金滿堂甜品

Open Now

Now Closed

位置方面:九龍灣淘大.等待時間方面:845左右到, 有位可以即入, 再夜少少啲人就排晒喺門口.一埋位, 冇幾耐就有姨姨比一盤野我地自己落豉油同配料.甜品方面:桃膠﹑清心丸﹑燉蛋白﹑椰汁底: 呢個金桃花有齊呢幾款食物, 想讚一讚燉蛋白, 燉得幾好食, 雖然甜, 但係甜味唔會蓋過左個蛋味, 蛋味濃郁. 芋圓﹑燉蛋白﹑椰汁底: 食得出芋圓係用糖水煲, 因為佢既甜度比起其他店舖食到既都甜啲, 甜到有啲蓋左成碗既味道.芒果糯米糍: 同長洲嗰款芒果糯米糍唔同, 呢款連個皮都有芒果味, 幾好食環境方面:好逼 (應該間間糖水舖都係咁), 枱都好細.總結:雖然佢標榜低糖, 但我依然係覺得有少許過甜. 另外, 有張卡仔儲印仔, 每滿$40就有1個印, 儲滿10個印就可以當$15用, 每次最多可以用2張, 即係每次最多可以平$30.而且, 新吸既印仔唔會因為你扣左30蚊而扣印仔. e.g. 食左$96, 扣左$30, 會有2個印仔.

「淘大商場」比你既印象係咩？定其實你連佢係邊都冇概念，剩係諗到『沙士』🧐？住係香港廿年，我都係第一次去🤫感覺好清新（唔係講空氣），個度環境唔同香港Copy and Paste既大型商場，好有自己Style，上至名店，下至隱世小店，應有盡有。係呢度試咗間隱世小店【金滿堂】既麥提莎糯米糍🌰🌰。麥糯表面沾滿可可粉，完全係睇唔到底下既糯米！size岩岩好，一啖擺哂落口！入面係原粒麥提莎，所以預左係偏甜，但都好好食！除左麥糯，呢間甜品舖中西式甜品都有，大部分都唔係一般甜品舖可以搵到，創意指數10分！—#金滿堂 #麥提莎糯米糍 #甜品

食完晚餐又到食糖水嘅環節今次呢我哋就三個人去咗金滿堂一人點左一個甜品咁我就冇影低佢哋嘅甜品啦我真係講下我今日食咗一個甜品既感覺我覺得呢度嘅棉花冰好好味入口味道好得意賣相係一個小熊仔好可愛熊仔嘅頭上面仲有啲小丸子食住雪花冰之餘又咬下煙un的小丸子仲有麥提沙同埋有兩粒八馬卡龍我覺得呢個甜品都幾抵食淨係馬卡龍平時一粒都好貴而呢個甜品又有得食棉花冰也有雲呢拿味雪糕好似一次過滿足晒我唔同嘅需要令到呢個甜品有好多唔同嘅口感幾欣賞佢哋嘅創意

最近天氣轉涼，今日同男朋友行經淘大，心思思去左金滿堂食個熱甜品暖一暖。下午2點幾去到，得一兩枱客，店舖不太大，但座位之間都算寬闊，坐得幾舒服，餐廳環境光猛潔淨。冇泥一排，椰皇系列又多左幾款，尤其係最近幾年興食ge芋圓同桃膠。不過我同男朋友都係揀返平時食開椰皇燉湯丸！椰皇燉湯丸裡面有芝麻湯丸、清心丸、椰皇燉蛋白，配上椰汁底。絕對好足料，湯丸有3粒，清心丸口感煙韌，燉蛋白入口滑嫩，加埋椰汁一齊食好match，食完真係好滿足！！金滿堂奉行低糖少甜主義，所以就算間中去食個甜品糖水都唔怕。順帶一提，呢到ge椰皇係唔會循用，保證衞生，又食得放心。

食完飯要食糖水呢間一定最多人椰皇你唔係唔試ma金桃花 椰汁超香超甜蛋白真係好滑 桃膠如果多d仲開心好有咬口 因為有竽圓 清心丸好sweet❤️仲有個椰皇係有芝麻湯圓次次都要諗食邊個 椰殻好似話唔會重用 幾好仲有quota 就買埋個椰汁 清涼消暑

去朋友屋企食完飯之後，為答謝朋友親自下廚，我就請食飯後甜點，朋友帶我去呢間金滿堂，星期六晚人流都好多。看看menu，實在太多選擇啦，就揀一d平時無食過既味道先。美女與野獸 $45 （玫瑰櫻花冰）有小丸子、櫻花冰、蘆薈、花瓣碎、雪糕、馬卡龍。小丸子較彈牙，蘆薈好清甜，櫻花冰其實只係食到好香好清新既玫瑰味，可能有一d玫瑰花瓣碎吧！再配上士多啤梨雪糕，雪糕不會太甜，味道剛好，至於馬卡龍沒有太特別，普通餅仔既味道！整體都唔錯，喜歡玫瑰味既朋友可以一試！

每次黎九龍灣食完晚飯，必定黎金滿堂食番碗甜品先至捨得走😂一去到又係有好多人排隊，等左20分鐘。我入到去之後，店裏面嘅人又開始走，次次都係咁😂必食椰皇系列，今次食桃園燕，椰皇燉蛋白甜度適中，椰肉夠甜又夠厚，而且好多料，雪糕，清心丸，芋圓，而又容易刮出嚟食，啖啖肉，好味😋雪糕紅豆冰單戀傻小子😂 主要有乳酪雪糕同埋士多啤梨加啲玉米片，雖然好簡單，酸酸甜甜令人繼續想直落去。呢間甜品店好多種類，雖然環境唔算好大，但製作認真👍👍

九龍灣呢間金滿堂都開左好耐啦，我都唔記得幾時第一次幫襯。金滿堂位於淘大商場附近，我雖然成日去九龍灣，但呢個位就一啲都唔順路啦。儘管如此，間唔中我都會突然諗起間糖水鋪會好想食，幾唔順路都兜嚟食下，可能係佢有一種難以言語嘅吸引力啦。糖水鋪嚟講，呢間算係我好中意嘅一間，最中意食佢嘅椰皇系列。金滿堂標榜低糖，雖然唔知係咪健康啲啦，最起碼我個心聽落係囉，呃下自己唔會肥囉。我就好想試椰皇系列個榴槤女皇，不過話哂都dating 緊，唔敢嚇走男朋友啦～唯有等下一次啦。桃園燕（熱）$55呢款有凍有熱簡嘅，我覺得椰皇系列都係熱熱地咁食最好食嘅。桃園燕材料好豐富架，豐富到dinner 個陣個胃唔留啲位食呢個甜品嘅話，真係唔洗旨意食得落架。材料有:桃膠，芋圓，雪燕，清心丸，椰皇燉蛋白（椰汁底）超級嘅足料！！好好食，好香椰汁味，又唔會太甜。嚟金滿堂一定要試下佢嘅清心丸，好難係其他地方見到，清心丸係潮州嘅甜點，本身無咩味道，望落很通透，好有彈性。燉蛋白好大碗架，覺得一開始攪爛少少拌汁食會好食啲紫醉金迷 $38（熱/凍）男朋友點左個紫醉金迷，聽個名好得意啊～入面有芋圓，燉蛋白，雪燕（椰汁底），其實啲料同我點果個都差

2019年3月1號星期五今天去咗朋友屋企食飯，食完落樓下就有糖水店。未到九點出面已經要排隊。呢一間糖水舖係九龍城都有一間舖九龍灣呢一間分店就冇九龍城嗰間咁大不過座位都算寛鬆龍珠二世。裏面有芒果小丸子珍珠西米露同埋曲奇雪糕呢個糖水叫佢紫霞仙子。 淨係聽個名已經夠晒吸引椰皇非常之香佢嗰度話寫個名仲好笑嘅雪中送炭

對於拍拖小情侶，淘大一定係其中一個低消費，又方便的拍拖消閑好去處，正好開了新戲院，可以睇場戲食個甜品，當日點了「金玉滿堂」（其中包括芒果，雪糕，水晶珠，小丸子，及蘆薈）、「麥提沙糯米糍」、「芒果糯米糍」。最令我驚喜係金玉滿堂依然材料豐富，而麥提沙糯米糍雖然曾在家製作但實在太麻煩，所以好多時想食會寧願過黎買一份回家品嚐。可惜越受歡迎但服務質素卻差了，甜品只要差不多食完就會想收走甜品，一食完就收走並詢問餐點是否到齊，有沒有需要加單，以及告知收銀枱位置，工作效率非常高！當然明白有客人在外面等，可是真的會有點生氣，或者下次再堂食時點清心丸會比較適合。

九龍灣high tea 糖水之選？一間自稱低糖少甜既糖水專門店，究竟做唔做到佢所講既水準？#金桃花 💰$38一黎會聞到好香椰子味😆好正入面有桃膠、清心丸+燉蛋白，椰奶味好重。桃膠睇落好似一粒粒細既啫喱🤔無咩特別味。清心丸既感覺幾特別，好似食緊煙韌既正方形狀無味既芋圓，燉蛋白的份量雖然比較少，但好滑椰子味好突出。整體味道偏甜，好似唔太做到低糖少甜，但食落暖暖地好舒服同好滿足😆好味指數：😋😋😋😋😋😋（十分最高）

最近天氣回暖很有意欲去食冰！所以今日特意去了附近的金滿堂吃冰！叫了2個冰分別是芒果櫻花冰和北極熊（豆腐櫻花冰）！這裏的冰份量不多，一人食就剛剛好！北極熊（豆腐櫻花冰）外型滿分，熊仔造型很可愛！是熊仔的臉豆腐棉花冰，鼻子是雲呢拿雪糕，眼睛是麥提沙！上面還有一點小丸子！不單只外型加分，味道還很好！豆腐味很濃冰又很綿，很好吃！芒果櫻花冰，冰底好食！芒果味不會很假！上面有芒果雪糕，小丸子和椰果！但是略嫌雪糕有點太甜～我覺得金滿堂一直受歡迎不是沒有原因的，一直以來品質都不錯加上價錢不會很貴！又常有新產品！我也會繼續支持的～

後生嗰陣，一班老死無無聊聊就會走去糖水舖食宵夜。但依家生咗兩個小朋友，就冇呢支歌仔唱喇。前排心血來潮，有一日真係好想食糖水，就同老公講，不如嗌外賣金滿堂啦。大學年代，成班同學捱夜傾project，有時傾完即興踩落九龍城食金滿堂，充滿回憶。當然鍾意食炮兵、芒果糖水，而家就專攻養生熱糖水試咗呢個椰皇大雜燴，真心正！首先，送到屋企仲係熱辣辣～ 一打開勁足料，食完飽到好似食左餐飯，而且桃膠雪燕椰皇都係養膚正野，就算貴少少都值得！

以甜品舖嚟講 呢間係我最愛啊🥰佢話低糖少甜 雖然唔係少甜 但係佢用冰糖代替白砂糖 點都健康啲啦😏.#紫醉金迷 $38入面有芋圓 燉蛋白 雪燕 椰汁底呢個暖粒粒☺️ 椰汁🥥更香更濃 好香燉蛋白好滑😏食得多蛋白係咪皮膚都滑啲椰汁底配蛋白 絕配啊 雪燕變左配角芋圓有驚喜啊😳好煙韌同埋食得出係紫薯嚟咬個陣有小小紫薯粒🤩.#金桃花 $38入面有桃膠 黃色個啲🤣 清心丸 燉蛋白 配椰汁底同樣暖粒粒 椰汁底同蛋白嘅比例做得好好☺️桃🍑膠口感好得意 好似食緊碎左既魚膠.呢2款係有凍食既 如果想食凍 仲有個椰皇載住 可以刮埋啲椰肉食😏

Golden Hall Dessert is a quaint little tasty Chinese style dessert shop located in Amoy Plaza.$45 Kyoho Grape Shaved Ice with Ice Cream. Tasty grape flavoured shaved ice topped with vanilla ice cream. A sprinkling of various topping provide a delightful combination of textures, temperature, and colours.$42 Mango Sago Sweet Soup with Ice Cream. Sweet mango soup, mango ice cream, chewy mochi balls, and cubes of freshly sliced mango. A tasty combination! 😋A great way to end the night with a sweet l