金滿堂甜品

Open Now

Now Closed

呢間甜品真係冇得頂所有榴蓮related嘅嘢都整得好出色😇依家已經好少有地方整燉奶呢間仲要整得幾好味榴蓮球好香好甜同奶香味嘅甜品味道好夾🤩呢碗有清心丸嘅我覺得一般可能因為食唔慣覺得冇咁香之餘 味道口感都小小怪見仁見智吧不過榴蓮同芒果嘅甜品真係值得一試😉😉

/🍧金滿堂甜品✨宇治金時 $48有抹茶雪糕，椰果，紅豆，珠珠，麻薯，綿綿冰😗抹茶雪糕都有抹茶味，係偏甜嗰隻，無甘香，但都幾好味嘅，配料加埋煉奶落個冰度成個甜甜地咁又唔會去到好甜，可以一試👌🏻睇到仲有好多揀，但我哋太飽食唔落🗿有機會再試吓👌🏻👌🏻👌🏻👌🏻👌🏻👌🏻👌🏻附近冇其他甜品嘅話都可以過一過口癮嘅🙌🏻-♡ May◆◆◈◇◇-#yat2sik3_九龍灣 #金滿堂甜品

❤️九龍灣 金滿堂甜品❤️呢度嘅店面相對於其他分店黎講比較細座位較少唔太寬敞 會有啲擠迫嘅感覺環境都比較嘈吵 好在店內嘅氣氛幾輕鬆啲客人大多都係話傾下計食下嘢🗣️👂🏻整體氣氛都好舒服😌🌈杏花村 $42有小丸子+芋圓+芒果+豆花+杏仁露整體感覺都非常出色👀芒果切成粒粒放喺甜品上好吸引人味道非常豐富 材料味道都好突出小丸子同芋圓都好綿密 口感都好Q彈芒果好新鮮又多汁😙😙豆花同杏仁露都好滑順 食得好舒服👍🏻🌈金玉滿堂 $45芒果/水晶珠/小丸子/雪糕/龍眼/芒果汁底啲芒果好新鮮 味道香甜😍晶瑩剔透嘅水晶珠彈下彈下 小丸子🧆煮得剛剛好龍眼好鮮甜 芒果🥭汁底夠晒清香怡人好開胃又解膩✨🥰🌈芒果糯米糍 +$18 (惠顧2客甜品加購)芒果🥭糯米糍正💓✨芒果餡係明亮嘅黃色 夠好新鮮香甜帶有啲微酸嘅味道 口感好軟糯🤤糯米皮同芒果廿餡嘅味道好協調唔會太甜太膩😉

🥥北極熊 $48 (8/10)係椰子雪花冰，個冰好綿滑，食落好輕盈好香椰子味，雲呢拿味雪糕好香，雲呢拿味好出，一啲都唔甜！椰子脆餅好香脆，有椰絲味，加埋其他朱古力脆脆同麥提莎增加咗口感，造型得意呀好食！🥭芒果少椰 $63 (8/10)芒果雪糕好香芒果味，但係唔會太甜，好軟滑，清心果好爽口，椰汁好香濃唔會太甜，芒果就酸酸地，冇浸過糖水，蛋白好嫩滑，好香濃椰子味，好好食推薦指數: 8/10大推雪花冰，真材實料，好好食！

其實市場上有唔少有榴槤嘅甜品店，但要數最好食一定係金滿堂嘅榴槤飄香🍧🍧榴槤飄香（榴槤+布甸+水晶珠+椰果+泰式珍珠+榴槤汁底） 榴槤果肉不少，而且榴槤汁底係好濃郁嘅榴槤蓉打成😍即使唔係榴槤嘅季節，都可以食到呢一道甜品，仲要keep到個水準👍🏻抵讚。2. 泰迪熊棉花冰朋友點左呢個泰迪熊棉花冰，其實係朱古力味嘅刨冰，配上蝴蝶酥、朱古力脆脆。朱古力味好濃，唔會假甜，而且都幾大碟。仲有朱古力雪糕都好好食👍🏻🍧

呢間甜品既椰皇系列一直係我既最愛，已經回頭食左好多次，每一次食都好驚艷無令我失望🐷紫霞仙子 $56呢個係原個椰皇入邊有芋圓，燉蛋白，雪燕同椰汁。一入口椰汁味好香，蛋白亦好滑，食落唔會話好甜，雪燕既份量都唔少，芋圓數量唔多但好煙韌。食完之後仲可以食埋入面既椰肉，好淋好香椰子味。👍🏻👍🏻🐷朱古力心太軟 $50呢個係一舊朱古力心太軟再加兩球雪糕，雪糕揀左雲尼拿同奶茶味。心太軟外脆內軟，一吉落去朱古力醬就流出黎，味道偏甜但又唔會話好漏。奶茶味雪糕好重茶味，唔係死甜。雲尼拿雪糕就無咩特別。

食咗晚餐食返個甜品真係好開心😁。淘大有幾間糖水舖。今日就揀咗呢間甜品鋪作為飯後甜品。見佢都幾多人等位。但係佢嘅流轉都幾快，雖然人多但等一陣就有位啦。佢嘅甜品都好多款，搞到我心大心細。諗咗陣要都係決定試下佢嘅椰皇燉蛋白再加埋芋圓。朋友就叫咗個芒果西米露。最鐘意食椰皇嗰陣椰子🥥味，好清香。芋圓都够煙靭，多啲芋頭味就更加完美啦。個蛋白够滑够香，呢個唔錯👍🏻食完仲可以撩起啲椰肉嚟食。椰肉都好滑，大滿足😊😊至於個芒果西米露就冇咁出色啦。可能依家唔係芒果季節，佢嘅芒果都係偏酸，但都可以接受嘅。俾我再食都係食燉椰皇比較好啦。

夜晚食甜品，本能開開心心，點知就令我食到一肚氣及極度無奈事緣我叫左一碗芒果櫻花冰，滿心期待及歡喜，送到黎之後發覺無圖片入邊咁大碗咁高身，我都算，但身旁友人同我講你個碗好似流流地啵，你睇下隔離位，我向左邊一睇，發現同隔離位叫個碗係明顯少左一層之差距，入邊既果肉都明顯係少左起碼三份之一，然後我向店員查詢，佢只係一笑置之，我再三查詢，仍然係一笑置之當我傻仔，令我感到十分無奈及遺憾，難怪間野夜晚唔使等位，原來因為咁無客，稍後會向食環及消費者委員會作出投訴

舖頭位置比較細不過廚房好多人做嘢出餐都好快欣賞佢成日有期間限定嘅甜品例如之前新年呢個荔士風 $48係荔枝玫瑰雪花冰做底加啲椰果爆珠等等都有啲新鮮感但係我最鍾意都係食龍吐珠龍眼冰真係冇得彈另外叫咗個小燕格格 $45椰汁燉蛋白都冇得輸仲有我最鍾意嘅清心丸不過賣相就普通啲但最緊要好食啦👍🏻👍🏻👍🏻

食完飯阿女話要食甜品，淘大商場附近都有好幾間選擇，睇咗餐牌，最後扑鎚食呢間金滿堂。間鋪唔大，坐得幾逼夾。餐牌上嘅選擇妥多，睇咗一輪，阿女揀咗個芒芒小丸子，阿仔嗌咗個金玉滿堂，而我就比較唔好彩，想要嘅甜品都賣晒，揀到第三次至揀到個「樂天」。啲甜品話都冇咁快就送咗上枱，大家嘅第一個反應都係話呢度嘅甜品好，因為真係唔係太甜。首先要講嘅係碗芒芒小丸子，除咗芒果同雪糕，仲有小丸子同大量嘅水晶珠，阿女就係睇中啲珠仔至揀佢的，加埋芒果汁底，話非常之滿足喎！阿仔嘅金玉滿堂其實係芒芒小丸子嘅升級版，比芒芒小丸子多咗龍眼同蘆薈，基本上佢哋兩個嗌嘅嘢其實都係差唔多。我要嘅「樂天」最後送上。呢個甜品係紫米露底，除咗有芒果之外，仲有啲清心丸同一個自選嘅雪糕（我揀咗奶茶味）。我一向鍾意紫米做嘅甜品，呢度嘅紫米煮得好，夠冧，加埋啲牛奶味道啱啱好，非常合我心水。好在我哋嚟得早，唔使等就可以入座，我哋走嘅時候出邊已經有一條人龍在等位。睇嚟呢間甜品店嘅人氣真係唔錯，有機會會再嚟試佢其他嘅甜品。

睇完演唱會時候尚早決定同朋友去食個糖水係openrice一search見到淘大有三間糖水舖係得呢間未試過所以決定試吓呢間比較上佢係最多人排隊嗰間再加上見到佢喺openrice咁多好評 對佢都有少少期待大概等左半個鐘左右終於入到去甜品就係入咗之前已經order定所以佢都好快上菜叫咗個榴槤冬冬、心太軟（曲奇&綠茶雪糕）同埋芒果糯米糍首先講吓個榴槤冬冬都唔錯 頗多榴槤肉心太軟好麻麻 佢似未熟多啲😂 個流心好重粉漿味 雪糕就幾好食 擺盤仲有畫公仔芒果糯米糍都OK 皮薄 芒果幾大粒同幾甜總結 佢只係一間average嘅糖水舖

今晚情人節，難得來到淘大，想食糖水，除了隔離的「小方糖」之除，勁旺、勁多人的，還有這間「金滿堂」，滿心期待真是超多人，不堂食了，咁就外賣吧！（但都有排等）在選擇叫哪一款糖水的時候，眼花撩亂勁多款，而且款款都好似好好味咁啊今次試下：「榴槤女皇」先！最後，我用 HK$58.00 花了20分鐘，終於帶到這個「女皇」返屋企。。。 點知榴槤又細，又酸，燉奶又甜，又少，椰皇裡面的椰肉又薄，又無肉食。。。 仲以為會有驚喜添~~~

荔士風 $48******************************金滿堂經常出期間限定今次試試新春限定嘅荔士風主體係荔枝玫瑰棉花冰配料有草莓果子、椰果、水晶珠、雲呢拿雪糕、cream***綿花冰加cream同雪糕一齊食好正荔枝味入口幾fresh所以食晒成碗都唔覺得好漏👍🏻食到尾齋食冰+花瓣嘅時候食到淡淡玫瑰香係一款唔錯嘅期間限定不過我嘅最愛都係金滿堂嘅宇治金時🤭***金滿堂店舖細細坐位幾逼夾但係大家都係志在食碗糖水換枱率好高所以等位唔洗等好耐💪🏻

花好月圓（$52.2折實價）🌟湯丸、清心丸、桃膠、芋圓、薑水底賣相：🐧🐧味道：🐧🐧糖水用普通飯碗大小的透明膠兜包裝，份量不算多，芝麻湯丸只有2粒，芋圓、清心丸只有7-8粒，桃膠寥寥無幾，感覺不太划算。味道方面，湯丸煙韌黏度一般，甜度不高，芝麻餡味道不算突出。芋圓比較煙韌有嚼口，味道純屬粉味。清心丸口感頗為特別吸引，軟中帶韌的質感令人上癮，味道清甜，值得一試。桃膠大部分已溶成小碎塊，未能細嘗。薑水底薑味極濃，非常辛辣，難以入口。外賣等候時間：🐧🐧🐧在假日晚上8點下單，需時約30分鐘送達，與預計時間相約。🐧❤️結語：名字很美，可惜味道有待改進的甜品。

食完晚飯想食啲甜嘢，經過見到呢間金滿堂冇乜人，就諗住入去試吓，咁成間舖空間唔算太大，座位唔算太好坐，叫外賣會比堂食好，叫咗金玉滿堂，味道方面芒果味太重感覺係芒果味嘅糖漿，但芒果，椰果，蘆薈，雪糕呢個組合係幾搭