黃金冰室 (欽州街) (Closed)

點咗兩個餐，一個咖喱雞意粉嚟咗另一個西炒飯坐咗半個鐘都未到，叫服務員睇吓佢話等埋兩碟一齊炒，咁我都試吓等點不知只炒咗一碟出嚟，仲要比咗遲嚟過我嗰一枱客😡，真係不知所謂嘅餐廳，以列入永遠黑名單，我真係知道點解內地會越嚟越多香港人上去消費。

前幾日落單有個阿叔服務態度勁差，講野句句有骨，唔知得罪佢d咩。本身成日食，而家淨係識加價，d扒又越嚟越細塊，叫個常餐，有六七款料揀但可以有兩樣成日都冇。深水埗大把野食，以後唔會再幫襯👋🏻

千祈！千祈！千祈！唔好放棄你仍能夠擁有的機會 .... 當自己仍然能夠有自由去掌握去選擇 , 作出你適合的選擇吧 ~「黃色經濟圈」我仍然撐 .... 我冇話過我清高到不去藍店 , 大家都知有些大型商場清一色是藍店 .... 但只要有選擇，我一定選擇黃店 ~這家「黃金冰室」就是深水埗很出名的黃店冰室，黃店大多數有良心，食物出品也有一定水準 ~焗香草溫泉蛋免治肉醬飯：不是說笑，這家冰室的招牌貨肯定是焗飯，任何焗飯都值得一試 .... 這個焗飯 , 賣相靚靚 , 蕃茄肉醬的味道香濃 , 酸甜度很平均 , 亦食到有香草味 ; 配合味道濃郁又能拉絲的芝士 , 再加上日本溫泉蛋 , 直頭係 perfect match, 超讚 ~ 本篇完 ~

午餐時間其實食飯都無太大要求，冷氣唔涼，如果室外到40度室內就算叫有冷氣，午餐有幾個選擇不過都唔好衰到咁12；45分未夠已經賣晒其中一款午餐（羊扒）😩，咁只好叫一份北菇蒸雞飯，大凍檸茶，中湯同檸茶非常正常，哇個蒸雞一嚟😵‍💫😵‍💫😵‍💫原來而家發明咗干蒸北菇雞，睇到個樣立即飲完杯檸茶俾錢走人，個干蒸雞完封不動在枱面，深水埗食午飯正常都係打工仔，俾錢去食個正常午餐，做到咁不如唔好做，呢間食店真係唔會再去

多數都係叫早餐/常餐👍🏻因為麵食可以揀沙嗲牛😋午餐就好睇當日menu但C餐嘅咖喱都係必選之一👏🏻重要嘅事講3次「沙嗲牛好好食...沙嗲牛好好食...沙嗲牛好好食」

今日送完阿女返學，見差唔多夠鐘食下午茶，近近地見到呢間冰室就入左去叫左個馬來咖喱香煎豬扒飯兩塊豬扒大過塊面😂下午茶餐都好足料豬扒亦煎得好香，肉質都嫩滑，食落唔會好多渣至於個咖喱，味道適中又唔會蓋過椰香

我叫咗個焗椰香咖哩雞扒飯，呢個飯大份啦，仲有啲芝士好邪惡，超好食！雖然我唔記得影相，但我可以肯定，呢個焗椰香咖哩雞扒飯係值得一試嘅！除此之外，我都試咗朋友叫嘅焗豬扒飯，舊豬扒超好食，真係令人回味無窮！如果你平時食開焗豬扒飯，呢度嘅焗扒飯真係唔可以錯過！另外，奶茶亦出乎意料地好飲，鍾意茶味濃啲嘅朋友一定會鍾意！呢度嘅奶茶真係令人驚喜，而且茶味濃郁，好容易令人上癮啊！總括而言，呢間食店嘅食物同飲品都好出色，值得一試！如果你喺附近，就嚟試下啦！🤩🤩🤩

收銀員極冇禮貌， 無論叫你你睇餐牌，問食乜嘢， 只收現金食，門口等餐。都非常語氣差，好唔耐煩。門口等咗十分鐘，自己入去問，原來嗰餐一早出咗，又冇人叫，仲話你行開咗。其實企定定喺門口冇喐過。佢鋪位好，生意又好，吹唔漲。唯一好處，食物唔難食，即係唔算好食。價錢幾好，即係唔算平。噉嘅服務係噉先，冇下次。

非一般嘅茶記，點樣叫非一般呢？就因為佢裏便食嘅嘢相當之好味同普通茶餐廳比完全係兩回事，就好似一個鹹蛋蒸肉餅飯，佢可以做到個肉餅非常之出色，同埋侍應嘅速度係非常之快嘅，不過……………… This型大媽，通常要你講兩至三次先，落啱你張單，如果你唔加以確認，可能你叫咗嘅食物同佢送到嚟嘅嘢係完全唔同嘅，另外要推介就係佢啲焗飯，朋友叫咗焗牛脷飯（唔記得影相）個牛脷飯非常之好味，姐姐送上枱面嘅時候都會溫馨提示你小心熱小心熱小心熱三次

我今日竟然挑戰早上唔飲奶茶，然後下午我同自己講，一定要飲一杯好飲嘅奶茶先維持到全日嘅生活。OMG，佢嘅奶茶好好飲，每一啖內心都會講一句，真係好好飲😋茶香，奶滑，奶濃，夠熱而佢竟然連普通既常餐，竟然有豆豉鯪魚同櫻花蝦雪菜肉絲，同牛扒，食物係有誠意。

睇完張下午茶餐牌 A至K，都係大路嘢，但去到最底，有樣嘢食無標號，寫住 ～特別推介～《黑松露芝士雞髀紅豆冰》，於是就決定呢個了。滿100蚊可以送上嚟，嘢食嚟到係熱嘅。雞髀真係生炸，本身都有啲類似香草嘅調味。而主角 黑松露芝士，就好似冚被咁冚住隻髀，味道肯定喺度，只係有少少覺得塊芝士唔夠溶入到啲雞皮度，如果佢哋交融啲，覺得會好食啲 不過雞肉稍微乾咗，呢個情況係因為炸耐咗？還是本身來貨影響杯紅豆冰，奶嘅比例剛剛好喔，有時有啲會太水，呢個就剛剛好 紅豆大約佔 1／5，口感淋甜，多少少就開心啲 總括嚟講係好食嘅，係符合冰室食炸雞脾紅豆冰呢啲經典嘢嘅期望

食茶餐廳最鍾意️就係食常餐❤而呢一間冰室嘅常餐 真係超級豐富！主食揀咗吉列豬扒 超級大塊 外皮炸到好香脆 豬扒肉質又唔會好鞋🐷另外仲有一碗公仔麵同多士 真係食完超級飽！

最近朝早得閒咗,有時間試下唔同茶記既早餐～ 呢次我就去咗間叫做黃金冰室既茶記,呢間茶記整體嚟講唔算大,但佢提供既座位都算係足夠既,入到去就會feel到呢間係一間好熱鬧既茶記,入面有唔同年齡層既客人,有老有幼,又有一家人嚟食既～ 呢次我就叫咗個咸牛肉炒蛋拼沙爹牛麵配凍奶茶,今次要highlight既就係佢地啲炒蛋同奶茶！一個字,滑！ 兩個字，好滑！奶茶飲落去個下你會feel到係好順好滑,好自然咁就穿過咗你個喉嚨,感覺好舒服！至於佢既炒蛋份量多之餘,咸牛肉既比例控制得岩岩好,唔會話好咸令到食客食唔出蛋味,有水準！

經過深水埗今次試下黃金冰室， 位於深水埗欽州街55號地舖。 店內兩邊都有卡位， 我們點了兩份午餐，法式鵝肝醬焗豬扒飯$49、 咕嚕雞球炒麵$47、 凍咖啡$2、茶走、 羅宋湯。 🔸羅宋湯🥣 ～ 羅宋湯料多又香濃， 酸酸辣辣幾開胃。   🔸法式鵝肝醬焗豬扒飯🍛 ～ 食不到鵝肝醬的味道，反而食到番茄醬，但整體都不錯。 🔸咕嚕雞球炒麵 🍝～ 咕嚕雞球啖啖肉， 炒麵香脆，甜甜酸酸好好味。 🔸凍咖啡🥤 ～ 咖啡香濃，好飲。 🔸茶走☕ ～ 茶走煉奶份量足夠。 整體不錯， 回頭率高😄。

番工出左去深水埗見早左起身可以行下就出去食早餐行行下見到呢間餐廳入面人幾多就行入去望望剛好得番一個位感覺就係呢間了於是就入去坐底(真心幸運🤩)環境... 茶記你講咩環境姐，咪香港茶記味lo叫左沙嗲牛肉米粉咸牛肉炒蛋配特色餐包熱檸水都幾快黎到，不錯沙嗲牛係港式個種，較甜唔重花生味肉質都叫幾好，唔會韌(雖然個人唔太鍾意港式沙嗲牛🤣🙈)米粉正常發揮咸牛炒蛋炒得夠滑 唔算好油膩咸牛肉可能少左d? 定牌子問題總之係唔夠咸牛味，得最後一口食到咸牛配炒蛋個種咸香又蛋滑口感的結合