樂心冰室

Open Now

Now Closed

人家說『一日之計在於晨🌞』，人妻🐷就覺得『一日的開始在於一個好早餐🥓』。這天一早要去銅鑼灣開會👜，先早一點來到附近，找個地方好好享受一個美好的早餐🥞吧。由地鐵站🚉出發走了大概3分鐘，找到了這一家懷舊冰室😍。一早的冰室內不失人潮😲，看來大家的想法也是一樣喔😌~ 快餐是全日供應的，但還是一個早餐吧🍳~叉燒通粉🐷：叉燒🐽帶有微焦，肉質不會太靭，通粉🍜沒有因為煮得過火而變腍，整體上算不錯喔👍🏻！再加入了點點的白胡椒粉🌶，馬上變得香香辣辣的，蠻醒胃😊。炒蛋🥚：蛋則炒得算是香滑👌🏻，但蛋味卻算不上是濃郁😣，可幸的是火喉控制的不錯👍🏻。牛油多士🍞：牛油分佈得頗均勻🤤，加上烘焙的時間拿捏的不錯，咬下去外層香脆😋，加上了牛油香味，不錯喔😍~總結：一早來個不錯的早餐🌞，一天算是有個很好的開始喇💖！

好一陣子沒有吃過港式早餐，今日剛好在附近，就試試吧.一看餐牌，怎麼跟「某國家牛奶公司」的餐牌那麼像？..看到其他食客也是吃一樣的東西，應該是這裏的招牌菜吧.於是就點了早餐（選了叉燒通粉）.上碟是這個樣子... 要讚的是跟餐已經是多士，不用再加$2轉.一試炒蛋，嗯.... 不是不好吃，但就是不能與某國家茶記餐廳的比較吧，雖則寫明是鮮奶炒蛋，但就是沒有很滑，蛋醬開得一般，客觀來說是比一般茶記好但沒有去到成為「招牌炒蛋」的程度吧。.另外要減分的是這個炒蛋完全沒有調味，加一點點鹽吊味的話可能會好一點... .叉燒通粉要求通粉要煮得軟身一點，在侍應有把這樣的要求寫上單的情況下我相信已經煮了久一些... 但還沒有是軟身的程度，如果沒特別要求的話應該真的有點硬吧....至於叉燒，不過不失，但相比九龍城「聯窮茶餐廳」的話又是比不上.... .湯底呢，就是一般茶記的湯底..朋友點了一樣的東西，只是加了$5轉出前一丁..幸好奶茶是算好喝的，不然就會變成失格茶記了

剛係附近見完個客即係個肚餓到鼓鼓聲，由於已經接近下午3點，見到餐廳就行入去食，去到已經有下午茶時間但由於太餓關係都係叫個飯食，諗咗好耐就揀個滑蛋叉燒飯，個飯到咗賣相都可以， 叉燒不過不失個蛋夠滑仲有少少豉油，唔夠10分鐘成個飯就俾我清灑，飲番杯凍檸茶來個完美配搭。

今天下午4:00點了下午茶餐「芝士火腿三文治」加炲底，應該是$33 （$32+1）， 點知在付款時收我$37。 我問收銀原因，收銀阿姐唔大禮貌地說：這是茶餐價錢。我回應說：我下單時是指着餐牌下午茶餐的，還有茶餐跟下午茶餐有什麼分別？收銀阿姐回應：我都唔知，我只是跟電腦做。最後她不太耐煩地找了另一位樓面阿姐代處理，最後是改回$33。不過，我想分享是她們的態度是十分惡劣，已經是收錯錢，仲要黑面，各位都是小心。

閒日五點幾去左呢間樂心冰室食左個常餐。店內幾闊落，好似幾干淨咁。有人流但不用搭枱。$42，常餐包叉燒通粉或意粉，炒蛋火腿，牛油多士，熱可力。火腿炒蛋同牛油多士先到。炒蛋一般，冇咩味既，澳洲牛奶公司好味啲，兩片火腿有啲鹹，牛油多士啲牛油查滿曬成塊多士，但個多士好似唔新鮮，唔鬆軟既。叉燒通粉，叉燒係厚切既，有四塊，但冇乜叉燒味，食落似咬梗燒肉。湯底有啲鹹，但係啲通粉幾好食喎，幾煙韌，唔會煮到林曬好似比老人家食咁。

不嬲幫襯開，由無強國客到而家連待應都唔知操咩口音…都唔緊要，我為求靜靜地食個常餐。但今晚入去，我想坐個卡位，個強國待應居然要我同人搭檯，見場內又未去到逼爆，我就問張卡位係咪唔坐得，佢居然話…「咁無位喇！」你發左大財腦神經活躍過度？好簡單，我放低三個字 然後轉身就走香港飢荒我都唔會去樂心，就係咁簡單

經過呢間茶記門口，被門口一張鋪滿黄金色的滑蛋，上加色澤，肥瘦均勻嘅叉燒相片所吸引，決定入內一 試。 點知一上菜， 顏色上已經大令人失望。隻蛋沒有相片中的金黃，果幾片叉燒亦沒有光澤。至於味道方便呢，個蛋食落則沒有味道，只能靠碟上嘅豉油調味。 而叉燒呢雖然就都幾大舊，因為咁啱係筋位都幾爽口，不過就好易痴牙，而且缺少了叉燒的蜜汁香味。作為呢間茶記既推薦食物，食落真係好失望。但60蚊貨仔，仲有杯熱飲柚子茶，都算係咁啦。

年三十晚。農曆新年將至。開始食乜嘢，做乜嘢都要講意頭啦！今晚當然要落銅鑼灣行年宵花市，行過好運啦。唔少得當然要買花、買揮春、買新年用品，行咗大概兩個鐘，乜都買齊晒，就去附近覓食一番。由於都已經差唔多晚上10點幾，好多商場食肆都已經關門。行過渣甸街，反而仲有好多食肆仲未閂，就不如速食。我哋入咗一間喺渣甸街好光猛好新淨嘅茶餐廳 - 「樂心冰室」嘩！佢個”皇袍瑞士汁雞髀飯” 🤩 好吸引好正，仲好好味添啊！新年流流，喻意：皇袍加身😆好意頭好意頭！👍🏽

今日喺銅鑼灣度食早餐 銅鑼灣呢啲核心地帶就預左貴 但係竟然都有平民化啲嘅早餐食 今日去到樂心冰室 呢度式裝修好懷舊 啱曬我呢啲生於千禧年代嘅人都可以懷緬一番呢度早餐只有兩個選擇 叫咗叉燒湯通粉配鮮奶炒蛋同牛油厚多士 飲茶走叉燒 燒得好淋夠入味 而且蜜汁多 係呢度自家製鮮奶炒蛋好滑溜 而且蛋味好濃郁 好澳牛嘅感覺茶走好出色夠曬滑 而且茶同奶比例啱啱好 下次都會再嚟食

今日放工想去Tea下，入左去樂心，試左個下午茶餐蛋牛治質素Ok,即整，味道可以。但蛋嘅份量比預期少檸茶都好飲，不會太苦。整体而言，放工後想靜靜地休息一下，都算合格。

平常很喜歡到這裡叫外賣，除了因外賣8折，再加食物有質素。但近呢兩個月食物質素下降左好多。咁我都明白通帳問題，但我寧願你加價都唔好降低自己食物既品質囉。勁愛食既厚多變左薄多，奄列變左冇菇。說實話，茶餐廳係香港人既標誌，唔好做壞自己啦。

幾乎每次來銅鑼灣都會來樂心冰室用餐，之前已試過香脆抵食的朱扒包餐配即磨㗎啡； 我食量不大， 食這個餐已很飽足 今晚再食招牌的 “黃袍叉燒飯” 送即磨㗎啡， 黃袍即是炒蛋；份量足又不會過老， 叉燒不會太肥又不太硬口感剛好； 味道適中，不是普通燒味店的蜜汁甜叉燒， 這是我喜歡的口味。 這個餐份量頗多，我吃不完要由男友包底 。

老銅想揾人頭計$50有找食到飽嘅晚餐真係難過登天，渣甸街算係銅鑼灣區嘅窮人因物，至少個價錢係正常合理呢間茶記雖然鋪面唔吸引，但價錢唔貴，地方乾乾淨淨，又多卡位坐，眼見都有唔少後生嘅打工仔，收工黎食。坐得近水吧見到有2部咖啡機唔怪得咖啡個味唔似一般茶記嗰種味我就叫左常餐-叉通火腿炒蛋多士，同桌就轉做叉意半肥瘦叉燒有意想唔到嘅好味，通粉唔係一pat粉嗰種質感除咗係有坑紋嘅通粉，出面大部分茶記煮通粉煮係煮到爛晒，好難食，反而呢個又唔爛，又幾好味。不過湯底就無乜特別，都係雞湯炒蛋係滑滑地但無乜蛋香，多士就牛油太多，夾蛋火腿一齊食非常油膩，可能下次走油會好好多總括黎講$4x算係咁，坐得舒服，有電視睇下新聞。伙記同一般茶記咁上下無乜特別，如果要服侍周到就唔會揀去茶記啦

無啦啦打八號。。真係估佢唔到。。屋企雪櫃咩都冇，唯有落街食早餐啦。打風關係條街冇咩人，連平時食開ge茶記都冇開，行下行下見到呢間茶餐廳有開咁就試下啦。其實佢早餐得一款，义燒同火腿，咁我當然揀义燒啦，再配搭湯意粉。個餐仲有牛油厚多士同鮮奶炒滑蛋。落完單五分鐘都唔夠就有野食，果然係茶記。炒滑蛋好普通，同大快活個d好似。厚多士唔係好厚身，唔明點解會叫厚多士。。XD佢地標榜义燒係即焗，唔知係咪打風關係，感覺d义燒唔太新鮮，但味道係比一般茶記好ge。成個早餐三十六蚊，ok啦。

玩懷舊復刻，是好多好多擺明是賣香港本土味道的店子的主題。而最容易令人引起共鳴的，就是茶餐廳/冰室，因為無論什麼年紀的人，都會對茶餐廳/冰室有情意結，是任何世代的香港人集體回憶。在銅鑼灣，大玩懷舊 feel 的茶餐廳多的是，而在一眾大玩家當中，有一個細細地玩玩而又玩到幾好 feel 的表表者，她的名字就叫《樂心冰室》。 門面並沒有過份地，刻意的標榜其懷舊風，只是用上了當年流行的簡約門面。但美中不足的是，門口沒有麵包部及汽水凍櫃。雖有不足，但餐廳內的卡位，餐廳的紙皮石地板，都造得好到位。 一打開餐牌，發現叉燒蛋飯是店子的其中一個名物。於是，我就來一個豐富的飯餐。叉燒，是很可愛，很腍的梅頭肉，很滑的炒蛋，很甜美的瑞士汁，也就是甜醬油，帶出了叉燒的香味同甜味，帶起了蛋的香滑口感，當然可愛的豉油，可愛的炒蛋蛋漿，配合了又熱又軟的飯，更是超級惹味。 《樂心冰室》的另一招牌，是瑞士汁牛河。不過我可以說，家下間間自稱老字號，自稱懷舊復刻的食肆，都有推出所謂的瑞士汁牛河，也就是干炒牛河。這牛河來得味道濃，也比較甜口。原因好簡單，用甜豉油炒嘛。 奶茶，雖沒有老冰室老手沖出來的那一種味道同感覺，但真心可以說