貢茶 (西港城)

Open Now

Now Closed

飲品唔差，但收銀個阿叔超級無禮貌，本身支付寶有優惠券扣，我就分開買，買了第三杯時，佢就好惡話點解要分開買，我當下呆左，我話有優惠券，佢仲好大聲話有優惠券要比佢睇，我話唔使比你睇，直接扣減的，當下心已經不想買，如果不是幫老闆買，我自己就不會買，回到公司告訴老闆，呢間店的收銀阿叔態度很差，老闆都話以後不要再幫襯，今時今日咁嘅態度，比錢還要受氣，上環又不是只得佢一間茶飲店，如果換咗個收銀，不要係阿叔收錢，咁都仲可以有人幫襯買佢地既飲品

永不光顧此間手搖飲品店下班後，用電話下單預早購買此間飲品店，以減少等候時間。當到達飲品店後，接待女職員以嬉笑的態度先拿出飲管，再望向男職員，男職員稍待一刻，然後男職員在我面前，於制服下拿出一杯手搖杯。飲品的糖度、冰量、味道等質素重要，但更重要的是一間飲食店對待飲品衛生的意識。職員制服下雖有穿上便衣，但制服及便服乾淨與否，誰人知曉？會否有皮屑、塵埃，甚或肉眼不可見的細菌？若果有細菌污染飲品，讓客人引致腸胃炎，責任何在？希望職員能待人如己，認真處理每一杯飲品。

系上環吉利餐廳打包完外賣，正對面就見度一間貢茶，我女話想飲沙冰，貢茶奶茶以前讀書真系成日飲，暱幾年奶茶店越開越多，就好多年無飲過咯，甘我都買多杯奶茶回味下😂芒果沙冰（細杯）HKD 34: 我飲左一啖好失望，唔覺得無用新鮮芒果，系用芒果醬➕糖漿➕冰，唔系話好難飲，但系真系好一般，價錢都唔平，不過我女飲曬話好解渴😆格雷奶茶（大杯）HKD 23: 貢茶最穩陣都系奶茶，基本上邊種奶茶都唔錯，格雷奶茶我第一次飲，茶底有香濃茉莉花香，好好飲。今日店內收錢的哥哥仔超級好禮貌，好難得。

嘢飲無問題，服務態度極差，收銀個阿叔非常無禮貌，自己心情唔好就唔好做收銀同對客，行入去沖嘢飲啦，全程黑面不特止，對住啲客都呼呼喝喝！作為客人買杯嘢飲仲要睇你面色受你氣，真心以後唔會再幫襯！

印象中，上年10月，位於上環德輔道中近上環地鐵站 B 出口的 <貢茶> 結業後，接著開了同是供應台式飲品的 <歇腳亭>！直至最近返工經過西港城，才留意到 Gute Express 結業後，開了 <貢茶>！其實！我已很久無幫襯<貢茶> 嘞！台式飲品款式多不勝數！ 令我眼花瞭亂！等上大約 3分鐘便拿得，相當快手！值得一讚！ 店員蓋實並貼上膠紙，夠衛生！確保蓋子牢牢蓋上！熱紫米紅豆奶茶 $18雖然大熱天時，但是我總喜歡飲咖啡及奶茶選擇熱飲，貪其散發出獨特的香氣！ 況且，熱飲對腸胃相對健康！ 加上我有胃寒，飲喝凍飲後容易打思憶！ 奶茶溫度不算太熱燙，很適合入口，褐色也幾對辦！ 紅豆大粒甜美而粉腍，紫米則較有咬口，纖維豐富！  飲完全杯已經半飽，作為午餐或下午茶也不錯！