Video
5-min walk from Exit D, Fo Tan MTR Station
continue reading
Telephone
23802282
Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
做完野揸車番公司，想食個下午茶，近近地就揀咗呢間。揸車途中已經叫定外賣，泊好車行過去就即刻有得拎😉 炸雞髀沙律 $43隻炸雞髀好夠味，新鮮炸起塊皮非常之脆，沙律係雜果沙律，份量都算多 凍檸茶 $3跟餐價西多士 $31西多士係切開四件嘅，唔同平時嘅一大塊 👍🏻 蛋味好香，而且幾鬆軟，唔錯 👍🏻 由於本身食西多士嘅時候好鍾意食糖漿，見到本身跟嗰盒糖漿唔多，就問收銀姐姐可唔可以俾多少少糖漿我，佢去裝完俾我之後同我講要加多兩蚊 🥲🥲🥲 其實本身食西多士唔係應該會跟埋個糖漿嘅咩？ 點解會無啦啦收到兩蚊？ 仲要佢裝完出嚟先同我講話要Extra再收錢！！雖然只係兩蚊，但係感覺唔好！！熱柚子蜜 +0跟餐價
continue reading
今日又經過金悅軒，忍不住又要去試吓佢哋嘅招牌午餐😋。今次我揀咗個經典嘅燒鴨飯，佢個皮脆到令人心癮癮😍，啲肉肉質軟滑，入口即溶！再配住啲秘製醬汁🤤，嘩，簡直係中式美食嘅完美示範！另外我仲一試個椒鹽飽肚，香口得嚟又唔會過鹹，啖啖肉感，真係正到彈！蔗汁鴨肝就真係意想不到嘅配搭，甜中帶咸，賣相吸引之餘，食落去既新鮮又唔膩，咬落去嘅口感簡直係一流👍。呢度嘅蝦餃皇嗰啲蝦仁超級彈牙，無得輸咁，滿滿嘅海鮮味，一啖一個咁食，真係食得出師傅心機。翡翠鮮蝦鑊仔撈麵嘅麵條Q彈得嚟不太油，食落充滿蝦味，仲有啲細細嘅鮮蝦點綴，真係痴心妄想佢已經好味🤩！有著濃郁咁嘅湯底，飲一啖，暖笠笠，過癮！一試金悅軒嘅午餐，真心覺得物超所值，平平地食到咁滿足，下次仲要帶埋朋友一齊嚟，大家齊齊享受這美妙嘅一餐🥢！
continue reading
【沙田區】【金悅軒】呢排有機會去火炭工業區做嘢，不過而家咁叫都只係歷史嘢，大家都知香港嘅工業都所餘無幾，喺得呢區嘅一係純商業，一係就係物流運輸，最多做啲加工或者其他 value added 嘢。不過依然係好多企業，好多人喺度返工。當然唔止本身做嘢嘅人，近年仲有附近地盤工作嘅朋友會喺呢頭活動，之前有旭禾苑嘅建築工程，到工程完成又有星凱．堤岸嘅建築工程，可以話冇停過。多咗人喺附近做嘢，意味住食肆嘅需求都會增加，因為多咗人食嘢嘛。我咁啱過嚟做嘢都望吓自己做嘢嗰幢有咩食啦，雖然話係「撞手神」，但我經過見到呢間經常陳列好多燒味喺度，都好吸引。我估預咗賣得出先會整咁多擺喺度，既然佢預自己會賣得出咁多，即係不嬲都好多人買，我係咁諗。所以趁下午茶時段先過去食嘢，整個「至尊燒味下午茶」嘆吓，一場嚟到梗係雙拼，我揀咗「燒肉」同「燒鴨」配「米粉」，清清哋又好邪惡咁。不出所料，啲燒味整得都 okay，難怪我兩點幾入到去都見到幾乎每張枱都有人。個餐有飲品，叫杯「凍檸茶」走甜，好似清清油膩感咁，冇乜特別。個餐最後埋單 $48，唔差呀，諗唔到食乜嗰陣去啪個燒味都幾好。不過後尾睇返有讀者提過我，有另外一間個名差唔多嘅，啲嘢仲好食，睇吓幾時過去做嘢先。。。（地址：火炭坳背灣街2-12號威力工業中心地下C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #tastyfood #foodpics #followforfollowback #love #eat #1am沙田區 #火炭 #金悅軒 #茶餐廳 #下午茶 #至尊燒味下午茶 #燒味 #燒肉燒鴨米粉 #燒肉 #燒鴨 #凍檸茶 #1am火炭工業區 #1am0766 #1ambackup
continue reading
今天帶著我的<真-金神>小米入火炭處理人生大事，順便約好妹妹在附近晚餐。得知此店已易手，物是人非。反正要找個好地方聚一聚，就決定在此晚餐。六點來到，於內堂就座。以涫水淥過餐具後，就要做最重要的事：點菜。我們六位，職員就推薦這手寫是日餐單，還主動提出將豉椒炒花甲變為油鹽粉絲浸花甲，免卻重覆二碟豉椒系列。而我們有選擇困難症，所以點了魚+ABC，四百多元有齊四款，又魚又燒鵝又鵝腸又花甲，平均每碟百多個大洋。計落應該抵左! 再加二碟小菜和白飯，便成了今天的晚餐。 金牌燒鵝 是上庄喔！鵝胸肉不太硬，至少我咬到囉！ 因為燒鵝砍件後馬上呈上，肉質纖維仍然濕潤，所以鵝胸唔乾柴。 註: 遇過機場某快餐店提早將燒鵝燒鴨砍件，肉的水份揮發了，肉質又硬又乾囉!燒鵝皮單獨配白飯，變成燒鵝皮壽司。豉椒炒鵝腸 先夾起一條鵝腸查看，鵝腸超長，腸身啡色，未經漂白，可以放心享用。啡色鵝腸竟然附帶鵝肝，鵝腸和鵝肝都很脆口。 油鹽水浸花甲 花甲無沙，我喜歡。湯底胡椒粉味濃郁，接近福字米粉那湯底。再加上即磨黑椒碎，令整體更香辣，剛好襯托出花甲肉的甜。墊底粉絲吸盡精華，才是這碟花甲的亮點。 豉汁蒸鱸魚 因為鱸魚肉多骨少，細路不易梗骨，所以放棄黃花魚。 上湯菜芯 菜芯夠甜無苦味，就連不喜歡食菜的小米都夾走几條菜芯呢！ 川辣雞煲 熱騰騰上枱噴曬煙，雞肉夠滑。可是小米表示不夠辣。 煲裡沒有辣椒，也許這個是啫啫雞煲。是日周未，客人不多，可以坐足一整晚。希望三月尾能夠帶<真金神>小米再臨火炭，如果成事，可能係家族十多人聚會了!
continue reading
買咗一盒鵝肶飯鵝肉好乾，顏色又黑，感覺有啲似隔夜。另外買左2盒四寶飯有同樣問題，四寶飯比了6嚿燒鴨，燒鴨又黑又乾完全唔好味，以往有也有幫襯這間外賣，過往沒有這情況，希望他可以改善同埋注意一點。
continue reading
You may be interested in