Golden Elephant Thai

Open Now

Now Closed

荃灣區冇乜泰國嘢食好味，見到呢間又近自己，價錢又唔算太貴，所以幫襯過好幾次，lunch時諗唔到食乜，都會走去求其食過海南雞飯算。唔知係咪因為疫情無咁嚴重，多返d人出嚟食嘢，連坐邊個位都要畀佢哋決定😑今日安排咗個又細又窄嘅位我，我唔肯，問個侍應可唔可以搭其他人枱，點知佢地竟然唔肯轉第二個位比我，我即走，真係無下次！經濟咁差，今時今日咁嘅服務真係遲早執。如果各位想受下氣嘅...就可以去幫襯下嘅...

呢間泰國嘢喺荃灣廣場隔離條街，位置都算方便，下午茶時間叫左個豬頸肉炒河同鳳爪，仲嗌咗杯嘢飲。鳳爪味道ok，唯一有d太辣，唔太食得辣嘅朋友要留意。反而想講下豬頸肉炒河，份量非常足夠，不過d河粉黐埋一堆，上碟似係喺個碗度cup出嚟，可能一早炒定然後再翻熱，味道唔算太差，但就好油膩。最大鑊係，食完之後即日肚痾，屙咗兩次添。唔知係咪個鳳爪辣得滯定係個豬頸肉炒河太油膩。除非大家想清清腸胃，否則附近有更多更好既餐廳選擇。

荃灣廣場附近有超級多嘢食但係泰國菜永遠都係揀呢間❤️串燒真係必叫🍡咖啡海鮮包雖然相比起其他菜式係貴啲但係海鮮好足食埋啲包簡直係飽到上心口🍤海南雞飯食得多但佢呢個醬非常惹味 撈飯撈雞肉食好快就食曬成兜🤭嘢飲比較推薦 荔枝梳打 次次黎都會叫👍🏻餐廳都算幾大間次次黎都唔洗點等位上菜都非常快店員態度又好想食泰國菜嘅朋友可以一試！

即使係夜晚晚餐時段，都唔係咁多人都估到伏伏地不過睇戲之前，打算簡簡單單食個晚餐唔想咁Heavy又近近地，所以㨂左呢間食啲感覺上會清新啲的泰國菜1） 木瓜沙律$48配料真係得木瓜同蘿蔔絲，花生🥜碎都無粒最致命係2 樣主角包括木瓜一啲都唔爽脆，太淋而且成碟沙律唔係涼浸浸，係常溫嘅狀態調味得酸味，鹹甜都欠奉$48 來講性價比👉🏽低冬陰公海鮮湯粉$58打水蝦 4️⃣隻大隻彈牙， 但無蝦味河粉質地正常，唔會淋爛但份量奇多,湯都太少冬陰公湯酸味辣味都無嘜有得揀唔推薦難怪> 但係見價錢都唔算好進取，所以又未至於要劣評https://www.instagram.com/p/CgekSzUv1Sn/?igshid=YmMyMTA2M2Y=

係荃灣整完野收工，是但行番去荃灣廣場果邊。因為唔想再食Chain Store，所以就周街睇下有咩食。夏天咁熱，如果無得食下 Spicy 野，真係會無咩心機食野。坐得舒服，但唔太清潔，好多Mosquitos。店員服務態度有趣，你唔好用香港心態，當自己去左泰國🇹🇭旅行咁就會係一件開心的事。

趁住放假出去睇下一田大減價有乜買🤣係附近食個午餐先再入去逼~.📍Golden Elephant Thai.🍚泰式滷水豬手飯 ($42) - 老公點嘅juicy豬手配飯😂豬手肥美~係滿滿嘅骨膠原呀~🍜香茅雞翼冬陰功湯河 ($43) - 香茅雞翼醃得好入味~冬陰功酸酸辣辣咁幾正😆跟餐叫左一杯熱檸水同凍齋啡，都幾抵食👍🏻

泰式肉碎煎蛋飯$52 凍飲加$3附近返工，中午1點去食飯，之前係泰國餐廳工作既我，日日食泰國菜，有啲懷念泰國師傅煮的味道，所以就搵間泰國餐廳，舖頭內都無咩人吾洗等位，叫左個泰式肉碎煎蛋飯飲凍奶茶，賣相中規中矩。泰式肉碎煎蛋飯 蛋黄好乾身，無流蛋黄豬肉碎好鹹，一啲都吾辣，可能係就反香港人口味，不過太鹹，個肉碎我都係食咗一半，之後就食晒啲白飯就算，可以話無咩特別。如果無咩要求既都還可以，所以都知點解中午食飯時間都冇咩人

同事話食過幾次好食 帶我食呢間野今日入去餐廳人數坐左一半都冇 仲有d已經食完錦我地3位落完單 另外兩個先後都有野食錦睇住遲過我到既另外兩枱都陸續有野食我先追左第一次單錦等左成30分鐘 冇出比我之如隔離枱都齊哂野 隔隔離枱都有野食同枱同事又食哂 錦覺得成村人等我食好差勁所以決定離開去到收銀 取消個飯 就話要收番野飲正價22蚊好心醒水個杯檸茶成本頂盡你2蚊就由佢啦你照收番我跟餐錢我都冇錦嬲留哂單都仲要錦高級既服務錦正當拎出錢 決定照比既時候另一店員話已經有啦 幫我轉外賣好冇錦當然好 我出尼真係為左醫肚番公司自己坐低食好過幾個人望住我食啦呢一刻都仲未諗過要比負評你地點知又係另一個故事錦食食下冇為意 一路食一路玩手機錦味道都ok 我仲有添飯食左大半先見到原來你地係新派菜膠毛炒香葉肉碎 仲要唔止 1條即刻食唔落 但都已經唔知自己食左幾多落肚所以搞唔掂 食到一肚氣想減肥既各位可以試下呢間野👍🏻

iFOOD_ProMax小編同大家一樣都係晚市長頸鹿，搞左幾個月終於都有得食晚市，真係等到頸都長哂。今日去左荃灣附近探訪Music Studio的朋友，順便搵左間價錢相宜的泰國菜諗住幾個朋友嘆一嘆。鍾意濃味的iFOOD_ProMax叫左碟"泰式炙燒豬頸肉手切闊河粉"同埋"泰式海蝦球炒金邊粉" 泰式炙燒豬頸肉手切闊河粉豬頸肉數目都幾多，爽且有咬口，不過未見有炙燒的跡象，邊位未見有微燶脆脆的感覺，而家味道略淡，有可能係放左落河粉一齊炒河粉都真係好大兜，色澤不錯，可惜味道都仍然略淡，反而河粉上的蛋花就非常濃味，有少少喧賓奪主的感覺。泰式海蝦球炒金邊粉上菜一望到蝦球得3隻已經扣左少少分，雖然係非常爽口，但鮮味真係冇乜，反而個粉相對入味平民價錢其實都不過不失，不過晚市呢個性價比就有點略低，有進步空間。希望下次黎食其他菜式會有驚喜！

午餐時段經過所以入去試下，唔算多人，冷氣比較凍。嗌左個豬頸肉炒河粉同凍奶茶，店員話炒河要等一等，但點知轉頭唔洗3分鐘就上左😂份量算多，一開始就咁望唔多見肉，但實際上入面都幾多肉下。但d肉有幾舊係有d香檸香茂味，有d又冇好奇怪，d河粉好團結😂應該都係炒左一段時間，之後整返熱佢，河粉冇乜味河粉上面d脆脆幾好食😂杯凍奶茶都冇乜味，好多冰，再加上本身好大冷氣都真係好凍下。食到尾差唔多開始到下午茶時間，又多返幾多人，d位都坐得7788。份量的確夠多，但味道就真係麻麻，下次應該唔會選擇佢

Golden elephant Thai 睇門面裝修 裏面嘅裝修都唔錯燈光光線都足夠不過間隔就比較逼如果坐低 你完全聽到隔離枱講緊咩🤣太近 入去果下坐沙發裏面都要就住就住佢賣相同埋份量都OK但味道一般 可以更好

荃灣有好多泰國餐廳，今次就黎左呢間係荃灣廣場附近既Golden Elephant Thai食個lunch。有炒河、炒飯、海南雞飯等等，價錢大概$50-$60，唔貴而且份量足。味道黎講唔算特別驚喜不過性價比算唔錯。1⃣️焗芝士馬沙文牛腩飯（$58） 焗飯即叫即焗要等三至四個字，送上既時候熱辣辣，芝士半溶好誘人🧀️咖喱汁偏稀，帶椰香味都唔錯，不過如果再多啲汁就更好。牛腩有啲肥🙈另外仲有啲薯仔。食完之後好飽😛  2⃣️泰式炙燒豬頸肉炒手切闊河粉（$54） 豬頸肉肉質唔錯，起碼唔會炒得好乾。闊河粉炒得幾彈牙，不過偏油，另外面頭仲有啲炸蒜，幾惹味🔥  3⃣️招牌海南雞飯配秘制雞醬（$52）海南雞飯啲雞都算大份，不過骨位比較多，如果係去骨既海南雞飯就好la😗  4⃣️香炸蝦餅（午餐+$28） 蝦餅蝦肉算厚，配埋泰式醬汁更加香口😋  5⃣️夜市沙嗲串燒（午餐+$18） 串燒係一雞一豬，沙嗲醬食到粒粒花生碎，而且串燒既肉燒得唔錯，一啲都唔乾👍  6⃣️酸辣無骨鳳爪（午餐+$22）鳳爪份量好少😢不過呢個價錢都差唔多啦。調味酸酸甜甜幾開胃。  

疫情影響，冇堂食，唯有買外賣，見左li一間所謂golden elephant thai 新開，我以為係金象泰國菜，點知原來唔係，買左海南雞飯外賣同豬頸肉炒河外賣，結果把鬼火：- 海南雞冇味 勁油 - 海南雞雞超級鞋- 雞油飯同白飯一樣- 豬頸肉炒河成盒都係油，河粉全部痴埋一舊真心性價比超差，由搵班後生仔同埋店面風格，應該係賣黃店市場，但係唔係賣黃店就唔需要quality嘅，求其炒d泰式嘢就話係泰國菜一定唔會再試，好差好差

服務、衛生、味道都太差，似乎餐廳是有顏色，後生仔撐XX都少見...豬手太鹹，香茅好似過期，肉碎腥味好重，煎蛋好似膠帶...真是領教...不會再光顧...三人都是失望失望失望

去荃灣西買嘢，經過見到呢間泰菜嘅下午茶幾抵食，於是乎入去試試。海南雞飯（$42），雞脾位滑，胸肉位亦唔太嚡；油飯如果再乾身啲更好；雞醬酸味辣味適中，點雞食唔錯。性價比高，推薦。菠蘿炒飯（$45），即炒，但冇咩鑊氣，味道普通。