Godiva Chocolatier (Closed)

復活節將至，逛逛青衣城時，看到這朱古力店， 包裝色彩繽紛，款式不庸俗，便打算買一些來應應節 由於天氣炎熱，選了保存期久一點的罐裝的巧克力豆。味道選擇多，有純黑朱古力/白朱古力/薄荷味/咖啡味/焦糖味等等。薄荷巧克力豆，外型時尚高雅，內裏有約30粒朱古力豆，粒粒小巧細緻，醇厚的黑朱古味與清新的薄荷味互相融合，締造出微甜帶澀的高級感~同時，面層的朱古力不易熔化，不會弄髒手指，讚!雖然價錢有點昂貴，但隨時隨地可以品嚐到 美味可口又帶點高級感的黑朱古力，算是值回票價~

Jan 2016🍴Godiva Chocolatier🍴地址：青衣城1樓150號☆雙重朱古力雪糕☆＄50因為有broadway送嘅coupon所以去試下之前淨係試過godiva嘅朱古力比想像中細杯😕唧到中間半空😑唔算好濃朱古力味同溶得都幾快😐😐如果正價應該唔會買🙄如果再試多只會係買一送一嗰陣時試寧願食天仁嘅雪糕筒20蚊 而且大杯過呢個好多總結味道：😋😋🤔😶😶（2.5/5）抵食：😋😶😶😶😶（1/5）

Godiva既軟雪糕出曬名行過見到點可以唔試下呢已經加價加到50蚊一杯講真 貴就貴左d...但值得架今次試左twist..有2隻味..第1啖入口覺得好濃香朱古力味 又超滑我最鍾意食呢隻雙口味 因為Vanilla可以中和返朱古力。。唔會太濃。。口內唔單止有濃濃既朱古力味 仲有超重牛奶味既vanilla而且我又係vanilla既fans...點可以忍到手唔買 點忍到手唔食多幾啖呢

哇哇哇 有得食GODIVA雪糕係街上面一路行一路食 超貴氣黑朱古力雪糕 $50 朱古力粉絲專享味道少少甜 主要可可苦澀 較單調適合食朱古力嘅人黑白朱古力雪糕 $50有黑白朱古力 味道較甜 較清新食下黑朱古力 又食下白朱古力refresh下整體其實有d似M記雪糕雪糕軟滑 牛奶味再濃d可能因為牛奶多 所以快融脆筒有朱古力餅乾邊美化食耐左都keep住脆果然係貴氣雪糕

Godiva 雙重巧克力軟雪糕 ($45)炎炎夏日一定要食雪糕！一開始睇落覺得黑白色好吸引，所以就揀咗呢個味。無可否認，暫時我仲係覺得佢地會響個甜筒邊度加巧克力碎係好貼心，同埋增加咗甜筒嘅脆度。果然係巧克力專門店，連雪糕都濃(rich)過人。可惜嘅係，雖然佢係應該分咗兩種巧克力，但食落又無話好分明。

其實一早就已經被Godiva在各地鐵站的雪糕廣告牌吸引住了，因為軟雪糕只限定在某些店鋪發售，所以今日專程去青衣城一試！看到賣相已忍不住一口咬下，雪糕口感細膩幼滑有層次感，超濃香的朱古力味，令人一試難忘！GODIVA 巧克力軟雪糕 HK$45除此之外，仲有杯裝雪糕系列！有5種味道，今次就試下呢個草莓巧克力碎！金字配粉紅色杯，包裝迷人，幼滑雪糕沾滿了香濃GODIVA心形朱古力和細碎果粒，給味蕾帶來一次特別的體驗！GODIVA 杯裝冰淇淋 HK$45

Godiva呢個牌子我相信鍾意食朱古力既朋友，不會陌生 。一直好想試呢杯巧克力軟雪糕 （黑朱古力味） $45味道方面，先講雪糕質地相當滑溜，朱古力味香而不會太甜因為係黑朱古力，而我幾鍾意食落個質感有些少黏黏的。窩夫格脆雪糕筒好脆身，杯邊仲有些朱古力脆脆，整杯雪糕質素蠻好，值得一試。巧克力凍飲有五款口味，同樣$45 （我都有興趣，下次試埋去，btw, 我都幾大愛朱古力既甜品 ：p)

係青衣城行吓行吓，就突然好想飲嘢啦，所以就去咗godiva去飲杯嘢啦。見到有白朱古力抹茶，睇落去好好飲咁啦，所以就點咗一杯嚟試吓。攞咗杯嘢後就覺得佢好似starbucks嘅green tea latte，但係飲落又有唔同。佢嘅白朱古力味都幾濃吓，同抹茶都好match。整體而言，依杯嘅價錢雖然係貴咗少少，但係佢嘅味道都唔錯，令人難忘，所以下次去青衣城嘅時候都會去飲。

友人知道巧克力是我的至愛…特意推介了這個比利時品牌...也許是小時候愛上了雪糕車伯伯的手藝緣故…我對軟雪糕特別有種情意結…所以這次到來…首先嚐試的還是軟雪糕吧…才一口而已…足以令我撇除所有haggendaz,deryers等盒裝雪糕…濃濃巧克力的魅力實在令人難以抵擋…至於在云云力海當中…友人選擇了它、它、它、它、它……說實在…我是很喜歡甜的…唯獨隨著黑巧克力的興起…令我改變了初衷…Godiva出品的巧克力…濃度有奶味，31%，50%，72%，85%…當然愈深色的包裝是代表濃度愈高…愈重份量巧克力…同時也愈苦味…個人覺得72%是恰到好處的…不甜不苦…正正可以感受到巧克力的原有味道…而外掛水晶扣紅絲帶的金色禮盒…外型高貴典雅…內裡款式齊備…不失為一個送禮的好選擇…

Godiva都公認為城中數一數二出名而高質素嘅朱古力店，真喺好多謝朋友咁重手贈小弟一盒「Assorted Truffles with Gold Star Box」（雜錦松露朱古力星形禮盒），包裝小巧可愛，氹人歡喜嘅好選擇之一 。「雜錦」二字未免有少少誇大，查實只有兩款味道，盒面已註明有牛奶朱古力及黑朱古力 ，數量上盒背有寫共10粒，不過，打開包裝，又竟然唔喺一樣一半，小弟依盒就只有4粒黑朱古力（綠紙），而牛奶朱古力（紅紙）則有6粒。雖然話喺「松露朱古力」，但撕開包裝紙單睇表面，個人已覺得唔可以稱之為松露朱古力，朱古力表面光滑爧身，跟平時所食到嘅形狀不規則、又有層粉粉哋面嘅松露朱古力絕對喺兩回事 。切開朱古力粒，內裡填滿嘅朱古力漿，濃郁香甜，滑不溜口，而黑朱古力及牛奶朱古力分別只在於外層，前者可可味濃郁，細嚐有點微甘；後者朱古力口感幼滑，稍甜而未過火。雖然啲朱古力跟名稱有頗明顯嘅出入，不過，Godiva嘅出品始終都喺有質素嘅，所以，用嚟送禮都喺顯得較大體啲 。

很充實的一天，影紅葉+ tea time綠茶雪糕 + dinner 壽司，然而心情有點還未滿足，又想來一杯雪糕作完結。本打算再食綠茶雪糕，找開飯一查，原來還有Godiva, 我一直想試朱古力雪糕，終於可實現！這間Godiva 有座位提供飲食，幾寫意。不過剛到約9時差不多收鋪，只好買杯雪糕站著享用。Chocolate soft serve朱古力軟雪糕 $45店員十分有小心翼翼地去擠雪糕、放裝飾等，務求跟display一模一樣，我這個比display大小小，哈。雪糕一般的軟滑，朱古力味算香濃，但對我來說可以再苦一點，雪糕筒圍邊的朱古力脆脆口感十足，整體層次感不俗。可惜沒有我預期中的朱古力的美味，連我喜歡吃朱古力的朋友也較喜歡綠茶雪糕多點，而且$45不化算，試一次就好了。一天吃2杯雪糕，有點罪惡感。

最近好多朋友都愛上吃godiva 的軟雪糕，同飲品，話朱古力味夠濃，同滑 ，我當然唔會執輸，每次行過，都會食一支回味，再回味下 ，呢間店，就算冇食過，都知出名朱古力，可說是朱古力界中的lv，每一粒差唔要10多元以上，今次介紹是他們的軟雪糕，一支45大元，比平時食開果d王室雪糕還貴一倍，但食落口，老實說，係有分別，先說口感，好綿，好滑，而且滑到有點令身，入口有濃郁的朱古力香 ，雪糕上朱古力片也好濃郁香味，甜筒皮邊也有一層朱古力碎，整體味道一流，試過一定會回味 起正青衣城中心，好易看得見

Godiva truffle chocolate, 有六款口味，味道不甜也不苦。一入口，外層慢慢溶化，裡面的朱古力便會流出。口感幼滑，果然一分錢一分貨～對於不喜歡吃太甜的你，這款朱古力應該適合你。

晚飯後，朋友們突然好想食雪糕，卒之去了這間雪糕店(朱古力店)。雪糕款式唔多，只得三、四款。這連鎖店的朱古力我之前試過，但雪糕呢，還是第一趟。朋友們點了焦糖味、純朱古力味及白朱古力味。雖然我在減磅中，但始終都抵受不住誘惑，點了個焦糖味雪糕的味道很濃、很香，口感很幼滑。很滿足。

經過見到有新口味, 抹茶白朱古力凍飲, 就坐低試下啦.買完去搵位坐, 杯飲品好快送到. 服務好好, 而且座位夠大, 又唔迫, 坐得好舒服. - 抹茶白朱古力 ($45) : 抹茶味唔算好特出, 白朱古力打到好碎, 幾特別, 慢慢係口內溶化. 難得2個味道做到好平衡, 飲到抹茶味同白朱古力味. 整杯飲完都唔怕甜膩, 反而好清新. (店員細心問要唔要CREAM, 如果唔要, 就更有抹茶味同較清新, 如果要CREAM, 就奶味重D, creamy d.)夏天好岩飲呢杯清新飲品.