Video
Read full review
2018-12-05
833 views
大圍嘅泰國菜餐廳唔多，呢間係田心村嘅泰國菜可以話係我幫襯左咁多年都覺得水準穩定嘅一間。佢未好味到令你驚嘆，但係佢真係幾好味幾正宗，事關廚師同staff 都係泰國人，而且價錢合理，有室內外位揀，這些年都幫襯唔少次。最鍾意佢地嘅燒豬頸肉、熱辣辣椰汁芒果糯米飯同埋椰青～不過今次太飽冇點芒果糯米飯，但絕對值得一試～炭燒豬頸肉豬頸肉大大塊，有炭燒香味，肉汁滿滿，好嫩好juicy！點埋隔離嘅泰式辣汁好惹味～柚子沙律真係用左好多手剝柚子肉，柚子肉飽滿多汁，酸酸甜甜，加埋炒得香脆嘅腰果、洋蔥、蔥頭等等，泰式風味出曬黎，口感味道都好特別！泰式生蝦一碟生蝦有8隻，都幾新鮮，有生蝦甜味。仲配生苦瓜、生蒜、辣椒同泰式酸辣汁～ 而且會將蝦頭炸比你食埋，一d 都唔浪費～生苦瓜唔會澀，苦味都比較淡，食落清爽～有人食生蝦會夾生蒜，但我一般都係點汁加苦瓜，辣辣地，突顯生蝦甜味～馬拉盞通菜通菜炒得好夠鍋氣，幾嫩，調味適中～椰青椰青水好清甜～仲要成個椰青雪得夠凍～好爽！椰青肉都唔會老，份量又多，比我刮到乾乾淨淨食曬！
最鍾意佢地嘅燒豬頸肉、熱辣辣椰汁芒果糯米飯同埋椰青～
不過今次太飽冇點芒果糯米飯，但絕對值得一試～
炭燒豬頸肉
豬頸肉大大塊，有炭燒香味，肉汁滿滿，好嫩好juicy！點埋隔離嘅泰式辣汁好惹味～
柚子沙律
真係用左好多手剝柚子肉，柚子肉飽滿多汁，酸酸甜甜，加埋炒得香脆嘅腰果、洋蔥、蔥頭等等，泰式風味出曬黎，口感味道都好特別！
泰式生蝦
一碟生蝦有8隻，都幾新鮮，有生蝦甜味。仲配生苦瓜、生蒜、辣椒同泰式酸辣汁～ 而且會將蝦頭炸比你食埋，一d 都唔浪費～
生苦瓜唔會澀，苦味都比較淡，食落清爽～有人食生蝦會夾生蒜，但我一般都係點汁加苦瓜，辣辣地，突顯生蝦甜味～
馬拉盞通菜
通菜炒得好夠鍋氣，幾嫩，調味適中～
椰青
椰青水好清甜～仲要成個椰青雪得夠凍～好爽！椰青肉都唔會老，份量又多，比我刮到乾乾淨淨食曬！
Post
