金曼谷泰國餐廳

Open Now

Now Closed

由細食到大的泰菜今次來食午餐午市套餐，有跟飲品亦可加錢，追加串燒，小食至愛菠蘿🍍炒飯超多肉鬆，正！清湯肥牛米粉清清地，不錯！海南雞冬蔭公雞有七件左右肉質滑滑的。 串燒沙嗲肉比較乾身，沙嗲醬惹味！雞軟骨乾身，細粒。紅豆冰杯型影响，份量好細薏米水清清的，可以袪濕。泰式奶茶☕️泰茶就係一種吸引力好香好味😋整體正面，舖面較細，有戶外座位。港式小店，值得支持！⭕️進店前量度體溫 ⭕️提供酒精搓手液 ⭕️座位間有間版相隔

⭕️員工全部有戴口罩⭕️室外環境較濶落注意事項：室內坐滿人時，比較擠逼！建議盡早食晚飯，平日晚上七時至八時用餐離開時室內已坐滿客人。串燒4串可選雞，牛，豬香口，啖啖肉來到經常點的菜式釀雞翼初試，食落麻麻地餡料不相配餡料有紅蘿蔔，菜餔，芋頭等可以不試！Pad Thai泰式炒金邊粉味道不過不失！份量算大！附送的飯後甜品椰汁大菜糕好食😋住附近，幫襯了二十年的泰店老店水準ok, 食物多選擇價錢中位，不收加一

金曼谷已經係大圍嘅老店，營業超過10年.經常性出街開餐首選餐廳！餐廳員工係泰國人，所以味道都好地道！之前試過冬陰功，味道唔會太酸但夠辣!對於食開小辣人可能有啲啲辣，但真係好好味!食得辣嘅人記得食.每次食都必食（鐵板海鮮$95）材料豐富：蝦、蜆、青口、斑肉、魷魚、青紅椒、洋蔥、菇.用泰式辣椒膏炒！非常惹味，只係微辣！對於食唔到辣嘅朋友都好鍾意❤️特別斑肉索汁超級夠味！炸蝦餅（$65）有4件外脆內軟，入面蝦肉真材實料！配上泰式辣醬！一流！南瓜海鮮焗飯($90)原個南瓜上碟，飯底有用蛋炒過再去焗！飯面再加南瓜蓉整咗個醬汁！餐廳門口有一排坐位方便食煙朋友.餐廳免收一服務費！

雖然我剛剛係泰國返黎，但我都覺得唔係幾夠喉呀，好想繼續食泰國野，於是睇吓附近有冇泰國野食啦， 居然比我真係search到有一間喎，就係金曼谷泰國餐廳啦。我去到唔算太多人，唔洗等位，好快就有位啦。我去睇吓個餐牌，有自選湯粉，於是就諗住叫左個扎肉喇沙米線，黎到試吓個湯底先，個喇沙湯底真係幾好喎，好正，D扎肉就好入味，very good呀。我另外個friend叫左個泰式豬頸肉炒河，佢話辣辣地幾好味。D豬頸肉好正。

週末好多人，星期一至四就坐唔滿，唔洗排隊。爆場嗰陣有少串，唔憂做咁。今日無客語氣好啲。生蝦好爽，兩個人食每人四隻先啱啱好。生菜包唔會太辣，生菜新鮮，不過肉碎炒得有啲啲咸。酸辣湯味道剛好，又酸又辣唔會偏一邊，裡面多餸，隻蝦都好爽，食過兩三次，食材同水準都穩定。第一次試咖哩海鮮。黃咖哩甜甜地，淋少少椰汁配蟹食，香啲令色水好睇啲。可能我地兩個人食，隻蟹食落都幾大隻算有肉。另外仲叫多左碟蒜容包，一碟四塊。記得之前叫過炒蜆就唔抵。當晚坐出面好多蚊。

揸車經過大圍，上網搵下有邊間餐廳好食，無意中發現呢間泰國菜都多人話好食，所以就黎試一試。環境方面，餐廳size都夠大，容納到多台客人，而且都算坐得舒服，大熱天時，室內冷氣夠真係好重要。食物方面，二個人叫左碟生蝦，生菜肉碎包,炒飯同炒通菜。炒飯就普普通通，但值得一提既係佢碟生蝦好新鮮，蝦肉唔會梅，同埋食落去好爽，配埋個酸辣醬食就好好味啦！另外碟通菜都炒得唔錯，夠咸夠味，之前食過有d真係炒到碟菜好啖口...價錢方面，泰國菜都唔係貴，夠抵死!

雲叠金曼谷泰菜由細食到大的泰菜, 十年又十年, 仍然可以食到. 太好了! 星期六來到, 午餐好抵食, 又大大碟, 可以追加小食. 兩個人想食多些款式, 只點了一個午餐, 加了好多餸. 飲品. 好滿足!午餐菠蘿炒飯用新鮮菠蘿炒成雞肉大大件午餐另加串燒, 每串$10每串大大串兩豬, 兩雞. 沙嗲汁好足夠!午餐另加串燒蜜糖雞翼, 每串$12乾了少許. 味道ok泰式生蝦刺身厚肉. 不過不失. 跟餐的薏米水清清地, 我鐘意好似我地咁想假期來食午餐, 就要留意. 因為餐廳下午三點會落場兩點前入座會食得比較趕.

辛苦完一天，真係要對自己好一點，食餐好嘅嚟滿足一下自己同家人😌最近好喜歡去大圍區找食，可能覺得小店式經營有別於大集團嘅連鎖式管理，多一點點人情味，環境雖然比較狹小，但人山人海絕對食得安心放心😌.🍽串燒烤肉🍡🍢。燒牛肉🐮、燒雞肉🐔串燒，味道濃郁，烤得恰當不會太老🤡.🍽泰式小食拼盤。包括有豬肉🐽串燒、春卷、雞翼、魚餅；是傳統的基本款式，沒花巧、是踏實的味道🤡.🍽生菜包🥬。肉碎炒得乾身、帶酸辣味，實在是比較出色🤡.🍽泰式豬肉炒河🐽。鑊仔上夠大碟，足料又多配菜🥬.🍽泰式炒雜菜🥬🥦🌽🥕🍄。反而比較細碟，但係菜種類又夠多，唔夠喉😌.🍽蒜蓉包🍞。唔知點解就算無咖哩都會叫嚟食，心癮🤡

冇乜位出面就好多空位但因為天氣太熱太侷所以都係想坐番入面有冷氣等左一陣佢就有枱客埋單執枱咁入左去坐低左，order左幾樣野試下。泰式炒金邊粉，炒得乾身不帶多餘油份鑊氣夠，配料中芽菜特別多我喜歡，雞脾肉仍有雪味略為失色，不過整體味道算可以。柚子沙律，係用左好多手剝柚子肉，柚子肉飽滿多汁，酸酸甜甜，加埋炒得香脆嘅腰果、洋蔥、蔥頭等等，泰式風味出曬黎，口感味道都好特別！椰青，青水好清甜仲要成個椰青雪得夠凍好爽！椰青肉都唔會老，份量又多，比我刮到乾乾淨淨食曬！下次繼續。

住左大圍咁耐 每次經過都見呢間泰國菜入面好多好多人幫襯諗住應該都有番咁上下水平啦就去試下啦去到嗰陣around 9點左右啦入面就full full 地 冇乜位出面就好多空位但因為天氣太熱太侷所以都係想坐番入面有冷氣等左一陣佢就有枱客埋單執枱咁入左去坐低左 叫order 左幾樣野試下1. 海南雞🐔以泰國餐廳黎講 味道就真係一般般啦雞味又冇乜雞味咁雞肉又"鞋鞋"地總結都唔係太滿意呢味餸唔推介2. 串燒雞腎呢個都還ok 既燒得就不過不失啦味道都算足既同埋雞腎夠大舊 呢樣都要讚下既3. 辣肉炒河叫左個牛肉既但冇影到相辣味我覺得ok 但個fd 就覺得太辣所以唔係幾食到辣既人唔建議點4. 魷魚飯真係等左好耐好耐先黎既一味餸食哂雞腎同海南雞之後都等左幾十分鐘先黎個魷魚飯咁夠穫氣既魷魚夠大舊 肉質唔錯飯又炒得好好食 夠熱夠味只係等得耐如果真係想食既建議你一坐低就要order.位置其實坐得唔太舒服又逼跟住人手黎講要叫幾次先有阿姐應到你

試過甘多間泰國野食，最終都是覺得大圍呢間店既（咖哩炒蟹）最好味，汁味甜而不太辣，適合一些食唔到辣既人，而食到辣既人又岩口味，用咖哩炒蟹既汁去撈白飯簡直冇得比，好好味又好好食！一家人食好開心，所以節日都要訂呢間，夜晚門外經常排滿人，值得推薦大家去食。其中有幾道菜都比較好味既有（炒雜菜）都值得一提，小朋友都岩食，燒羊仔架食落唔會有蘇味，同外面餐廳比較，外面餐廳既都比較喊，而呢到既羊燒得不錯唔會燒太黑，媽媽最喜歡食，

每次落大圍在小巴上總會途經這家燈光火著的金曼谷泰國餐廳，每次我都心想一定要來品嚐一下，可惜一直以來都無緣，今日到大圍工作竟有緣來到此，終可如願以償還我心願！今日天氣最適宜坐外面，吹吹風吃個午餐。🥢午市 L 餐 $42泰式炒金邊粉另加 $4 飲薏米水泰式炒金邊粉，炒得乾身不帶多餘油份鑊氣夠，配料中芽菜特別多我喜歡😘，雞脾肉仍有雪味略為失色，不過整體味道算可以。薏米水，味道較甜可能我本身不太酷甜，整體算清甜可口消暑又美顏。多款午餐套餐選擇，仲可以特價選燒烤食物添😋！

今晚成家人去左食呢間泰國菜，因為早去（大約6:15）所以唔使等就有位，係要係室內，去到個陣已經見到出面同入面都幾乎滿晒，但見到有2張係留左座，所以如果大家好多人去食，但又唔想等位，不妨打電話預約！成張餐牌成本書咁厚，好多野都好想試，可惜胃既容量有限，所以我地3個人只係叫左4樣野，泰式海鮮炒飯（$72），炸蝦餅併香辣魚餅（$68），泰式豬脾煲（$98），黃咖喱雞（$72）！到左賣單既時侯，仲會免費送每人一件椰汁芒果大菜糕，份量唔大，一口可以食完，所以唔怕食到太飽試唔到個甜品！

一早打左電話去book定位,因為同屋企人慶祝生日😀去到都係等左大概10分鐘倒就入得，由於地方較就腳 所以選擇哩間，買左個迷你蛋糕，黎到餐廳要求雪個迷你蛋糕 ，點知佢話無得雪 唯有即刻落單等野食黎期間時就切左個蛋糕先 點知佢話要收切餅費🙄費時令屋企人掃興就算啦 ！從未試過去一間餐廳係無得雪蛋糕 但又要收切餅費！第一次食 抱著的心態也很期待 食後味道一般 服務又差，仲要同屋企人慶祝生日要未食飯就切蛋糕都係頭一次😣

大圍嘅泰國菜餐廳唔多，呢間係田心村嘅泰國菜可以話係我幫襯左咁多年都覺得水準穩定嘅一間。佢未好味到令你驚嘆，但係佢真係幾好味幾正宗，事關廚師同staff 都係泰國人，而且價錢合理，有室內外位揀，這些年都幫襯唔少次。最鍾意佢地嘅燒豬頸肉、熱辣辣椰汁芒果糯米飯同埋椰青～不過今次太飽冇點芒果糯米飯，但絕對值得一試～炭燒豬頸肉豬頸肉大大塊，有炭燒香味，肉汁滿滿，好嫩好juicy！點埋隔離嘅泰式辣汁好惹味～柚子沙律真係用左好多手剝柚子肉，柚子肉飽滿多汁，酸酸甜甜，加埋炒得香脆嘅腰果、洋蔥、蔥頭等等，泰式風味出曬黎，口感味道都好特別！泰式生蝦一碟生蝦有8隻，都幾新鮮，有生蝦甜味。仲配生苦瓜、生蒜、辣椒同泰式酸辣汁～ 而且會將蝦頭炸比你食埋，一d 都唔浪費～生苦瓜唔會澀，苦味都比較淡，食落清爽～有人食生蝦會夾生蒜，但我一般都係點汁加苦瓜，辣辣地，突顯生蝦甜味～馬拉盞通菜通菜炒得好夠鍋氣，幾嫩，調味適中～椰青椰青水好清甜～仲要成個椰青雪得夠凍～好爽！椰青肉都唔會老，份量又多，比我刮到乾乾淨淨食曬！