Video
Read full review
2023-04-19
81 views
中菜就成日都食，但係米芝蓮推介嘅中菜就真係第一次食。今次介紹嘅中菜館係2022年入選米芝蓮推介餐廳，而大廚更加有超過30年高級粵菜嘅經驗，對食材同埋火候都有一番嘅見解, 即刻試下有咩特別先。前菜會送上焦糖黑豚叉燒、蔥油海蜇花、煙燻素鵝。黑豚叉燒選用肥瘦適中嘅部位，口感軟腍外皮又有焦香。而海蜇入味又爽口，而素鵝充滿煙燻嘅香味。食完前菜就係時候飲番個靚湯，是日靚湯推介係龍王杏汁燉白肺。第一啖嘅味道係杏汁，口感順滑又帶杏香。而白肺口感彈牙又軟身，又有天然嘅咸味，好滋潤。到左主菜部分，總共有6道主菜。薑蔥千層竹波士頓龍蝦波士頓龍蝦肉質爽口又彈牙，又帶天然嘅鮮甜味。配合薑蔥炒香，非常鮮味。火焰鹽焗雞師傅用餐車推左鹽焗雞，然後會倒上高酒精濃度嘅茅台，再用火槍點火，成就左充滿走香味嘅火焰鹽山。師傅好有趣咁問有冇人想敲碎座鹽山，見師傅咁有力嘅臂彎都要敲幾次先碎。用鹽焗過嘅雞受熱好平均，所以肉質特別順滑又有酒味。香蔥雞油蒸馬友師傅對火候控制得好好，馬友嘅熟度真係啱啱好，肉質鮮嫩又唔多骨，加上雞油簡直係神來之筆，加添香氣。意大利黑醋松板肉松板肉用左意大利黑醋醃製過之後，酸性會令到肉質更加嫩滑，又唔覺得油膩
前菜會送上焦糖黑豚叉燒、蔥油海蜇花、煙燻素鵝。黑豚叉燒選用肥瘦適中嘅部位，口感軟腍外皮又有焦香。而海蜇入味又爽口，而素鵝充滿煙燻嘅香味。
食完前菜就係時候飲番個靚湯，是日靚湯推介係龍王杏汁燉白肺。第一啖嘅味道係杏汁，口感順滑又帶杏香。而白肺口感彈牙又軟身，又有天然嘅咸味，好滋潤。
到左主菜部分，總共有6道主菜。
薑蔥千層竹波士頓龍蝦
波士頓龍蝦肉質爽口又彈牙，又帶天然嘅鮮甜味。配合薑蔥炒香，非常鮮味。
火焰鹽焗雞
師傅用餐車推左鹽焗雞，然後會倒上高酒精濃度嘅茅台，再用火槍點火，成就左充滿走香味嘅火焰鹽山。師傅好有趣咁問有冇人想敲碎座鹽山，見師傅咁有力嘅臂彎都要敲幾次先碎。用鹽焗過嘅雞受熱好平均，所以肉質特別順滑又有酒味。
香蔥雞油蒸馬友
師傅對火候控制得好好，馬友嘅熟度真係啱啱好，肉質鮮嫩又唔多骨，加上雞油簡直係神來之筆，加添香氣。
意大利黑醋松板肉
松板肉用左意大利黑醋醃製過之後，酸性會令到肉質更加嫩滑，又唔覺得油膩。
蝦乾梅菜蒸勝瓜
首先顏色上面已經好吸引，蝦乾、梅菜都會帶到少許咸味，而最後加上醬油，勝瓜口感爽口又入味。
堂弄砂鍋鮑魚焗飯
師傅即蓆用砂鍋炒香飯底，表演感十足。待炒香後就放入鮑魚粒，飯粒粒粒分明，又有醬汁香，而鮑魚亦都有嚼勁。
最後就到咗甜品嘅環節，桂花雪燕3.6牛乳奶凍配芝麻卷，3.6牛乳和雪燕簡直係完美嘅組合，而芝麻卷又彈牙和芝香。好滿足嘅一餐，更加令我認識到高級粵菜嘅精髓。
另外只有預訂四位套餐HK$3,888，更會獲得HK$388法國波爾多「紅曉」紅酒壹枝，真係好抵呀。
Post
