明星金閣海鮮酒家

Open Now

Now Closed

服務10分差, 漏單唔承認係自己做錯!Very poor service, order didn't delivered!Not recommended in any cases!Staff just said they don't know and couldn't help, and only after re order dishes, one of manager came up with the missed order sheet. Please leave it alone and use your time wisely on other restaurants!

個元貝又貴 又晤好食仲要晤新鮮個魚香茄子 太多油 小炒王 一上離已經冇鑊氣個生炒骨okay 既 , 白灼蝦 都 正常發揮 魚就普普通通 偏廳d 冷氣晤夠………………………………………總之就冇下次 劣食之選

上次食小菜覺得不過不失，今次就黎飲早茶，8點幾已經座無虛席，幸好早起嘅老人家已入座，點了以下點心：1. 自選孖寶 - 豉汁蒸排骨 + 鮮蝦腸粉：質素唔差，味道適合，腸粉唔會一夾就散，蝦幾大隻又爽口，排骨都幾大粒，都係一般味道冇特別。2. 香煎鹹薄餅：賣相難有唔同，夠熱仲有點脆口又唔油膩，幾開胃。3. 妙醬蒸鳳爪：味道都係跟大眾差唔多冇特別，只係雞腳幾大隻，一碟有6-7隻，算幾多。4. 蟹籽燒賣：有四粒大大粒，比外面食還要大粒，食落去都唔粉。5. 明星鮮蝦餃：隻蝦雖然幾大，個皮厚左少少搞到咬落去太煙韌，影響口感。6. 鳳爪排骨飯：兩者都冇散叫咁大隻/粒，都係好食夠熱。7. 魚肚蝦滑雞扎：魚肚幾厚身又夠腍，蝦滑幾香幾彈牙。8. 菜苗餃：個餡冇咩味，個皮都係比較厚。基本上點心即叫即蒸，夠熱味道適中，煎物夠香口，老人家第一次黎飲早茶都讚不絕口，服務態度幾好。

服務差劣 食物質素一般 無得選擇時嘅唯一選擇新年音樂 播到鬼死咁大聲趕客，搵人校細聲。收銀話經理要食飯，搵唔到佢校 收銀員極度離譜唔知出事 係咪都係咁…無人可以校到，完全無理過😩 臨走一刻都默默忍受無水無人理 要自己去斟熱水新年無辦法下 所以食佢下次唔會幫襯今時今日咁嘅服務態度真係好難做到扭細聲量有幾咁難 職員可以推搪要經理先搞到經理放假係咪永遠都處理唔到？要幾咁無恥先可以做到好彩唔係住呢一區 如果唔係下下要受佢哋氣都幾難忍受唔會再食呢間嘢

今次屋企人生日，一行9人挑選明星金閣，點了以下餸菜：半圍1. 紅運燒味拼盤：有叉燒、豉油雞及海蜇，一般燒味水準冇特別。2. 上湯焗蝦球伊麵：幾隻蝦一埋麵冇乜味，勝在夠大份，都係冇特別。3. 翡翠炒龍躉球：魚塊落重左味，好鹹!! 4. 雲耳蒸斑頭腩：幾好食，肉質滑嫩。5. 吉列炸蝦卷：脆卜卜幾好食又夠熱。6. 蟲草花野菌時菜：清清淡淡算唔錯，份量都幾多。7. 翠綠海鮮炒飯：最好食嘅一個餸，夠熱 & 夠乾身，份量至少每人有一碗。8. (加餸) 片皮鴨：包皮熱得黎，好難分開癡埋一舊，鴨皮幾脆好食。9. (加餸) 避風塘炸軟殼蟹：除左軟殼蟹仲有粟米&魷魚，上碟好大舊，原來係炸粉大過舊料，下次唔會再叫。10. 明星脆皮燒鴿：即製夠熱夠脆好好食。食物質素一般，只係鹹左少少，基本上都係好味，而且服務態度唔錯，侍應唔會應完冇回頭，上菜速度快，下次會再黎試真啲!!

同朋友約咗喺筲箕灣飲茶，之前間点心專門店原來已經結業，就去咗附近嘅明星金閣飲茶，坐扶手电梯上去，午飯時間，見有幾個人等位，唔算多人，問服務員攞位，好快就安排兩人桌俾我哋。睇餐牌，有茶市優惠推介，自選孖寶，揀咗上湯鮮竹卷同柴魚花生粥。柴魚花生粥算是足料，但味道只是一般。蒸魷魚賣相不佳，味道亦一般鮮竹卷算是味道正常薄餅比較腍同有啲濕，唔夠香脆点心拼盤有蝦餃，燒賣，潮州粉果，菜苖餃，奶皇飽五樣麻蓉包本來係我嘅至愛，但呢度個餡料就係濕同唔夠香滑整體而言，呢度点心普通，但係唔算太差，服務亦一般，但勝在價錢唔貴，午市茶錢每位十一蚊，六樣点心埋單唔駛兩百蚊，算是抵食。

行山完过马路抬头就见这家新簇餐厅，抱着随便一餐的打算，没想到出品这么有质素，茶水，蒸鱼和陈皮鲍鱼都恰好，乳鸽入味多汁。环境清洁舒适，有专人负责看台桌，座无虚席，价格非常亲民。还会再来，当然也会推荐给好友。市民不需远足就可尝美味海鲜大餐

港人喜歡飲茶，無論乜時段也要等位，今次下午茶己經是比平時等得快了，約20分鐘！但點心好食也值得等！一坐低，先叫一籠點心拼盤，入面有整基本點心！蝦餃丶燒賣丶粉菓丶韮菜餃同流心奶皇飽，已經口感滿足！再叫了帶子餃，味道清新，有碎的帶子粒！而麻容包，清香飽肚！最後牛肉腸粉，上到檯仍然熱辣辣，令人回味！明星金閣地址：筲箕灣筲箕灣道333號1/F

第一次黎筲箕灣明星飲茶，門口攞完位，坐低舉手15分鐘面對面行過都完全當你透明🫥，忍吾住自己行出禮貌地搵阿姐開茶，佢望左一眼然後轉身就走😵‍💫，諗住佢都係忙緊咁搵其他人，點知下個仲出色，叫我：你搵第二個啦。😡😡之後其他職員行過一樣都係選擇性聾啞人士，最後都係去其他餐廳算，浪費時間，哩間擺明阿姐吾想做，惡過經理。本人從來吾打食評，今次都頂唔順花少少時間……如果想體驗地獄級惡劣既服務，可以來一試。

今日去筲箕灣探朋友, 之前在明星金閣吃過飯, 食物質素都ok, 行過見到「客家鹽焗雞」做優惠價$58, 限賣三十隻, 一於買隻來試試.等外賣影下D早市優惠,外賣優惠店內環境隻雞都幾大隻, 肉質嫩, 但是味道真的太鹹, 不是我杯茶, 希望明星改善下,如果唔係會走咗好多客

同屋企人星期日朝0930後嚟到，第一次嚟哩間嘢，畀到我全新飲茶體驗！🤬服務差X到冇人有！‼️啲樓面個個私人收茶客錢先識做嘢❗️全程自助餐一樣，舉手都冇人理，眼見附近幾枱（包括我）舉手幾分鐘都係唔理你，最正係有個阿姐喺個舉手客側邊行過幾次都唔理佢。而我問第二個姐姐，碟五星拼盤係咪五款點心？佢答：係，問吓有啲乜點心，然後佢係可以望住你粒聲都冇然後行咗去！仲有，係可以癲到連落單都要自己放喺電腦隔離，等佢哋得閒先幫你入單。同埋，啲客食完嘅枱係冇人去收！我0938坐低，打哩篇嘢嗰時係10:19，枱面都係吉嘅！由於服務其差，所以叫咗3樣點心就算，點知食完2樣之後一直未上第3樣，所以問吓唯一似返個人嘅男樓面，佢check完返嚟竟然係話原來碟《翡翠帶子腸》係冇嘅！好嘢👍🏼最後即刻埋單走人🤬

非常飽滿既一餐！本身都冇咩期待，到個「龍蝦伊麵」出場嘅時候，個個都係bling bling眼🤩🤩🤩啲龍蝦肉多到呢，好「正」囉！差啲食唔晒，食得太飽，後面上嘅菜都唔係好食得落了，正常水準😁😁順帶一提，個炸蝦定蟹丸係點芝麻醬，好奇怪囉😅😅

服務態度差，6：00晚市給熟客進入先，其他人就叫準時才可進，就算有殘障人士和老人家早到都不能先進坐下等，熟客可自由出入，有不公平待遇。食物：乳豬肉質差，不夠熱，伊面咸

乳豬肉質差又不熱，伊面咸，服務態度差，6：00晚市給熟客進入先，其他人就叫準時才可進，就算有殘障人士和老人家早到都不能先進坐下等，熟客可自由出入，有不公平待遇。食物質素差

這次已經是第三次到明星金閣，位置方便，所以又係揀佢。幾次水準都差唔多。但這次的燒鵝明顯較老，聖子以住食蒜蓉粉絲蒸。今次豉椒炒，比之前有鮮味和生熟度剛好👍龍蝦上湯伊麵，龍蝦亦唔算細，食味唔錯。今次點了剛上市的羊腩煲，但水準好一般，無幾多件好肉，以238這個價唔值。今日星期三晚上平日，但見都坐滿人，可能是因為放寬了12人飯聚，特別多人出嚟食飯。但無影響佢嘅上菜速度，一樣好快就上齊，其實唔駛咁快有啲趕，太多嘢一齊上張檯都放唔落，亦食得好急，員工都好難做，菜又嚟咗，又無位落。希望改善吓！