Godiva Chocolatier (Moved) New Location

夏日炎炎有咩正得過食杯雪榚消下暑。今日行過就同女朋友一人一杯食下。我呢個係黑朱古力特飲，飲落好香朱古力味勁濃同入有有d好碎粒朱古力。而個味好香朱古力味但都唔會好甜，有少少屬於朱古力的苦澀味。小弟覺得雪榚好食好多，因為你會覺得每一口都好似食梗一件件果d朱古力咁，都係唔甜有d苦澀，同雪糕係硬的同唔會好快溶，勁好，總結雪榚好過飲品。

琴日食完韓國野見咁濟就喃住過cwb睇下有咩好食，見ig啲foodie話godiva有買一送一優惠就即刻唔执輸啦啦聲咁急脚去，每日限定400個咋琴晚8點幾近乎9點去到都仲有人係度排隊，原來優惠做到琴日咋好彩手快有dark chocolate 超經典，脆筒上面個層杏仁/榛子脆脆超好食，如果可以係雪糕入面加埋就好啦黑朱古力既分量岩岩好，带點點苦味，唔會太膩新出既玫瑰味係好香玫瑰花味，但係食落就淡淡地，適合冇咁重口味既人$50買一送一，每人share翻開都要$25架，見係godiva咋就算翻兜都只會買dark chocolate玫瑰味對我黎講吸引力唔大

雙重朱古力享受，真是夏天涼透心double chocolate twist 有雙重朱古力黑朱古力和白朱古力兩隻味道，不是太甜但入口充滿朱古力的可可香，雪糕軟滑香濃，外層朱古力碎又脆又重朱古力味，朱古力醬加重成個雪糕的朱古力香，Yummy😋😋

最愛就是吃苦的朱古力這個雙重的朱古力再加上朱古力片令到苦味加強很符合我的口味而且這個雪糕都很硬所以冰涼的程度剛好不會太容易溶而且連脆皮都十分好吃雪糕是十分濃的苦中亦帶一點甜雪榚香濃的奶味連不愛吃朱古力的朋友也喜歡 外型都很實所以溶時都不會滴到周圍都是扭紋 ice cream味道就比較淡但奶味會更重

在Sogo Shopping,行經B2的Godiva見到有新產品"朱古力心太軟雪糕"推出,當然要試下啦!"朱古力心太軟雪糕"有2款口味,紅莓朱古力味和榛果子朱古力味。我選擇了後者,雪糕則選了黑朱古力。首先,看到店員從雪櫃拿出細細的心太軟, 放入杯子再放進微波爐內叮10幾秒, 加入配料和雪糕, 一杯$80的Godiva Duette便完成。拿起微暖的杯子, 準備吃第一口,但要小心, 杯子比較小,雪糕很容易整個跌出。雪糕同平常一樣香滑和朱古力味濃, 但今次的重點不在雪糕, 而是心太軟, 雖然心太軟是暖暖的,但完成沒有流心的效果,感覺只是在吃普通朱古力蛋糕一樣, 有點兒失望, $80好像不太值, 還是雪糕筒好一些。

大家都會趁聖誕佳節聚一聚, 亦會向對方送上小心思, 不論是為對方挑選禮物, 抑或收到禮物都同樣甜在心中, 特別是收到一份合心水的禮物, 因為你會感受到對方對自己如此細心。今年收到其中一份聖誕禮物是朋友所送的Godiva朱古力, 對一向鍾意於這牌子朱古力的我, 當然不吃已甜在心頭, 歡喜若狂。還記得朋友上年也送了一盒Godiva朱古力, 是以星形盒子盛載的Assorted Truffles, 今年當然仍有推出。一盒共八粒, 有牛奶朱古力 和黑朱古力 兩種口味, 每一粒都令人愛不擇手, 軟滑濃郁, 放在口中將它慢慢溶化, 讓香濃的朱古力味充滿整個口中, 簡直是一種享受。今年, 朋友在Godiva多款的聖誕系列中, 為我精心挑選了一盒我更喜歡的朱古力, 不論盒子的設計和朱古力的口味都同樣討我歡心。Holiday Ornament with Chocolate Carre (8pcs)以一個鏡面的聖誕樹盒子盛載, 更添聖誕節的氣氛。聖誕樹盒子上印了凸起的雪花和小星星, 還鑲了不同色彩的閃珠, 當然不少得刻了Godiva的名字, 再以一個透明膠盒裝着, 配上一條金紅色的蝴蝶絲帶, 設計高貴大方,

今日下午我們去咗銅鑼灣SOGO嘅「Godiva Chocolatowe」食軟雪糕！我們買咗雙重巧克力同黑巧克力！雙重巧克力同黑巧克力嘅黑巧克力味道非常香濃，質感極之軟滑，白巧克力嘅味道都幾香甜，一小片黑巧克力薄片好脆，味道超濃郁，脆筒邊圍咗黑巧克力脆脆粒，令到口感相當豐富，真係極之好味！

godiva出左新味軟雪糕同飲品都有一段時間不過次次嚟都食雪糕咁滯今次終於試下新飲品伯爵茶黑朱古力飲品我本人非常咁愛伯爵茶不過好可惜，如果你唔特別同我講呢個係伯爵茶味我諗我真係嗒唔出本身冰凍飲品已經令香味唔突出加上份量唔高，同埋朱古力味太濃我完全覺得自己只係飲緊平時個黑朱古力飲品雖然唔係難飲，但始終失望我相信呢個伯爵茶嘅份量，只係極討厭伯爵茶嘅人先可以飲得出個味...(定係佢真係比錯左杯野我！？？）

帶女女嚟sogo買生日禮物， 緊要落埋底層食個軟雪糕啦我係朱古力控， 嚟親一定要double chocolate, 朱古力味夠濃郁， 又香又軟又滑， 但個脆筒味怪怪地， 同平時食既有啲唔同， 少左陣牛油香味。。。但軟雪糕才是重點!!

每年一到老公生日都十分期待Godiva送出的禮物。收到信後立即走去換!這就是今年的生日禮物, 包裝精美製作認真!除了生日禮物外, 當日購物還有8折。於是選購了一些Truffle。這裡的Truffle 有很多味道選擇多而且吸引。Godiva是朱古力名牌, 味道有保証。最後揀了8粒4款不同味道 $178 平均廿多元一粒。平時真係唔捨得買, 生日有8折才會買一些, 每年都有生日禮物當然要買番小小支持下Godiva。Godiva的軟雪糕有4款味道, 賣相吸引 .買左杯雙重黑白軟雪糕, 對我這些平凡女子$45杯真係唔平, $45可以去茶餐廳食個晚飯。難得食一次真係要好好享受。黑朱古力香濃，白朱古力奶香滑溜，再淋上朱古力漿，加上朱古力名牌, 單看賣相已冇得頂！以為軟雪糕是實心, 咬下去才發現是空心的, 不是整個都唧滿雪糕, 有一點點失望。回家後立即拆開, 裏面有3排不同口味的朱古力(鹽味、黑朱古力及士多啤梨)各100g。第一次食鹽味朱古力, 咸咸地幾特別。黑朱古力味道濃郁, 好香香的可可味。以為士多啤梨味道最普通, 咬下去有些粒粒, 細看一下原來朱古力片內有些士多啤梨乾, 果然係名牌朱古力!

Money can't buy happiness, but money can buy chocalate ice-cream which is kinda the same thing. 錢買不了快樂，但用錢可以買到能帶給你快樂的朱古力雪糕。喜歡朱古力又喜歡雪糕的我，朱古力雪糕真的是我最愛的零食之一。吃過很多間朱古力雪糕，Godiva的朱古力雪糕真的是數一數二的好味道，朱古力味超濃，雪糕夠軟滑。雖然$45一杯雪糕對於作為"慳妹"的我來說還挺貴的，但偶爾還是要哄自己開心，況且有一起吃朱古力雪糕的伙伴實在太好了，一起分享美味分享快樂。

呢排食得較多茶味嘅甜品，心血來潮想食啲其他口味嘅，所以就試下Godiva呢個Chocolate Twist Softserve (HK$45)。好耐之前食過純黑朱古力味，不過個人就鍾意今次嘅mix多啲 。因為雲呢拿白朱古力味帶雲呢拿香氣，而且唔會太甜，溝埋黑朱古力味食中和左少少苦澀味亦令整體無咁膩。同埋都幾鍾意黐係威化筒邊嘅朱古力脆脆，為成個cone增添咗多少少口感。雪糕嘅質感好滑 ，不過大概係因為帶較多奶嘅成份所以溶得有啲快。

周圍都見到godiva雪糕，忍五住黎試翻杯。 爭扎左好耐買咩味不過白朱古力好似特別啲又吾係間間舖有，所以今次買左杯白朱古力軟雪糕，一試真係好好食吖！！以為白朱古力會好甜，點知又五係喎 有奶味加輕輕的甜味由舌尖走到喉龍，可能天氣好熱，食個時真係覺得係沙漠既綠洲哈哈，！威化筒好脆，顏色一睇就知用靚料，威化筒沾上朱古力醬再加上朱古力餅碎，一食好有層次，朱古力味縈繞係口腔久久不散 店員也很有禮貌啲態度很好！總括來說very good不愧係名牌朱古力店。真係好正，大家可以黎試下。特別提一提得指定店舖先有白朱古力咋。記得吾好去錯 下次等我試埋黑朱古力先！

難得一連三日假，梗係要出去為pre-summer血併一番喇……靚衫……靚衫……銅鑼湾sogo有道好，地鐵直到商場唔洗同陽光玩遊戲，仲可以舒舒適適涼冷氣，shopping完樓下supermarket仲可以tea一tea，來一杯冰凍紅莓朱告力red berry dark chocolate入口超朱，100%chocolate, 沒有多餘碎冰，加上超級滑滑忌廉和红莓醬點綴，暑氣全消，當然喝完一杯後，我的體重也增加十倍，但對於朱告力愛好者真係好難抗拒，BB快來一起喝吧

睇完戲，悠悠閒逛下！呢間朱古力店新出一系列夏日甜品！今日終於可以試下！本來在圓方已經想買，點知店員話圓方分店無雪榚機，其他店都有，所以就過番海去崇光食，店在崇光地庫一個櫃位，我哋一人一款，一個店員落單，一個唧雪榚，兩杯就$90，欣賞有個架（好似放手卷嘅架）放雪榚，可以慢慢影晒相先攞起食，又唔會阻到店員（佢唔使等我接就可以唧下一杯）黑巧克力：賣相當然無餐牌咁靚咁挺！雪杯榚又濃又滑，再加上朱古力醬，非常朱古力，脆筒好脆，邊緣仲有朱古力果仁碎增加口感！筒內無偷工減料，唧滿軟雪榚！好正！雙重巧克力：肥髀食，佢喜歡白色多啲，因為黑色帶微苦味！店員有禮！落單同唧雪榚都好爽手！仲比張印花卡我，買十送一（不過只限崇光店）有機會再試杯裝雪榚！