黃金雞

Open Now

Now Closed

一直都搵緊好食嘅雞，但一直都未搵到。本身比較少落西灣河，聽人講過好好食，但一直都未試過。咁啱喺柴小杏美食團購見到有黃金雞團，即刻訂咗兩隻黃金雞返屋企試。四個大人兩個細路食到嘴舐舐！差啲骨都吞埋大眾化價錢酒店級質素。一打開個盒，隻雞切得好靚呀！派番個雞型出嚟，雞好滑，又香，真係可以𠽌落肚嗰隻，超好味！正到冇朋友！加埋嗰啲醬汁，絕配！超喜歡黃金雞！一煲白飯兩隻雞加半斤菜，加埋$350都唔使，足足可以為飽六個人。食過黃金雞！仲唔係最威？！哈哈！

黃金雞飯  5/5分  40元黃金雞飯其實是海南雞飯,可以堂食也可以外賣,不過環境相對較細。今次買完回家品嚐,不得不大讚此店。1. 海南雞件夠多夠滑2. 米飯硬度相當好,不會太濕,比好多專門做雞飯的連鎖店好3. 蘿蔔絲好爽口非常好食4. 雞湯好清好好飲5. 豉油和辣汁略少,可以更多就好啦店舖細小,在西灣河小巷之內,鄰近地鐵站,外賣亦相當有效率,價錢公道,份量十足,味道良好,值得大推的黃店。下次想試豬脾飯或黃金炒飯,加油!

由於現在疫情的關係，多數人會選擇外賣。很多外賣會將食物的味道變得遜色不少，但今次食小鬼推介的小店儘管是外賣也是非常的美味的。 黃金雞飯 $36整體份量多。與別不同的自家油飯，夠香，飯有咬口。雞肉份量足夠，肉質厚而且嫩滑。雞肉上的醃蘿白絲，既爽口又開胃。跟雞飯配上的醬汁，無論是豉油和辣醬都可令飯和雞肉味道的層次提升。附送的雞湯也十分美味。紅咖哩吉列豬扒飯 $45吉列豬扒新鮮炸出，豬扒鬆軟又不會肥，咖哩味道正宗，配上豬扒一起吃，辣辣的十分惹味。 咖哩份量足夠拌飯。麻辣手撕雞飯 $42麻辣手撕雞可自選辣度。個人認為小辣較惹味，有種麻麻辣辣的感覺，有越吃越想吃的感覺，又不會太辣。秘製牛腩飯 $38秘製汁十分惹味，牛腩既入味又軟嫩。 總結：除了雞飯外，其他選擇也十分惹味，水準十足。這小店除了賣正餐外，還有寄賣美味的小食喔。今次所寄賣的小食是由興華餐飲集團所代理的杏仁酥和蝴蝶酥，兩者都十分美味又夠鬆脆。$60一盒；$100兩盒；$130三盒 另外，中秋節快到了，這小店還有提供月餅預訂。喜歡吃月餅的你們不妨試試。

辛苦完一個上晝，當然要食好少少。試左成日想食嘅黃金雞飯，包裝賣相幾簡潔。窩心設計，開蓋個陣唔會整污糟手。雞飯上面係酸嘅紅蘿蔔，偏食嘅我本身想夾去哂佢，見佢咁多，姑且試一條啦為免獲利回吐，連埋飯食應該好啲掛，竟然覺得幾好味。紅蘿蔔無出面食開個啲酸到盲都開眼。可能因為酸味，紅蘿蔔味好輕，反而覺得好食。個飯唔算好油，如果係想要泰國油飯，呢隻係另類選擇？配埋佢個source好食好多。雞好滑，雞味不算太重。

午飯時間來到點餐後, 等候約10-15分鐘尚可接受.門市滿額&接其他熊貓單之下,好野等下都正常.紙質外賣餐盒飲品杯,又環保又健康(起碼無二噁英等化學物質溶在飯內)半小時後打開餐盒 仍然熱辣辣 顏色均勻整齊 而家內有滿滿無骨雞肉 食到底都仲有 份量夠有突 如果之前食左早餐的話一定食唔哂~~~可改善地方是醃甘筍絲可以再調酸少少 會更開胃, 切菜時去菜花 食的時候會方便D總括來說味道好正的街坊小店外賣, $45連杯湯唔算平 但都貼地.希望下次試下咖哩飯

第一次幫襯，原來晚市1800先開始，我1730黎到諗住買外賣，好彩入面哥哥仔肯比我落單先，我1800返黎拎。買了一個黃金雞飯，一個豬脾飯，加芝士薯球埋單百幾蚊。雞夠入味，可能外賣，放凍左先食，飯略嫌硬左少少，上面的醃蘿蔔加左分，蘿蔔唔係太酸，撈埋落飯度好好開胃。望落好似細細盒，但其實個盒都幾深，夠晒飽👍🏻打開以為好dry咁，原來係啲汁吸晒落飯底😂豬脾夠入味夠淋，好味芝士炸薯球，雖然拎到返去淋晒，但不失風味，中間的芝士多到不得了，薯蓉食得到仲有少少薯粒，有口感，不過重口味左少少，呢個食完有啲口渴。

🔎黃金雞 (筲箕灣) 💛 📍筲箕灣海利街6號海利大廈地舖-前排停業裝修咗幾日 想食都無得食 不過撞正疫情第三波 少左堂食都係買返公司食算啦-🔹招牌黃金雞飯 $40黃金雞飯即係海南雞飯，真心唔錯，雞嫩，油飯香得嚟唔油膩，醃蘿蔔絲酸酸地又幾開胃，仲有日式豆苖裝飾，飯一樣係跟湯一杯及兩款醬 有豉油汁同蒜蓉薑汁。仲有幾款都仲好想試 牛腩同麻辣手撕雞都想試 慢慢試哂佢先

六月中的一個晚上，門口排咗大約六七個人等外買，見店內有位，諗住一個人，食啲簡單野。坐低叫咗一客海南雞飯，再加一份芝士薯球。店員很細心，主動話幫我改成半分芝士薯球，話我會食唔晒。食物嚟到，果然海南雞飯很夠份量，整個雞飯無論雞、飯和配菜蘿蔔絲，都出奇地好味！芝士薯球果然很大份，半份有兩粒，都差啲食唔晒！很值得一提是附送的雞湯都好好味😋店舖細細，但係食物好味，店員細心有禮！見餐牌上有很多選擇，下次一定會再嚟試其他食物！👍👍👍😋😋

朋友介紹我到這裏吃海南雞飯，他說這裏的海南雞飯很抵食，價錢確實平民$36真的比我想像中便宜，海南雞飯有飲品，我很喜歡他的海南雞飯，他的飯不油膩，而且米香，他的雞很滑！

🔎黃金雞 (筲箕灣) 💛 #黃店系列📍筲箕灣海利街6號海利大廈地舖-💛飯卷運劃、罷市、捐星火、文宣店舖位於小巷內 不太起眼 但店如其名 一睇就知夠黃 仲要貼哂文宣 不過座位唔多 可以嘅話都外賣拎走食🔹五香豬髀飯 $36三款招牌之一 下次先試返個黃金雞飯豬髀飯超出期望 豬髀好淋 汁又夠多 岩岩好夠餸飯 唔會好dry 就算連配菜嘅酸紅蘿蔔絲都好好味 酸酸地又無韓式酸蘿蔔咁酸 再加埋d日式豆苗 成件事都高級左 每個飯都有例湯跟架呢個價錢有咁嘅質素 真係無得輸 仲要係用紙盒架 當日買果時都見到有人自備飯盒 餐廳都好支持 作為半個環保L黎講都有加分#90sfoodieshare_西灣河#食在西灣河#西灣河黃店

大家都見我成日去中環、灣仔多，比較少去港島東搵食🧐，所以上星期日就去左西環河食好西！以前藤原君都係呢面返過工，所以都識得路😂！今日就介紹一間平民又好味既海南雞飯！呢間「黃金雞」雖然店面細細，但野食非常好味😋，而且價錢仲好合理！雞上面有醃蘿白絲同豆苗，食落好爽脆同清新，幾開胃。海南雞雖然唔係話好厚肉，但都幾爽滑仲好有雞味添！雞肉份量都唔算少，都有8舊左右，仲有一隻雞翼添😋！大家可以配合佢地既豉油同辣醬一齊食，都幾爽，特別係辣醬，幾惹味👍🏻。我好鐘意佢地自家製既油飯，飯食落有咬口，有油香而唔會有太油膩既感覺。最後仲附送一杯雞湯，真一點都唔馬虎！成盒飯🍱份量都夠一個成年人食，都只係賣$36，真心好抵！黃店嚟講質素都幾高，平時返工食個垃圾Lunch都至少要$50，所以真心覺得好抵食。另外呢間舖真黃到發光😂，住附近/附近返工既朋友就要多多支持！

住了附近好耐，成日經過，好想試這間小店。昨晚終於來到這間小店外賣自取。絕對有驚喜！叫了一個招牌黃金雞飯。只係$36，這個時勢已經很難找這個價錢的海南雞飯了。份量剛好，性價比高，非常抵食！外賣包裝好靚而精緻。雞很滑，啖啖肉。黃飯亦不覺得好油，酸紅蘿蔔絲好多而美味，酸度啱啱好，不會過酸，仲配上少許日式豆苗，令整體帶來清新味道。有湯送，醬汁共兩款，配雞和飯一流，非常野味。太好了！東區外賣多了個好選擇，絕對推介給所有東區友！

之前幫襯過 昨晚去開附近想買晚飯返屋企食又諗起想食雞飯就去幫襯呢間黃金雞啦佢響小巷嗰度 唔多起眼但附近嘅東區居民一定識嘅因為好抵食$36雞飯一盒連醬汁連湯外賣個紙盒包裝好美觀雞油飯唔會太油恰到好處雞肉起咗骨 啖啖肉 雞肉都幾滑下佢仲多平日雞飯之外嘅酸紅蘿蔔同日式豆苗做裝飾靚之餘又有益會繼續encore再買外賣 支持一下小店#支持小店 #支持小店美食 #支持小店經營 #支持小店經營 #西灣河美食 #東區#海南雞飯 #香港#yelloprice#黃到金

身為港島東人，已經黎黃到發金嘅黃金雞食左幾次嚕，每次都嗌唔同款試下，覺得每款水平都好高😋今次就試左麻辣手撕雞飯，嗌左小辣，不過都比我想像中辣🌶手撕雞唔係真係出面食果啲撕到一條條咁，而都係海南雞嘅份量，但就去左骨。啲雞依然keep到好嫩滑🐥，食多幾次都唔厭，真係好滋味😍配上唔會油淋淋但依然金黃色嘅油飯，好滿足嘅一餐!!而且重點呢間店開左咁耐都冇加價, 大多飯款仲係保持around 30幾40幾蚊左右嘅價錢，性價比極高👍👍👍

雞飯好味又平老闆超好人，好好傾，乜都傾。好有人情味既一間鋪黎。最近出左支烏龍茶回甘好得。推薦比大家一試。整體間鋪絕對對食材都好用心。大家可以去試下。西灣河絕對要試既一間。