金鳳大餐廳

Open Now

Now Closed

年初四假期，唔想在屋企煮飯。中午便再去"金鳳大餐廳"食晏，坐低後睇睇餐牌。今次揀了D餐跟凍咖啡🥤不夠兩分鐘，一杯凍咖啡已到枱面上。再等兩分鐘，羅宋湯及牛油餐飽再送到面前。首先羅宋湯很大碗，勝在夠熱，雜菜很多，味道雖然不算突出，但也可以接受👌牛油餐飽好在夠軟及夠熱，整體味道唔錯十分鐘後，焗馬來咖喱牛腩飯🍛便到來了。見到咖喱牛腩飯是剛剛焗起的，帽曬煙熱辣辣，論咖喱只是一般的味道，牛腩夠多夠焾，但是牛腩不靚，而牛筋夠焾飯底是雞蛋炒底的。可以見到㕑房做法並不馬虎，但本人對這種飯粒不大喜歡，整體午餐分量是很足夠，味道一般，可以接受，價錢便宜，尚算👌

今日第二次到金鳳大餐廳食下午茶餐。今日店內十分清靜，可能是疫情之下客人甚少。坐下睇一睇餐牌，今次決定試一試"芝士焗肉醬意粉"及叫了一杯凍奶茶。不需要3分鐘左右，首先凍奶茶先到枱面。今次凍奶茶的茶味比較淡，稍為有點失望。前後只等了10分鐘，主角"芝士焗肉醬意粉"便到了枱面了。熱辣辣的芝士焗肉醬意粉的份量很多，首先肉醬不會因為下午茶餐而少了，有很多芝士放在肉醬上面，意粉亦很多，香噴噴，芝士肉醬味道唔錯，而意粉稍為硬身少許。整體來說下午茶餐是非人常抵食，一個人食，份量十分足夠，味道亦很可以的，下次會再試另一款品種。

下午經過鵝頸橋，想起去金鳳餐廳試一試下午茶餐。曾聽聞這店味道唔錯，於是進入這店，店內環境清靜，充滿七八十年代餐廳的特色，人流也不算太多，可以舒適進餐。當坐下睇一睇餐牌，價錢合理，而選擇也不少，今次就叫了黑椒牛柳絲炒烏冬及凍咖啡。等3分鐘，凍咖啡已到枱面了。凍咖啡味道一般啦！沒有太多驚喜，慢慢嘆着等待炒烏冬到。等了10分鐘，我叫的黑椒牛柳炒烏冬便到面前了。睇見熱辣辣什有鑊氣，黑椒味很濃，牛柳絲不會很少，伴一些梳菜洋蔥及芽菜，香噴噴，烏冬沾滿了黑椒汁軟硬適中，雖然是下午茶餐，但材料十足，味道唔錯。今次光顧之後，又多一處好去處了。

夜晚去食，叫左個德式豬手，本來會以為係炸，結果係白灼豬手，而且明顯未夠火喉，夠豬手非常硬，皮都好難咬另外叫左招牌牛柳，我可以講，呢塊野落多左1倍以上食粉，完全唔痴牙，淋過豆腐同鵝肝，無牙嘅人都一定食到，你用條脷已經可以壓淋壓平佢去食，而唔洗用牙，真係超級難食

和同事吃了簡簡單單的午餐🙂這間是充滿懷舊氣氛茶餐廳-金鳯，餐廳比較昏暗。我們都揀了午餐有餐包，餐湯，凍飲/熱飲，不同飯/意粉，扒餐等等⋯價廉物美$52😃好抵～！牛油餐包有整熱，加埋牛油很香，選擇了羅宋湯，沒有溝稀味道不錯，不會很辣~~忌廉湯較飽肚沒有揀。而正餐焗飯是鮮茄雞扒芝士焗飯，很足料，蕃茄汁偏甜，焗飯不錯很香，還有大大舊雞扒，帶有芝士😋餐飲凍檸茶和咖啡都沒有影相📸，正常水準～真的很大份，每次都吃不完。

最近朋友練健身要補充多啲蛋白質，於是佢就介紹左尼間好近銅鑼灣既舊式西餐廳俾我係對面馬路見到大大個餐廳招牌已經覺得好搶眼，同埋有啲old school既感覺😂😂入到去餐廳，樓底好高，橙黃燈光暗暗地都幾有氣氛。重點係啲鐵板燒扒餐，見到隔離檯個啲全部大大份，空氣中彌漫著燒肉既香氣同蒜香味羅宋湯。7/10本人非常喜愛羅宋湯，凡係有得揀紅湯定白湯，我一定揀紅湯❤️所以係飲過咁多紅湯既比較下，金鳳既羅宋湯係勝在份量大同有勁多蔬菜，味道唔算太特別，配佢暖暖既餐包就已經飽左3成🤪招牌牛柳餐（5成熟）。8/10份量大係賣點，一睇就知！但驚喜既係一下切落去手感非常暢須易切，而且塊扒好厚身，真係睇得出熟肉同生肉既比例係55分🥩食落juicy易咬巨人T骨扒（5成熟）。7.5/10T骨扒面積同牛柳扒一樣大，但厚度就差一半👀不過食落就覺得尼個厚度合理，因為T骨扒油脂比例高，入口有融化既感覺，如果太厚就會太油膩💩不過我都係比較喜歡啖啖肉既牛柳跟餐餐飲（凍檸茶）好少茶餐廳會有咁細杯既檸茶😵，建議下次食要加大（+$5）

金鳳大餐廳已經食左10次都有，冇野做所以想寫返食評。地點唔算就腳，不過港島人知道街名合埋眼都搵到。黎得呢到食應該冇人話當佢高級扒房掛?裝修簡陋，更顯港式老扒房味道。衛生就唔會好得去邊架喇，你唔係EXPECT茶記質素會做到好乾淨掛? 介意嘅港男港女應該唔會黎呢到食我同男朋友次次都會揀牛扒食 ，因為我地都好鍾意食牛。價錢公道，大件夾抵食。一個價錢包你一碗湯同包、主食、細杯飲品。牛扒份量真係好大，次次都會食淨兩成塞比男朋友 最個最鍾意去扒房聽到咋咋聲出哂煙，大少少先知正宗西式扒房係唔會用鐵板令啲肉overcook 鐵板上叫5成熟算，因為擺多一陣就會熟哂。鍾意佢嗌5成真係黎5成，好多西餐叫7成比well done 牛係有牛味嘅，都係嗰句啦，你要質素高就唔會黎呢到啦懷舊下，食下牛扒，食飽飽滿足自己係絕對黎得過

銅鑼灣食個lunch閒閒地都要六七十蚊，金鳳呢度午餐$47.3 加一後 $52，有餐包餐湯餐飲，性價比極高！建議可係門口睇定menu先入餐廳，咁可以坐低即叫～同埋餐廳都闊落，坐唔滿，我地兩個人霸張六人枱，坐得好寬敞～ 我就叫咗D餐，焗鮮茄芝士豬扒飯～飲羅宋湯，個羅宋湯都有少少辣～ 唔食辣既可揀返忌廉湯～ 野食正常水準，不過杯野飲係骰式啲，細杯啲，但呢個價錢真係算係咁！如果你忍到2點半打後先食仲有下午茶餐，三十幾蚊仲抵！

男朋友好鍾意食田螺，成日都話想食，不過田螺真係唔係好多餐廳都有，呢餐就同佢黎呢度比佢食下喇我哋都鍾意食牛，所以就叫咗2個牛扒餐，再加蝸牛扒餐都會跟餐包同埋餐湯，落完order好快就送上熱熱的包了忌廉雞湯個湯唔會太水，creamy 的羅宋湯我覺得幾好飲，幾足料，幾濃味。質地是杰杰的，好似好多蕃茄咁嘅感覺。男朋友就話覺得太酸，但我喜歡的，羅宋湯就係要呢個味❤️我地一個食西冷牛扒，一個食蘇格蘭牛扒。但係兩個牛扒個樣都好似🙈所以我已經分唔到邊個打邊個了。我哋都係叫七成熟的牛扒都好大塊，下邊會有啲薯條。食落都有肉味，唔會話好似有啲餐廳咁，用太過多鬆肉粉。呢個價錢呢個肉都抵嫁法式香草焗蝸牛呢個蝸牛爭左個薯蓉，如果下面鋪埋薯蓉，再焗到焦焦地，咁就可以連汁都不浪費了。不過我哋都覺得呢個香草汁一般。

第三次去食啦！正！每次食完都會念念不忘🥰每次去都一定係叫「招牌牛柳餐」5成熟配黑椒汁、羅宋湯同凍檸茶！落單後第一樣到既一定係餐包，雖然冇乜特別，淨食又得，查牛油又得，浸湯又得，好中意食😻第二樣就係羅宋湯，有菜有紅蘿蔔，配料十足，個湯少少辣辣地，大大碗夠哂好飲👍🏻主角「招牌牛柳餐」塊牛柳又大塊又厚，啖啖肉，牛柳底有菜有紅蘿蔔有薯條。黑椒汁好香好濃，唔會好辣。相比起其他貴價扒房，金鳳既扒真係好過其他出名扒房多多聲！金鳳真係平價扒房大份又好食！總結黎講，好值得去食！

難得疫情有改善，就決定今晚去据扒 ! 我第一時間諗起既就係金鳳，朋友佢話未食過，咁就要試一試啦。金鳳我由中學生食到以家裝潢仍然冇改變到，好多回憶~今晚唔多人，亦因為銅鑼灣太多選擇，一般都不會爆埸，可以隨便選擇座位，慢慢食。餐牌10年如一日，變既只有價錢，都尚算平價。我同朋友點左一份美國雪花牛扒 (黑淑汁) 同 白汁芝士西蘭花。牛扒黎到已經淋左汁，記得以前會上枱後詢問你要咩汁先係你面前淋，老顧客表示轉左有d可惜haha。鐵板夠熱，d汁滾到你會聽到滋滋聲，加上香味，令我已經忍唔住拎起刀叉開餐點左5成，都無過熟，肉質軟淋，因雪花牛扒偏肥，濃厚肉味搭上脂肪香味，口感非常滿足。之後上西蘭花，其實係因為小第正減肥想食少少菜所以先叫~~呢道就沒有什麼評價，白灼菜心加上偏淡味既芝士，非常普通。如想食菜既朋友建議點"食菜有益"或沙律餐會比較好。金鳳特色SIZE既飲品，凍熱同價，但加大需要$5，令人又愛又恨。2人除返都唔洗$100，金鳳仍然係抵食之選，而質素和氣氛經過數十載都沒有變改，無論你因食物或環境前去我認為都不會失望。

今日又係搵食既日子今日去左食金鳳，係我以前細個最想爸媽同我去既地方唔洗諗我一定叫T骨扒，五成熟，睇下有冇失水準先一開始餐包仔，同埋羅素湯，正正常常主角終於到，好大塊呀，加上用鐵板上，淋上黑椒汁，即時令牛扒外層更加脆口呢塊扒，肥瘦適中，唔會有太多根位，所以一切就可以切開，而且師傅好有經驗，五成就五成，唔會多左或小左，值得讚賞所以總括係可以再去既🙌🏻🙌🏻

以前香港地食西餐是有點高級的玩意，收費高一點，要求的衣著高一點，金鳳老闆想平民都食到西餐的願望慢慢實現成為了我們今天認識的她。坐低後一人叫了一份扒餐，沿襲一向風格，抵食大件好味，雞扒餐大雞扒有成三塊，多到碟都放唔落，匈牙利豬扒都係，勁大塊，上餐後有專人落醬汁，完全係worth every penny.環看店內裝潢，像極７０年代電視大台拍到的西餐場景，老土的粉紅台布，高樓底及牆色地板，加上套裝的木台木椅，如使用損壞都不知道在哪可以買得到，保持著老香港味道及高性價比的代表性扒房，難怪節日期間，整條街的食肆都沒有這一家排隊這麼長。

一想到食牛扒，好自然會諗到金鳳，舊式嘅鐵板牛扒餐唔係度度有，佢無靚靚嘅裝修，門面又舊，但係你嘅扒係好味嘅，每次都係叫鐵板牛柳餐5成熟，有牛油餐包，羅宋湯（帶辣）/忌廉湯，有紅蘿蔔＋椰菜＋薯條墊底，仲有杯餐飲（可加錢加大），每張枱都有茄汁/喼汁/鹽/胡椒粉，食得蒜蓉嘅朋友仔記得記得記得加蒜蓉，我食嘅時候鍾意加埋喼汁，舊式食法，別有一番風味，今次叫多咗一碟燒蠔，又幾多味喎，介紹咗朋友一家嚟食，攪到佢仔仔每星期都話要食🙈

朋友介紹呢間餐廳，話係舊式扒房，幾抵食。今晚一於去試下😋入到去就俾懷舊港式ge裝修吸引左，不過地板有點油，地方都唔算好乾淨。羅宋湯跟餐會送餐包同湯，不過今晚ge餐包賣曬😂，而湯有得揀羅宋湯同忌廉湯，個人認為呢間餐廳ge羅宋湯比忌廉湯出色。羅宋湯好濃郁，都好足料鐵板香煎龍利柳餐 $101份量都幾多， 兩塊大過手掌ge龍利柳，表面煎脆，魚肉都好嫩。 薯條同西蘭花索曬d汁都好入味，唔會好乾身。 整體不過不失。什扒餐 $103什扒餐本身有豬扒，牛扒，腸仔，火腿煙肉，不過本身唔中意食牛，所以牛扒轉左雞扒。 豬扒唔會好乾身，但好大雪藏味，同店員講左，之後都幫我地換過塊，但換過依然係有少少雪藏味。而雞扒，腸仔，火腿煙肉味道都正常。凍檸茶少甜，茶底ok，唔會好濃，但係好細杯，根本唔夠飲。😅