金鳳大餐廳

Open Now

Now Closed

前晚同朋友去咗屯門金鳳大餐廳試佢哋嘅「每月特選晚餐」，雖然唔係第一次食金鳳嘅扒餐，而每次食都係食緊一種回憶同風味餐廳環境寬敞舒適，燈光溫暖，服務員好有禮貌又細心，畀我哋一入座就感覺賓至如歸。首先講柚子醬沙律，呢個沙律清新開胃，柚子醬酸甜得宜，配上新鮮嘅雜菜同生菜，食落好爽脆，完美為晚餐揭開序幕。主菜係鐵板西冷牛扒拼芝士焗大蝦，七成熟嘅西冷牛扒肉質嫩滑，煎得外焦內嫩，蒜蓉汁濃香撲鼻，入口充滿肉汁，簡直係人間美味！芝士焗大蝦更加係驚喜，蝦肉彈牙，芝士香濃得黎唔會過膩，焗得金黃誘人，令人食指大動。盤底放左吸哂汁嘅薯條同翠玉瓜鬆軟甜餐包配羅宋湯都好出色，餐包香甜鬆軟，羅宋湯酸甜濃郁，飲落暖胃又開胃。跟餐嘅即磨咖啡好香，熱騰騰端上嚟，味道濃而不苦，係一個完美嘅結尾。另叫嘅大胡麻醬雞肉沙律份量十足，雞肉嫩滑，胡麻醬香氣濃郁，沙律菜新鮮，食落好滿足，絕對係健康之選！可能係羅宋湯略為偏甜，對於唔太鍾意甜味嘅朋友可能會覺得稍為濃咗啲。但整體嚟講，金鳳大餐廳嘅晚餐精選無論係味道、賣相定係服務都好有水準，份量夠足，性價比高，真心推介！下次一定會再嚟試其他菜式，畀金鳳一個大大嘅讚！

很久沒鋸扒了，今日放工來了金鳳大餐廳吃一頓美味又豐富的鐵板餐。餐廳的鐵板款式非常多，牛扒種類款式繁多，仲有雞扒、豬扒、羊架等等，每一款鐵板都是啖啖肉，份量爆多，滋味極了。除咗鐵板之外，仲有意粉或飯可以點選，仲有一款食物啱自己。今日我同老公一人點了一份鐵板，鐵板餐配上了餐飲和餐湯及餐包。餐飲我們升級了特飲，一杯龍鳳檸樂，鮮檸檬配鹹檸檬再配上可樂，鹹鹹酸酸的非常醒胃，十分地道的特飲。另外一杯點選了雪糕紅豆冰，雪糕球放進了紅豆冰內，非常滋味，雪糕美味極了，就算雪糕溶化了，也不用害怕，紅豆冰配上了雪糕甜度適中非常美味，奶味香濃，仲有軟綿綿甜甜的紅豆，非常出色。鐵板方面點了一份荷蘭豬扒餐，非常豐盛，有兩塊巨大肉厚的美味豬扒，豬扒啖啖肉，肉質啱啱好！肉類超多，超惹味。仲有兩片惹味煙肉。配上了醬汁，可以點選黑椒汁或蒜蓉汁。汁醬非常美味，配合肉類來吃啖啖肉勁滋味。鐵板餐仲配有薯菜，薯條美味，翠玉瓜爽甜！另外一份了鴛鴦扒餐，有一塊豬扒和一塊雞扒，雞扒嫩滑，啖啖肉美味。豬扒都是很巨型的，超滿足。一個餐就可以吃到兩款肉類。正！每款鐵板有不同配搭，超級美味，份量又足！非常滋味！最愛地道又惹味又豐富的鐵板餐！

呢間係少有只做鐵板餐既餐廳，就係佢咁專，所以想食鐵板餐就會即刻諗起佢。除左佢專做鐵板餐，佢d餐仲一定配餐包，餐湯同飲品，好鐘意咁樣傳統一set 西餐，感覺好完滿，好滿足。今次朋友喺外地番黎，同佢食番經典餐廳。今晚晚餐set有西冷配大蝦，呢個餐配甜品tim呢個餐既配菜比較特別，係薯格，其他套餐係配普通薯條。黎得食野，就去到盡，升級特飲黑牛，再加蒜，實到太正本身黑牛個雪糕係朱古力味，甜品隨機雪糕又係比朱古力味我，應該係知我好鐘意食朱古力味la😂😂

好耐冇食過鐵板餐，想懷念一下舊式嘅風味，就係屯門金鳳大餐廳🤪🤪🤪甜餐包配忌廉湯，係一種回憶，之前懷舊嘅餐廳先有呢一種忌廉湯出現，而且甜餐包好鬆軟。焗豬扒飯豬扒多汁，外皮酥脆，搭配香濃蕃茄芝士焗汁，口感豐富。適合喜愛重口味既人，超值美味！T骨扒鐵板餐肉質鮮嫩，外焦內juice，搭配黑椒醬汁，好夾。鐵板上來熱騰騰，”炸@個一聲令我好想快啲食，可能我好耐冇食鐵板餐啦。另外，服務員十分有禮貌，倒鐵板黑椒汁嗰陣極之細心，非常滿意！👍🏻👍🏻👍🏻👍🏻

今日黎到位於屯門金鳳大餐廳餐廳主打鐵板餐裝修具懷舊特色 有feel😙⭐️餐包及是日餐湯餐包熱辣辣又鬆軟，點埋牛油更加香😆配上濃郁嘅忌廉湯，非常開胃⭐️西冷牛扒餐（七成熟）配黑椒汁主菜西冷牛扒，七成熟保持肉質鮮嫩醬汁揀選黑椒汁，增添了香濃的風味😍底下加埋薯條，紅蘿蔔等等配菜減輕油膩感⭐️鴛鴦扒餐（豬扒＋雞扒）配蒜蓉汁主菜結合了豬扒和雞扒，口感多樣醬汁揀選蒜蓉汁，突顯肉類的鮮香都有薯條，紅蘿蔔等等配菜整體非常滿足😊⭐️茄汁意粉鐵板餐+$18配茄汁意粉搭配新鮮的番茄味道食完更加滿足👍🏻⭐️飲品熱檸檬水：清新解渴，適合餐前飲凍檸檬茶：酸酸甜甜，非常解渴💕

連王祖藍都力推嘅人氣餐廳，再加上身邊朋友講到都眼發光，依家終於有機會試💥同閨蜜點咗鎮店王牌 ——貴族牛扒套餐同招牌牛柳套餐🐮我哋揀嘅七分熟牛扒一刀切落去肉汁瞬間爆出💦，外層煎到金黃焦香軟嫩又帶點彈牙，再淋上靈魂黑椒汁、如果加埋一匙香濃蒜蓉味道層次直接拉滿！難怪王祖藍都對呢度嘅牛扒讚不絕口！套餐入面嘅羅宋湯都好有心思🥣！紅湯酸甜濃郁，滿滿嘅番茄香🍅，配埋軟腍嘅紅蘿蔔、馬鈴薯🥔，白湯奶香醇厚入口綿滑，兩款湯都各有千秋，好想兩款都飲埋！食完牛扒一定要試埋佢哋嘅懷舊雪糕飲品🍧雪糕球喺梳打水中慢慢融化，再咬一口脆卜卜嘅威化餅，清涼又解膩～另外仲有菠蘿冰、忌廉溝鮮奶等懷舊特飲🥤，每一款都充滿香港地道風味！

今晚去咗呢度食嘢叫左個晚餐什麼芝士焗蝦配西冷牛扒我直接講：牛扒無肉味，用牛油刀都可以輕易切左！無乜牙都可以食整體來講食過一次算啦😐另外收銀戴眼鏡嗰位女士完全冇笑容問佢嘢問非所答啲人仲話杯凍檸茶好飲難飲程度一至10分我比滿分10分

兩個人選了最貴的所謂特選牛扒餐, 成塊扒係筋, 完全切都切不開, 最後只可吃了配菜, 叫主管來, 但完全不想解決問題, 只不停說有些客人鍾意食筋(?), 說落單時服務員會提客人這款牛多筋, 但我地話落單時並沒有就說明, 就算客人幾鍾意食筋也不會要成塊切都切不開的牛扒筋啩? 主管態度就是"我地不嬲都係咁架啦, 一係取消一係換過另一樣野比你", 這樣食物質素這樣態度, 難怪個個北上食又平又好質素又好服務態度既食店

常有批評侍應招呼問題，相比之下今次所接受的招待，簡直可以用非常好和富有人情味來形容。男侍應哥哥招呼體貼，又富幽默感。令用餐感受在新年期間非常愉快。食物一貫的高質素無可挑剔。

區內唯一的豉油扒房📍地點：屯門🍽️菜式：扒房💰人均消費：晚餐 HK$120~250🔖服務費/ 茶芥：✅ / ❎🧻餐巾/ 濕紙巾：✅ / ❎🪑座位類型：方枱/ 卡位📝落單方式：侍應生落單【鴛鴦扒餐】💰HK$128小編和朋友大家問對方吃什麼時，竟然同時間指出要吃雞扒。😆 原來大家心中都記得上一次吃過金鳳的雞扒非常好吃。而貪心的小編又想吃多一款扒就要了這個鴛鴦扒餐有雞扒和豬扒。鐵板上加分，雞扒肉厚再大加分，這次一樣皮香肉嫩，水準保持。豬扒邊邊帶肥膏部分好有豬油味，下飯一流。有薯菜跟扒上。雖然牛扒出名，可能要下次再試🤭。另外有餐包餐湯飲品跟餐，凍檸茶是不錯喝的。【白飯、茄汁意粉】💰HK$15、HK$ 18吃扒有時候就是好想跟白飯跟意粉吃。金鳳大餐廳🏷️屯門屯順街1號屯門市廣場1期G樓G076號舖

天氣凍，好想食熱辣辣嘅鐵板！食鐵板餐一諗就諗起著名嘅金鳳大餐廳😃金鳳大餐廳喺港九新界都有多間分店，我今日就光顧位於屯門站附近嘅分店！午市套餐非常抵食，有八八折優惠🥳每個套餐仲附送餐湯、餐包同飲品添！真係唔怕食唔飽😃😃我同朋友一人一個鐵板扒午餐，加埋都唔使$350😁大家都非常滿足！我哋分別叫咗香燒羊扒餐和雜扒餐。香燒羊扒餐- 羊扒餐色香味俱😃😃總共有三件羊扒每件都大大嚿！香噴噴得來賣相亦非常吸引！雜扒餐- 非常豐富，入面有豬扒、牛扒、雞翼、火腿同埋香腸😁😁仲要見件都好吸引😆😆當中我最鍾意食嗰塊豬扒，煎得夠香，皮脆嫩滑！值得推介🥳金鳳大餐廳 (屯門)屯門屯順街1號屯門市廣場1期G樓G076號舖

好耐冇食過香港懷舊鋸扒，今晚嚟到屯門金鳳餐廳搵返呢種懷舊情懷🥰6點半入座冇耐，出面已經排晒長龍，食完就知點解吸引咁多人排隊！餐廳保留咗香港舊式扒房嘅懷舊裝潢，但座位舒適度等等又比起舊式扒房好。睇完餐牌淨係唔同款式嘅牛扒餐都令人眼花撩亂。最後揀咗最傳統嘅西冷牛扒餐同T骨扒餐。點餐冇耐已經好快送上熱辣辣嘅餐包，再配上一查即融既牛油，細個同屋企人鋸扒嘅回憶即刻返晒嚟。再加上又足料又開胃既羅宋湯，已經為後面既主菜打咗個靚底😍小食方面，我哋嗌咗芝士白汁焗西蘭花。新鮮嘅西蘭花同極濃芝士厚厚白汁，呢個配搭完全唔肥膩。重頭戲兩個牛扒餐都絕對無令人失望😎 店員將牛扒餐放咗喺枱上面，果然同朋友好有默契地拎起張紙巾，"炸"！ 相信呢個聲音同動作完全勾起左香港人嘅回憶。西冷牛扒叫咗五成熟，生熟度處理得啱啱好，唔會血淋淋，亦都唔會熟到乾晒。 肉質好鮮嫩，肉味香濃。 再配上店員推介既生蒜，咁多年食鋸扒牛扒加生蒜又真係第一次，原來會在一步提升牛肉嘅香甜！另一個餐係T骨扒餐，呢個肉質比起西冷牛扒鬆軟，但係又唔會話淋到冇口感。咬落依然好juicy! 當然唔少得就係鐵板餐入面嘅薯菜，有薯條嘅香口，亦都有紅蘿白翠玉瓜等蔬菜

昨天一行三人到屯門市廣場金鳳茶餐廳午飯，雖然地方少、人流多座位有限，但前台職員盡可能安排二人入座二人枱，大枱留給三至四人用，所以，等候時間不算太長。而且門外張貼了今天提供的午餐款式，可以在等待期間讓你想想食邊款。午餐性價比極高，從餐湯、牛油餐包到主食以及凍飲不另收費，平均每人都是$60-$80。至於食物質素例如羅宋湯、牛扒都喜出望外。還有，不想吃意粉或飯，可以選擇配搭薯條或沙律都是不錯選擇。而餐廳職員服務可謂步伐快，入座後就會問你想食乜嘢？由他們落單到上菜都只是數分鐘內！還有他們態度和藹風趣、眼看在可行的情況下還會為客戶提供貼心服務😊

今日放假，但冇朋友得閒陪我，只好自己周圍轉轉，行吓行吓有啲肚餓而且突然好想鋸扒，就打開OpenRice search吓屯市廣場附近有冇好介紹，就見到「金鳳大餐廳」覺得唔錯，就決定去試試。 去到餐廳大約三點左右，門口已經有10多人等待叫號入座，但等左一陣就可以入座，非常好👍。餐廳佈置很有懷舊感，地方不大但坐得幾舒服。餐牌樣樣都很吸引，選擇多，價錢又合理，但今日我係為鋸扒而嚟，所以我叫咗個貴族牛扒餐，五成熟、黑椒汁，加生蒜（另加$2），餐湯要羅宋湯（可選白菌忌廉湯），餐茶叫咗凍檸檬茶走甜 落單後服務姐姐好快就送上熱辣辣嘅餐湯和牛油餐包，羅宋湯係用多種蔬菜🫑🥕🥬和辣椒🌶️熬製而成，食到微微辣和蔬菜甜味，係由細飲到大嘅傳統口味，再配埋餐包一齊食，簡直係絕配。 因近排有啲燥熱，所以鐵板改為碟上，牛扒份量大，又厚又香，原以為會又柴又韌，但當我切開之後見到牛扒啲肉好粉嫩，入口腍滑，一啲都唔鞋，咬落仲有肉汁，再加埋黑椒汁同生蒜更加惹味，師父控制火候非常到位，超抵讚👍👍👍 今日真係冇失望，餐廳還有很多抵食套餐就留待下一次再嚟品嚐吧！😋

以前接觸嘅金鳳裝修比較老派咁啱行開街 見到間餐廳既招牌吸引咗去望原來係金鳳而家變得非常新式同年輕啲感覺去到門口拎飛嘅時候 侍應都好有禮貌唔同以前😬😬😬等咗一陣終於有位侍應又會好熱情帶位未用餐 感覺已經好好我哋叫咗貴族牛扒餐（美國牛肩肉） 5成熟由於好耐無食過扒房 我哋叫咗鐵板上 待應倒汁落去 吱吱聲 好有懷舊感覺🤣🤣牛扒肉汁足夠 非常嫩份量亦都好足夠 其一份牛都已經夠我哋兩個人食！然後我哋叫左咖喱羊肉飯個咖喱香料十足 喜歡重口味既一定鐘意！羊肉亦煮好冧😋😋飲品🥤叫左杯唂咕 真係未飲過其實係味道似阿華田、美祿，又似朱古力既飲品我覺得係無朱古力甘甜既飲品好少茶餐廳見到今晚食得非常滿足