五目屋

Open Now

Now Closed

呢篇食評真係好難寫呀， 成個用餐體驗充滿矛盾。 首先讚揚全體員工， 招待好用心！ 我叫咗吉列豬扒旦包飯配是日餐湯， 今次餐湯係日式洋蔥湯， 微辣有啲鹹， 但夠熱已經贏在起跑線！ 正餐登場， 賣相十分似日式標準餐廳。 吉列豬扒並非厚切豬扒， 部位選擇我相信係梅頭扒， 就好似一般港式小食店的炸豬扒一樣，其實吾啱feel。 蛋包飯， 飯裏面有什菇， 好食！ 咖哩汁唔香唔辣， 鹹鹹地可以送飯。 坦白講， 68蚊 一個蛋包咖哩豬扒飯送例湯， 真係已經合格。 但以日式便當以言， 又真係唔得！ 我誠心希望店家， 可以把餐牌重新定位， 任何套餐盡量包沙律及飲品。 另外豬扒方面， 可推出真正厚切豬扒的選擇， 價錢略為調整亦無可厚非。 咖哩汁方面， 真係唔得， 請多嘗試多研發！ 衷心祝願你們成功！

我第一次試這間餐廳，感受到非常親切及熱誠，因為我和家人一齊來的，首先他的選擇種類非常多，有日式咖喱，有白汁，有日式烏冬，有意粉，有滑蛋飯，另外還有很多不同特色小食。今次點了一個鰻魚滑蛋飯，份量夠，滑蛋撈飯非常美味，鰻魚有質感新鮮，溫泉蛋黑松露卡邦尼意粉，分量充足，尤其溫泉蛋撈埋意粉及有煙肉的鹹味道非常之好，價錢合理，跟餐加日式芝麻手羽先，剛剛炸起，熱辣辣，雖然不是太大隻，但雞翼趣卜卜，日式吉列炸蠔加點日式沙律醬，更似有日式風味，還喝了一個昆布湯，我本身都很喜歡昆布，一個較清但味道很濃的。我會推薦這間餐廳，因為非常有禮貌，我都希望更多人會支持呢間日式飯店，因為價錢合理，味道不是太濃烈，其實幾健康，加上多選擇，出品新鮮。

經過鋪頭俾大型壁畫吸引，餐廳係和洋食堂，裝修簡約但乾淨整齊日式咖哩咖哩味較重，微甜微辣，烏冬圓身同較粗，都幾煙韌，撈咖哩唔錯，煎雞扒都好大份而且肉質緊實套餐可以揀餐湯或者餐飲，+$轉咗抹茶拿鐵，就係普通抹茶粉同鮮奶，感覺唔係好和諧，味道不太溝得埋套餐加小食有優惠，牛乳可樂餅切開脆皮好爆漿，牛乳味香濃忌廉海鮮無咩海鮮味，忌廉配咖哩醬幾夾，蛋漿屬於全熟唔流心但都夠滑，飯有用醬汁煮過不過味道唔濃。反而餐湯有驚喜，清湯帶鰹魚香味，仲有菇味同昆布味，清新消膩。餐廳出品合格以上，配合埋環境地點服務定價，喺附近不妨幫襯

日式風格西餐廳，主要賣蛋包飯/滑蛋丼及意粉。餐廳光猛及乾淨，靜靜地食飯的好選擇。蛋包飯的配汁有兩款，包括店舖主打的日式咖喱及洋蔥磨菇汁。蛋包飯的蛋略微太熟，沒有蛋汁，和圖片有少少出入；可幸是飯底十分出色，日式炊飯，有菇有高湯；磨菇汁份量很多而且香濃好好配飯；炸蝦🍤是另一亮點，炸蝦香脆有蝦味，實肉帶彈性！！是日餐湯是東菇昆布湯，清湯非常夠味。餐飲可以選綠茶/其他飲料。午市套餐免加一，而且包餐湯/餐飲，70$左右，性價比高

今日嚟到位於灣仔區嘅五目屋買外賣。 佢主打日式咖哩同埋蛋包飯。 我點咗一個唐揚炸雞咖哩蛋包飯 ，蛋包飯嘅蛋夠晒滑，充滿蛋香，夠唒油潤。不得不提既係蛋包飯個飯底， 飯底叫五目炊， 食落散發出陣陣日式高湯嘅香味， 配埋蘑菇紅蘿蔔絲，口感非常好。 炸雞肉質嫩滑，唔會話好鞋又或者炸粉好厚。 唯一美中不足應該係日式咖哩啦。 唔係話佢個咖哩唔好食， 係咖哩味實在太過濃， 搶哂蛋包飯原有既味道， 食唔到蛋味同埋飯粒入面嘅高湯味。

今日去到灣仔區出site，見門面幾靚仔就闖左入去。Lunch黎講算係咁，價錢落係$6x-$7x 一個飯跟湯/熱茶。打工仔日日都諗食咩，偶爾食下呢間可以換新口味。畢竟開係灣仔寫字樓/商店林立既旺區，價錢算ok架啦～如果係平日行街去食飯，我會話麻麻地仲好x貴。一個普通食量男仔食 份量應該岩岩好。特製吉列豬扒蛋包飯$68 配餐湯個日個海帶湯有啲太甜，可能咁啱失準⋯⋯個豬扒唔係原塊豬扒，係將豬肉攪碎然後合埋，好似漢堡包入面嘅豬扒嘅口感。外面嗰層炸衣超級深色 唔知翻炸咗幾多次或者炸完攤咗喺度幾耐。但係佢個咖喱汁都好食，可以揀辣或者唔辣。我叫咗唔辣，個咖喱咸中帶甜，其實都幾重口味。個飯有驚喜！係炒飯黎！入面有洋蔥紅蘿蔔 意料之外地好食！個蛋都幾滑。唔錯。配菜仲會跟醃蘿蔔。如果大家去食 建議嗌流心芝士漢堡扒～覺得呢個價錢，呢一區，肯定有更好既選擇，不過偶爾想換下口味都可以一試。總結:灣仔番工人士可以一試。

有野做黎左灣仔，唔知食咩好既時候見到呢間日式蛋包飯好似都幾吸引，就入左黎試下。- - - - - - <特製吉列豬扒蛋包飯 Pork Cutlet Omurice>睇緊menu既時間，見到呢個吉列豬扒蛋包飯係人氣no. 1就揀左呢個。醬汁可以揀咖喱汁或者蘑菇汁，我地揀左蘑菇汁。蛋皮都煮得幾滑。不過塊吉列豬扒就好薄，而且超級乾身，就有啲失望啦。- - - - - - <饅魚柳川丼 Unagi Tamagotoji Don> 呢個鰻魚飯就揀咗咖喱汁，咖喱汁同蘑菇汁比較，咖喱汁好食啲。至於鰻魚就普普通通，無咩特別。

午飯時間，灣仔區都迫滿晒想食飯嘅打工仔🧐因為今日遲咗嚟，所以堂食嘅位都full晒，咁就唯有買外賣返公司食…😢😢.滑蛋豬扒丼飯 🐷🥚🍚 豬扒炸得都酥脆，肉質軟腍但唔會醃到完全梅晒咁～蛋嘅份量就偏少，但味道正常嘅!🤓.我同事就嗌咗一個咖喱豬扒蛋包飯🍛好唔好彩哋，佢哋竟然唔記得俾咖喱😧😧😧….然後我個同事就唯有乾爭爭咁食個豬扒配飯..🥲天呀！做咗成朝嘢，開心食個飯竟然都中伏，叫人點做埋下半日..🥲咁重要嘅嘢餐廳都可以miss，下次不了🥲

前排行過蘭杜街 見到有間新新哋嘅餐廳 於是呢日決定一試呢間日式餐廳 平日午餐時間都多人等位/等外賣 我就鍾意外賣啦 唔洗逼😂隨餐都會附送日替餐湯或者熱綠茶 我就揀咗後者😉雖然係吉列 豬扒嘅炸粉唔會好厚 味道不錯👍🏻咖哩汁係另外上嘅 唔會太咸 用嚟撈飯啱啱好😚份量睇落雖然唔大 但食落都好夠飽 不過外賣要加三蚊有啲貴(應該因為分開三個盒&杯)🤧 另外佢仲有印花卡制度 三個月之內 每次惠顧可獲印花一個 儲滿五個已經可以送免費食物(溫泉玉子) 滿八個送日式芝麻手羽兩件 滿十個送牛乳蟹肉可樂餅 滿十五個可享全單八折😉如果同同事一齊嗌 一次已經可以蓋幾個印花 應該都好快儲到🤣🤣💁🏻‍♀️#tracyfood_灣仔 #tracyfood_外賣 💁🏻‍♀️#tracyfood_日式 #香港美食 #灣仔美食 #hongkongfood #hkfood #hkfoodie #food #foodie #wanchaiood

中午食，勁多人係門口 ，原來全部外賣，一位即入。第一次黎吃，但見個個都食一樣 ，就係咖喱蛋包飯，食呢樣士但一間日本嘢都有啦。我决定貴佢一次。選丼飯五選，但食過就知五選中，魚生極少可選。佢嘅五選係分五項，每項有一堆選，只有第一堆可以選，魚生片，其他都係中華沙律粟米類，最多有一堆可選魚子蟹子所以加左八蚊黑松露。好：魚生新鮮，不界口，味足好：不用等，環境好劣：碗太淺，丼飯未見過多斗，不是深日本碗改善：魚生丼飯，魚生自選，要多點魚生選，吞拿魚碎也沒有，一個100完午餐，要改善，貴呀

午餐時間，經過灣仔「五目屋」。見到門口Menu好似幾靚，就決定試一試。拎左飛，等左一陣，就有位，Lunch時間唔算等得耐。裝修企理，坐位不太闊落，正常茶餐廳距離。Menu最顯眼，圖片最大的就是自稱「人氣No.1」的「吉烈豬扒蛋包飯」。第一次嘗試，當然要了解一下「人氣No.1」的表現如何。單點要$68，算偏貴的價錢，心中自然有所期待。「人氣No.1」的賣相有待改進。但係，唔應該以貌取人，心中仍然帶有一絲期望。可惜，一拮起塊吉烈豬扒，就心知不妙⋯⋯薄如紙、乾如柴，未咬都知出晒事。一咬，發現比想像中更過份。竟然咬都咬唔開，原來「人氣No.1」吉烈豬扒的口感等同豬肉乾，仲要係cheap嘅豬肉乾。腦中浮現周星馳國產零零柒的一場戲，豆腐花最出名，係出名臭⋯⋯「人氣No.1」？原因係⋯⋯？無從得知。之不過，人生未食過一塊吉烈豬扒係咁特別，都可以叫做新體驗。不過呢D體驗，一次都太多了。基本上，環境同服務都係正常茶餐廳水平。食物就⋯⋯可能「人氣No.2」「人氣No.3」會好食D，未試過，no comment。「人氣No.1」就，唔好試啦，無謂貼錢買難受，$68正正經經去買豬肉乾食下好過。吉烈豬扒⋯⋯唔洗

今日心血來潮想去蘭杜街食台灣野，點知大排長龍，等左九個字之後決定轉場，去同一條街嘅日式蛋包飯餐廳五目屋食lunch；店內裝修雅致，好有日式小屋嘅感覺，牆身以淡白鵝黃色為主，同日式蛋包飯個配搭非常夾。餐廳係以手機落單形式去點餐，我同朋友分別嗌左日式咖喱炸雞蛋包飯同夏威夷熱浪刺身飯，前者係筆者所嗌，份量極多，不過味道就無賣相咁好，炸雞略嫌唔夠脆，而咖喱味道略淡，無咩令人難忘嘅感覺；而根據朋友描述，夏威夷熱浪刺身飯亦無賣相睇上去咁好食，而且份量普通，性價比嚟講唔高。不過，值得一讚嘅係佢店內衛生程度高，防疫措施充足，喺人多嘅時間食飯都唔會太擔心；而且佢上餐速度快，5分鐘左右已經嚟齊兩個餐連野飲，服務水平一流！

今次已經係我二次回訪位於灣仔「五目屋」，估唔到短短幾個月，老闆又有推出左新菜單😍，其中一樣最吸引我嘅就係一人份日式邊爐「極尚旨味鍋」，仲要全日供應，幾點黎食都有得叫，正🤤。1️⃣🍲極尚旨味鍋(湯底:元祖壽喜湯/泡菜辛辣湯)$88 ，經濟實惠。鍋內配料:牛肉/豚肉、蟹柳、年糕福袋、竹輪、蟹棒，蔬菜配珍珠白飯(+$8升級讚崎讚崎烏冬 或 即食麵)，🥣湯底揀左元祖壽喜湯，湯底濃郁香甜，配肉類蔬菜一流。🐖豚肉產地係來自荷蘭🇳🇱豚肉，食得安心。肥瘦均勻。夾雜着脂肪嘅豚肉柔軟有肉汁，唔驚好柴🤗🧧年糕福袋吸盡湯汁，配上裡面煙煙韌韌的年糕，人見人愛😍🇯🇵讚崎讚崎烏冬🍜👍強烈推薦一定要轉+$8升級讚崎讚崎烏冬，烏冬係急凍讚岐烏冬吸煙韌彈牙吸收湯精華。2️⃣滑蛋吉列豬扒飯🍳吉列豬扒係呢間店嘅主打😝，上次就食過配咖喱飯，今次就試吓佢哋嘅新菜式「滑蛋吉列豬扒飯」，經過蛋漿黏上後入口豬扒質感都依然鬆化，外層炸漿唔厚。滑蛋配埋🇯🇵珍珠米入口彈牙🌟3️⃣ 唐揚魷魚鬚🦑呢個跟餐價只需要$26，仲要份量都唔少，真係好有良心價🤓。即叫即製，熱辣辣。魷魚鬚唔會炸到太乾身，必點😍4️⃣野莓低卡高蛋白奶昔老闆知道香港人追求健康，連高蛋白奶昔都

#小胖遊灣仔🐠 —————————————————🔹蛋白質狂人寶石💎丼 $78慢煮雞胸肉🐓/流心溫泉蛋🥚/牛油果🥑半個/芝麻/豆腐/車厘茄/和風芝麻醬/壽司醋飯 🤪基本上材料都係我中意，所以好食 (應該自己係屋企都整到).🔹自選4款配料bowl $98🥢配料係好食同新鮮有三文魚/吞拿魚/菇/流心溫泉蛋/和風蛋黃醬🥚/飯素感覺係我哋揀得唔好，蛋黃醬加烏冬就係怪怪地🥲所以唔推薦自選組合.以上都包一杯熱茶🍵或者湯🥣💡不過份量偏細，男生食完應該唔夠飽😳💡醬的份量超級重手，大家要留意—————————————————🧜🏻‍♂️口水度：🌕🌕🌕🌑🌑🤑CP值💰：🌕🌕🌗🌑🌑🧚🏻‍♀️打卡值：🌕🌕🌗🌑🌑🥰舒適度：🌕🌕🌕🌖🌑👅再食指數：🌕🌕🌕🌑🌑.♟Overall♟就係不過不失😂感覺上佢的咖喱🍛/意粉🍝更岀色

見灣仔有條食街，有間日本餐廳都幾多人排隊，就諗住入去試吓。叫咗個蛋包飯加兩隻雞翼。蛋包飯啲咖喱純粹係即食咖喱磚嘅味道，不過不失，個煎蛋都幾柔嫩，但係主打嘅豬扒真係有失水準，個豬扒非常之乾，咬落去好似咬緊舊橡膠，一啲肉汁都冇。而且成碟飯同咖喱一啲都唔熱，淨係可以用暖來形容。另外加錢叫咗個雞翼，終於係熱嘅食物，可能係剛剛炸完出嚟或者比熱燈哄住。芝麻令到個外皮好趣，反而雞翼比豬扒更加出色，拎嚟送飯會比較好。店員嘅服務都唔錯，但睇得出唔夠人手，點餐要自動手機點餐，但係個System又廢，點一個餐都可以變兩個餐出嚟，可能係上一手冇剷除記錄。整體價錢又貴，但比唔到應有嘅水準，間餐廳唔算係大街，應該嚟緊幾個月都唔會再食