金拇指米線 (福至工業大廈)

Open Now

Now Closed

今日同朋友去左香工，順便黎出名靚正嘅金拇指餐廳我地分別叫左個2個lunch set陳皮鴨腿湯飯 + 熱菜蜜成碗湯加上大大隻鴨腿，都只係$46，真係勁抵食﹗﹗﹗鴨腿除左大大隻外，肉質仲好嫩滑😋湯一啲都唔油、好清香。份量多到我朋友都食唔晒🙈就算男仔食都一定夠晒飽﹗蟲草花雞湯米線 + 咸檸七米線好足料、大大碗，配菜除左有蟲草花，仲有酸菜同冬菜，口感新鮮又爽口。湯嘅味道好香濃，真係好似屋企煲雞湯嘅感覺。最驚喜嘅係主菜嘅雞肉，真係估唔到咁嘅價錢竟然有咁多份量﹗除左驟眼見到嘅雞肉外，原來雞肉下仲有一層…而且嗰層仲係啖啖肉嘅胸位，肉嘅口感好滑。真心值得推介﹗

今日過荔枝角做嘢，平時唔係依頭返工，真係唔知有咩好食。所以都係隨便搵間餐廳就算喇，估唔到工廠大廈啲餐廳都唔差，選擇又夠豐富，價錢仲好大眾化添。原本想豪啲叫個原條日式鰻魚飯，但暫停供應。最終我叫咗個日式吉列豬扒飯，加錢轉埋杯凍檸bull。吉列豬扒炸得香脆好味，而且都都幾大塊，配埋兩片醃漬蘿蔔，今人胃口大開。 唔計加錢叫嘅飲品，都只係$38，依個價錢可以食到咁大碗飯同日式炸豬扒，都真係好抵食呀。凍檸bull其實我都係第一次飲。檸檬冰底再加罐red bull。依個好似係近期先推出嘅新口味。鮮檸味同red bull原來都幾夾，大家都可以試下嫁。

最近大商場都少左去，反而因為工作會係工廠區轉下，發現工廠區不乏一些叫人驚喜的小店。樸實無華的裝修，光顧的人沒有華衣美服，工作後求的就是最實際的溫飽。店內亦做足功夫，加了隔板。中午時間有85折抗疫價，本身已經咁經濟嘅價錢，真係共渡時艱。一定要食，性價比高蟲草花湯嫩雞米線湯唔太鹹帶清甜，少量酸菜開胃，雞真係好嫩滑，而且唔係俾頭頭尾尾骨位，啖啖肉，未食哂已經覺得飽下圖睇到好厚肉，無花無假鰻魚就好大條，估唔到工廈小店都幾有心思鋪碟，呢d咪叫對食物嘅尊重囉！肉質厚，唯一美中不足係鹹左dd咁多，可能我本身食太淡叫餐仲可以送埋飲品，冷熱同價，夏天可以叫番杯凍菊蜜就非常之完美啦下午茶餐下次試吓先，價錢算公道，根據今次經驗份量應該都好夠 去荔枝角唔一定要喺某個地鐵站出口嘅大商場食野先開心嘅，真係冇諗過呢類樣貌咁踏實討好嘅小店入邊係咁有驚喜

門口唔算好起眼👀 好容易就行過左🙈入到去先發現係好親切既連鎖快餐店模式先點餐@收銀🧮 再到水吧交飛取餐🧾第一眼見到個餐牌真係超大而且選擇好多😲大部分都平靚正🥢 員工飯堂果非浪得虛名👍🏻試下米線🥢之餘仲揀左全場最貴既鰻魚飯黎品嚐😋 1️⃣日式🇯🇵鰻魚飯🍱估唔到真係原條鰻魚咁上😳 好大條⁉️完全無細骨而且軟腍味美🤤 仲鋪滿紫菜絲😋 鰻魚汁豪不吝嗇奉上🤗 味道比較偏濃跟餐仲有味噌湯同飲品🥤工廈都食到日式🇯🇵鰻魚飯🍱 太棒了👏🏻2️⃣蟲草花雞湯🥣米線🥢成碗米線都係熱辣辣架😍個雞湯湯底真係好味道😋 帶點甜唔會好油雞肉🐔比平常米線份量多好多😲食左雞胸肉、雞翼、雞翼尖、雞髀🍗🙈仲有營養價值好高既蟲草花添😋所以今次揀左蟲草無揀重慶酸辣😝

雖然無靚裝修 門面又吾起眼 金拇指絕對係荔枝角打工仔必食既飯堂👻選擇極多 米線 小炒 粉麵 咩都有 日日食都吾會悶 仲要即叫即整 熱辣辣 夠新鮮口水雞飯 🐥口水汁夠重口味 麻香辣都齊全 🌶吾會好油但又夠味 仲有陣陣香蒜味 撈左成碗飯🍚師傅好均爭 雞胸雞背雞髀雞翼都有齊 雞肉嫩滑 雞皮爽口 大讚菜脯叉燒炒蛋飯🍳滑蛋正 吾會炒到過火 仲有好多蛋汁 蛋份量都多 我估有三隻蛋 好多叉燒 主要係收瘦叉為主 略嫌菜脯切得太大粒 食落口感太硬 但整體來講個炒蛋好好食😋

同同事行到嚟附近，見佢餐牌好似幾平咁就入咗去～食物選擇都唔少呢入到去點餐處，有大大塊餐牌係正你眼前🤣🤣同埋同大快活個形式相似，都係先點餐然後等叫號碼出去攞餐店內位置都算多，而且疫情之下有家間隔用嘅版，所以雖然人多但都食得安心啲🌙鳳梨豬軟骨菜飯 $44同事話好耐冇食菜飯，所以即刻就叫咗呢個，而且試咗佢個豬軟骨，都算幾淋幾入味！🌙重慶酸辣米線 $51🌙凍奶茶 +$3都幾鍾意佢有芫茜同芝麻，食落香口啲，同埋生菜都幾多！不過如果個湯成再辣啲會仲香！荔枝角食飯都唔平架，around 50蚊都算OK啦門口最好加返個清楚的招牌，咁下次更加容易揾！

今日黎到荔枝角，見到呢間金拇指餐廳就入去一試，呢度既形式似連鎖既快餐店，買完飛自己再攞餐搵位，門外有大大既餐牌，選擇多多，有米線有飯餐😁今次就揀左日式鰻魚飯同香茅豬扒菜飯日式鰻魚飯賣相吸引，有原條鰻魚鋪係飯面，再配上鰻魚汁同紫菜碎，鰻魚夠厚身而且味道媲美日本餐廳，白飯有咬口唔會爛，仲有配埋麵鼓湯，估唔到係茶餐廳都可以食到咁日式又有質素既午餐👍🏾香茅豬扒菜飯既份量都足夠，豬扒煎得夠香又唔會太乾，仲配埋酸辣醬夠惹味，菜飯用菜心切碎去整，個人覺得用小棠菜更好，更有層次；套餐仲額外送左個菜湯，食完飽腹感十足黎開荔枝角又想速食個午餐可以試吓呢間金拇指餐廳，選擇多而且好快就有得攞餐，味道唔錯可以一試😋

朋友在荔枝角工作,帶咗去一間佢成日食嘅餐廳, 其實我一直都好喜歡茶餐廳㗎, 因為茶餐廳嘅選擇好豐富而且價錢合理。 去到這間茶餐廳，超大空間，感覺好舒服又乾淨, 美食仲有驚喜。😍

好耐冇食米線 再唔係食黎食去都係譚仔食到有d悶 有次黎到荔枝角試左呢間餐廳 米線既湯底都有幾款揀 我揀左麻辣湯米線🍜 叫左小辣🌶 本身米線都有配菜 分別有鹹酸菜 腐皮 芽菜同韮菜 餸我就揀左魚蛋同豬腩肉 湯底好香 愈食愈麻 個感覺好正 好食過譚仔好多😛 魚蛋爽口彈牙 腩肉唔會過肥 👍🏻👍🏻👍🏻同行屋企人嗌左重慶酸辣肉碎湯米線 都係叫左小辣🌶 餸揀左冬菇 豬大腸同豬軟骨 豬軟骨煮到好淋 冇牙都唔怕食😂 豬大腸大大舊一d都唔靭 配菜仲有花生😍 不得了呀😋

朋友嚟公司附近搵我食飯，佢地都話窮，叫我推介啲平靚正嘢食。我就帶佢地食我糧尾嘅平民食堂，我地唸住叫三樣嘢一齊share，包括：鳳梨豬軟骨菜飯：酸酸甜甜嘅醬汁，軟林嘅豬軟骨，配上菜飯幾好味。梅子蒸排骨飯：酸甜醒胃，排骨肉質鬆軟。馬來咖喱雞扒飯：咖喱幾香滑，唔會太辣，雞扒有醃製，入味得嚟嫩滑。3樣嘢食我地都覺得幾滿意，雖然係快餐店，但質素都有水準，味道幾好。菜飯，小炒，家常小菜都有，都幾多選擇。價錢亦都相宜，平均都係四十蚊到，算係咁。

去咗朋友間公司搵佢傾計，講咗一大輪，而家嘅狀況，大部分公司都係經營得好困難架啦，我又無乜嘢可以幫到佢，都係安撫下，聽下佢吐苦水咁啦。跟住就同佢一齊去附近間茶餐廳食飯，佢話價錢非常相宜，仲要有好多唔同選擇。茶餐廳入面好大，有好多位，有個大餐牌寫滿唔同時段嘅食物，真係睇到眼都花。叫咗個雜扒飯，都只係$48，以依家個物價計都真係唔貴。雜扒飯包括有火腿、煙肉、腸仔、雞扒、豬扒，大大份，加上好大份量嘅白飯，真係食唔晒，早知叫佢少飯。豬扒雞扒煎到勁香，外皮香脆而肉質唔會好硬。個餐跟個番茄汁，酸酸甜甜咁，食咗咁多肉都唔會覺得好滯。

之前食開酸辣湯底味道酸中帶少少辣！都幾好味！豬膶片、豬扒米線-麻辣中辣$43 仲有餐飲湯汁唔算太麻，同酸辣湯汁差不多只係多左少少麻.配料份量多5-6片腐皮、酸菜、芽菜之前試過小辣覺得對於一般餐廳嘅微辣，所以今次試下中辣，都唔算太辣.豬膶片有4-5片而且都大片.豬扒份量有成3-4件，豬扒肉質好厚實.堂食份量多過外賣，食完都飽肚.因為上星期叫過外賣米線份量好少，食完完全唔飽肚.牛肉牛丸麻辣小辣$42牛丸有3粒、牛肉肉質嫩滑份量5-6件.但米線份量得好少.整體堂食抵食過外賣味道都中上.

今日lunch經過金拇指門口見冇乜人就入去食平時外賣叫得多 堂食真係第一次一入門口就見到餐牌牆 款式選擇都好多炒粉麵飯乜都有落單係快餐店形式門口收銀處落單 叫米線的話就等嗌number坐位係自己搵嘅今日嗌左個酸辣少辣牛丸腩肉米線跟湯配菜有酸菜 花生 芽菜湯底有麻醬味又有少少花生味 再配埋酸味都幾獨特 加上微辣好開胃腩肉係薄切 牛丸唔會好粉 個湯底好濃味 所以食每一樣野都係湯底味 食到尾可能食得太多酸菜 就覺得個湯底酸左少少

由於今日多嘢做，所以我遲咗食Lunch，於是叫埋仲未食飯嘅同事出去食飯。就到糧尾，都唔知啲錢洗咗係邊，唔知點解啲錢咁快用完。我地嚟咗呢間快餐店，近我地公司。平時我就鐘意食菜飯，今日我就試下個日式燒汁雞扒飯，同事就揀咗日式燒汁肥牛飯。呢個鐘數先33蚊，上枱就大大碟，真係抵食。日式燒汁雞扒飯，雞扒燒得雞皮香脆，雞肉入味又嫩滑，配上燒汁撈飯，美味。同事個燒汁肥牛飯，肥牛都有好多，唔係淨係得一兩塊。食得快餐店，就對環境無咩要求，但佢地方幾大，枱同枱之間都算隔得開，都坐得舒服嘅。

物價飛漲，以前20幾蚊可以食個茶餐，今時今日仲有邊度可以食到？偶然間又真係比我搵到一間20幾蚊食個茶餐嘅地方。同事食完飯攞咗張外賣紙返嚟。我睇價錢，實惠又多選擇。隔日便與同事叫咗個茶餐。我就食鮮豬潤清湯米線 $27，米線份量啱啱好，唔會食到太飽。米線係煮到偏彈牙一啲嘅，豬潤彈牙滑嫩，唔係粉果種，都有幾大塊。同事就食炸醬撈麵 $26，我就無試到，但聽佢講都話味道唔錯。我覺得味道真係不過不失，用料都新鮮，選擇多，加上以呢個價錢嚟講真係難得。