二師兄 (Closed)

情人節係附近揀左呢間新餐廳，比佢既5 Course Menu吸引左，呢個價錢有5 Course仲要情人節主菜仲有Wellington Beef真係不得了。1-Course既頭盤1 - 香檳啫喱柑肉紅蝦唔小心比個啫喱驚艷到，第一啖係香檳既甜同柑桔既酸味衝擊味蕾，後勁一陣酒香成件事好開胃🤤🤤紅蝦就簡單調味夠彈牙爽口，呢個頭盤真係Good Start1-Course既頭盤2 - 北海道火灸帶子伴意式仿壽司，呢個壽司既擺盤都幾有趣，入口夾雜住帶子既鮮味，中間冇食錯應該係Creamy既蟹肉？但我鐘意既係佢既紫蘇葉中和番個種漏嘅感覺，舒服🫶🏻2-Course係龍蝦湯，呢個龍蝦湯真係又愛又恨，入口係好香好濃既龍蝦味，但係飲多兩啖真係有點Over…佢個陣唔係太咸而係太濃，個陣好濃既蝦膏味…邊飲就邊覺得如果有入多士or面包就好了…3-Course 主菜1 - 煙燻威靈頓牛柳好有誠意特登拎個牛出黎起玻璃罩打卡😂😂然後拎番入去切割擺盤，最衰係唔記得打卡影相🥹Anyway食到Wellington Beef好滿足，入面係足料既，牛到菇到Ham到酥皮，牛係Soft同埋5成熟左右，各樣配合都好好唯獨菇係特別重味，呢

啲嘢食係鹹到黐咗線 尤其是個龍蝦湯飲完真係要洗腎 最期待嗰個beef wellington都係鹹到黐咗線 同埋有啲熟 食物品質控制方面有待改善 但見隔籬枱嗰個顏色就非常之好 。 不過甜品個焦糖燉蛋幾好食，幾滑 同埋啲擺盤都唔錯 。但係要我俾788蚊食你嗰一啖仔甜品同打卡 整體嚟講就真係唔化算！😮‍💨 同埋上餐時間都比較耐 可能廚房人手不足， 但我八點準時入座，接近九點先食到佢個主菜 仲要係唔好食 認真有小小失望🫠🫠🫠🫠

新年紅日初四好多餐廳都未開門，但喺街尾見到呢間小店開左門就試試佢Lunch Set燒春雞配薯條春雞火候唔錯，唔係乾噌噌個隻，同埋本身隻雞都好夠味，全程冇掂過佢個個黑椒汁，都夠惹味。而薯條佢係粗薯黎，岩我口味😋蜆肉炒意粉同行朋友點咗炒意粉，估佢唔到呢碟送到上黎，個個試完都讚呢碟最好食。送上檯嘅時候已經出哂煙，色水平均，配料足同埋份量都好夠，成餐最出色係佢👍🏻牛肉漢堡配薯條漢堡我就冇食到，但個包好厚身，朋友話OK，但佢都話意粉係最好食🤣小食就點左雞翼，但佢係炸得好勁嘅雞翼黎，呢個新年食得太多炸嘢，所以我個人麻麻哋呢碟😂

之前睇過一些報道，一直想來試這裏的威靈頓牛，今晚終嚟到。煙燻威靈頓牛柳，上菜時很靚，連玻璃樽蓋送上，開蓋後煙霧彌漫很啱拍照。味道就外皮脆，肉就一般，不過以這價位來說已係好抵食，因整這菜幾花功夫。燒春雞釀飯（遺失了張單據，忘了菜名），上菜時點上火燒隻雞，很有儀式感。隻雞一般，重點是釀在內的飯，熱辣辣香噴噴，仲有很多料，很有食糯米雞及食糭咁嘅感覺，強力推薦！甜品選了焦糖布甸，成隻蛋型容器上，味道不錯，打卡一流！上菜速度的確不快，但以每人約$250 食這樣又靚又好味的西餐，絕對值得推薦，會再訪😎😍

推 威靈頓牛柳🤤佢小店得黎 其實佢整到有花心思同有少少擺盤冇諗到 人地推介 依個都算係抵食番 冇諗到佢會整埋玻璃煙燻罩 之後就攞番入去幫你切開一半咁嘅價錢係親民得黎好食👍🏻同埋 點埋佢個兩個醬汁 除咗原味咁食點醬都幾好食另外叫咗個 烏魚子墨魚汁意粉配香煎帶子雖然會成嘴黑咗😂但唔會太咸 唔會太油或重口味 味道啱啱好但可惜 佢係新蒲崗 算大街位 易搵路平日有啲靜場 環境乾淨 細細鋪*威靈頓 暫時都係即叫即整 唔使打電話預訂即場叫 等就可以

食飯時間同fd係街度覓食，比呢度招牌隻豬吸引左目光，見入面裝修幾靚就入左黎。入到黎啲位未坐滿，兩個人霸左人地張四人枱🤣坐好要叫野食嗰陣先醒起openrice下，見到食評有啲中伏feel🤨但唔坐都坐低左，就硬著頭皮食一次啦。但成餐飯又其實唔錯窩🤔前菜一個叫蝦啫喱（？），有隻生蝦同透明啫喱，賣相無咩特別，但食落好過癮，好食😋朋友係三文魚沙律，正常，我覺得蝦啫喱特別好多。但酥皮湯幾驚喜，酥皮好脆，湯份量唔算多，但加買酥皮落去就幾好，食完個肚都仲有位可以繼續食主食🤣叫左兩個main，一個羊一個牛，侍應問我份牛要幾熟，我話唔要流好多血水咁。都真係有聽我講，算佢pass。個牛有一塊邊邊韌左啲比我切走左，其他我覺得都OK。朋友份羊我唔知咩味（唔夠膽食羊😂），淨係知唔騷。甜品一個燉蛋一個多士（？唔記得叫咩名😂），我唔算好好甜，個多士對我黎講甜左啲，但朋友覺得OK。飲品係驚喜既，因為真係無咩出去西餐廳見到$2x既野飲。有拉花，飲落味道都幾好，但如果再熱啲就更好。以為係伏，試左又覺得係幾好既餐廳，下次經過可能會再黎😄

晏晝食飯經過入來食lunch, 叫咗個牛肉芝士漢堡，$65，加杯凍檸茶。差唔多2pm坐低，過咗午市，我等咗10分鐘到個漢堡就到，正常制作時間啦，唔洗時間整咩，另外又見有啲外賣。人哋都係小店。個漢堡算係大個，塊牛肉都幾厚有少少肉汁；青瓜係脆的，另外有生菜，你會食得出係新鮮的；兩塊包都微微脆，夾埋塊cheese 同少少沙律醬。整體來講係有心機整同幾好食的。唯一薯條份量少左啲，但都係脆的。凍檸茶係遲咗少少上，不過小店人手少體諒下，完全不是問題。店舖裝修簡單，但乾淨坐得舒服。店員亦有善。

好耐冇寫食評，但哩間叫二師兄嘅餐廳非常值得推介，我一定會Encore，就久違黎OpenRice讚揚下。煙燻威靈頓牛柳真係必食，賣相有驚喜，有得睇又好Juicy！西班牙火腿海膽意粉重口味，還可以。頭盤有三文魚蟹肉卷、阿根廷紅蝦配白酒啫喱都開胃。酥皮湯熱騰騰，酥皮厚薄適中。甜品係好酥脆嘅芒果拿破崙配自家吉士醬同焦糖法蘭西多士配意大利雪糕，真係即叫即整，好有心機。一餐飯滿足晒所有食慾，Happy !除左食物好，餐廳職員嘅態度都好好，好有禮貌。食物係要等嘅，但等候時間合理。

大伏‼️服務衛生垃圾 食物都好普通本身最近好忙，都唔諗住update哩個account。但係今日食左間餐廳真係太伏，一定要警世‼️‼️見哩間野最近有個幾出名嘅foodie介紹，於是黎試下。電話訂左7點半兩位，7點四去到，個侍應話等一等，無問題，之後大概7點35分有兩張4人枱同一張2人枱出黎，個侍應就比左2枱4人入去。以為有得入啦，點知仲有另外有兩個人都係book左7點半，得返一張2人枱，個侍應企左係度，唔識處理，之後由得我地4個人係出面乾等😅。其實好有可能係比兩個4人入去嘅時候出錯左，唔記得左仲有兩枱2人book左位。之後佢完全冇解釋任何野，走左去，我地係出面等多3個字，7點45分嘅時候佢依然係懶理不理，冇任何交代，於是我走入去問佢宜家姐係點，佢都唔識反應，淨係叫我地等一等，果陣已經勁燥底😠，book7點半，已經遲左未入得，仲要完全冇解釋，淨係識叫你等，好似唔知自己做緊乜咁🙄！大佬，你冇枱嘅做咩比人book枱啊？book枱就係唔想排ah ma 🙄。最後成7:56先入到去😑等左26分鐘，咁我Book枱黎做乜？之後見到有另一d人都係book左枱唔入得，姐係唔係一次半次犯錯，而係餐廳根本冇一個有效

我係求其係ig搵新蒲崗美食見到就過左黎，冇預先book台，黎到係full曬就問staff需要等幾耐，見係小店feel到佢想留客就話有2台已經食緊甜品好快嫁啦，結果一等就係出面企左半個鐘🥲係冇諗過等咁耐，都頗煩躁如果佢可以誠實d講我都應該會下次book定台先黎出菜時間偏慢，而且係我地等緊既過程姨姨已經行出黎話幫我地落定單先，但都係等左20-30分鐘，適合2人世界慢慢傾，但係心急人就會非常煩躁店員態度其實係唔差但唔醒目，店鋪2個員工，舖位都唔大得6 7台，係出面等左半個鐘然後坐低等多15分鐘 個staff仲係咁問我地你地d湯出左未啊 嘢食出左未啊，感覺就唔特別太好既嘢食大致ok 10分有7分，但下次都應該唔會黎

成餐飯食左2個幾鐘，冷氣好大，一道菜要等超耐先上，威靈頓等左兩個鐘都未黎，未食主菜侍應已經問可以上甜品未，上菜順序一塌糊塗，食到最後都未上前菜，因為我地已經唔想再逗留，所以最後唯有打包前菜。另外，威靈頓一半肉紅色，－半肉全熟啡色，完全唔平均。總括，侍應同廚師分工混亂，完全唔知每枱叫左咩餐，多次送錯餐比其他食客，可以睇得出食物完全唔用心整。

07/10/2023 星期六晚上見到餐廳，進入餐廳之前睇食評，發現有兩位同一日加入Openrice的新用戶的劣評將餐廳批評得一無是處，但沒有食物相片和收據，很可能和餐廳實際情況有很大出入，於是好奇心驅使之下入去食晚餐。雖然上菜要一段時間，但侍應服務態度良好，並沒有催促我盡快離開(我食主菜後才Order甜品，因此留在餐廳的時間比預期長)，餐廳衛生未見有問題，食物質素唔錯，唯一可惜的是冷氣使雪糕更快溶掉，當日晚上約九時十五分餐廳接近滿座。餐廳附近還有大約兩至三間西餐廳，這兩個“劣評”只會使我覺得很可能是這些餐廳的“意見”，令我對它們敬而遠之。

金不換大蝦意粉🦐之前已經食過, 今次再嚟encore, 小小辣好過癮👍🏻鍾意食泰菜嘅香港人應該都會喜歡呢個味🤤大癲！！！呢口價嘅lunch set竟然仲剝埋殼, 未免太有心了吧🧡白酒牛油蜆肉秋葵意粉友人一上碟已經畢咗一羹蜆肉比我, 但一路食碟中仍然有好多蜆肉, 性價比太高🤤😅令我有些少擔心佢到底回唔回到本Lunch真心好抵食, 幫襯過幾次, 飯我未食過唔評論, 但幾款意粉都好足料又好味, 牛肉漢堡亦唔錯, 同老闆傾咗幾句, 佢話佢都堅持即叫即炒, 老實講係新蒲崗嚟講少有嘅高質小店, 雖然價錢佢未必最平, 但咁足料嚟講性價比係好高👍🏻👍🏻👍🏻$65連埋餐飲

我第一次來這裡是一場災難，餐廳的衛生狀況充其量都是有問題的，我看到一只蟑螂在地板上亂爬，這讓我吃不完豬排飯🤮餐桌上還有上一桌客人留下的麵包屑🤢而整個餐廳的整潔狀況也令人質疑😔服務同樣糟糕透頂，甚至連補充一下我們的水杯都花了很長時間，而我們的訂單似乎被廚房遺忘了，我們等了像是幾個小時才等到食物送來，當終於上菜時，食物只是微溫而且令人反感，座位的安排非常不舒適，桌子之間的距離如此之近，我感覺自己像是在和陌生人一起用餐，根本無法進行私人對話或享受安靜的用餐這種不適只會加劇整體令人不愉快的體驗😣在所有方面都失敗了衛生，服務和整體品質😤我不會推薦這個地方給任何人👎👎👎

係新蒲崗做左幾年野 都搵唔到間好食既呢間算係最有心 又佛心價🤗希望佢唔會 被隔離啲 大財團 壓死支持有心小店💕💕💕今次加左3蚊要出前一丁下次唔加直接食扒都幾好 呢間變左我既飯堂喇