滑又香口。叉不算多但每塊都燒得好香，口感軟腍。一個幾有誠意的常餐。

如題，服務態度極度差劣，尤其是收銀，在無沖突嘅情況下，對顧客語氣掘，用詞粗俗，黑面，更甚嘅係將找錢擲給顧客，這是待客之道嗎？食物木準一般，又唔夠熱，比起初初開業時差距太遠了。

一個人的晚餐選了樂心冰室。想也不用想就選了常餐, 簡單又飽肚。叉燒通, 火腿炒蛋配厚多士, 送熱飲。牛油厚多士烘得剛好, 外脆內軟,火腿有兩片, 鮮奶炒蛋口感滑溜, 不錯。叉燒偏韌, 肉質較實…通粉過於軟熟, 口感奇差..附送翠綠生菜, 感覺健康些..餐飲選了熱好立克,甜甜的不過不失。

今天要到銅鑼灣辦事，便去了一段時間沒光顧的樂心吃午餐。由於正是午飯時間，頗多人。幸好一個人不難找位，見到卡位有人走了便坐下。一個長髮戴眼鏡的侍應幫我執枱，正想落單時，她突然晦氣一句「唔坐落嚟，執咪快囉！」 我從沒聽過未執枱唔准坐的道理！只是幾隻餐具有幾難執？她氣沖沖拿開餐具便走了，好不容易才找到另一個侍應落單。點了粉麵餐：火腿通+熱奶茶火腿通：通粉細粒無坑，比一般的餐廳細小，伴有3小片火腿加1片唐生菜，味道一般，不過不夠熱。熱奶茶：奶味偏重，缺乏茶香，幸好沒有苦澀味，尚算OK，惜伙計拿來是竟倒瀉了幾啖。見到今次的水吧師傅又不同了，似乎常轉人，看來要喝到合心意的奶茶也要碰運氣。

今日晚上同同事去食晚飯，叫左2個焗飯，個時已經10點幾唔係繁忙時間，但係所謂既焗飯只係個面焗左少少，完全食唔出係焗飯，杯嘢飲更加離譜，我自己叫左杯鴛鴦，不過一飲只有咖啡味，我唯有當普通一杯咖啡咁飲。食完之後出左去收銀比錢，我同事想分開比，點知個收銀呀姐用一個極不友善既態度話無得分開比，要一齊比。仲要加多句叫你一齊比就一齊比啦。咁我都算啦，當我係銀包拎錢諗住擺低個下，佢就好唔耐煩咁講，快啲擺低啦，咪阻住唒，當時我望一望後面，一個人都無你話我阻住你？定係我阻住你玩電話呀？最後我忍無可忍堅持要分開比。咁既服務態度我永遠都唔會再去。

今年的香港花卉展覽已經到了尾聲，這個周末天氣潮濕極了，太陽都躲到厚厚的雲層裡去，根本看不見陽光，要是想去看花，拍點靚相的話，實在掃興。幸好上個周末，自己早已趁著那日天氣尚佳，陽光雖仍難以見到，但濕氣不重，天氣較為乾爽，到花展拍了一輯靚相。難得早上來到銅鑼灣，首先吃個靚早餐，在渣甸街一帶尋尋覓覓間，見這間「樂心冰室」酷似傳奇名店「澳洲牛奶公司」的早餐才賣 $32，以銅鑼灣區來說都算合理，便入內一試這翻版澳牛早餐的滋味。「叉燒湯意粉」份量不少，這間既然不是燒臘店，出品的叉燒當然不會十分優質，雖然店中介紹說這裡的叉燒用的是精選的梅頭肉無添加燒製而成，但薄切的叉燒只是尚算及格而已，不算出色，不過叉燒份量都算多，而且都算爽彈的湯意粉中有不少翠綠的生菜在裡面，感覺健康，就可以加分。既然這兒的早餐酷似「澳牛」的配搭，在「西煎雙蛋」與「鮮奶炒蛋」兩款選擇中，識揀當然是揀後者。這兒的炒蛋雖然味道偏淡，需要下鹽加味，但炒得的確夠滑，都不錯。至於同場加映的「牛油厚多士」，無疑是不夠熱的，但只是微溫的多士都算厚身，牛油也下得不太吝嗇，都及格。「熱奶茶」中規中矩，奶味茶味不算很濃，也不算差，還算可以。在這冰室中

果晚睇完舞台劇好夜是但搵間舖頭食見入面坐滿晒人就試試,食個最簡單常餐,多士雖然凍但都脆,火腿冇煎過冷冰冰瞓係碟,炒蛋加左奶食落好滑炒得幾好唔會散晒,煎蛋都有小小焦香味,义燒砌得好靚食落口好硬又鞋又凍又乾成陣雪味鞋食到只食左一塊,通粉發到唔洗用牙咬都爛晒俾無牙婆婆就適合,檸檬茶茶底澀口檸檬唔新鮮有嗡味,奶茶唔叫多奶都加足不過就令杯茶冇咁澀

又嚟依度再食，今次試新野叫咗個火腿庵列。單睇賣相係ok! 分量都好夠! 但系當你切開佢嘅時候, 就見到煎咗個蛋太熟, 及有d鹹鹹地嘅蘑菇我覺得好難食。我朋友叫咗正常嘅早餐，反而冇中伏。 最中意系佢嘅炒滑蛋，同埋兩塊厚多士！個滑蛋炒得真系好滑!多士都系外脆內軟通粉竟然有三塊火腿同埋有生菜

去食晚飯叫咗個 海南雞飯套餐， 餐牌寫住 "去骨" 黎到， 佢切咗個翼位比我，成行都係有骨。非常有禮貌地問經理，餐牌上寫住 "去骨" ，點解呢個翼全部骨呢？同埋真心冇乜肉。佢解釋話: 翼係去唔到骨。但我相信大家食過 去骨 海南雞 都會知， 翼都係去到骨。 頂盡係雞翼尖唔去骨。我冇食過，嘗試要求經理換比我。佢話: 冇得換嫁 bo. 而且唔算冇肉。同埋個油飯同菜係送比你。你應該落單一早話唔要翼。(我想知，你寫住去骨，我又點估到你咁鬼馬，黎到會有骨呢？定係提我今次奶咗嘢，下次再黎記得要提佢唔好比連骨既去骨海南雞我呢？)我比hk$70 蚊食呢個餐，我係比錢食。比咗錢，碟菜同飯又如何叫 "送" 呢？" 送"，係唔使比錢你比我，先叫送。對呢間餐廳非常失望。

銅鑼灣好多好好食嘅茶餐廳,順路經過惗住入去試下。佢嘅位置好好,位於登龍街😁以早餐離講，好無質素或者價錢，一定好味過果d大xx,美x!唯一唔係咁好嘅,系佢嘅套餐不太flexible!

一間都已經食咗好幾年，好多次嘅餐廳！（早餐）好好食又唔算，難食又未輪到到佢！最近幾次去，次次都係叫咗好耐未到！（遲嚟嘅反而到先）都算，可能係自己黑仔又或者自己心急！不過今次真係太過份！落單叫咗火腿通粉，雙蛋多士熱奶茶，叫咗之後等咗15分鐘，再催下！等多10分鐘，都係未到！（同之前一樣，其他遲過我到嘅人都已經全部到整！）終於見我面黑後等多幾分鐘送上第一碟火腿通粉！未食前都覺得算數，食咗第一啖都係火到嘅！同師姑尿一樣，冇味！想落啲鹽繼續食，但個鹽樽面濕淋淋根本就出唔到鹽！（連坐我對面嗒枱個姐姐都講咗句冇味嘅！）最後都係自己去攞支美極加咗少少食咗碟得美極味嘅火腿通粉！如果咁樣我就唔需要去佢地間餐廳食喇！到食完通粉後都係未見到我嘅雙蛋多士，可以做嘅嘢就係再催，跟住放係我面前嘅係兩個又圓又硬嘅雞蛋，同兩片牛油多到見到都會反胃嘅多士！我已經好耐冇咁樣黑面過，雙蛋同多士都冇食到，俾錢走人！以後都應該唔會再去依間已經唔想做好啲嘅餐廳食早餐！做得最錯就係因為太嬲冇影相就走咗！