金滿堂甜品

Open Now

Now Closed

金滿堂由九龍城開始已經有幫襯品質一直好好今次試吓九龍灣店。叫咗一個咖啡雪葩配咖啡啫喱，呢個係我必食三甲。太耐冇嚟，以前係會有兩球咖啡雪葩同啫喱一齊，而家改為雪葩用一個小膠兜另上，我都係比較鍾意同啫喱一齊食，咁溶咗嘅雪葩可以溝埋咖啡啫喱就為之最好味，而旁邊嘅忌廉有少少多咗。雪葩入面溝埋啲榛子粒粒另外咖啡啫喱應該蒟蒻嘅口感，味道保持得到但份量比以前少，價錢為$33 ，叫做可以接受啦！佢嘅榴槤忘返都好好食，不過而家要戒口，希望遲啲可以再食返啦！

叫了一個心太軟食食下見到一隻小昆蟲, 同員工講.佢反問我係一上枱就有還是食食下先飛落去.  我真係答唔到佢. 好啦. 佢話換比我啦. 於是過了15分鐘,我問佢有未. 佢話要得起碼10分鐘,比較多單..... 但其實那時並不多客人.我話已經有15分鐘啦. 佢去check 下, 跟著同我講原來漏左單. 而家即刻整比我,叫我等多6分鐘左右, 問我要堂食定外賣攞走. 我話攞走…. 跟住我叫朋友先行回去. 我等.又等了10分鐘,  員工出了個堂食比我.話唔好意思, 唔可以外賣. 原因係張單係堂食, 因為有問題補比我, 所以只可以堂食. 我話我朋友(食心太軟)的那個已經走了, 我拿回去給他, 我前後等了25分鐘, 如果你唔係漏左單, 我朋友一早食完啦.我而家仲要比$1 買個外賣盒攞走比佢.講完那個員工已不想理我, 另一個寸咀員工出黎講返同一段說話.理論在一會, 佢同我講只係今次比我攞走, 下次唔可以 (唔好意思, 我下次都唔會再幫襯).我話係你個員工問我要堂食定外賣攞走架… 佢話個員工係新黎… 唔應該咁問….etc…..我已經冇心機聽佢講咩應該唔應該, 點樣調校佢個員工, 快D收錢, 我已經等左好

叫咗個芒果甜品，雪糕幾大個，唔係平時啲芒果雪糕味，不過質地都幾好。估唔到連珍珠都咁好食，恰到好處，煙煙韌韌下面仲有少少沙冰底，不過啲小丸子有少少硬，可能煮得未夠耐，芒果有啲酸，唔夠甜，但係整體幾好，成個甜品唔會好甜。另一個係芋圓，黑糖水底，唔會好甜。呢個普通d，不過唔係專賣台灣甜品嚟講算係幾好。芋圓唔會太多粉，但係質地都煙韌，芋頭同地瓜味唔會好突出。但係上邊嗰個芋泥（定唔知紫薯泥）就冇乜味，唔單止香味，連甜味都冇乜，但整體食上去都幾夾，算OK嘅埋單80幾蚊，幾平幾好食

唔係講笑，我覺得佢呢間甜品店真係好有心， $50值得買黎食 用外賣平台 送過嚟，仲包埋冰袋，打開個榴槤忘返，真係好香入面好足料，有一大舊榴槤肉啦有榴槤打成嘅奶昔啦，好滑嘅奶凍，脆脆嘅西米，仲有椰果同埋少少奇亞籽 成碗野好match ，無可挑剔 真係唔係賣廣告 冬天食雪中送炭夏天食榴槤忘返😝😝😎👍👍

睇完演唱會專登來到最近噶一間金滿堂分店，唸著同個女食返個甜品開心下囡囡點左芒果大王 ，不過不失但係我果碗銀竹花就中伏了，食了一兩啖，點解唔甜噶，就搵服務員說明情況，詢問係埋忘記加糖，其實我本覺得加完糖就可以食！誰不知服務員話我地呢個係屬於低糖，正常，我心唸，你懷疑緊我味覺？定係懶唔想加糖？真係好淡喔？一點糖都食唔出！跟住一路無理過我，直至我囡食完即刻埋單走人！心念味道係好不過不失，但係食糖品本是一件開心事情，而搞到我淡而無味之餘仲要睇返鋪頭面色，搞到係食客問題咁！我絕對投訴到底

芒芒小丸子有龍眼同蘆薈，芒果汁幾濃，不過啲芒果有少少酸金玉滿堂 同芒芒小丸子個底其實差唔多不過配料上再多啲，有芒果/水晶珠/小丸子/雪糕/龍眼/芒果汁底另一款係芒果汁燉蛋白，燉蛋白好滑，椰汁底因為之前其他店食過一次清心丸唔中意口感今次走左清心丸                                                                                                                                                                                                                                                                          

最鍾意就係佢哋嘅桃園燕。鍾意我咬口嘅朋友，好值得試呢個，除咗係好啊嘅燉蛋白，仲有啲好似蒟蒻嘅清心丸、桃膠、芋圓、燕窩。甜味唔會太過分，淡淡地，反而好鍾意。有啲舖頭都會有椰子燉蛋白，但係通常個椰子都好細個，但係呢間餐廳嘅椰子一啲都唔細，食完入邊嘅嘢之後，仲可以挖埋周圍嘅椰子肉出嚟食。我哋仲叫咗香芋芝芝，比起一般麥提沙糯米糍，香芋芝士配搭特別，芝士味濃郁。除此之外，我哋仲叫咗心太軟，心太軟嘅發揮正常，但係配上佢哋獨家整嘅奶茶味雪糕，就覺得好特別。

好耐無去食甜品喇，呢一晚刻意食晚飯🥣唔食咁飽，就係為咗留肚食甜品🤣，響門口排咗一陣間隊，等候店員安排入座。未落單已經聞到隔離枱既榴連味，所以唔會有選擇困難症。我就食咗推介既榴連飄香，朋友就飲咗杯個樣似朱古力既飲品（sorry 連相都唔記得咗影🤣）下次補返啦，佢就話好飲，我就唔想朱古力味溝埋榴連，所以無試飲。鍾意呢度既甜品唔會太甜，恰到好處。留返下次再食椰皇啦，難得朋友唔食榴連都肯坐低陪我，真係開心同幸福。

芒果櫻花冰同榴槤飄香，都好好味，因為我唔鍾意太甜，而佢哋嘅甜品對我來講甜度剛好，足料同份量都唔小，唔怪之得長期都咁多人！芒果冰好綿！❤️ 上面有啲煙煙韌韌嘅，又有芒果雪糕🍦榴連飄香亦冇苦味，好香甜！

🍴香港好椰 $48 (8/10)有芒果/小丸子/綠水晶/椰子龍眼沙冰/椰子凍，甜地好香椰子味，好清新，龍眼同椰子好夾，芒果都好甜，小丸子好煙靭，唯一唔好就係沙冰好快溶好快變咗水🤣真心幾好食！🍴芒果糯米糍 +$18 (8/10)叫兩個甜品就可以加錢叫，個皮超軟糯，唔痴牙，芒果一大粒幾甜，冇諗過可以咁好食！如果表面係椰絲會仲正。推薦指數: 8/10已經喺九龍灣最好食嘅甜品舖，欣賞佢哋成日都會推出唔同嘅新搞作，都真係會keep住去食。

夜晚去完街返屋企,老公話口淡淡想買碗糖水返屋企食滋養潤一下,我就提議食金滿堂品,因為呢間野長期坐滿人, 而等堂食同外賣既人都唔少, 有信心保證丫.老公係芋圓愛好者 ,所以今次我就幫佢揀左個叫杏花村(凍)既糖水,入面有小丸子,芋圓,芒果, 豆花同杏仁露,一碗42蚊,入面既材料豐富,每一匙都佔滿各款既材料, 芋圓同小丸子夠煙靭彈牙,芒果今次略酸, 如果可以笨返少少會更好,而豆花同杏仁露出奇地夾, 兩者味道合而為一,有豆味既嫩滑之餘更帶有淡淡既杏仁香甜,每一口都係滿滿既幸福感,我地好欣賞佢既甜品唔會過甜,令人食得好無負擔而且感覺好清新,唔會有罪惡感,更加令人想去完又再去.唯一可以改善既地方就係唔夠凍, 可能天氣熱, 外賣拎到返屋企已經無左冰凍既感覺,如果可以提供小塊dry ice 作冰震作用,我相信會更加好.絕對會再幫襯試其他野, 大推.

嚟開牛頭角，食完晚餐，雖然好飽但係都好掛住佢個雪中送炭，淡淡椰汁清香配搭芝麻湯圓、燉蛋白，重點係有清心丸😍保持水準，不太甜👍🥢雪中送炭 $40🥢芒果涼粉 $40

夜晚喺附近食完飯，過嚟買埋個甜品返屋企食。之前一直食開淘大嗰間，今次試吓九龍灣分店。買咗個香芋芝芝，平時都係好鍾意食呢個，鍾意佢入邊有好多芝士醬。佢嘅外皮，糯米皮，好煙韌，好有咬口，連埋入邊嘅忌廉芝士一齊食，好滿足。

勁濃郁榴槤甜品🤤嚟到7月又係時候暴食榴槤，今次嚟到呢間由2003年開業至今既超高人氣糖水店，趁較少人既時段終於入到去試到佢地既榴槤系列啦🌝月光寶盒($48)入面有牛奶布甸、桃膠、清心丸、榴槤肉配榴槤沙冰底(同埋唔知點解有椰果)，啲料係多到鋪曬成個面，食極都有。成碗最搶眼就係舊榴槤肉，估唔到有原粒大小😳仲已經去左核所以食落啖啖肉，口感都算creamy榴槤沙冰底就較稀身，但係超重榴槤味。配料嚟講牛奶布甸同清心丸做得最出色👍🏻牛奶布甸夠滑夠奶味，清心丸就帶少許煙韌得嚟頗彈牙。雖然份量唔算大，但真係好足料，榴槤fans必試💖不過要小心因為太濃味既關係，個陣榴槤味係口中揮之不去🙊搞到完全唔敢除低口罩同人講嘢🤣

放工想食甜品，行過九龍灣淘大商場附近有3間甜品舖，揀左呢間幫甜品改名改得幾得意既金滿堂。夜晚10點去都仲有唔少人排緊隊或者等緊外賣，入面座位大概30個左右。今次嗌咗熱既金桃花，入面有桃膠、清心丸、燉蛋白、椰汁底，入面既燉蛋白係幾塊細細塊既蛋白，清心丸唔算煮得太淋，桃膠都係偏碎，但個椰子底食落唔會太甜，整體味道一般，唔係特別有驚喜。另外仲嗌咗個夏日限定既西瓜棉花冰，入面有3粒西瓜球、1球雲尼拿味雪糕、椰果、水晶珠同埋雲尼拿味既棉花冰做底。其實西瓜只係噱頭，除咗個3粒西瓜球之外，成個甜品都只係雲尼拿味，同西瓜無乜關係。不過整體口感都算豐富，係個不過不失既甜品。📍九龍灣牛頭角道77號淘大商場2期地下G201-201A號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊🍊