金拇指米線 (福至工業大廈)

Open Now

Now Closed

今日打算去D2個邊行下市集, 不過時間尚早就去左香工個邊睇下野行到咁上下見餓啦, 見到附近有間米線就入左黎食啦凍冰冰既天氣我就比較想食一碗有湯又熱辣辣既米線多過食飯於是我就叫左麻辣米線, 配菜就揀左雞扒、魚蛋、金菇個麻辣米線既辣度啱啱好, 唔會太辣但又Keep到有「麻」既感覺雞扒煎得剛剛好, 雞肉厚身得黎又嫩口配合呢個辣湯底又幾惹味喎魚蛋都係來貨啦, 都算彈牙既米線份量都幾多, 如果唔係叫左麻辣湯底夠惹味既話我都爭啲食唔哂呢間米線比起譚x好食得多, 不過可惜呢間同我屋企唔算近,希望佢有機會開多啲分店啦

朋友喺荔枝角返工，呢日佢早放工所以約佢喺公司附近食野兼行D2。自己想食紅著粉，所以就將米線轉紅著粉。我地點咗酸辣湯紅薯粉炸雞翼 豬軟骨（＄49）同埋酸辣湯米線炸雞翼 墨魚丸（＄47），兩個都係飲可樂。初時擔心酸辣會好辣，但原來佢有得揀辣既程度，我地都要咗小辣，啱哂我地。紅薯粉有咬口，豬軟骨就軟稔得嚟又入味，唔錯！至於朋友既酸辣湯米線好大碗，好彩佢lunch冇點食野，所以都食得哂~墨魚丸細細粒但幾彈牙，炸雞翼都唔錯。

今日去左個朋友屋企附近食野，諗住平食佢就帶左我黎呢間工廈飯堂。我嗌左重慶酸辣肉碎湯米線，個價錢包左一個$5既餸，再嗌其他就加錢，咁我叫左腩肉、雞扒同肥牛。雖然腩肉唔係我平時食開個隻，但都整得唔錯，肥瘦適中口感嫩，雞扒就正正常常，滲入左少少湯底既味，將雞扒既味道加添左一點酸辣，而肥牛有d肥肉令到d肉唔"韌"，整體黎講來好滿意，特別係個湯底，可以選擇微辣亦不失重慶風味。日式鰻魚飯第一個比我既感覺係好多汁好大條鰻魚，個汁都甜同juicy，但如果小d可能更好，可以品嘗到更多鰻魚原本既味道，不過醬汁既味道亦都融入鰻魚中。佢有配埋麵豉湯同飲品。下午茶既鰻魚飯好似會減$2，成間餐廳好大好多位，d野食整體上都係比較平，食物質素又唔差，絕對可以成日黎。

今天本來去長沙灣買嘢，出門遲左些， 遇啱食午飯時間到，所以就醫肚食午餐先去買嘢，看見有間不太起眼的飯堂，但入到去見到都幾多人 ，食物種類都幾多，價錢都不是太貴，叫左一碗清湯米線轉水晶紅薯粉加$2，紅薯粉好爽口彈牙，碗粉本身有:芽菜、酸菜、腐皮、韭菜，有啲配菜食慾大增 ，所以另加豬軟骨$8，豬軟骨剛剛好不會太腍而且有咬感，豬扒加$8， 豬扒好腍而且不鞋口 ，肉質好滑 ， 估唔到這間飯堂可以食到呢個唔錯既水準 ，凍檸水另加$3。 另外朋友叫咗碗:霸王雞配飯，仲有一碟清菜， 菜就比較淡口些，啲雞肉好嫩滑，有濃郁的雞香味，上面鋪滿好多蔥花和薑絲，還有一些燈籠紅椒絲 ，白飯一粒粒，配飯一齊食一流。熱檸水不需加錢，我們二人都食到很飽， 這間飯堂好多不同食物選擇，總有一款啱你食，如果下次我經過會再去食第二款，我諗都應該相當唔錯。食飽飽可以慢慢去掃貨啦😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

聽店名以為只係賣米線，原來仲有咁多款粉麵飯選擇，仲要價錢都一啲都吾貴，經過附近可以考慮下！.炸雞髀配薯條沙律（$35)沙律有鷹咀豆，好有咬口，薯條雞脾即叫即炸，味道咸香酥脆，令人忍吾住一口接一口。.西多配沙律（$32)澱粉質與脂肪組合永遠是最佳配搭୧( ⁼̴̶̤̀ω⁼̴̶̤́ )૭，西多好多花生醬，味道香濃，搭配甜甜的糖漿同吃，作為茶餐吃的確一流。.咖喱牛腩飯（$47)牛腩肥美，加埋吸滿咖喱汁的薯仔，香口又惹味，充滿香港港式咖喱的風味。

今日同朋友喺荔枝角工廠區附近，搵到一間好似大快活咁嘅快餐店，叫做金拇指，價錢又唔貴，就入去食中午飯。叫咗一份日式鰻魚飯，嘩，真心超有驚喜，冇諗過鰻魚飯係原條鰻魚，而且鰻魚燒得啱啱好，加埋燒汁撈飯一齊食，冇得頂！隨餐仲要附送麵豉湯，同埋一杯嘢飲，喺荔枝角區來講算超級抵食！冇諗過咁平而且又咁高質！另外朋友叫咗一份薑蔥雞飯，都有半份雞，雞肉肉質都嫩滑，整體唔錯。呢一間餐廳嘅熱奶茶都好好飲，茶味夠苦澀，大讚！

去到 荔枝角 唔知食乜好揾到呢間經濟又實惠嘅飯堂 一試果然不錯 同大家分享一下自選米線系列 1重慶酸辣肉碎湯米線 (炸菜肉碎 芽菜 酸菜 花生)食得辣嘅我 點左 中辣 餸菜點左 肥牛 豬軟骨 菜心要讚下個湯底 夠味 夠熱 當所有餸菜 索哂個湯頭時食落好正 個湯底 有小小酸菜 同肉碎 好味到 欲罷不能 個 花生都好好食 整體來說 好滿足 飲一啖湯 食下米線 又食下啲餸 再食下酸菜同花生 完全係打工仔福音自選米線系列 2酸辣湯米線 (芽菜 酸菜 花生 芝麻 芫茜)小辣 餸菜點左 豬扒 雞翼 蘿蔔雞翼 雖然係浸左湯嘅炸雞翼 但無敵好食 個味同個湯底好夾 蘿蔔 煮到好淋 又夠入味 好開心有點呢個 因為真係好好食吖豬扒大大塊 食完成個 為今日的lunch 畫上一個完美的句號

今日搵食搵到去荔枝角嘅工廠大廈，一入餐廳就見到好多塊餐牌，而且呢度係以自助形式嘅，感覺有啲似大型連鎖嘅快餐店，揀咗想食咩之後就去收銀處點餐俾錢餐廳格局其實都同快餐店好相似，由於係工廈嘅關係，所以座位相當闊落黎到取餐處，放低張收據就可以乖乖咁等餐啦話明金姆指米線，咁我就試吓呢度嘅噴火麻辣湯底，我就將米線改咗做薯粉，辣度就揀咗中辣，果然係相當噴火，食到我頭殼頂都出晒煙，流晒汗餸菜就有牛腩、豬軟骨、蘿蔔、木耳、豬扒朋友就揀咗豬扒菜飯，工廠區嘅碟頭飯果然夠晒大碟，份量超多，認真抵食

去探嫲嫲前先同媽媽去搵食! 落車經過工業區附近, 見到有隻手指食米線, 天氣涼涼哋, 一於食啲熱食啦!  環境似似快餐店, 先付款買飛再自行交飛等叫號碼! 除左米線仲有燒味飯, 炒粉麵飯…價錢非常親民! 媽媽食米線, 牛腩, 豬大腸, 芝士腸! 3餸加埋只需 $54…熱檸都只係加 $2! 牛腩出奇哋有淋, 仲好有五香滷水味! 豬腸唔算超多肥膏, 無臭味, 滑口! 媽媽唔食得辣要清湯湯底, 還不錯, 無味精! 我食鹽焗雞飯, 沙薑粉好香好滑, 唔算太多油! 雞肉夠咸, 鹽焗得剛剛好, 雞肉唔會太生, 又唔會熟到咬唔到, 有雞味! 雖然係似快餐店, 但唔係比粗米飯, 而係雪白軟熟白飯! 一碟雞, 又有飯又有湯都只係$46, 超值! 註: 整體感覺良好, 快食平靚正之選! 

今日去開茘枝角整指甲，扮完靚靚同個fd就係附近搵地方歎個下午茶。甘岩經過依間，見到有米線食，就入去試試。店舖環境好大，好似個飯堂甘。不過去個時四五點落場時間，人流不算多。店舖原來唔單至米線食，仲有各式各類美食選擇，炒粉麵飯咩都有。我叫咗酸辣湯底米線，由於我唔係好食得辣，所以叫咗小辣，辣度剛剛好，湯底非常濃郁、夠香。配菜就叫左豬軟骨，豬大腸同芝心丸。豬軟骨炆得夠稔軟入味，好香陳醋味，肉質鬆軟。豬大腸都好好味，份量好夠。相當抵食！

工廠大廈一向多隱藏美食，金拇指算係一個好大既員工飯堂，唔好以為係工廠區餐廳環境會好差，相反地方好闊敞，乾淨。而且選擇好多，基本上講得出都有，有常餐、燒味飯、炒粉麵、碟頭飯、自選粉麵不過今次黎係星期六，所以唔會好時平日甘好多人，又唔洗排隊買野食今次我地揀左自選米線系列，有唔同既配料、湯底、辣度都可以自己揀重慶酸辣肉碎米線$57蘿白、豬潤、雞翼(兩隻)(美味指數: 😋😋😋😋)嗌左中辣，但可能因為重慶係酸酸辣辣，所以辣度其實唔係太辣，米線份量充足。配料分面揀左蘿白、豬潤、雞翼，蘿白夠淋夠入味無根，豬潤火喉控制得岩岩好唔會老，雞翼係炸既，但因為浸左落湯所以淋左麻辣湯米線 $59生菜、肥牛、雞翼(兩隻) 加左$2轉薯粉(美味指數: 😋😋😋😋)米線可以加兩蚊轉做薯粉，薯粉配麻辣湯都好好食，肥牛份量都好多，生菜都好新鮮凍檸蜜、凍檸樂 (連餐$6)(美味指數: 😋😋😋😋)估唔到平時連凍檸蜜、凍檸樂黎d特飲都係加6蚊甘抵，而且檸樂仲要係一整罐可樂，不過可樂本身唔凍，就算加左冰風味都係唔夠😋整體食物質素：4 / 5💰性價比：4 / 5👍推薦指數：4 / 5

今日本身想跟朋友去酒樓飲茶，但無位，結果去附近餐廳食完午膳就去旺角做美容療程。 繁忙時間找座位有難度，好彩都有人快食快走，清潔姐姐好快清理好枱面。米線我要清湯，要豬軟骨及豬大腸，豬大腸沒有砂，很大塊,豬軟骨有淡淡的陳醋味，米線很多，軟滑，好飽肚。日式鰻魚飯，熱辣辣上餐盤，汁算夠，鰻魚沒有幼骨，容易食，整體都中上，飯很軟熟，本身仲有麵豉湯，天氣涼涼地，飲完好舒服，唔錯飲品我飲熱菊花蜜，不用加錢，凍奶茶要加3蚊。

黎開荔枝角工業區附近，見到有間金拇指米線，就同朋友入去食，環境有些似快餐店，都是排隊付款後，再去聽號碼取餐，看了餐廳食物款式算是有多種選擇，除了有米線，仲有炒粉麵飯，燒味飯，而且價錢親民我叫左豉椒牛肉炒河(濕炒)炒得算好，色澤平均，河粉條條分明，唔會一餅就上枱，因為多數出面快餐店只會最後上汁，沒有炒的，牛肉淋身，容易咬開朋友就叫左重慶酸辣湯米線轉左薯粉餸就加左墨魚丸很彈牙同肥牛肥瘦適中，薯粉吸了湯底，非常入味，口感Q彈

前排有朋友推介話荔枝角嘅呢間工業大廈入面有間飯堂嘅米線非常好食😋所以星期六下午時分就同朋友一齊去試吓 飯堂嘅選擇非常豐富 既然嚟到我哋就梗係要試吓佢嘅米線啦 我就叫咗重慶酸辣肉碎湯米線 $38 配墨魚丸和肥牛🙈另外仲加咗兩蚊轉紅薯粉添🤤湯底非常濃郁 紅薯粉完全吸收左湯嘅精華食落去非常香口惹味👍🏻米線餐跟咗飲品 相當抵食_另外我哋亦都叫咗一個豉椒牛肉炒河 $34炒河粉非常夠鑊氣 食落去同樣非常香口 呢個價錢仲要包埋嘢飲真心非常抵💜CP值都幾高 _去開荔枝角既朋友仔不妨黎試吓😆

金拇指餐廳型式係門口排隊付款，像美心餐廳咁，自助落單取餐。令票到取餐處，之後等叫號碼取餐。話明係金拇指米線，我當然叫左個酸辣米線湯底嘅酸辣味令人好開胃，配料非常足，成碗米線好大份。豬軟骨好嫩好多軟骨，雞扒大大件，值得一推既係蘿白，真係超入味雞扒菜飯點係呢個雞扒，煎到勁香皮又薄又多汁，加左菜既飯，超有口感之餘，又幾香菜味好有童年回憶懷舊炸雞脾+炸薯條+鮮果沙律 食完個午餐都唔夠，可能今日做完運動，再叫多個下午茶餐先。雞脾炸到個皮勁脆呢, 有即叫即生炸嘅口感,外皮炸乾左，但肉質都唔會柴。粗條波浪紋薯條份量勁大, 炸得好透條條都脆卜卜. 正常價大份量推介⭐️⭐⭐️⭐⭐