金谷茶餐廳

Open Now

Now Closed

因為工作關係經過德國，剛好看到對面有間茶餐廳，心裡有股執念，想試試傳統茶餐廳的味道。於是選擇了這間門面不太明顯、入口較小的金谷茶餐廳。一進去就感受到懷舊的裝修風格，讓人有一種回到過去的感覺。菜單的價格也相當親民。B餐轉沙爹牛肉麵我點了一份早餐，包括沙爹牛肉麵、火腿蛋和多士。食多士一定要烘底，呢間竟然火候掌握得恰到好處，酥脆中帶點硬度，喜歡有嚼勁的人應該會很喜歡。配上牛油慢慢滲出的香味，讓人回味無窮。整體來說，雖然不能說是特別美味，但以這個價錢來說，能吃到回憶的味道已經很好了。如果你也懷念傳統茶餐廳的風味，不妨一試。

去北角做嘢, 唔太熟路, 是但入去茶記醫肚. 舖頭細細, 自己一個人就好容易揾位.要了個 E 餐$45 都好抵食上海粗炒、例湯 &餐飲碟粗炒都唔錯, 唔會話好多油, 如果多番 d 肉絲就更加好.好快食完就走人.

工人姐姐今晚煲粥我突然好想食乾炒牛河放工路經呢間茶餐廳見到有人排隊買外賣咁不如試吓啦好多選擇喎每款都係$50我揀咗乾炒牛河好大碟 好多牛肉牛肉冇話滑潺潺有嚼口 有肉味而且好夠鑊氣茶餐廳有咁嘅出品 合格味菜斑球炒河河粉好食嘅味菜唔掂 好重味精味斑球都麻麻哋 好厚粉不過份量好足仲有鑊氣添 算ok喇家姐點雪菜雞柳烏冬食味真係相當唔錯烏冬煙靭又入味雞柳質地唔死實 一啲雪藏味都無算處理得好好兩款炒飯粒粒分明蝦醬海鮮炒飯好味海鮮當然就唔新鮮啦我哋冇食啲料 啲飯都好好食雞粒叉燒炒飯 一樣好有鑊氣炒飯軟硬適中 同埋真係好足料好多雞粒 好多叉燒不過我已經好飽只食咗一啖各位街坊路過不坊試下每碟$50 對得起呢個價錢

去到北角的工作地點工作完，各同事就出去外出食飯，其中有間叫金谷茶餐廳的外賣，他們說都好便宜，而且自取仲可以平點，來到見到四個餐，今次選擇了雪雞柳魚片炆米，要了陽光檸檬茶$30，如果堂食就三十九元，等了一陣就可取，返到公司都見到一盒都是都份量十分足，一定會吃不完，但不太見到雪菜，有點失望，看似好濃味，但食落去竟然是沒有味道的，雪菜又少，魚片都多但都是沒有味道，有點失望飲品都不夠凍，只可講勉強可以飽肚，原來之後同事話這裡的蒸飯比較好，應該下次會去食蒸飯和試下老火湯。

剛下飛機第一餐，正確的選擇，好吃！老闆叔叔好聊又熱情，還好沒有因為其他食記就不嘗試。干炒牛河和豬扒味道很棒！河粉厚薄適中，四季豆加上豬排些微辣度，令人一口接一口停不下來！配上道地的奶茶跟凍檸茶，完美！在台灣就一直聽說香港餐飲業服務態度普遍跟台灣有很大的差別，但這一餐讓我們感覺香港人的親切，從一進門對我們說粵語，我們表示是台灣人聽不懂後，老闆用普通話跟我們耐心介紹，也跟我們聊了很多台港兩地美食的差異，美好的一餐，美好的香港人！

公司附近選擇唔多，所以早餐唔係subway，McDonald就係呢間茶餐廳。剛好今朝突然好想食沙爹牛肉同午餐肉，所以就打算響金谷買個早餐返上公司食。其實佢有好多款早餐嘅combinations，但最後只係記得影底呢個餐牌。最後我嗌左一個沙嗲牛肉午餐肉通粉，早餐仲包埋牛油方麵同野飲，而我就嗌左凍檸茶。除左牛肉同午餐肉，佢仲有一隻蛋，本身menu係煎蛋黎我改左做炒蛋，$30黎講算係豐富，加埋牛肉唔鞋，想食中式早餐都會考慮左金谷先。

山長水遠去到北角考試，早左出門，諗住食飽先入去，呢頭都幾偏僻，時間太早無咩鋪頭開門，只得m記，但又怕熱氣於是就搵到呢間茶餐廳，店面唔大，得幾張枱，都有唔少人食，不過上餐速度幾快。首先嚟左杯茶走，茶餐廳嘅茶走質素唔會差得去邊火腿通粉正常表現，仲有份餐肉炒蛋，蛋有d碎，又幾多我用左部分夾左個餐蛋治仲有剩嘅拎左嚟撈通粉食，快快手食飽左，滿足

视這餐廳为公司飯堂， 不只方便，而且價廉物美 食开有感情嘛 !繁忙的吃飯時间，总是坐满人，你可以预先致电，然後來外賣取餐的。大大條豉汁蒸倉魚，還有青菜配上，很入味，仲有飲品附上，这个套餐價錢，十分超值呢!

本身我只係以為紙皮唔穩陣，上面杯凍啡企唔穩，點知行到番office打開就見到成塊紙皮浸咗入湯，變成圖上面咁樣。（我冇搖過冇跌過）都算啦，諗住落去換番（因為見到有紙皮碎漂緊），落度去好聲好氣同個姐姐講，佢一句就"得"埋黎：肯定你跌過落地啦！（用個勁差嘅態度!!!!!）下？！大佬，咁樣屈人都得？？最後佢當然好差態度咁同我換，不過換碗唔換藥姐你咁好態度，我仲點敢幫襯你吖？

味道OK, 衰在老板娘係"煎讓三寶" - 縮骨 / 寸爆 / 老土. 成日掛住做外賣, 堂食一於好小理, 催單就小人, 冇番半粒鐘食早餐既時間就無為冒險啦! 佢又成日細細同D員工講 "一個人坐哂成張枱, 佢點做生意..." 衰在附近*又無乜選擇, 造就到佢生存到金時金日.

位於北角英皇道的金谷茶餐廳，有是日餐提供，一客飯連例湯42元，味道正常，也是即點即製，上菜效率高。略嫌坐的位置有少許逼，可能來的顧客快速吃完便會離開，剛剛沒有其他位置，只好和別人搭枱，面對面的距離頗近。例湯是合掌瓜湯，不算太淡，湯的份量也大碗。揚州炒飯的質素不錯，本身是愛蛋之人，而這次炒蛋的份量也很夠。另外，還有少量蝦、紅腸、叉燒和葱在入面，份量約有三大碗飯，十分飽肚。老闆的服務態度不錯，中氣十足，態度也友善。

好耐未食過金谷ge早餐，今日再次光顧，竟然發現買開ge32蚊五香肉丁餐蛋麵套餐居然轉左，分左做普通一個22蚊五香肉到麵，或者都係28蚊五香肉丁餐蛋麵，但就冇左原本ge果件牛油多士。聽落好似平左，因為佢個五香肉丁餐蛋麵都幾大碗，果件牛油多士次次都係食5哂，留返去下午茶食。所以都係揀返五香肉丁餐蛋麵。返到公司打開個面，發覺有d5對路，5係5好食果隻5對路，而係d五香肉丁比之前果時少左好多，起碼少左一大半，其實個餐姐係變相加價。不過我係食到最後先開始食個荷包蛋，但蛋比d熱湯浸左咁耐，但個蛋黃居然仲係流心，呢個係有d驚喜ge。

今日中午，朋友提議去試金谷，因為成日都見到好多人起買外賣。一入去，馬上有位，地方幾迫同污糟。午餐$36 有 6 款，連熱飲同湯。 點左個葡國雞飯。 等左都要幾分鐘， 一尼，碟飯實在不太美觀，好黃。第一啖，d 飯可能太多水太黏，過淋，有小小變左糊仔。d葡國汁，有小小過淡，冇咩味，雞都係滑，薯仔夠淋。但味道普普通通，同不太熱。等左好耐先送個湯，西洋菜湯，好足料，個湯冇味精，淡淡地的西洋菜味，比起個飯出式。但係個環境太唔乾淨，應該唔會再尼。

早餐,沙爹牛麵+太陽蛋+腸仔+方包=是常識吧。除左沙爹牛麵咸左少少外,其他都OK.太陽蛋起碼唔會熟哂.凍檸茶,有茶味!甜味適中.曾經有某茶記的檸檬茶,是沒有味!不是沒有茶味咁簡單,是沒有味.所以金谷是正常的。反正是上班前的早餐,不祈求太多.

是日特地來鰂魚涌找另一半食lunch。另一半話佢外賣好抵食又唔差，諗住茶餐廳都係咁上下唔會有咩問題吧。雖然係一點鐘時間，但除左外賣非常多人等外，店內有幾張空檯不用等位。我要了一個午餐，上海粗炒＄36；另一半點了一個滑蛋冬菇客飯＄45。先來兩個例湯，南瓜瘦肉中湯，預期中的味精味，也沒有失望。一分鐘唔夠上埋飲品，貫徹本土茶餐廳特色，快。然後我的主菜上海粗炒來了，一望個顏色唔對路。成碟暗啞色兼勁多油，食落好鹹好油，片肉絲好似牛肉的樣子。於是戒了牛的我問伙記，呢個係牛定豬黎架？侍應竟然唔知﹐再去問身後的老闆娘。呢個時候老闆娘突然提高八度聲線，大大聲聲向我們這邊說：「你都白痴既﹗梗係豬啦，係咪傻架？」借下屬鬧顧客，我都係第一次遇到！態度聲線惡劣到。。。接著另一半的飯來了，賣相倒是不錯，一食落去，竟然無味的。佢地食物的味道真係各走極端。另一半話嚇怕了（食物和服務），以後都唔在此排外賣。其實一個街口之隔的健康村都有d茶餐廳，早知食津津啦﹗