GOMNARU

Open Now

Now Closed

六點後無堂食啦！而家間間餐廳都主力買外賣，行過雞地好似行緊夜市咁。我仲以為而家啲外賣會平，但係其實佢價錢都好貴下。我今晚食咗呢間韓國餐廳，見到佢有啲晚市餐盒幾靚，有五款小食，但係要$80一盒，諗住佢咁貴一定超好食啦，仲寫到明即叫即煮。但係原來強差人意，我嗌左個辣豬肉飯，但係真係好普通，味道又唔係特別香，可以話係淡茂茂，份量又唔係多，泡菜又係失望，得辣，一個味！可能始終外賣都係爭啲？同埋喺門口等咗佢15分鐘，係，我一早知道係要等，所以個要求會高啲，但係我覺得佢同canteen冇分別，只係個價高過canteen同慢過canteen。佢係韓國人打理嘅，唔通呢啲先係正宗韓國味？唔係嘛！

呢檔嘢，無門面，無裝修，無招呼，純粹sell地道韓國口味。如果你是喜歡尖沙咀韓國街果亭韓國餐廳的話，恭喜你，你可以在元朗食到。但，我覺得好難食。無味，少肉，貴。係呢類餐廳的特色。午餐收晚市價都算，元朗雞地午市收加一果下感覺唔良好嘛。午市泡菜得兩款細細碟又唔好味，泡菜又唔酸又唔辣咁。或者叫唔啱我口味啦。叫左個辣牛肉湯，唔辣，湯稀，肉少，味淡。唯一可讚係夠熱。午餐預一百，唔包飲品，唔怪之得周圍都咁多人，係佢無人。

呢間嘢不知所謂，你哋如果超過3位，永遠後面2位入先，咁你3位以上嗰啲咪駛指意有得食，安排簡直不知所為，嗰侍應好似唔憂做你生意，千其唔好去呢間食，未食都已經成肚火

元朗好多唔同既野食 但韓國菜就好少選擇 見到依間Openrice既review都好兩極 但都想試過先評論😎 餐廳好有韓國地道既感覺 好簡單既食堂咁 餐具果d都係Korean style 😎前菜已經想讚泡菜好好食 不過都幾辣⭐️⭐️⭐️⭐️濃湯牛肉飯 濃湯都唔算勁濃 我覺得好好飲 唔會好鹹 好多味精 所以應該唔會叫清湯牛肉飯 我諗會無咩味 另於牛肉既部分都幾滑 有兩塊牛輾 再多兩舊牛肉⭐️⭐️⭐️⭐️⭐️泡菜煎餅本身首選想叫韮菜架 但賣哂🙁 下次再叫 但泡菜煎餅都超好食 好香口 多泡菜 出奇地唔辣 份量大

早幾日朋友推介左呢間餐廳比我，話有食到韓國味道嘅餐廳，所以約咗언니晏晝食飯一試🤤 去到剛好得返一張枱，最後都陸續有人嚟，要喺出面排隊，好好彩我哋早咗5分鐘🙈一開始聽到廣東話以為係香港人，但後來得知店家原來係喺香港生活嘅韓國家庭，姐姐嘅廣東話超級地道😳👍🏻👍🏻同언니兩個人嗌咗라볶이，튀김，同埋제육볶음～然後有3款반찬(小菜)떡볶이(炒年糕)同튀김(炸物)嘅組合係絕配！튀김之中김말이(紫菜粉絲卷)係我嘅最愛🤤 食튀김要點떡볶이嘅醬汁，完全係喺韓國食到嘅味🤤🤤👍🏻 食極唔厭嘅組合！🤤🤤제육볶음(辣炒豬肉)勁好食！同언니 share左一個공기밥(白飯)，個汁撈飯勁下飯！🤤🤤已經約好언니 下次要食뼈해장국(辣豬骨湯)同순두부찌개(辣豆腐湯)🤤💕 好想將所有都試一下🤤🤤

好少打食評，但見到好壞參半。總結下，唔係咩貴食材，但用心既料理，有地道風味，叫左水冷面，個咀有少少痛又或者夏天就好岩食，員工仲有細心就比左餃剪剪面，口感唔錯。餃子年糕，好好食，但份量就唔算多，但個湯同配菜就幾好，亦都唔太鹹。韮菜煎餅，份量多，有個8吋pizza 咁大，個皮好脆又好有韮菜味，都算香口。總結而言，三樣都ok有水準，價錢就少少貴啦，但今時今日香港地食野，同韓國菜，差唔多啦環境新淨乾淨夠光猛。

媽咪買外賣比我食，佢話左一個笑話我知，佢話店員同佢講，問佢20分鐘之內番唔番到屋企，話啲炸醬麵啲麵會頂唔到咁耐，咁我呢就周圍食過N間炸醬麵既堂食+外賣既，如果個醬好食， 你又唔係話畀我聽你個麵係自己整出嚟嘅， 我真係唔會特別緊張個麵質 ，唔通答你過20分鐘，你會唔做生意，定係畀人投訴過？有陰影唔知啦 🙄🤷‍♀️咁當然媽咪真係15分鐘番到黎，我又即刻食啦，一打開撈個刻已經知，中伏流野，因為我真係第一次見落青豆既韓國炸醬😶 麵就當然係普通嘢啦，個泡菜真係無眼睇，可能個廚師唔識分咩叫港式炸醬麵同韓國炸醬麵啦，如果佢真係覺得自己係正宗韓國野，佢無可能落青豆，上網睇下都分別到啦，太多嘅形容都已經實在形容唔到落去，味道更加唔洗講極淡假，完全一個字伏，其實如果真係想進步，我好建議去試多幾間真係連門口職員都係韓國人既餐廳先開啦🤷‍♀️ $90

入元朗探朋友，朋友竟然說最近很想吃韓國食物，就無視了我山長水遠來到元朗想吃點傳統美食的願望，找了這家小店。店家應該是地道韓國人，因為點完餐後聽到她和廚房的對話用的是韓文。食物的話就味道正正常常，不過不失，新鮮熱辣還是能做到的，席間客人也是有不停流轉的，起碼證明不是伏。有趣的是這裡2點後是有落場時間的，1點多起店家已經開始提醒新進的或是在門口徘徊的客人只能用餐到2點，可能會有不便，需要自己衡量，或是選擇外賣，也算是貼心地給了客人選擇的機會了。

因為疫情嘅關係，冇得去韓國旅行😞唯有四周圍搵下食店食餐韓國菜安慰下自己系網上介紹呢間餐廳系由韓國人營運，味道正宗，所以我襯中午放飯時間嚟食個lunch🤤點咗份豬肉炸醬麵同埋炸紫菜粉絲卷配上米漿點完餐之後，店員隨後送上一份3款嘅拌菜比我，分別系泡菜、黑豆同埋芽菜，泡菜味道偏酸，而黑豆有好香嘅香油味，而芽菜都好爽口，整體上拌菜味道上都幾出色！豬肉炸醬麵意外地好好食👍🏼麵嘅硬度剛剛好，配上熱辣辣嘅炸醬，味道就猶如我去韓國旅行系當地食嘅一樣🥺即刻勁懷念！而紫菜粉絲卷亦吾錯，咬落去卜卜脆，你系可以聽到清脆嘅聲音，味道都剛剛好！如果想試地道嘅韓國菜，呢間會系一個吾錯嘅選擇☺️

裝潢與菜單都貼近韓國的小巷食堂. 落單時會提定係牛肉(可能擔心有D人唔食得牛肉/豬肉), 夠細心.上菜好快, 落單後10分鐘差不多上齊, 所有野食都夠熱辣辣. 1)味道方面, 炒雜菜好夠味, 炸海苔捲好熱好脆, 同超市買急凍包裝自己整真係兩回事. 豬骨湯無薯仔預左XD 份量好夠, 豬骨有3-4大件, 入味而且夠淋. 同韓國食的無乜分別.唯一美中不足係豬骨切位唔方便起肉, 但呢個似係肉檔問題多D.2)服務方面, 我覺得好OK. 可能會有人expect店員要好好笑容. 但我就覺得只要佢上齊野, 無甩漏, 就唔係招呼不周. 有客人走果陣, 聽到店員好細聲咁講左안녕히가세요(請慢行). 反而令我覺得真係好有身在韓國的感覺.3)只收現金其實餐廳門口都觀察到應該係唔收卡. 雖然有D唔方便(韓國幾乎咩餐廳都可以一卡通行), 但都無辦法. 

此餐廳係由一家韓國家庭經營味道好香濃，好好味已經去過多次食每一次都保持到水準/大醬湯 ($80)超香濃既大醬味配飯食係完美係我食過既最好味既大醬湯/泡菜煎餅 ($108)之前8點去到就已經賣曬呢個去到一定必點佢係勁足料每一啖都係泡菜重點佢係勁香脆加埋佢提供既調味汁真係好好味/泡菜炒飯 ($75)飯粒好粒粒分明味道好香好中意雖然價錢算係中上價位但真係好好味同正宗韓國味道吾會係好港式韓國菜大大推薦

又幾好食wor,唔似openrice上面咁多負評價格唔似係元朗但野食係相對可以叫左五花肉（鐵板）同大醬湯五花肉有蔥花同洋蔥🧅，落少少鹽花已經好惹味大醬湯比較少肉，味濃，送飯ok整體評價：68分試伏完畢。

辣炒豬肉很好味，環境比較韓國style,還有韓國背景音樂。價格比較合適，品質算是正宗。但是兩位waiter服務態度極其差。很多菜品和飲料沒有。希望改善服務態度。

元朗好少韓國餐廳，就算有成日都好似好快就執左咁，今日就黎到哩間位於雞地，新開左冇幾耐嘅韓國餐廳。我地食嗰晚得一個女仔店員，唔知佢係咪就係老闆，似係個韓國人黎。我地叫左海鮮煎餅、炸醬飯同牛肉濃湯，啲份量都好足；而我作為一個炸醬控，覺得佢嘅炸醬雖然未完全係我喺韓國食倒嗰隻味，但都好接近，而且係好食嘅，啲年糕好煙韌個醬好足料，我停唔倒咁食完一啖又一啖。同埋佢個牛肉湯啲牛肉好淋！個湯跟飯但湯入面都仲有粉絲～仲有食韓國菜時可遇不可求嘅伴菜🤤

冇睇過任何評論 誤打誤撞幫襯兩個人食叫左一份 大醬湯配飯一份牛肉濃湯配飯一份泡菜煎餅餐前小食有魚餅 同兩款泡菜 老闆娘有主動Refill（其實好多地方都唔會refill）食物好快就送到 大醬湯 - 好夠麵豉味，豆腐嫩滑，唯獨湯入面嘅蜆冇乜味（好在冇沙），食得好滿足 直頭想添飯（但係白飯要$20蚊碗 唔敢叫）牛肉濃湯 - 老闆娘有另外放低一包鹽俾我地備用，雖然叫濃湯 但其實又唔太濃，湯入面有牛肉片同粉絲，簡單但好味，飲晒成碗都唔口渴泡菜煎餅 - 好！大！塊！ 好多泡菜喺入面，搞到好易夾散，但味道係好味嘅，入面嘅泡菜偏酸，但本人鍾意酸野 所以覺得冇問題店入面地方闊落同光猛，Menu簡潔難得雞地有韓國菜 雖然會再翻啅但價錢以雞地黎講 算係幾貴下（佢價錢可以同尖沙咀韓國街一帶嘅韓國餐館睇齊）