金鳳大餐廳

Open Now

Now Closed

金鳳 主打港式牛扒西餐 喺香港超過50年歷史，好多香港人嘅童年回憶 ！時至今日，餐廳嘅接班人將餐廳和品牌重新包裝，連鎖經營，可謂本土牌子的經典傳奇！今晚和朋友喺 銅鑼灣謝斐道，去左金鳳的舊舖，希望感受一下老香港情懷！門面陳舊，老實說這是一間破爛小屋，裝修是70年代的西餐廳格局，相信多年來也沒有補修！店內充滿蒜蓉汁和黑椒汁從鐵板蒸發出的油煙氣味！食物以鐵板套餐形式，包紅、白餐湯配餐包和自選飲品。 忌廉雞湯較為傑身，羅宋湯材料豐富!美國雪花牛扒燒汁 七成熟 牛扒厚切 有點過火肉質鞋口過份腍，燒汁過多和濃烈，完全掩蓋牛肉味，墊底的薯條也被浸淋!雜扒餐份量十足， 豬扒、牛扒、司華力腸、火腿煙肉，獨欠雞扒！豬扒有雪藏味、牛扒過份腍身， 應該用咗過量鬆肉粉味道偏咸， 煙肉和火腿甘香，司華力腸正常！鐵板香煎龍脷柳餐龍脷柳煎香但不脆口， 肉質柔軟， 沒有魚味！ 可能是醬汁 味道過於剛烈掩蓋食物原有味道！食完非常口渴，餐飲點了凍檸茶是細杯裝，轉大杯要加八蚊！今次體驗食物和環境 比预期都有落差。 為獨值得一讚是店員態度良好！但進食期間，顧客絡繹不絕，其門如市!

講到我最喜歡嘅扒房就真係非金鳳莫屬⚠️第一，價錢貼地，就連大事大節都只係加二三十蚊，有時節日諗唔到去邊度慶祝🎉，我都會選擇黎金鳳。第二，份量足味道唔錯，呢度嘅牛扒絕對係份量十足，唔會薄依依一塊，牛味亦好香濃今次就帶屋企人黎鋸扒，爹哋第一句就話呢度環境好有舊式扒房嘅感覺，裝修睇落都有返咁上下歷史，有啲破舊，反而更加有味道。另外一讚係呢度上菜速度超級快，啱啱一點完菜，店員馬上就遞上一籃熱辣辣嘅餐包。餐包好軟熟，最緊要係夠熱，保溫做得好足。餐湯方面就分紅同白湯，個人比較喜歡紅湯，因為會有好多煲淋左嘅蘿蔔同西芹食，材料豐富。唔使幾耐牛扒即刻送到，可以選擇黑椒汁或者燒汁，當然牛扒梗係配黑椒汁啦美國雪花牛扒（五成熟）$133我叫嘅係美國雪花牛扒五成熟，佢嘅肉質比較軟綿綿，口感入口即溶咁！肥瘦均勻，最緊要係佢有兩塊牛扒打孖上，啱晒食肉獸5成熟岩岩好！建議可以叫佢少汁，咁就緊加食得出佢嘅牛味。哩度嘅薯條比較幼身，鍾意就會覺得好脆好可口，唔鍾意嘅可能就會覺得太乾，不過今次索得太多汁喇，所以無咩點食到。招牌牛柳 （7成熟） $119哩個係爸爸叫嘅招牌牛柳，一大塊超級厚！哩款牛比雪花牛更重牛味，牛肉質感亦較厚

想食金鳳好耐，次次lunch都排長龍。難得今日經過得兩三個人排，機會就黎啦飛雲!! 例牌一定叫個 "特價午餐"。要左五香肉丁公仔麵，火腿奄列同波蘿飽。個麵就正常質素，不過不失; 火腿奄列好香牛奶味; 波蘿飽好軟淋淋，隔左幾個鐘食都仲好香😋😋😋整體來說，常餐黎講算唔錯，分量夠大，食物質素中上。不過環境一般，地方細，坐得不太舒適，這可以叫做香港茶餐廳既特色! 職員反應快，亦友善!

聽說是香港很老字號的餐廳，大概就像是台灣的「我家牛排」那種感覺XD不過是在香港少數吃到覺得有點台灣味又好吃的鐵板料理，平均基本的一刻價格大約是118港幣，我喜歡雞排，有三大塊吃很爽，而且肉很嫩，調味也很不錯，雖然價格比起台灣還是貴，不過我覺得已經是香港餐廳裡Cp值算高的了，隨餐會附湯跟麵包，和一小杯飲料（香港附的飲料都好小杯...），下午茶餐時間可以選公仔麵配雞排（跟晚餐的雞排一模模一樣樣XD)，但是下午茶餐時段的服務生幾乎都屁孩，還在店內抽菸有點傻眼

老公心血來潮想食金鳳鋸扒🥩🍴就順下佢意🥰中意金鳳就地檔 價錢又平民🤩🤩🤩就系中意佢裝修夠草根就懷舊🤣🤣黑椒西冷牛扒餐$109白湯跟餐包 🍞三成熟唔該🥩🥩🥩燒汁炸嗰一聲 🤙🏻🤙🏻好掛住以前細個同媽咪爸爸去鋸扒嘅感覺👵🏻👴🏻等囡囡大個啲一定要帶佢嚟感受下👧🏻其實感受情懷多於享受美食 😛😛不過老公中意都要捨命陪佢食過嘅一定知佢杯丁屎檸檬茶🍋☕️ 兩啖就K.O.左一人起碼2杯 下次帶埋囡囡一齊出去過👨‍👩‍👧

想鋸平扒鐵板餐，香港都有唔少舊式扒房可以選擇。今次試左金鳳大餐廳，埋單差唔多500，食完都唔敢介紹比朋友 ，寧願介紹番太子金翠，起碼價錢低D但水準高過佢。🤔其實好多地方可以改善，話說叫左個鐵板肉眼，不予置評，d肉霉的，冇肉味，薯菜正常。仲有個深海虎蝦都好求其下，炸得非常干，好似人地番炸完玥番炸咁 。食完好似無食咁，唔抵食，因為飯同意粉要另外俾錢的。檸檬茶都好細杯，用普通茶樓個d裝水細杯，特大先係普通正常中size。

收左工同男朋友喺銅鑼灣食飯，就試吓呢一間金鳳餐廳。我哋揀咗份美國雞扒餐（燒汁），同埋一份西冷牛扒餐（黑椒汁加蒜）。先上左熱餐包。鐵板雞扒，一共有兩大塊。肉質好滑，唔鞋口，配埋燒汁食味道幾好。底下有啲薯條墊住，不過鐵板烘得耐都有啲乾身同硬。西冷肉質都好淋身，叫咗五成熟，啱啱好唔會太多血水，唔會太熟。配埋黑椒汁食好惹味香口🤤。而且更有大量蒜頭鋪喺面頭，味道極濃，食完個口雖然好臭但係好正😂🤣😂🤣。最後我叫咗杯熱檸水，一嚟到嘅時候我見到杯熱檸水入面有六七粒黑色一點點嘅物體😵..... 同店員講咗佢都即刻換一杯俾我。味道係唔錯嘅不過環境有啲舊。

坊間有一系列的金鳳餐廳，雖是同名同姓，同是扒房，但出品服務，卻各有千秋，每家也有自己的棒場客竟然稱為舊式扒房，因此內裡裝潢確實陳舊，燈飾也布滿灰塵，如能整潔一下，相信更為理想。羅宋湯，可自行加上牛油，味道將更為突出，但無奈湯身味道，卻比較偏甜。因為不喜歡鐵板的冒煙，故選擇碟上，少了一番風味，但換來不用擔心衣服有一股味道。美國雪花牛柳，份量很足，一客有兩塊，雖有腌製，但也不失肉味，還入口鮮嫰，不愧為推介之選。因為是碟上，故配菜有多餘水分，如鐵板出餐，便會完全蒸發，故這個敗筆，是個人問題，與出品無關。整體來說，價格相宜，可以再次惠顧。

由於都好耐無鋸過扒，之前上網又睇個d介紹鋸扒餐廳既post，其中一間介紹既就係金鳳，所以同女朋友就揀左去金鳳試下。我地大概7點左右去到，本身諗住可能都要等下位，但好彩去到都仲有幾張枱，所以唔洗等就可以入去。入面既裝修佈置都幾有舊式扒房既風格。我地點左一份5成熟鐵板西冷扒餐同一份5成熟鐵板招牌牛柳餐。之後餐包好快就送上，過多陣餐湯都上埋。不過當仲飲緊湯既時候，份扒就送上。略嫌份扒太快送上，如果可以系食完餐包同飲完湯之後先送上會更加好。係時候講個主角 - 塊扒。2塊扒既份量都大塊，尤其塊西冷。另一方面，牛柳既肉質都唔錯，相反西冷有d太淋既感覺，無乜咬口。而牛味方面兩者都唔錯，但牛柳會更佳。金鳳有樣野幾特別，之前鋸扒都未試過，就係可以選擇加蒜蓉(需要加3蚊)系塊扒度，仲要係加勁多，所以蒜味超勁。今次我地揀左試下西冷扒加蒜蓉。本身我都係一個中意食蒜既人，打邊爐既豉油都一定會加勁多蒜落去。但今次鋸扒加蒜蓉就唔太建議，因為蒜味搶過曬d牛味。另外，有樣野可以改善下，d薯條放得太近d雜菜，甚至放左系d菜下面，搞到淋曬勁濕。總括而言，金鳳既招牌牛柳值得一試，價錢亦唔算貴。

之前已經食過幾次呢間分店，還食過長沙灣分店都不錯。可是今天來再吃灣仔店失望了。［羅宋湯］就幾飲既，幾足料，有些微辣味。[環境同服務］ok la，我話牛扒不是5成熟，太熟，佢都肯幫我換。八點幾去食，都不用等位了。但陸續有人來食。現在要吃好吃的牛扒，去吃燒肉罷了...

今晚好想食肉，就同朋友黎左哩間懷舊扒房。黎左咁多次，第一次要等位。食嗰日係一個星期三，大概20:00，不過等左10分鐘內都有得入座架啦！我哋3個人，每人點一個扒。每個餐都跟一碗湯同一杯飲品。我哋三個都揀「羅宋湯」湯夠熱，仲有好多料！係好入味嗰種，唔使加調味，都已經有餐啲胡椒香（少辣嘅感覺）。我哋三個都鍾意。黑椒西冷牛扒餐$109（五成熟）哩個扒係三款入面最重牛味嘅。肉質都係最有咬口。扒嘅份量亦都最大，佢最尾要分俾人食😂。招牌牛柳餐 $119👍🏽（五成熟）個鐵板熱左陣，散咁啲煙後，就已經無再岀血。肉質好嫩，唔使點咬就呑得，個扒份量大概係女仔手掌咁大，有成1.5 cm 厚。蘇格蘭牛扒餐$109（七成熟）個扒份量大概係女仔手掌咁大，都係唔使咬咁，不過「林」到唔係好似肉。

環境屬於舊式嘅香港扒房，樓底高，燈光偏黃較暗。今日嗌左個雪花牛扒 + 招牌牛柳。加錢轉酥皮海鮮周打湯，再嗌多碟芝士焗西蘭花。落單後大概5分鐘就送上酥皮湯，酥皮夠熱夠脆，不過比較薄，跟餐另加$23黎講就唔算抵，因為裡面嘅周打海鮮湯同唔洗加錢嘅忌廉湯差唔多味。芝士焗西蘭花一般般，份量算多，但無咩芝士，汁比較杰，杰到一舊舊咁。重頭戲！鐵板雪花牛扒 加蒜！一定要加蒜加蒜加蒜！惹味好多。有黑椒汁/蒜汁選擇，足足有兩大塊雪花牛扒，底下仲有雜菜同薯條，不過被油浸到淋哂。講返牛扒，雪花牛扒比起招牌牛柳或者其他牛扒肥，但咬落好淋好嫩，無筋。招牌牛柳就大大件，起碼有3,4cm厚，相比雪花，牛味肉味濃好多。

夜晚八點幾九點本來想去波士頓鋸扒，點知已經截龍，好傷心的說！朋友提議不如去金鳳鋸扒，都係差唔多價位一去到門口就feel到果種時代氣息好濃烈！昏黃燈光，舊式挨pen椅，玻璃水杯，黃枱布上再舖有透明膠墊，中文menu就印係紙餐墊上面。相對今日物價，價錢亦非常相宜，最平約$100就食到一個港式鐵板全餐（牛油餐包、湯、鐵板扒配薯條、餐飲）我叫左鐵板雞扒，份量比想像中更大。單是塊扒都有兩塊，大到遮住鐵板咁滯。朋友叫左T骨扒，塊扒更大到完全跌出鐵扒，有夠誇張。雞扒好軟冧，好食；薯條就油左啲，其實唔駛食都得因爲我連兩塊雞扒都食唔曬！係呢度食鐵板餐有兩個秘技：1. 加蒜蓉。佢會係你塊扒度加一湯匙蒜，好香，我好後悔無加，因為醬汁得燒汁同黑椒汁揀，無蒜蓉汁2. 凍飲加大。跟餐飲品個杯係普通水杯size，加大就會變返茶餐廳檸茶size。當然以上兩項都要加錢啦！最後，真係好鐘意間餐廳好有態度講真又平又好食你仲想要求啲乜？

不起眼又破舊的門面，如非被食物吸引也不會要排隊近半小時也要等;祖孫三代共五人到此品嚐了一頓豐富晚餐，八歲的孫女開懷大嚼，說未吃過這樣好味的牛扒(是招牌牛柳)，因為是小孩子就覺得羅宋湯較辣，各自點了T骨牛柳、安格斯牛扒、羊扒、三文魚扒，結論是招牌牛柳最好吃，羊扒最鮮味，三文魚扒伴了沙津上碟最吸引，食物整體而言質素與味道俱佳，但外出的門面、室內裝修和設備就強差人意，招乎方面不過不失，一個字"快"，因為很多人在等位。

剛好跟朋友上完堂, 時間已是晚上9點多, 想著銅鑼灣沒什麼想吃的, 走著走著便來了鵝頸橋的舊金鳳. 想著已有2,3年沒來, 雖然不太想在快宵夜的時間鋸扒, 不妨一去. 內裡燈光稍昏暗, 是舊式扒房的一貫氣氛. 看了餐牌扒類套餐的一欄, 全部是百元起跳, 但心想反正來了, 便點份5成熟的巨人T骨扒餐試試. 舊式扒房的紅湯比白湯要好, 這個湯味道做得不錯, 不會水汪汪. 例牌地跟上餐包及牛油, 口感尚算鬆軟, 合格. 點了牛扒後, 不用5分鐘便上桌, 時間快得有點驚人. 伙計會問需要燒汁或黑椒汁再即場加上. 我點的5成熟T骨牛扒, 一刀鋸下去的感覺已有點不妙. 鋸了十數下才勉強將筋鋸斷. 入口的味道, 牛肉已給梳打粉弄至全無肉味. 只剩下黑椒味. 用了十多分鐘苦戰, 肉的部份有1/3是筋位吃不了的. 底下墊了的薯條是比麥當勞更幼身的薯條. 炸出來的口感像是吃柴枝, 連麥當勞薯條也不如. 朋友點的是凍檸茶, 我看看那個呎吋只有普通茶餐廳的3/4左右, 難怪伙計會問需不需要加大. 但以每樣扒餐收過百元的價格來說, 這個份量十分小氣. 埋單的價格連加一, 我的T骨牛扒要$132, 以價格及質素而