金拇指米線 (紅磡廣場) (Closed)

之前仲係荔枝角返工既時候，已經試過金拇子米線，都知道佢地夜晚有雞煲食，可惜一直都無機會試。最近係團購見到有平價雞煲coupon，任飲任食都係98蚊一個人，買左coupon之後就決定搵個星期日黎試下啦。位於土瓜灣馬頭圍道既金拇子米線，由紅磡站行過去都係15分鐘左右，我地預早左一日訂檯，當日更早左半小時到，去到都唔係太多人。團購價每人98蚊，除左包3串串燒，1碟肥牛，火鍋配料任食，飲品任飲，雪榚任食之外，仲有少量熟食供應，都幾抵食。雞煲湯底有辣有唔辣，我地揀左要少辣，味道竟然出乎意料既好食，完全唔似98蚊貨仔，雞煲配料都好多，有唔同既丸，蔬菜，腸仔，蟹柳，菇類，豬肉，雞肉，公仔面，烏冬...可惜份量就比較少，好多食完都唔會refill，睇黎都係日頭賣米線賣淨幾多餸就俾D咩你黎做火鍋配料。飲品方面都有好多選擇，可惜既係無無糖可樂，如果怕肥既真係唯有飲烏龍茶。熟食方面有咖喱魚蛋，炒麵，豬紅，仲有每人送3串串燒，除左咖喱魚蛋之外，其他野都唔係話太吸引。食完雞煲之後仲有無限量既雪榚供應，不過就只係得雀巢牌，但係以98蚊一個人黎講，有以上既食物就真係差唔多架啦。雖然話係限食90分鐘，但係夠鐘都唔會有