幸福茶餐廳

Open Now

Now Closed

來過幾次了, 是日的歐陸早餐有 : 多士、煎蛋配焗豆、吉列魚柳、腸仔和 咖啡 ; 感覺也值得和滿足。咖啡味道一般 , 是吉列魚柳幾好吃的 , 吃過一些四四方方一塊的或是魚手指 , 質地實實而無味 , 又例如大O樂的魚柳 , 很行貨 , 感覺没有heart 的 ,公式化的叫早晨 , 公式化的笑容 , 公式化的菜單 , 連食物有時都覺得冷冰冰没有生命的 ;但此店附近是街市 , 人來人往十分熱鬧有朝氣 , 所以是很街坊的環境 , 很地道的感覺 , 很港式的滋味 ,魚柳濕潤 juicy , 口感好有魚味 , 是香港地的味道。

金池徑食店向來同價，唯獨呢間最多人，加下加下已經貴過人兩蚊……下午茶其實比較多選擇，我個人最鍾意呢度既漢堡包。麵包係自家制，底面都有芝麻，漢堡扒睇得出係自己打出嚟，非一般質素。沙律份量都係偏少，我相信薯條份量都會差唔多，但係會等得耐少少。呢個餐配餐茶$23，其實比多$1已經有常餐有麵有奄列加飲品，所以都算係頗貴……

又在這區找早點吃，是日有點時間，就在此處走了個圈，發覺這條牛池灣村小小的，但都有五至六間茶記，另也有不少沒空調的古式茶樓，一盎兩件，十多元可以埋單，夏日炎炎，仍舊有不少晨運茶客幫襯，真厲害，而我都是躲回有空調的茶記好了，是日就選了這一間。又是一貫老派的風格，此區數間茶記都是這個格局，而此店就有即焗麵包賣，但見其實也有不少的麵包已經放涼了，大概大部份的茶記也是這模樣了，始終新鮮出爐的麵包，是可遇而不可求。此處的早餐選擇勁多，光是數大類的都有十款，然後之內更有不少選擇，今天不想吃太飽，沒有點有粉麵的早餐，就點了一個最便宜的營養早餐，因為見有我也喜歡吃的菠蘿油，之段加個火腿煎蛋及熱飲。新鮮出爐的麵包果然是可遇而不可求，是日我吃的菠蘿油是翻叮之作，包身是夠腍夠鬆軟，而且也很夠熱，但層油皮就完全不脆，如軟皮蛇的，入口雖然都是香甜，但已經是大打折扣，加上內部的鮮牛油太細塊，沒有入口預期之中的牛油豐腴香味，又是另一令人不滿意的地方。煎蛋火腿又如何？煎蛋都是我一直要求的反蛋，的樣子看起帶點焦但嫩滑，蛋白入口果然滿有蛋白香，而且也很是嫩滑，加上蛋黃以反蛋來計，煎得都挺生，有不少的蛋黃汁溢出，一啖蛋黃汁在

今日見到一對母子食去午餐,睇住佢哋坐低叫嘢食,之後個媽咪叫個仔坐响到食住先,媽咪出去買啲嘢,後來個仔就比個女職員話, "有人等緊位呀,你食完就出去等啦,出面有位呀,食飽仲唔走响到霸住晒個位", 當個女職員講到最尾嗰句,個媽咪就返到嚟,前後都無5分鐘,仲有...個細路好細個,真係幾十歲蝦個幾歲,都唔係人嚟架,如果個女職員有仔女比人咁話,唔知佢會點反應呢.唉!!!!!!

初初以為很難找, 原來只是在街市地下穿過便到達一條很旺的金池徑, 短短的距離已聚集很多人, 遠遠已被此鋪的麵包吸引了!大熱天時當然是入內嘆冷氣...., 早餐選擇也頗多, 但照舊是茄蛋治 + 奶茶, $18! 奶茶先到....杯子不同, 比平時的份量多少少, 茶味跟平時的有點不同, 飲落就唔係我所愛, 茶味有少少搶味, , 方包很薄, 軟熟一般, 自製麵包卻乏準, 有點失望...., 蕃茄不夠 juicy, 蛋熟了點亦薄了點, 同區者還是金燕領先!下次再試同一條街之食肆!

人生总有这样那样的小插曲有时结果很严重错过璀璨的钻石山是不是很严重？好在泪干之前天晴之后我看到彩虹……——————果壳苏三饕餮走四方 餐厅名称 香港幸福茶餐厅 餐厅地址 彩虹牛池灣金池徑 26 號地下 交通 彩虹站牛池湾街市附近 餐厅电话 2726-3826 营业时间 星期一至日: 06:00-19:00 就餐时间 2009 年 4 月 2 日 9 时第几次用餐 第 1 次 可否刷卡、八达通 现金 如何知道该餐厅 早上坐地铁看报纸，忘记在钻石山下车了，记得彩虹也有一站可以坐巴士91M。找到巴士站之后，离巴士到达还有半个小时，就在牛池湾街市离逛，看到这家卖蛋挞和其他点心。 用餐目的 早餐 菜名价格蛋挞3元纸包蛋糕3.5元（10元三个） 评价 蛋挞是酥皮的，个头很大，皮很薄——这个比较特别，一般的酥皮蛋挞皮都挺厚的，味道清香不甜腻，最赞的是它不冷不热的温度，将蛋挞的美味烘托到极致了。纸包蛋糕真便宜，挺划算的。 环境如何 买蛋糕的在餐厅外面，里面还挺宽敞，看着挺干净的。有不少人在吃早餐，上座率70%。蛋糕上没有标价。 卫生间如何 不知道有没有卫生间 服务如何 阿姨的态度很好，我问一个多少钱，

話說某日放lunch同同學一齊去呢間野食平日學生$17午餐,呢區碟頭飯黎講唔算貴不過味道就差左d,我同部份同學叫左個咖哩豬仔脾飯,其他就火腿雙蛋飯..發覺d咖哩食落無咩味,豬仔脾都係味道一般火腿雙蛋飯...大同小異正係位夠多,野飲夠多其他真係唔多店

到西貢沙灘玩樂後回到九龍下午茶。因我很肚餓，叫了一客咖哩吉列豬扒飯配凍檸茶。醒目，唔駛叫都識豬扒同咖哩汁分開上，吉列豬扒有兩大塊，大到蓋住晒成碟飯。熱辣辣，擺明係剛炸起，鬆脆，唔油。好味！咖哩汁有薯仔，小小辣，仲有炒蒜粒響面，都ok。p.s D飯其實唔算太多（或者我太餓），可能重點放左響豬扒度，但相信可以點時叫「多飯」=]

和Oli & T 行山前吃個早餐.此店位於牛池灣街市一角, 要認真找也不易.早餐有好幾款式可配搭, 要了個B 餐, 吞拿魚厚多, 蛋, 火腿, 茄汁豆, 還有熱飲.初時以為改了奶醬厚多會冇左吞拿魚, 點知原來係照出, 一大舊放左o係碟.奶醬厚多勁多醬, 烘得不太過火, 幾好吃的, 不過我較喜歡少醬一點的.火腿不用說, ok 的; 蛋雖是細細隻, 但煎得不錯, 不太油, 沒有爆, 用叉剌穿是有蛋漿流出來, 不像大磨菇吃那個不知所謂的爆蛋了.茄汁就一般, 不冷不熱的.杯奶茶就幾大杯下, 也是不錯的.張單就最抵, $20, 我都吃不掉那舊巨型吞拿魚, 剩了大半在碟, 真是未試過.好彩食個勁量早餐, 捱到四點先有野食補充體力.

o係附近做野,間唔中都會叫外賣,上次o係度叫左個雞扒做早餐,點知一切開,塊雞扒係生既,唔係唔熟,直情係生既,只係個面係咁依煎左兩下,O晒咀呀~~個同事好嬲咁拎住盒雞扒衝左過去嘈,換返嚟既都係果塊,不過叮熟左,不過我都唔敢食喇~~~呢幾個月都冇叫過呢間,早兩日又諗住試下第二樣,今次就叫左家鄉粉仔配蘿蔔糕,落order果陣o的人已經超冇禮貌,我都未講完就收線,一送到嚟打開,家鄉粉仔原來唔係銀針粉,係河粉,算!!!當我無知,以為粉仔係銀針粉,一食,好難食,唔識形容呀!!!食左兩啖就唔食喇,咁食左件蘿蔔糕算啦~~嘩,一食入口嘔都嘔唔切,硬到不得了,仲要得生粉味,好似又係未熟咁既生粉味,嬲死我喇,隨手丟晒落垃圾桶,即刻打電話去第二間必發叫早餐,雖然必發都唔你好好食,但起碼食得人先,同埋有禮貌過佢!!!我保証,我就算餓死都唔會再食呢間幸福!!!!(一百個喊都唔夠,仲要負分呀!!!)

聽說牛池灣有間出名蛋撻. 沒有記下名字, 誤打誤撞來到幸福茶餐廳買蛋撻.見到外面有不少蛋撻盤, 應該好好賣, 冇搵錯. 蛋撻用牛油皮, 但咬落有"un"度, 唔會成塊餅跌出. 第一次入黎牛池灣, 原本另有天地. 下次會試埋其他村內餅店, 茶餐廳既蛋撻

全女班的一間餐廳d蛋tak唔錯，仲有佢d效率都幾高叫左個蛋牛子，都算份量充。

行山前o黎食個早午餐。我同老豆都係食咸牛肉三文治餐，麵包軟熟，只係料的咸牛肉好少。我再叫個菠蘿包，好唔掂，似隔夜的，皮諗、包身又硬，浪費我今個星期的quota。媽媽同老公都係叫快餐，佢o地異口同聲話估唔到味道都唔差。最值得一讚係奶茶，味道香濃，沒有苦澀味，是傳統的港式奶茶。p.s.見到隔離食豬扒飯，兩大塊豬扒又大又厚，好吸引，下次有機會再o黎試下。

唉....自己衰喜歡周圍試買新麵包. 昨日工作在附近經過見有包買, 一心買d回家. 行到去見佢地d包好似ok啦, 又見有做茶餐廳應該唔會太差. 買左個菠蘿包同餐肉包回家. 點知回家咬一口就要吐出來, 真係好唔得. 菠蘿包有怪味, 個餐肉仲唔掂. 浪費食物同金錢.p.s 佢地d包唔係特別平架.

我同屋企人成日都會喺度食早餐呢度d早餐比起其他真係好食好多~選擇多又抵食食咗前煎蛋加奶醬多仲有凍啡^^食咗咁多次都覺得好得^^