二師兄 (Closed)

見屋企附近新開左餐廳，裝修環境感覺幾企理，特登入去試吓！叫咗個大阪燒pizza,餅底硬過我條命,而且好乾！西班牙火腿意粉算正常，但喺新浦崗呢區完全唔值$148呢個價錢，好少火腿，而且食物份量偏細。。。。冇乜特別嘢嘅話唔太建議去呢間食！附近有更多性價比更高嘅選擇！另外我哋有特登叫到樽仔咖啡，個咖啡味道算正常，個樽仔都幾靚，不過唔明白佢啲冰粒點解係黐埋幾粒？？飲開咖啡嘅，就知道咁樣唔專業，希望餐廳可以改善下！

我本以為這是一家不錯的餐廳，因為我很餓，想嘗試一些美味的東西，但我非常失望。在一個下雨的下午，我路過時看到這家餐廳，決定第一次嘗試一下，事實是食物的味道很糟糕，客戶服務也很糟糕 好像是過期的味道 。不專業如果你不會做飯，請不要開餐館。隔壁的餐館都比這些垃圾好很遺憾我沒有拍食物的照片，但我沒有吃完，甚至服務員也不關心你為什麼沒有吃完，他們只對收錢和讓你感興趣離開。不用付錢，在這裡吃飯，浪費金錢和時間他們現在可以關閉餐廳了

第一次幫襯小店，都好多款式選擇，點咗個黑松露牛肝菌意粉配溫泉蛋，跟餐+$3 凍奶茶。個人覺得份量剛好，味道一流，意粉口感很好，價錢算親民，值得回味，下次再試其他👍👍👍

本身lunch特登由樂富過黎新蒲崗食burger，但發現原來已經轉咗手，見menu都有burger就走入嚟試下。朋友叫咗個金不換大蝦意粉，睇隔離枱以為普通嘅蕃茄意粉，我試咗啖反而十分驚喜，係泰菜口味嘅意粉，酸甜口味好平衡，少少辣，十分開胃。之後到店員十分推介嘅青醬雞扒漢堡，又係十分驚喜，個青醬同雞扒好夾，雞扒煎得好嫩口，個包本身少少脆身，呢個口味嘅Burger我諗出面好難搵到。另外又試咗個安格斯漢堡，只能說不過不失，如果可以好似上面兩個菜咁啲醬汁做得特別啲會impress多啲。服務態度幾好，係菜上得慢啲（burger要等好耐)，不過呢個價錢係幾抵食。希望下次嚟試到佢暫停供應嘅羊肉漢堡。加油！

星期日同屋企人黎左呢間餐廳食late lunch😀主要係咁岩經過呢道，又見佢有位比我地一行7人，所以簡左呢間（但要分兩張檯坐）我地叫左幾個lunch set share食，份量好夠！直頭有啲太多🤣Burger x 2意粉 x 2丼飯 x 1Pizza x 1薯條 x 1（for小朋友）🐷牛肉burger 個包超大個，配料有沙律菜，芝士，蕃茄，再配粗薯條，小朋友成個食哂😋🐷雞扒burger同牛肉burger既分別就係用左大雞扒，都好食🐷金不換蝦意粉屋企人覺得辣，但我自己就覺得岩岩好，惹味，擺盤都靚仔🤩🐷波菜帶子三文魚籽意粉配料略嫌少得濟，得一粒帶子同少許三文魚籽，但整體意粉醬汁好食，意粉份量好足😋🐷鰻魚蛋丼原條鰻魚咁上，再配炒蛋，味道不錯🐷日式Pizza呢個就麻麻地，餅底少硬，不過$80好大好大份，都算係甘啦🐷黑松露薯條正常發輝，夠份量$40 only🐷最後想講下個花茶，夠茶味，仲可以添水😆同埋都幾靚可以打卡🤩

係呢頭番工 呢個星期中午經過都係滿座 門口要排隊 所以試唔到 今日Friday night見到有位 決定同同事一齊試下！🤓小店來講地方都算企理🍴頭盤可以揀三文魚蟹肉卷/紅蝦配白酒啫喱我叫左後者 幾得意 啫喱有淡淡白酒味 而蝦應該本來係刺身蝦再火炙 這個配搭幾唔錯😋🍴餐湯係南瓜湯 滿滿既南瓜味 用料好足！ 唔係開粉既南瓜湯 ！🍴主菜叫左慢煮豬鞍和威靈頓牛柳豬鞍好juicy，個蘋果醬有微微清新果香至於威靈頓牛上菜個時會有個玻璃杯蓋住 俾人打卡🤣waiter會提我地拎定手機影相一打開煙霧離漫😂 係香既！ 係「煙薰」威靈頓牛我第一次食呢個 我同事話唔係正式既做法 應該係改良過？ 味道唔錯 少少重香料味 🍽️甜品係焦糖西多士配雪糕 一冷一熱夾埋好好食！甜品應該係即叫即整？ 加哂分 😋另一個甜品就無擺盤🙈 同埋等得有d耐 催店員先知原來全部甜品真係即叫即焗 食落去又確係脆到有聲 無白等🤓成餐有個遺憾就係我叫左凍檸茶走甜 但佢比左少甜我🥲 結論係豬鞍甜品都推介 強烈建議要叫set食！ 🤓

是日諗住同朋友行去mikiki搵嘢食，跟住經過附近見到有間新開張但嘅餐廳，見到大廚好有熱誠咁招待，問有冇興趣試菜，跟住抱住一試無妨嘅心態入去試試啦，原來舖頭係之後果日正式開張，我哋點菜都冇乜話睇menu，就叫大廚自由發揮啦，頭盤就即興，主菜就係佢啲拿手菜式，飲品我都唔記得影相，因為一直同大廚喺度傾計，知道佢好有heart，但我又唔係專業人士，所以只係畀咗少少意見，基本上佢個價錢對比佢個品質同成本完全物超所值，大廚就係想將酒店嘅品質帶出嚟畀人享受，所以我哋都好滿意，有機會再去試埋佢哋嘅午餐.

同幾個frd今日去左新浦崗mikiki，順便過對面食街搵食，見到間新野就試下。星期日六點幾到，坐一陣都full哂。餐廳環境正常，乾淨，唔係好大，但都坐得ok舒服。同朋友黎叫左三個dinner，加$60轉set，有頭盤，餐湯同埋甜品，$60包3樣野。湯: 椰菜花薯仔洋蔥湯， 欣賞佢係熱上唔係長warm住個隻。野飲就正常不過不失啦海膽意粉必食，私心推介！！ 烏魚子墨汁意粉就偏咸，重口味既人應該會鍾意，個人就麻麻。吞拿魚risotto個汁幾特別，可以一戰，我諗應該加左黃芥辣？甜品兩款都試左，好食，個老細話全部自家製。所以個人建議加$60轉set，我估甜品單點應該都要$40up？認真CP值夠高，份量都足，希望之後keep到。不過今晚間野得一個待應，同埋好似未上手，上菜有小小慢。同埋見到隔離幾張檯都有點威靈頓牛，擺盤係打卡able個種，下次有機會先試。