貢茶 (Closed)

今日放工落旺角接女朋友仔放工 行經貢茶 心癢癢就買左杯野飲要左杯蜂蜜菊普 半糖 少冰 十個大洋 成為最近身體麻麻 所以想飲清清地 就半糖.......點知.......一半糖就,,,,,,,大獲!!!!!!!!!!其實你話好好飲又唔係 d 茶好"喼"下 好寡口.......姐d茶放好耐 搞到好溶同埋唔係令茶葉囉......同埋要十個大洋 d 水同冰 真係賺死佢 次次行過都咁好生意出十送一 來留客 或者因為太多間啦之前係台灣飲都係好一般 十個大洋 其實係7仔買支野都係7 - 9蚊應該無下次

話說去旺角 發現好多間台式飲品店見貢茶個名幾classic就試下 跟住朋友話原來貢茶係好出名 比咁多間來講就叫左杯珍珠奶茶茶味同奶味都好夠 不過甜左d 下次可以試下叫少甜D珍珠又唔會太淋PS 原來佢糖份 有%揀 好似係70% 50% 30% (無記得的話就係咁)朋友叫左杯寒天愛玉 幾得意 有D JELLY入面 寒天係D”in in un un”既粒粒係檸檬汁不過係排隊辛苦d 我地個日排左成20分鐘 = 0=下次都會再試

一間店出名之後,能夠維持水準的店鋪不多MK呢間貢茶就係一個例子係佢開業無耐,我已經開始幫襯可惜,質素每況愈下雖然我好鐘意飲佢GE奶蓋系列但係眼見個層奶蓋比起開業時,縮水近6成而茶味一時好甜,一時又好澀水準參差不定搞到我不得不轉投其他店鋪GE懷抱希望貢茶可以恢復到開業時GE水準啦!

今日打算將之前儲起的印花開開心心去換飲品 (每10個可換1杯),排左一陣隊, 到我排時, 我ORDER 左飲品, 之後比張印花紙佢地LA個收$ GE 睇睇下, 就比左個SENIOR GE 睇個SENIOR 竟然話唔收!!一時又話印花上面唔可以冇店名,一時又話唔可以用D 咁花GE 印章 (佢之前係用印章, 係之前GE 印花紙CUT 出黎)真係要叫佢地一聲"大佬!"D 印花又係佢地比; D 印章又係佢地印;咁作為顧客鬼知你咁多!!??個SENIOR 重大大聲聲講什麼"如有損壞, 恕不接受" 呢D 廢話講到我好似用假印花呃佢GUM事件反映佢地D 管理制度出現很大問題 (如果大家要用分店皆非同一連繫店)如果唔係 就等如搵客人笨大家下次光顧時要想清楚~其實佢地D 貨GE QUALITY 已經比開業時一落萬丈除左老問題茶太甜外制作越黎越"也母"西(可能太多人幫襯)連一向SELL 開GE 奶蓋 都出現問題: 奶蓋唔係太多就係太少

看到有新飲料～顏色頗吸引人～～又消暑～便點了一杯山楂洛神茶我要了30%微甜結果卻是-----好酸T___T我不得不說這是我自作自受但是真的很酸 很澀沒辦法喝完那一整杯呢 ORZ下次點這個不會自作聰明要微甜了～還是半甜或者少甜吧！好像是$12

貢茶D茶對好多人來說都係台式飲品首選，我亦唔例外，我亦鐘情佢既茶，特別係奶蓋系列！個人特別喜歡奶蓋烏龍，因佢茶味夠，的確係首選！但今日開始我要對佢改觀，不是因為佢D茶quality差，而係佢D Management差！相信大家飲過貢茶都有一張積分咭，儲滿十個就有一杯FREE DRINK ($15或以下)。有飲開既朋友都知道佢D分店越開越多，儲分方法的混亂更令我同我的朋友頭痛。一時又話呢張咭唔儲得，因為唔係同一條線，所以被迫又要開一張咭。之後又由印仔制變成貼紙制！！！我之前就有張印仔咭上面因為有個所謂"非同一條連線店"的印在上面，佢就要我用多一張貼紙先可以換得！ 唔係AR MA！？D印係你印上去，宜家話唔用得？擺明係搵D消費者笨！今次到呢間店，部份人都應該知道"天峰店"張咭同其他店既咭之間特別唔同(啡色的)。所以張咭只係可以喺佢度用。宜家佢話舊咭就來到期(真係唔問都唔知！)，佢話可以貼貼紙儲夠換，見身上有喺其他分店幫襯時俾既貼紙，咁咪貼上去LAW。點知佢話張貼紙冇打印，所以唔換得！唔係AR MA？張貼紙係你地俾既，宜家話唔得？ 最經典既係佢叫我返去俾貼紙我既店度打番印！ 咁佢地玩哂LA！

平時都係飲開奶蓋綠茶,因為見到同事好鍾意飲呢個, 所以我就試下燒仙草其實同涼粉差不多, 只係涼粉太硬, 燒仙草就係軟身咁解囉而所謂奶凍, 若我無估錯就係奶茶溝燒仙草咁, 因為我見到杯嘢係啡啡地色既講真味道確實不錯,又解渴喎, 咁鍾意食涼粉既人都應該鍾意仙草奶凍.

古早味酸梅湯, 其實只不過係煲過話梅嘅水(不過我就係鍾意)。單點一杯乜都無加, 所以我無特別留意杯嘢就拎走。之後飲先發現味道超怪 原來加左檸檬皮..... 除非不得已, 我都唔會再幫襯呢間分店....

貢茶好好飲好鐘意佢杯珍珠奶茶….不過已經好耐無飲!因為一杯奶茶好肥><”天氣咁熱,忍唔住叫左杯珍珠奶茶同樣地,都係少冰少甜好重茶味呀!!!!!不過就太多人排隊….同埋個邊燈光好光又曬….飲杯野真辛苦><”今次好好飲…不過侍應服務一般

每次去呢間珍珠奶茶都好多人。。。。但次次我都會等。。 格雷奶茶加布丁 。。 （加布丁加￥3）加布丁好好飲。。布丁好香。。。 奶茶味濃。。 系我既首選。。另外可以少糖少冰， 次次服務生都會問，幾好態度。。 少糖之后甜味剛剛好。。。。

近來貢茶真是遍地開花, 單是吾人的地頭北角, 一家開完不到一兩個月, 另一家又就快開了, 真誇張...言歸正傳, 今次來的是登打士街店 (我想是元祖店吧?!)。在旺角吃完一餐熱氣到爆的炸物晚餐, 喉嚨痛得很, 急需一杯茶來化解一下, 行行下便來到茶店林立的登打士街。我帶著貢茶的印仔咭, 都儲了好幾個印了, 所以自然也是選它。要了凍頂烏龍茶, 少冰, 走糖 ($8)。雖然都算多人等但也很快到手了。(似乎這裡都幾受自由行歡迎!)這個烏龍茶都泡的相當清爽, 起碼比一般喝到的樽裝烏龍茶多了一份甘甜 (嗯, 我都知喝樽裝茶很「底線」就是了...), 但不算很濃, 起碼我喝光整杯也不會眼光光睡不著, 可能是我太眼瞓吧。冰也真的是不多的, 比起我平時沒有指明少冰的時候。 $8 一杯不用自己動手泡是幾抵的, 因為極大杯 (500 還是 750 毫升?), 我用了不到 10 分鐘便喝光, 結果當然是很頂胃...純粹個人口味, 我喝茶是不喜歡加糖的, 但這麼大杯, 就算是少甜, 糖份都恐怕幾驚人的。

我每試一間台式飲品店，第一樣野一定試珍珠奶茶因為呢 D 係最基本既野，間間都一定有我第一次飲貢茶係佢新開張冇幾耐...飲落... 覺得佢 D 茶味好香，係我飲過咁多間之中奶茶最好飲果種香係我到而家都仲記得唔係一味得個甜字，奶茶味好出但 D 珍珠係咁多間之中最唔好食果個冇乜咬口之餘味道又怪好啦，隔左好耐又見口渴，又走去買杯飲，諗住試下睇下佢地有冇進步點知佢地奶茶既味道已經差晒冇刻意叫少糖，杯野真係得個甜字，奶茶味好淡，又唔香珍珠... 比果次更難食，又係冇咬口，我食完第一粒已經好想嘔食左幾粒決定淨飲奶茶不過... 因為奶茶太淡太甜，飲左半杯已經掉左我咁大個仔都未試過咁樣掉一杯珍珠奶茶架...我係度都見到唔少人比哈哈笑，可能又係我叫錯野飲...但係佢已經比左一個好壞既印象我，搞到我以後都唔想再幫襯...我以後都係去返我最愛的 Come Buy 算...

成日聽朋友講貢茶ge 奶蓋紅茶/綠茶好好飲琴日實在太熱.....忍5住要買d凍野飲飲下,就去左貢茶買奶蓋紅茶個陣都已經11點幾..但都好多人係度等同排隊天氣又熱..佢鋪頭d燈又勁大勁光搞到熱上加熱等到幾個字..終於到我大大杯...個樣又好似唔錯咁第一啖..我係無"搞暈"就飲gewa.....超甜!!!!!!!!!.....仲要好似菊花茶 ge味咁我個朋友就買左奶蓋綠茶佢一入都係度話wa..咁甜ge之後我地就試下"搞暈"左黎飲一飲...係一杯超甜ge奶茶...........我同我fd飲左1,2淡就想掉了但咁做太浪費了..點都要飲埋佢下次都係choose第2 d試下...同埋一定要話少甜

貢茶，我覺得係咁多間台式飲品中最好味咖！珍珠奶茶－－超讚，夠濃香，珍珠大大粒，又lum又好味～今日飲蜂蜜綠茶，一樣咁好味～不過人真係太多啦，仲要成排射燈射住晒，等到我成身汗。

食完勁差的傷心酸辣粉，我哋去貢茶買嘢飲。點咗一個奶蓋烏龍茶，12元，幾抵。不過個收銀聾耳陳來的，我話一杯奶蓋鳥龍茶，佢見到我哋有兩個人，同我講收廿四元，我即刻啞咗，佢再講多次24，跟住我話一杯，佢又試以為係兩杯.... 真係...太醒..好在幾快有得飲，味道ok 啦，上面的奶幾香滑，不過男仔應該會覺得太濃。我覺得先飲茶再飲少少奶或者搖混飲會比較好味。同埋好大杯 (L裝)，最好兩個人share飲...唔係女仔飲會太多.