金拇指米線 (紅磡廣場) (Closed)

呢排天氣日日都勁熱，口淡淡都唔知食咩好於是就同班同事去左金拇指食米線出奇地今日唔算太多人，好快搵到位坐由於個人黎講唔係好食得辣(食譚X既10小辣都標眼水個種)所以就叫左清湯米線，餸菜就揀左牛丸清湯米線帶有少少豬骨味道，湯底顯奶白色調味唔算太咸，無味精，亦都唔會太淡味，都唔錯碗米線有好多九菜同芽菜，可以慳返唔洗叫蔬菜~米線都煮得啱啱好，唔會過淋，保持應有既彈性同事叫左豬大腸，分左一舊試味，估唔到又幾好食喎!完全無臭味，清理得好乾淨，下次可以試下叫豬大腸今餐只係$39就搞掂，食得飽肚仲有杯菊花蜜飲，應該無野可以挑剔啦呱?!

我係好鐘意食米線嘅人，基本上一個星期都會食1至2次先滿意。 阿媽都話我好似上咗癮咁。自從發現咗金拇指之後，總會耐唔耐就去食，因為性價比真係唔錯，又靠近屋企，不用搭車就可以食到米線。今日都有好多位，order完可以直接坐低等食物。廚房好快手就煮好，10分鐘就有得食。我就試左豬軟骨麻辣米線啦，麻辣味道夠勁道，不過d米線就碎左d，我覺得幾好味，飲下飲下又飲哂d湯，我食米線好鍾意飲埋D湯，不過阿媽會話無益，同埋有D米線舖頭真係好多味精，飲哂d湯會好口渴，要不停咁灌水。

今日去咗紅磡廣場交收，等咗好鬼耐個賣家都唔出現，text咗幾次都唔應，等咗15分鐘先至覆話原來有急事，嘥我時間。唔係急住要都唔幫襯佢買一肚氣都止唔到我嘅肚餓，周圍望下有咩食啦。見到金拇指，有米線食又唔貴，咁就去咗試試佢啦揀咗酸辣米線，配料要雞肉+木耳，走芫茜。雞肉木耳呢個組合可能有D奇怪不過好好食架。米線煮得啱啱好，唔似某連鎖米線咁，成日煮到過淋，一patpat好鬼難食。酸辣除咗辣味之外，酸度都重要，唔夠酸就唔好食架喇，呢碗都合格連埋杯檸茶都唔洗50蚊，好抵食，有機會會再試

紅磡係Lunch hour想搵食有幾難...應該係個區返工嘅人仕都好明白架啦皆因呢個工業區太多人返工，加上附近又多民居，有時食飯真係要爭崩頭之前都已經知道紅磡廣場有間金拇指，但次次經過都好多人，所以都無機會試今日唔知做咩事無平時咁多人，就快快趣趣同同事去搵位坐咗先啦金拇指都幾多選擇，有米線有碟頭飯有咖哩有焗飯。佢哋係快餐店格局，先買餐後搵位再自取。環境位置都不能要求更多架啦...不過都算乾淨企理嘅。我就揀咗個煎倉魚嘅套餐蒸倉魚嘅就見得多，煎倉魚就好少見仲要咁平，都係五十蚊有找，有飯有嘢飲煎倉魚係跟一個豉油汁嘅，佢唔係就咁俾一兜豉油你或者淋上面，而係另外碗仔上。仲要碗豉油係煮過嘅，有辣椒有蔥係入面，入口甜甜地個隻，同煎魚都幾夾果種師父手勢都幾好，煎到魚皮帶有少少脆口，魚肉鮮嫩無雪味本身倉魚有少骨，食落真係啖啖肉，點埋豉油食送飯真係一流今時今日呢種質素食得飽肚都係五十蚊有找...都算係唔錯啦呱...

係紅磡廣場返工就知Lunch時間係幾難搵食.....好彩之前我搵到紅磡廣場呢間金姆指，佢類似快餐店格局，但勝在位多而大部份客都係食完就好快走，所以我同班同事都成日嚟食佢餐牌有好多嘢食揀，有米線、碟頭飯、菜飯等等....加加埋埋都三四十款....夏日熱辣辣其實胃口麻麻地...所以叫左碗酸辣米線開下胃口先今次叫咗生菜、豬潤片同炸醬做配菜，辣度就揀咗中辣，價錢唔算太貴，連埋凍奶茶$53 ....依家周圍食飯都係差唔多呢個價錢佢哋嘅酸辣湯底真心推介湯底又香又濃，夠酸夠辣令人食慾大增！啲湯底係會令你想飲哂佢豬潤片有大約5片，豬潤處理得好之餘又夠新鮮，完全無異味，配合酸辣湯底食真係一流！炸醬都幾唔錯，最怕食到有好多肥豬肉粒嘅炸醬，呢度完全無問題米線又煮得爽滑彈牙，幾時都話米線同酸辣湯底係絕配黎同事叫咗豬大腸同牛腩，試食咗佢嘅豬大腸，同豬潤一樣完全無異味，證明呢度處理食材係好有心而牛腩煮得都好淋，完全唔會嚡口或者變柴皮，下次黎食我叫一份牛腩先！

紅磡廣場地庫呢間唔止食米線，其實好多其他嘢食，見有鐵板餐，上海野，夜晚有邊爐，下午茶基本上同午餐一樣但係會平幾蚊。#下午茶$34 鳳梨豬軟骨菜飯，本身應該仲有個例湯，但我唔記得拎，又送熱飲，都算抵食。以前唔鍾意食菜飯係因為比較濕又油，而呢個比較乾身，整體幾好食，豬軟骨都幾多，但啲骨唔係軟都幾硬，咬到我牙都軟。 雖然個名叫鳳梨豬軟骨，其實得兩粒菠蘿。 例外嗰度樓底夠高，之前食過鐵板餐就唔怕成身味，不過鐵板唔夠熱，啲黑椒汁比較醎。

今晚六點半第一次去食呢間所謂任飲任食火鍋。六點五落單七點個鍋先到。之後問收銀任食啲料係咪要落單。佢問我要咩料。我問佢有冇得睇有邊款可以點。佢話冇。我再問佢咁有咩可以點。佢又答我唔到。之後同佢講除左內藏同丸外。等左四個字唔知係咪點一樣野要等半個鐘。咁樣真係有啲呃人話任食。我同佢講我開始食左四個字發現原來冇野食可唔可以取消唔食兩個鐘轉食一小時。佢又話唔得。我行出去諗住等佢得閒問佢係咪仲有串燒六串。我企係度一句說話都冇講個女收銀無啦啦話我影佢相。我企係度諗住等佢做完野先俾佢睇果張相寫一人有三串串燒佢就咁樣同我講野。成肚火下就走。咁既服務態度。而且啲飲品係好多塵係面。可能冇乜人食既原因。成晚只係得我呢一枱。有代改進

Here we are in this golden thumb restaurant Hung Hom favourite and fun guess how much?with all the bottles of seasoning I put vinegar and bottled spicy 🌶 More hygienic real fresh brewed hot coffee ☕️ All together 16$Comparing with 7-11Or K circle The same Or maybe better Because it's a fresh brewed good coffee ☕️ taste sitting comfortably and no one border anyway Lots of seats morning time tvAnd tea/ hot fresh food 🥘 grandmother and aunt Happy fine.

How do you eat at Hung Hom ?I am extremely satisfied want to eat healthily and less I see the fried noodles and soybean drink 18$ask the young lady cashier Can I exchange for a fresh brewed coffee hot Yes so I pay eighteen Hk for the breakfast all on your own noodles good Not oily Big and delicious 😋 Very well I feel worthy the Coffee ☕️ ok 👌 Fresh brewed Put half bag of coffee sugar so far so good Can see from the clients inexpensive way I recommend it

今日又去紅磡廣場既金拇指食米線，其實我希望老闆可以增加人手，收銀姐姐身兼執餐下單實在太忙晚市選擇很多，而且價錢親民。一如既往點了豬軟骨雞翼酸辣米線，再加一杯奶茶外賣，共$46。店員很細心地米線及湯分開。豬軟骨不算很軟稔，但入味，雞翼不過不失。我最喜愛它的酸辣湯，又香又濃，一邊吃米線一邊不禁喝它的湯。再加上奶茶中和米線的辣，又一頓便宜好吃的晚餐！

今日係紅磡廣場剪完頭髮去左樓下地庫金拇指米線下午茶時間係2:00pm -6:30pm睇餐牌有好多選擇 飯、面、米線、茶餐應有盡有我揀左豬軟骨酸辣米線配奶茶（$28）湯底濃而香 豬軟骨有兩舊 但不夠稔下午茶嚟講好夠食唯一係呢間分店food court形式 而且座位唔多 lunch time會好爆

雖然久未出動去找隱世超值很好即磨咖啡早餐館以至今回在紅磡廣場無意遇上一個24$包含鮮豬肝炒雞蛋香腸牛角麵包兩樽不同來源的醋心情頗不賴不錯米線有生菜和蔥粒一絲不苟！只要有浙江醋已達至打動人心交出我的心目標喝 一口即磨咖啡咬一口鮮豬肝單單這5 片肝已經超級無敵地方很大容納更多空間最後出乎意料幾乎吃不完牛角麵包要外帶！！！非常感謝非常適合cheap 友的在下豐富多彩一餐美好醋豬肝咖啡⋯⋯⋯附帶地方大/自治幾輕鬆的感覺。

之前仲係荔枝角返工既時候，已經試過金拇子米線，都知道佢地夜晚有雞煲食，可惜一直都無機會試。最近係團購見到有平價雞煲coupon，任飲任食都係98蚊一個人，買左coupon之後就決定搵個星期日黎試下啦。位於土瓜灣馬頭圍道既金拇子米線，由紅磡站行過去都係15分鐘左右，我地預早左一日訂檯，當日更早左半小時到，去到都唔係太多人。團購價每人98蚊，除左包3串串燒，1碟肥牛，火鍋配料任食，飲品任飲，雪榚任食之外，仲有少量熟食供應，都幾抵食。雞煲湯底有辣有唔辣，我地揀左要少辣，味道竟然出乎意料既好食，完全唔似98蚊貨仔，雞煲配料都好多，有唔同既丸，蔬菜，腸仔，蟹柳，菇類，豬肉，雞肉，公仔面，烏冬...可惜份量就比較少，好多食完都唔會refill，睇黎都係日頭賣米線賣淨幾多餸就俾D咩你黎做火鍋配料。飲品方面都有好多選擇，可惜既係無無糖可樂，如果怕肥既真係唯有飲烏龍茶。熟食方面有咖喱魚蛋，炒麵，豬紅，仲有每人送3串串燒，除左咖喱魚蛋之外，其他野都唔係話太吸引。食完雞煲之後仲有無限量既雪榚供應，不過就只係得雀巢牌，但係以98蚊一個人黎講，有以上既食物就真係差唔多架啦。雖然話係限食90分鐘，但係夠鐘都唔會有

This restaurant is conveniently located inside Hung Hom Square Mall, on the basement floor.The staff are very helpful and also speak English.The food is super tasty and can be very spicy. Make sure to tell them how spicy you want your meal to be.Hygiene and cleanliness is very good.I highly recommend their spicy chicken hot pot!Service is fast and efficient.

話說見到團購$98蚊勁平,又冇加一,又有得任食,梗係狗衝破地獄la一入到黎有點中伏既感覺,food court黎既...好啦唔理照食,嗌咗雞煲(其實我想食烤魚,但3vs1,雞煲贏...),味道竟然出乎意料地好食,唔知佢個湯包係邊買xd,分量都唔少,4個人非常夠食(隔離枱都係4個人,但佢地可以打兩個煲...why...)到咗自取食物區...種類選擇冇團購紙上面咁多,但有我最鐘意既芝士丸,咁就放過佢啦...自取食物有好多蔬菜揀,仲有丸類,菇類,豬肉,雞肉,公仔面,烏冬...但有點要留意,有d嘢夾曬佢係唔會refill既!除咗以上個d,仲有雀巢家庭裝雪糕任"筆"(唔會refill),熟食(見到都唔開胃)有咖喱魚蛋,炒麵,韭菜豬紅,仲有每人送5串串燒(味道幾好,分量超少),但都預咗主菜係邊爐,唔會食得落串燒啦(只可以落一次單)肥牛係要問佢攞的,一次會打孖上,過得去fd話好似屋企打邊爐咁,哈哈,嘢食過得去,係環境差少少,要求高就唔好黎呢到啦,今次純粹抱住破地獄既心態黎既啫...就算夠鐘都唔會催你走,所以各位放心慢慢食啦不過要有心理準備,呢到個阿姐講嘢係完全聽唔明咖,鍛煉下各位聽力啦!