西貢金雞海南雞

Open Now

Now Closed

大家見到依碗海南雞飯估下幾多錢？下午茶時段，成為$32呀！得四件雞！海南雞飯一般都貴少少，因為佢係油飯同埋無骨嘅雞，但依一碗飯值$32，我覺得有啲離譜囉！我睇返大嘅海南雞飯都只不過係多四五件雞，貴差唔多十幾蚊！下午茶海南雞飯仲要冇嘢飲送， $32買個咁細嘅海南雞飯係我當佢乞兒呀！定係佢當我乞兒呢！最好笑係如果想要麻辣，只可以大嘅海南雞飯有得轉，下午茶時段嘅海南雞飯沒有。但我看到的是。。。在海南雞飯上加上麻辣汁。咁點解細嘅海南雞飯唔可以加啦？

大家其實都知間餐廳點架啦. 相就冇啦, 環境食物其實一般, 普通, 不過個阿婆態度極差, 以為自己係皇帝, 鬧夥記鬧客人, 永不幫襯. 一路食一路睇住佢鬧人可以點食? 幾好食都冇用啦如果系咁.

呢一間經常係我屋企斬料加餸既一隻雞分量$148，中等價錢，雞肉夠滑，連雞胸都唔「鞋」，啱晒喜歡食雞胸既我不過如果可以冇咁油就好啲，同埋環境有啲迫，帶埋飯團就真係唔可以堂食另外推介煎肉餅飯都係我心水選擇，平時同飯團爸爸食會每人一個套餐，夠晒飽

這間餐廳本人一星期會食兩至三餐(連外賣)，但今晚由於人多，需要在門外排隊等候，本人與太太共2人等位，後面有2組客人等位，分別有4人，及2人排隊輪候，等了約5分鐘後，有人用餐完畢離開，當時女職員問完我地幾多位之後，再問埋後面，黎過呢間餐廳既都知道，佢2邊大部份都係由2張兩人枱拍埋做4人枱，而走既亦都係其中一張咁既4人枱，個女職員竟然同另外一個女職員講，最先係兩個，跟住4個，無辦法啦，入4個啦，(佢應該當左自己係高級餐廳，分人數輪枱)我當場呆晒，同女職員投訴，個女職員當然都唔理，(呢啲情況不嬲都係入兩張兩個人)但換來只有一肚氣，我太太即時話唔食走人，仲話以後唔幫襯，我諗大家如果想受氣就去呢間食啦，本人試過西貢個間分店，職員十分有禮貌，真係天堂同地獄既分別，所以我以後都唔會去呢間。

路過見到一個搶眼招牌，再加上以海南雞聞名，即管一試..........海南雞飯及元蹄飯，值得一試，雞滑及有光澤👍🏻👍🏻賣相也不差，有大及細碟之分，元蹄肉淋不黏牙，爽！附帶一提，不要輕看「例湯」，真材實料的南瓜🎃湯，不帶味噌，有南瓜絲，又一間隱世小店。

要排隊的海南雞飯其實沒有甚麼特別 有點名過於實雞係幾滑嘅 但皮肉分離 賣相欠佳招牌去骨海南雞飯(大)份量才夠飽🐔奇怪在於油飯加了花椒和炸蒜等物體？.滷水狀元蹄飯🐷有點咸豬皮炆得十分淋 啖啖骨膠原呢個反而比去骨海南雞飯更出色

真的沒有誇張！這是我吃過的海南雞中，最好味的！第一次接觸到金雞，係西貢行完山好肚餓個陣，上網搵到決定一試。因為太好味，再搜尋一下，發現屋企附近都有間手從此變成我地嘅飯堂！-雖然門口望落有點舊，入內有點髒，但無損我愛海南雞飯嘅心😂座位有點逼，但平日晚上都坐無虛席！受歡迎程度一望就知。每叫一碟飯都會送上一碗南瓜湯。呢個係我嘅favourite!滿滿南瓜肉，又有紅蘿白🤤🤤真係好正又好味！好似食緊南瓜咁主角就係呢碟食咁多次都冇退步的海南雞飯我呢個係中size，但飯量已經好多！女仔食中size份量岩岩好👍🏻（海南雞飯分中及大，沒有細）值得一讚係個油飯！ 粒粒分明又每粒都沾滿黃色雞油唔似跟白飯咁dry！雞肉夠滑又唔多骨🐔唔會太肥，連雞皮食先係精髓。-雖然環境及整潔麻麻，但食物及價錢完全贏哂。2個人去食飲埋凍飲都只係一百頭！去完一次又一次

難得今日公司有得早收，咁緊係即刻去返個好耐無食過既海南雞飯。海南雞飯我食過好多間，但係就係呢間令我念念不忘，間唔中都會想返黎食下平時食果啲一係就有骨一係就唔夠滑或者係去到又話無油飯，講真，無油飯都唔叫海南雞飯啦下話佢呢間就係長期都有油飯之外，佢既油飯亦都好夠香而佢呢到既雞都算保持到水準，都唔會話好鞋，咬落去更加係淡淡肉，食得好滿足而且我最中意呢間野既其中一個原因係因為佢夠快，即係香港人最崇尚既快靚正呢頭叫完，轉個頭唔洗5分鐘已經送到你面前然而我最欣賞既都係佢呢一碟醬，食過呢一間既醬之後真係返唔到轉頭，其他鋪頭既醬真係食唔落口個人最喜歡點中間果款 再加上一個大海南雞飯只係賣緊42蚊，我覺得真係出面好難搵到。如果要數缺點就係間鋪頭比較舊，望落有啲污糟，同埋坐得唔舒服，所以我建議如果食呢間海南雞飯就外賣會比較好。

好食到不得了。不過個飯晏左少少。傳分海南雞都冇骨好新鮮。食落去唔係好肥膩 最重要係佢送一個自家製嘅南瓜湯 好溶化好先好甜 不過雞可以多多少少。🤣🤣🤣😆😆😆😆希望下次可以再嚟食

一個人路過晏，求其揾嘢食，見有我最愛嘅海南雞，即管一試。幾好有分中大，唔同胃有得選擇，唔好浪費。食左少少嘢 所以叫個中size。個雞夠滑嘅，都算有雞味，加埋三色醬，我初時見佢比雞我，仲以為無三色醬，好在都有。不過同我size一樣，少醬呀！甜豉油少左D囉。可能佢expect你三隻醬都用就夠，不過我唔點 蔥油2隻醬黎講份量可多一點點更好。個飯唔太夠雞油味，但整體佢碟係淡味少少，所以飯都淡味少少，其實係平衡嘅。而呢個南瓜湯有驚喜，係送嘅例湯。夠味，濃過個飯，為左個湯，都可以再黎。係有南瓜子清得唔夠乾淨囉。而最緊要係，佢迫，無乜服務，有人想換位都唔比，不過咁嘅價，咁嘅質素，你要服務嘅，去酒店食啦！

The chicken is tender and juicy, and the skin was so smooth. It’s also boneless, so perfect for lazy people like me. The taste is amazing and was even more enhanced with the amazing sauces provided. The hainanese rice was flavorful and aromatic, I couldn’t get enough of it. The other dish we got, which was the pan fried pork cake with salty fish was surprisingly good! Crispy and crunchy, and the fragrance of the salted fish really comes out.

從去西貢行山認識金雞, 一直都奉為香港首選….除了堂食,外賣都試過十多次, 通常係西貢或九龍城店...一直都無問題.今次去開荃灣,順路買隻雞, 點知就出事.回家見雞份量偏少,都不到外賣盒頂 … 跟往撥開到底, 明顯雞胸肉起碼少咗一半…..雞翼連骨同雞脾肉齊, 雞上脾都有 missing... 你能想像當時幾咁失望嗎 ?  ….腦海不停問點解….荃灣價平D, 所以要抽水? … 荃灣人易騙D?...以後還去嗎? ……….

西貢雞飯出名好多人都知，而我平時就係食開金雞，但自從少去左西貢之後都好少再食了，前排（都好耐之前🤣）見到佢終於開左黎荃灣，前幾日搵埋果陣一齊係西貢食雞飯嘅朋友一齊食。一坐低就有碗南瓜湯，非常清甜又唔會有一絲絲嘅南瓜肉，唔似出面都係用味精湯，開哂胃。中size嘅雞飯，女仔食啱啱好，男仔可能就要比多8蚊就個大啦。雞肉同雞皮好嫩滑，而且唔會太肥，連皮食都少啲罪惡感，油飯都好香。雞飯三寶，一樣也不能少。

今晚與女友經過路德團，可能星期五，間間都要等位排隊，剛巧見到這間都好爆場，但都有2個位就入去試，見到餐牌，沒有太多選擇，都係主要海南雞（無骨），我都見枱枱都係海南雞，咁我同女友都叫左個大無骨海南雞飯，叫野食前，店員已經放低左2碗南瓜煲雞腳湯比我地，佢話係送既叫左飲都好快有得食，切功都好好，我就有隻雞髀，我女友就有隻雞翼，已咁既價錢都算唔錯啦！比起大家X及美X集團比較真係好好啦，一個大無骨海南雞飯都係$48，有湯，加多杯凍咖啡都係加$5，仲有雞髀或雞翼，性價比超高。

呢間金雞海南雞，見平時電視或不同平台都有介紹過 今次經開一於過嚟試吓啦 不過有小小失望囉 ！！ 入去點完餐等左成10分鐘左右都未有，眼見隔離新黎既客都食緊一問之下連單都未落 仲問我地系米食架 坐左成10分鐘五系要食？？ 服務態度去左邊？？ 當時又五系滿場 。南瓜湯 點完餐之後 就會黎湯先，南瓜湯🎃尚算可以南瓜煮到散晒 都幾好飲既 ！！海南雞飯(中) $42 最特色既海南雞，雞件數五多 勝在夠滑五會柴，不過只限雞 個油飯就出事食落一粒粒勁乾身 滷水元蹄飯 $46 🙅🏻‍♀️🙅🏻‍♀️五好食 元蹄太淋冇口感 賣相又黑 又得幾件 ！！ 總括黎講 : 得雞同湯還可以 ， 其他+服務完全五得