GOMNARU

Open Now

Now Closed

中午同朋友經過呢間，見到好多食物相貼係出面，好似唔錯。叫左兩個餐，分別係大醬湯（牛肉）配飯$75同埋泡菜炒豬肉飯$78佢比左三樣小食我地，有黑豆（硬，味道普通），泡菜（一般泡菜味），小魚乾（幾脆）。主食完全唔掂😂佢仲要係韓國家庭式（全部都講韓文）經營，理應有道地韓國味...點知仲差過我自己求其煮😒個大醬湯係冇牛肉嘅.....同張相亦都唔似，有啲欺騙成份...啲料得豆腐、金菇、大量蔥😢加上湯底偏鹹，令人口渴，真心唔值得$75咁貴😥之後隔離台都黎左人，叫左大醬湯，佢第一句都講：吓，冇牛肉嘅？？中伏了🙈佢個泡菜炒豬肉飯，終於有返肉，但醬汁勁甜，好似落左成羹糖落去咁，味道怪怪地，完全唔下飯，最後淨左好多飯😔最後埋單仲要比服務費，一共$168，咁嘅價錢，比咁嘅質素，真係要好好檢討下啦😐

雞地 食韓國野以為得紅，原來主街仲有依間外面睇裝修算簡陋，但入面竟然幾乎爆滿一於入去試下韓國菜必上既伴菜， 魚仔太碎，泡菜唔會好酸，味道岩岩好，黑豆正常豆腐湯～～隻蛋係無搞散，依個做法唔錯，因應該客人想食成隻蛋定蛋花筆下d 料，其實d 料份量好足，我地差唔多飲到最後一啖湯都仍然有料配到唔辣，入面有蔥，豆腐，泡菜，蘿蔔，薯仔類，大雜會既感覺但係好味飯都唔係用普通飯，比較圓身，我地甘岩坐正牆邊隔離擺米，係用日本品種米（但未必係真正日本種架，睇唔到成包米d 字）兩個人食個湯飯少甘d, 我地有叫多半份炸雞岩岩炸起，好熱，食雞脾雞翼位都覺得外脆內軟，入面尚算juicy, 對於我地兩個食辣既人黎講，依個炸雞只有酸而無乜辣到食雞胸位，明顯d 肉係梅。。。我地食左兩啖就放棄d 雞胸應該食材係平價，但調味烹調手法係唔錯，粉漿厚薄覺得可接受但其實行平民路線，價錢都唔算特別平，半份炸雞要 $88, 其實好似同yoho 間炸雞差唔遠（lunch 黎講）而且店內只有一個侍應，但星期日lunch 時間係keep 住全場爆滿甘滯，見住個店員又落單，又上菜，又執台，又收錢，真係忙到癲好彩上菜速度都ok, 我地orde

元朗是美食天堂，尤其是百花齊放、往往帶出大不同與驚喜的小店！每每經過雞地(鳳攸街一帶)，總是跟「GOMNARU」 擦身而過，亦可能因為知道她一間韓菜餐廳，因而不敢妄動！不試不試，還需試，一試之後，「紅」便變成我們久不久便到訪的餐廳！「GOMNARU」的裝潢很簡約，除門口帶點韓味的木趟門、室內電視屏幕不斷播放韓歌手的 MV，其他都是最基本的了，白色牆身與三排橫向的木檯和木椅，有點像食堂。差點忘記，還有講得一口流利廣東話，但一張百分百 Cool 爆韓面孔的韓籍女侍應！「GOMNARU」在點餐後會遞上香港人特別喜歡的韓式前菜，據多次惠顧的經驗，通常都是黑豆、泡菜和豆腐乾等，賣相不能以精緻來形容，味道亦不過不失，相信當廚子的韓爸和韓媽，沒足夠時間製作自家前菜，靠外購是理解的！至於食物選擇方面，以小店來說並不少，除了較複雜的醬油蟹、韓燒和甜品，大致都能在餐牌上找到！好了，是時候分享我嚐過的食物。另外，所載價錢未必準確，因為 「GOMNARU」較早前更新過餐牌！我是辣豆腐湯的鐵粉，無論在香港或韓國，它都是我的必吃，所以第一次到訪 「GOMNARU」也不例外！ 「GOMNARU」的辣豆腐湯(HK$7

未試过吃过咁難吃嘅韓國餐館，外表裝修正常，點知入到去點完餐叫杯水要人加錢，飲品又無咩選擇，唯有叫杯水，點知叫杯水都係要收錢，逼人買嘢飲，全程吃韓國嘢無可能唔飲嘢，於是被逼叫咗汽水！炸雞全部都係合成肉，粉多过肉，未試过吃过咁難吃嘅炸雞！冷面又硬又無味，連醬料都無！不要被外表呃到，餐館係大陸人開嘅，完全吃唔到韓國味道，未試过吃过一間咁難食嘅餐館，完全無服務可言，仲要收加一，吃到埋單黑晒面！千奇無試，，必中伏！

喺YOHO MALL商場附近開咗間韓國餐廳數數下都幫襯左三次應該係正宗韓國人主理加埋係小店所以都支持支持👍🏻✨老闆娘應該係韓國人第一次見佢冇咩笑容依家第三次幫襯，個樣寬容左🤣🤣🤣餐廳裝修簡單、乾淨、企理沒有太多裝飾都似韓國餐廳🤔個Menu都係非常簡潔🤣🤣🤣食物種類都算多👍🏻價錢其實我覺得有少少偏貴不過而家喺元朗食嘢其實好多間我都覺得好貴🤣🤣🤣仲貴過九龍添😅😅😅☝🏻前菜都好好味👍🏻最特別係會有條魚我覺得都似主菜多啲😆☝🏻牛肉粉絲湯配飯我覺得餐廳比較少調味料值得一讚👍🏻👍🏻👍🏻湯底非常清甜如果牛肉多啲就更加好！最緊要食完唔會口渴😊☝🏻韭菜炒蛋份量非常大😱冇咩特別味道...不過食多啲菜，好似健康啲🤣🤣🤣

今天放假，決定近近地去鳳琴街食個晏，條街都好多茶餐廳，一開始都諗唔到食邊間，轉身就見到呢間韓國嘢，我倆就決定一試。菜式跟普遍的韓廳並無二致，發現餐廳由一家韓國家人經營的，相信都算正宗。點了水冷麵跟牛仔骨湯飯，就嚟個冰火午餐吧😂水冷麵酸酸甜甜，不錯。麵的質感尚算彈牙，而且容易咬斷，很怕水冷麵的麵質很難咬斷，呢間彈牙得嚟容易咬斷，唔錯的。反而牛仔骨湯飯麻麻地，湯無味，似真係用水加少少鹽就算咁，牛仔骨有四塊，不過不失。整體來說以呢個價錢，呢個質素，呢間餐廳的性價比較低。

韓國人的小店, 去嘅當晚應該是一對韓籍姐弟招呼, 姐姐會流利廣東話, 但間中會聽到他們用韓文對話, 幾有FEEL的~食物方面, 前菜有個黑豆幾得意, 甜甜的幾好咬口, 要注意返有D主菜無包飯, 有D有.食左個雞湯同豆付湯加炸餃子, 前菜GOOD, 兩個主菜都GOOD, 炸餃一般.唔算太貴可接受. 會再去. 

第一次去俾佢外表欺騙左，聽到d職員講韓文諗住算正宗啦，但d 食物貴之餘仲要極度普通，問佢拎杯水，就話要買一支水先得。雖然我係去食晚餐，冇套餐都唔係問題，最大問題係我見佢貼係門口既所謂午餐套餐，一d 都唔套餐。真係冇下次！！各位真係唔好俾佢外表欺騙，呢間野又貴又唔好食，好老實講都唔知點解可以出一個咁既價錢去賣食物，仲要唔係物有所值。各位朋友真係想試既話，就做好心理準備先，我係元朗區既其他韓國食店比較之下，真係覺得呢間係最差

食過一次覺得好食同前菜做得好好，所以再返來食，但結果令我失望透。首先，前菜第一次時有魚乾和韓式蛋卷，但這次的魚乾變細條左，蛋卷沒了，加了味道一般的泡菜和黑豆。雖然都可以再添，但不要主動而要自行要求。然後，主食方面更讓人覺得比連鎖更差。因為是韓國人開，至少在食材方面應該做得好好，但事與願違。第一份泡菜湯，味道港式化，沒了韓國的泡菜湯那種辣，不過值得一讚是配料算足，肉碎也夠，所以味道還算可以。第二份是最差之作，蔘雞湯沒蔘味，而且雞味不濃，最重要的是米竟不是糯米！！！！蔘雞湯的米是必須是糯米飯才好吃。蔘連半條也沒。。。。所以再也不會來吃了。

行過幾次見到雞地新開左呢間韓國野，窗口又貼左好多好似幾吸引既相，所以入去一試。 但！原！來！係！伏！黎！架！😩😩😩入去無招呼的，你見到位可以自己坐低。個餐牌我地睇左兩三次都無乜可以揀。 （最想食既炒粉絲，佢餐牌無😭)兩人👭求其叫左兩樣砂碢烤牛肉 - 無白飯跟。個湯尙可，但d牛肉大部份好碎，好似肉店切割完淨底既肉碎咁。另一樣泡菜煎餅🥞，諗住無死。不過太酸。其實佢個煎餅幾足料。不過就係因為太多泡菜，所以好酸🤢 我同朋友要挑起某部份既泡菜先可以入口。提提大家⭐️： 呢間餐廳無免費水供應。不過你可以叫佢餐廳既飲品，大約有七八款到。總結：晚餐兩餸，無叫嘢飲，食左$20x。我覺得食物質素有待改善。我就唔會去第二次。