Golden Diamond Truffle (Closed)

超～級～愛松露既我，同朋友一齊去試！好幸福呀，睇住d松露一片一片咁落杯！我叫左白松露（期間限定，加三十蚊）柚子素奶蓋南非國寶茶 ，超級香，飲落啖啖幸福，因為柚子關係仲帶少少酸甜好開胃，素奶蓋真係唔講唔知係素，味道香濃幼滑，配住佢地教學既飲法，有幾層感受❤️超正朋友叫左經典既黑松露素奶蓋南非國寶茶 ，松露比較之下反而入口先有香味，不過配搭住d松露粉，都係幸福滿瀉😍下次要試埋雪糕！！店員都好細心有解釋同介紹反飲法同佢地既茶款，讚讚！！！順帶一提個鋪位唔大，但裝潢都幾grand, 忍唔住都打左下卡啦❤️

特飲店開到成行成市～飲過試過唔少K11 MUSEA 最近又開左間，有別於其他特飲店，呢間特別選用矜貴松露！鋪面唔大但設計幾靚，將意大利傳統松露市集搬左過黎咁，用Racing Green 為主調，整體設計俾人感覺好華麗～
呢杯係白松露素奶蓋南非國寶茶，用左好矜貴的白松露，茶底為超級食品之一 有南非紅寶石之稱的國寶茶， 作為特飲無個奶蓋襯下總係爭啲既，呢個用左素奶蓋，係用燕麥奶同植物忌廉打成，飲落唔heavy！松露味都算出，茶底清奶蓋素～整體口感都幾舒爽～

原來松露都可以成為飲品嘅主題？👀Golden Diamond Truffle係全港第一間以松露為主題嘅茶飲店而每杯飲品都附有即場刨出黎嘅松露片、松露粉同松露鹽店舖使用嘅松露黎自意大利中部嘅Umbria，並直送香港真係夠晒矜貴同特別！🥰.第一次試就揀咗舖頭嘅signature「松露奶蓋南非國寶茶」🧚‍♀️奶蓋使用燕麥奶同植物忌廉打成，適合素食者食用而奶蓋面頭仲有即度刨上嘅松露片同松露粉，隔住口罩都聞到估唔到松露竟然同呢杯飲品非常夾，係一種幾新奇嘅味道而南非國寶茶嘅味道都幾獨特，飲落有好香嘅果味，夠晒清新呢款茶唔單止唔含咖啡因，仲有唔少嘅health benefits添呢杯飲品真係好特別，連唔鍾意松露嘅👦🏻小編都愛上呢杯飲品～.Golden Diamond Truffle嘅舖頭裝修用上racing green為主調仲設有期間限定嘅意大利傳統松露市集打卡位宜家舉行緊競猜白松露價錢嘅遊戲，最接近嘅三位就會贏得voucher經過K11 Musea嘅一定要試試，保證會係一次獨特嘅體驗🤩.松露奶蓋南非國寶茶 $60———不專業評分💯食物指數 🍴: 💛💛💛💛🤍環境指數 ⛱: 💛💛💛💛💛抵食指數 🤑: 💛

心血來潮想到Musea買牛角包🥐竟然有新發現！最近新開了這間專門以黑松露製成的飲品超愛松露的我當然要嘗一嘗作為第一次光顧，當然要試吓signature 招牌飲品！店員建議飲用時，先聞聞松露的香氣，再用匙羹食用松露片，最後才慢慢享用茶飲。松露素奶蓋南非國寶茶（$60）先說說黑松露：使用了意大利中部翁布里亞（Umbria）黑松露，新鮮刨出來給客人的奶蓋方面：使用素奶蓋，加入燕麥奶、黑松露醬、植物忌廉等打成，入口順滑香濃，味道出奇地相配。再加上了黑松露粉，整個奶蓋充滿著黑松露味，幸福感爆燈茶底由南非國寶茶製成，與甜味層次分明，清新中帶甘香，而且對心血管健康有幫助。甜度也供選擇，客人可以提出少甜或者正常甜度下次要試試松露雪糕🍦

行到口渴渴突然見到呢閒野有賣truffle飲品，甘特別就當然要試啦，店員好用心甘介紹d飲品，最後order左杯truffle素奶蓋南非國寶茶，Truffle 粉勁香，現切的新鮮truffle片加上素奶蓋，呢個配搭真系絕配，香濃得來又夠滑，可能系素奶關係，感覺一d都唔溜，個南非國寶茶就甜甜地帶點茶香，以60蚊一杯的飲品來講，呢杯絕對系值得，如果我唔系飽，一定會再叫多杯同試埋個truffle icecream