Video
Read full review
2016-05-20
1010 views
星期日又係放鬆心情，同三五知己聚舊嘅好日子！夏日炎炎，當然係食泰國菜，咁先有泰國風情！老闆娘同埋佢兩位員工都係泰國人，雖然老闆娘識講廣東話，但佢地溝通會用泰文，唔講真係以為自己去左泰國！ 舖位麻雀雖小，但勝在五臟俱全，燒烤、小炒、小食、沙律、甜品、凍飲，都應有盡有。不過大家要留意番，個到只有大約6張細摺枱，所以最好2-4人去食就唔駛等咁耐。 首先點個前菜先，豬肉生菜包。材料有豬肉碎、紫洋蔥、九層塔、蔥、辣椒、青檸汁。用新鮮嘅生菜包住肉碎，口感好豐富，感覺好清新。辣椒嘅香辣可以刺激味覺、青檸汁發揮到開胃嘅作用，作為一道頭盤，都能做到應有效果。 青檸沙冰。打到雪花綿綿嘅沙冰，青檸汁甜酸度剛剛好。口渴、解渴不二之選！食到熱辣辣，飲番杯凍飲最好不過。 紅咖哩牛肉炒飯。紅咖哩味道比較弱，而且炒得比較濕。我個人就不喜歡食過濕的炒飯，不過友人卻喜歡食濕的炒飯，所以話口味都是因人而異。如果當作普通炒飯，味道是很不錯，有泰國的香料味道。 海鮮炒金邊粉。這裡的Pad Thai特別之處就是用金邊粉而不是用河粉。材料分別有芽菜、葱、蛋、蝦、蜆。個人覺得麻麻，雖然有落到辣椒炒，但整碟P
星期日又係放鬆心情，同三五知己聚舊嘅好日子！夏日炎炎，當然係食泰國菜，咁先有泰國風情！老闆娘同埋佢兩位員工都係泰國人，雖然老闆娘識講廣東話，但佢地溝通會用泰文，唔講真係以為自己去左泰國！
舖位麻雀雖小，但勝在五臟俱全，燒烤、小炒、小食、沙律、甜品、凍飲，都應有盡有。不過大家要留意番，個到只有大約6張細摺枱，所以最好2-4人去食就唔駛等咁耐。
首先點個前菜先，豬肉生菜包。材料有豬肉碎、紫洋蔥、九層塔、蔥、辣椒、青檸汁。用新鮮嘅生菜包住肉碎，口感好豐富，感覺好清新。辣椒嘅香辣可以刺激味覺、青檸汁發揮到開胃嘅作用，作為一道頭盤，都能做到應有效果。
青檸沙冰。打到雪花綿綿嘅沙冰，青檸汁甜酸度剛剛好。口渴、解渴不二之選！食到熱辣辣，飲番杯凍飲最好不過。
紅咖哩牛肉炒飯。紅咖哩味道比較弱，而且炒得比較濕。我個人就不喜歡食過濕的炒飯，不過友人卻喜歡食濕的炒飯，所以話口味都是因人而異。如果當作普通炒飯，味道是很不錯，有泰國的香料味道。
海鮮炒金邊粉。這裡的Pad Thai特別之處就是用金邊粉而不是用河粉。材料分別有芽菜、葱、蛋、蝦、蜆。個人覺得麻麻，雖然有落到辣椒炒，但整碟Pad Thai的味道都偏甜，失去泰國的風味。
冬陰公海鮮河粉。不太食得辣的你們要留意啦，這個冬陰公加了蕃茄，令整個海鮮河粉的辣味減低，但是湯底仍然十分濃烈！材料亦相當豐富，豬肉碎、紫洋蔥、洋蔥、蕃茄、青口、蝦、魷魚。
蒜蓉炒雜菜。食左咁多肉，當然要食啲蔬菜均衡番！雜菜內有椰菜、蕃茄、西蘭花、椰菜花、芥蘭。蒜蓉炒得好香，端上黎已經傳出濃烈嘅蒜香，食落仲夠鑊氣！
串燒：珍寶腸、雞肉、雞肝、豬肉。主角出場！金泰燒烤最出名嘅就係串燒，珍寶腸夠大、雞肉夠嫩、雞肝好有甘香味、豬肉就中規中矩。最好食係燒雞肝！不過我覺得靈魂係醬汁，分別係沙爹醬&泰式辣醬。
串燒雞全翼。另一個必食之選！雞翼燒烤得外皮脆，但肉汁仍然能夠鎖住，配上沙爹醬是最夾的。總而言之，金泰燒烤以小型餐廳 和 只得一位主廚而言，效率快、食物質素都能與其他泰國餐廳睇齊！希望大家知道金泰除了串燒好食之外，堂食嘅小菜都是值得一試呢！
Post
