金泰燒烤

Open Now

Now Closed

2017/09/11呢間係我系九龍城食慣嘅泰國菜館，已經食過起過5次，真心推薦大家黎試下呢間，真係幾好味😋而且價錢吾算貴😌我同我男人兩個人食，埋單$186，除開兩個人都係每個人$90左右，泰國菜黎講真係好抵食呀😍而且呢間鋪頭都好易搵，就系太子道西，好就腳👍🏻不過餐廳空間就細左啲，得六張枱，所以如果夜晚黎食，好多時都要等位☹️由於堂食要嗌六串起，所以我地嗌左六串串燒（包括豬、牛、雞腎、兩串燒雞全翼、珍寶腸）、馬拉盞炒芥蘭、酸辣鳳爪，仲有青檸水。

今日準時六點半左右去到九龍城 拍低架車係標為兩個鐘頭 附近行吓睇吓食乜嘢好見到啲太菜館好似好正 經過金泰燒烤 唔使等位 見佢啲全消都非常好味 咁就入去坐低 地方好細非常狹窄也不好坐 叫咗藍莓太啤飛天芥蘭飛天通才 不同種類的串燒 仲有粉絲蟹煲 兩個人食到好飽好飽 落樓架兩個人＄570 不算太平 也不算太貴 各種食物味道都非常好味 個蟹煲粥一隻大蟹 只蟹多肉也當蟹膏 味道也非常不錯 之前佢未有酒牌 要自己來啤酒 今日再去食 佢已經有酒牌 有藍妹啤酒同埋泰國啤酒供應 我懵查查都自己來左一支青島大啤 兩個人食到飽晒飲到飽晒至走 不過因為我揸車 所以冇得飲😔😨😭😭 結果有人好高興 自隊飲晒😅😂

呢間食店坐位少，而且坐得吾舒服，串燒我叫左牛，雞，豬，豬頸肉，雞翼，各樣都幾好食，惟有雞翼略帶點淡味，之後炸蝦餅都吾錯，炒通菜都好味而生菜包我選了豬肉，好辣，如果我再食，會叫佢少辣，呢間無啤酒叫，味道係ok

成日都經過, 今次終於有機會試下, 一行7人試左D炒粉麵/菜, 咖哩同幾串串燒, 感覺都係串燒做得比較好!芋頭炒飯:有多粒芋頭, 但芋頭味不重, 同普通炒飯無咩分別, 飯粒比較濕。菠蘿炒飯:呢個很咸, 真係好咸!!!!泰式金邊粉:比其他地方既炒金邊粉偏濕同偏甜, 幾失望!蒜蓉包(2份):蒜蓉包幾特別, 係用類似迷你熱狗包夾住蒜蓉去烤, 但唔夠乾身, 個人喜歡脆身D果隻~咖哩雞:呢個又係好重味, 咖哩味唔算太突出, 定唔知係其他野太咸, 入面有好多菜, 變相汁就唔係好多~炒通菜:呢個都還好, 不過份量比較少.串燒:試左墨丸, 雞肉同牛肉, 肉類幾甜幾好味, 燒得唔算乾身, 不錯,成餐最好食係呢樣!總括黎講, 真係覺得麻麻, 味道太咸, 係九龍城呢個價位既泰菜仲有好多選擇

雞肉（$12）豬頸肉（$12）👅BU同學仔最愛的串燒😍😍啖啖肉好juicy又有啲蜜糖味😆即叫即燒無得輸😎😎每次食都係咁正😋永遠都會唔夠喉🙈🙈🙈

呢間舖頭係呢頭已經開左好耐，食咁多次以黎，我最最最鍾意就係佢枝椰子汁！因為又甜又Juicy，雖然就會增幾磅，但每次黎到食野唔配返枝椰子水我會食唔落！不過認真講返，呢度既人手太少，如果你係想即叫即燒，你就會等待比較長既時間，因為都有好多人排隊買緊，但如果你係係入面食飯既話，咁就恭喜你，你等既時間仲耐如果你時間比較趕急，就請你唔好食呢間啦！因為佢地真係係你叫完之後，係你隔離煮，如果各位食家十分鍾意食泰國野，請你地空出一Ｄ時間去試呢間舖，小店係會有自己獨特既味道同埋方式去吸引你，呢間就係其中吸引我既一間小店。

食完晚餐都已經好飽但又想食串燒其實頭先食飯果到都有不過一叫就要叫半打我驚食到一半就更加飽到手停口停-男朋友話有間串燒好好味不過我只係食得一串架咋今次食雞腎($12)我地落左單就係隔離等發現有好多人都係度買緊宵夜返屋企當然入面都好多人-燒緊野食既姐姐好有記性D客要咩都記得,唔見佢用筆寫低可能我食一串 所以唔算等得好耐橫掂都係就係街食埋先行因為食呢D有汁既野係好煩好論盡-一睇個汁就知好特別啦佢唔係有汁甘簡單而且係特制醬料個辣醬料好惹味雞腎好大舊而且好爽 真係好好味下次我要坐入去試埋其他

雞翼、豬頸肉、雞腎、牛肉一定要食！蝦餅太冧，唔夠彈牙，但個味就幾特別。 冬蔭公次次唔同味但都好好味好足料！所有沙冰都好好飲，除咗出名嘅芒果之外，提子、青檸都好正。👍👍炒通菜就一般，偏甜，唔夠辣。

在九龍城最出名吃泰國菜，這次隨意光顧的這家「金泰燒烤」就令人非常滿意！這裏主打各類泰式燒烤，經過店鋪門口已經聞到香噴噴的串燒香。先來一個椰青 $35 － 好大的一個椰子，椰青水很多，解渴，抵飲！ 泰式芒果沙冰 $30 － 沙冰爆滿，好香甜的芒果味，好飲！泰式酸辣鮮魷沙律 $88 － 很多魷魚，加上蕃茄、芹菜、洋蔥等，酸酸辣辣，都幾辣架！燒雞翼 $13@，燒豬頸肉 $12@，燒稔肉 $13@泰式串燒配沙爹汁和酸辣汁兩種醬汁，個人非常喜歡沙爹汁！其中較奇怪的是燒稔肉，像是肉餅類，味道帶酸，一份有幾塊。醉貓炒牛河 $48 － 非常惹味，味道很正不過頗辣。泰式燒大蜆 $78 － 果然很大隻，一共5隻，看似淡而無味，只要加酸辣醬一起吃，就會變得好好味！推介！

友人帶我我先識黎. 食過呢度嘅燒烤, 覺得真是如友人所說, 全香港最好味, 最有泰式風味. 門口細細, 但有個串燒櫃, 一目了然.馬拉盞炒通菜勁惹味. 又唔會過鹹, 屋企炒唔到咁靚串燒什錦沙爹醬唔太花生, 正. 肉串脆卜卜.炸蝦餅熱辣辣即炸, 好彈牙串燒要配啤酒呀

 星期日又係放鬆心情，同三五知己聚舊嘅好日子！夏日炎炎，當然係食泰國菜，咁先有泰國風情！老闆娘同埋佢兩位員工都係泰國人，雖然老闆娘識講廣東話，但佢地溝通會用泰文，唔講真係以為自己去左泰國！  舖位麻雀雖小，但勝在五臟俱全，燒烤、小炒、小食、沙律、甜品、凍飲，都應有盡有。不過大家要留意番，個到只有大約6張細摺枱，所以最好2-4人去食就唔駛等咁耐。  首先點個前菜先，豬肉生菜包。材料有豬肉碎、紫洋蔥、九層塔、蔥、辣椒、青檸汁。用新鮮嘅生菜包住肉碎，口感好豐富，感覺好清新。辣椒嘅香辣可以刺激味覺、青檸汁發揮到開胃嘅作用，作為一道頭盤，都能做到應有效果。  青檸沙冰。打到雪花綿綿嘅沙冰，青檸汁甜酸度剛剛好。口渴、解渴不二之選！食到熱辣辣，飲番杯凍飲最好不過。  紅咖哩牛肉炒飯。紅咖哩味道比較弱，而且炒得比較濕。我個人就不喜歡食過濕的炒飯，不過友人卻喜歡食濕的炒飯，所以話口味都是因人而異。如果當作普通炒飯，味道是很不錯，有泰國的香料味道。  海鮮炒金邊粉。這裡的Pad Thai特別之處就是用金邊粉而不是用河粉。材料分別有芽菜、葱、蛋、蝦、蜆。個人覺得麻麻，雖然有落到辣椒炒，但整碟P

夜媽媽，小小餓，香口野味的串燒是不錯的選擇。鴨腎＄10/串細細粒，很爽口偏硬，小咸，配泰式辣醬食比較夾。雞肉＄10/串雞肉夠滑，而且大大串，燒得剛好沒有過硬牛肉＄10/串肉夠多，算大份，肉味不夠出，很咸，很鞋和韌，燒得過老。豬肉＄10/串又是大大枝，份量是大份的，但也是偏咸。大火燒得很香口，配上泰式辣醬好野味！！除了至普通的豬牛雞，其實選擇都是好多的，門口有一玻璃櫃，裝滿林林種種的串燒是幾吸引的。香辣牛肉炒飯 ＄45這是我家大胃王必選之一，夠香辣，而且肉很多，也有夾口的豆角粒，炒得好有獲氣。

牛妹請食飯話幫我預祝生日，我見好耐冇食泰國菜，一行三人就衝去九龍城，牛妹同朋友試過話ok，但始终我同佢嘅年齢相差成三十幾個寒暑，都係抱住反正免費，不妨一試！ 店內裝修簡單，用不鏽鋼枱，有啲食堂feel。員工都似係泰國人，但都識聽同講廣東話。大食兵團點左嘅食物……6串串燒……雞翼（好入味），雞腎（爽！大塊啲仲好，豬頸肉（好一般），司華力腸(好大條） 生蝦……我怕敏感冇食，牛妹話正！夠厚肉，夠新鮮，有口感！蒜蓉包……有5件，有啲似用迷你熱狗包整，但夠鬆化，牛油味香濃。火車炒飯……我冇食，但佢地話普通，炒得唔夠亁爽，有啲漿口。泰式獅蚶……半生熟啱啱好，味道鮮甜，加左跟埋嘅酸辣汁，有另一種風味！泰式炒雜菜……份量同味道普通飲品…x妹啤酒2枝，龍眼冰(太甜)後來再encore左四串串燒，一個肉碎粉絲湯（味道可以，清清地，仲有好多粉絲同菜）。最後埋單五百幾元，估唔到三個小女子真係幾大食！不過最緊要係食得盡興啫！

永遠串燒人都係食唔厭 仲可以瘋狂食!!!同朋友一路係個邊行 睇到呢間係馬路邊 超級普通嘅串燒鋪都禁多人同賣朋友介紹話呢間好食 就要試試啦因為幾多人下 所以等左都一陣 一聞好香好惹味一食 就知佢好落力係個汁到先酸慢慢係好辣!!!!真係好惹味如果你係重口味少少 錦一直唔可以錯過!!

試過幾間泰式烤串，都係最愛佢。尤其辣汁。這店烤出的不會過熟“乾憎”。相反，熟得黎又保留應有的肉質。今次個椰青($35)又嫩又多椰子水，果肉如半熟蛋白般滑～～～~