Goobne Chicken (東薈城名店倉)

Open Now

Now Closed

就黎轉季就同屋企人去左東涌outlet睇下有咩岩買啦，行到差不多晚飯時段，經過門口見到好多人拎飛，屋企又話都想試下呢間Goobne Chicken。我地5個人就叫左6樣野食。😋韓式雞蛋卷蛋卷份量好足有青瓜🥒、芝士、午餐肉、紫菜口感相當豐富😉😋鐵板泡菜煎餅粉漿唔會過厚，煎餅煎得外脆內軟，泡菜份量好足😍辣度適中岩哂我😊😋卡邦尼炒年糕呢碟野不得了，有意粉仲有年糕☺️ 個汁又creamy又濃郁😚仲要煮到索哂汁👍🏻😋蜜糖BBQ芝加哥薄餅超足料芝士同肉都好多，係厚批不但止，仲要有埋薯蓉邊，相當邪惡😈😋炸醬炒年糕呢個炒年糕又有煎蛋、魚糕、年糕仲有韓國麵條，好豐富😚雖然唔辣係好夠味😚岩哂唔食得辣但又鍾意食韓國年糕既人😉😋無骨果味醬油蒜香烤雞因為係冇骨雞肉，所以每舊都係啖啖肉🤗雞肉嫩滑又多汁😋配搭醬油蒜香相當惹味總括黎講，呢間餐廳性價比高，份量都好足，實會食到抱住個肚走😜🤪😝舔舔脷指數👉🏻7.5😋/10😋滿分 值得一試😋

過黎東薈城行街，一直都想試下呢閒炸鷄，之前一直以爲净係炸鷄，原來都幾多野食，湯、面，韓式料理，叫左雙拼UFO炸鷄芝士鍋，醬油蒜香+甜辣味，炸鷄外脆，但係好挂汁，一啖都覺得入曬味，鷄塊都好大塊，卷芝士，拉絲，正哦！同埋芝士都分量都好足，最後炸鷄都要打包走；魚餅年糕，魚餅麻麻，覺得好似粉比較多，口感唔係幾好，醬汁係ok既，年糕好食。

好耐冇食過呢間烤雞，經過俾「$128 超抵食烤雞午市套餐」嘅牌吸引咗。兩個人叫咗兩種口味嘅烤雞，個餐入面有好多嘢食。魚片湯有兩片辣椒吊味但唔算辣，有䶢香。仲有凱撒沙律、薯角、醃蘿蔔、兩嚿烤粟米同汽水（如果要白飯就+$8，但好夠了）。重點半隻烤雞有七種味揀，叫咗蜜糖蒜香烤雞同埋甜辣烤雞，半隻雞都有成八件。最後share食都要打包😹😹😹喺東薈城餐廳嚟講，連埋加一兩位埋單$284很可以👍🏻👍🏻

去完outlet掃貨就緊係要醫下肚！夜晚去食韓國菜，排咗幾張枱就有得入座🌼 鐵板辛奇煎餅（$115）泡菜煎餅煎得香脆，粉漿唔會過厚原塊上碟保留韓國style🇰🇷煎餅鋪滿泡菜，酸辣味道適中🌼甜辣烤雞+果味醬油蒜香烤雞（$248）呢度必叫嘅韓式炸雞🍗炸雞無論賣相定味道都比美韓國炸雞熱辣辣上碟，外皮香脆，雞肉juicy嫩滑超好食👍🏼果味炸雞嘅醬汁清新夠特別；戴上手套食最滋味😆配醃蘿蔔酸酸甜甜好開胃解膩不過賣二百幾蚊一份炸雞，略嫌份量少咗啲啦🌼西柚韓式米酒 ($150)打到好似沙冰咁 凍冰冰夠曬爽🍹入口順滑無酒味唔識飲酒都唔使驚，淺嚐一杯都無問題😎超有驚喜嘅一款飲品自己一個應該飲得曬1jar,太好飲了⚠️⚠️

这个大芝士🫕UFO芝士火锅 熟练的将芝士裹上炸鸡，再超大一口将芝士酱汁酥皮鸡肉通通拿下🍗，入口纵享无限的芝士奶香🧀，丰富的口感伴随着咀嚼，更是不断地翻涌更替年糕意面 大黏糊糊！酱汁与蛋液特别厚重的包裹着每一个面条，🍜吃起来咸中带点甜，调味也是恰到好处⚛️吃一次腻一次，不吃依然想得慌

一年前曾經喺銅鑼灣光顧過呢間餐廳，覺得佢哋嘅「UFO芝士火鍋」好味又特別😋今次前往東涌嘅東薈城購買旅行用品，發現都有一間分店喎，於是都想食返呢款芝士火鍋🫕🧀UFO芝士火鍋（$288）📝評分：7/10可以係六種口味中選擇兩種，我哋嗌左：✿火山烤雞✿蜜糖蒜香燒雞其餘四種口味分別係：果味醬油蒜香烤雞、甜辣烤雞、三重芝士烤雞同蜜糖香滑烤雞。值得一提嘅係，烤雞全部都係無骨嘅，可以享受大大啖肉😋芝士融合左馬蘇里拉芝士、車打芝士同巴馬臣芝士，可感受綿延不絕的濃郁風味～烤雞分量十足，total 16件，醬汁濃郁入味，但肉汁就唔係好juicy。🥭芒果特飲（$50）🫐藍莓特飲（$50）📝評分：8/10呢兩杯嘢飲唔錯，即使加左冰都好濃郁，由梳打水融合新鮮水果泥製成，玻璃杯的造型曲線好獨特🤩啱晒打卡⚠️忍唔住想講一件小插曲：呢間鋪頭嘅服務真係唔敢恭維，staff都好hea☹️👎🏻話說開左火之後我哋就開始攪拌芝士等佢溶，點解攪左差唔多成十幾分鐘都唔溶嘅？！🤔原來係個煤氣爐唔夠氣！😤但啲侍應喺我哋隔離行左幾轉都冇一個人發現到。之後就算轉左個新爐，但個鍋比侍應擺到歪歪地，有一邊嘅雞肉根本唔夠熱，好影響食用體驗😩同埋有幾

今日同朋友去搭昂坪360遊大澳，之後落東涌區食晚飯。我們二人叫了CHI PI CHI PI 套餐中的果味醬油蒜香烤雞及蜜糖BBQ芝加哥薄餅。烤雞配了一份酸蘿蔔，好開胃。烤雞外脆內軟，但不會熱氣。薄餅批邊好厚，而且香脆。蜜糖BBQ醬甜而不膩，鍾意食甜品的人一定都會感興趣。

🫕 UFO 芝士火鍋 $288🌶️甜辣烤雞+🍯蜜糖香滑烤雞邪惡熱融拉絲cheese🫕，用咗三種唔同嘅cheese：馬蘇里拉、車打、巴馬臣芝士🧀，雞肉嫩滑唔會鞋，揀咗無骨烤雞一樣咁香口，甜辣烤雞外脆惹味🌶️，蜜糖香滑烤雞甜甜地，外面沾滿蜜糖，個人人鍾意甜辣多啲😝，要注意太大火嘅話會黐底🍗果味醬油蒜香烤鷄 $218皮脆帶果香甜味，醬汁用咗蘋果整加埋檸檬汁酸甜開胃，仲有蒜香👍🏻，推介！🍕鐵板海鮮煎餅 $125海鮮有蝦🦐、魷魚🦑、蛤蜊，煎餅加咗香蔥煎，粉漿嘅比例啱啱好唔會好粉，用鐵板上枱，熱辣辣😝.✨人氣連鎖韓式烤雞專門店，主打韓式烤雞🍗，聚會party之選，尖沙咀樓上鋪落地玻璃望到街景，東涌分店座位寬闊仲可以望到出面嘅景色，亦可以揀外賣一樣咁高質

之前係另一間分店食過，覺得唔錯，所以果日再食，點知唔好彩入左呢間野食lunch,叫左3個lunch set, 叫咩餐唔重要，最最重要係啲食物係微暖既。問題係炸雞咬入去仲係凍凍地既，薯條係隔夜果種凍，係凍，薯條喎！叫侍應換，換返黎都係凍既😡炸雞薯條點可以凍架！（重要既野講三次）唔會唔會唔會再食呢間野🙄我好懷疑其他食客當日啲餐係咪都係凍既 因為叫佢換完都係凍既話，食完呢餐飯大家都係唔開心咁出餐廳 🙄🙄以咁既質數真係對唔住個價錢

哩間韓式烤雞店前前後後幫襯過好幾次佢係🇰🇷過江龍 烤雞烹調&醬汁調配的好出色不過東薈城哩間分店都係第一次食 Chicken & More💰308🔎(Set)Sweet&Spicy Chicken兩個人食叫哩set相對抵食啲個份量都對得住個價錢，大大份甜辣&醬油係我覺得最好食嘅味道今次想食辣嘢 於是叫咗甜辣但食落一啲都唔辣😂 更多嘅係甜味唔食得辣嘅朋友可以試吓哩個醬～雞嫩滑多肉汁，師傅烹調得好有技術🔎(Set)Seafood Jeon(Pancake)塊餅較厚，煎得幾香，咬落去好香脆不過我覺得有啲油，同埋海鮮份量唔多🔎Cass💰38🔎Asahi💰38烤雞🍗配啤酒🍺係定律嚟一啖熱辣辣脆嫩炸雞一啖凍冰冰啤酒請容許時間停止在這刻

Weekday 6點幾無乜人又唔洗等，好耐無食過goobne ~ 第一次來東涌呢間試下甜辣烤雞仍然都好食，呢間係要叫boneless先抵食啲~不過如果想叫half half烤雞set…就算款雞可以揀boneless，都無得叫既👆感覺呢個approach 好奇怪最後諗住Order 咗一個海鮮薄餅set 烤雞set… set大約300幾。然後個staff又話唔知有無得揀boneless.. 個個staff講法都唔同再加上6點個場得3枱客，都要我哋類似卡位有隔板咁要我哋一齊坐🫤🫤 Request坐另一張係得既，但係就坐另一張隔離So funny …😂 但場0爆但要arrange d 人痴埋一齊有個應該係大粒d既男staff ，叫親佢都話等等，再叫其他staff過來…..講返個set… 2個人來講份量唔多，要飽就應該點都再加多一份先得~~ 但因為d staff態度麻麻哋，完全唔想喺到洗錢~

因為🐻‍❄️想食韓式炒粉絲，所以🐻唯有陪我食🤣🐻‍❄️覺得個韓式炒粉絲幾唔錯，韓式粉絲夠煙韌😋，配菜多(真係講菜🤣例如木耳、紅蘿蔔條、菇條)、牛肉夠冧、有鹹味而且簡單。反而🐻就麻麻地，覺得個調味唔夠豐富，同埋油略多，不過🐻‍❄️話炒嘢就係咁。有芝士控🐻喺度，再加埋食韓式野，無理由唔叫芝士嘅！本來餐廳最出名係UFO芝士火鍋，但得兩個人食唔到太多嘢，唯有叫住另一樣先。蜜糖BBQ芝加哥薄餅，熱辣辣送嚟嘅會有芝士香味，加上蜜糖甜味，都唔錯嘅👍🏽批邊仲有薯蓉，可惜兩個人食實在太飽啦…🐻‍❄️雖然韓式野好滋味，但份量實在太大，加上配料都好易滯，唔係太啱兩個人食，有無餐廳想出迷你版？🥹

呢間韓國炸雞店全港都好多分店，今日咁岩入左東涌唔知食乜好，朋友又話想食炸雞所以揀左呢間。韓式雞蛋卷包到好似舊壽司咁，味道唔錯又大大舊，加埋d醬汁一啖食落去酸酸甜甜咁，好開胃👍👍👍個魚糕湯好重胡椒味，冬天既時候食應該會暖笠笠，魚糕就正正常常好似平時港式魚蛋個d咁。來到重點烤雞，呢間餐廳主打係炸雞烤雞，當然都有反d水準啦🤤🤤🤤d雞嫩滑多肉汁，加埋d醬汁真的不錯👍我地叫左兩隻口味，比較鐘意甜辣味，其實佢偏甜多，唔多覺佢有辣味，唔食得辣既朋友都可以試下。整體黎講呢間韓國野值得推介👍

Goobne chicken相信大家都唔陌生 不過我哋今次就唔食佢嘅炸雞 試吓佢其他嘢先🤪韓式雞蛋捲($148)身為蛋控嘅我 當然要叫返個雞蛋捲啦 個蛋好嫩滑 再加埋青瓜 芝士同餐肉 啲味都幾夾😋卡邦尼炒年糕($155)超重嘅忌廉奶油味同芝士融合埋一齊去炒年糕 同一般嘅炒年糕比 別有一番風味 個人嚟講就鍾意食呢個炒年糕多啲🤣蜜糖BBQ芝加哥薄餅($208)呢個係今日嘅MVP 佢同一般我哋認知嘅薄餅唔同 佢個餅皮好似有少少酥皮咁 個薄餅饀好足料 有芝士 薯蓉 BBQ豬肉 啲芝士多到有拉絲嘅感覺 成個Pizza感覺都好邪惡😈但係真係好好食😋😋🤤

本身諗住簡單食個tea ，呢間喺 outlet 最頂果層，仲有個狀闊海景，環境舒適，食物碟碟都好大份，叫唔到太多，今次只叫咗2種1）芝士蛋餅，我同老公二人，根本食唔晒😅 好香濃芝士味，有拉絲，3種以上嘅芝士，好滿足，餅皮亦焗得剛剛好，不過真係要趁熱食，喺有冷氣底下，凍得好快，食第二件口感已經好大分別。2）蜜糖味炸雞，可以揀有骨或無骨，我揀有骨，我覺得會好味啲。雞味冇乜，但醬料好夠，食韓炸雞，都係至在佢個醬汁啫，上枱仲好熱辣辣好香脆，呢度真係要約多幾個朋友一齊嚟，因為碟碟都好有份量。