靚記茶餐廳

Open Now

Now Closed

喺呢區附近搵一間唔係連鎖嘅茶餐廳真係唔多，今日心血來潮黎試吓，估唔到真係有驚喜假期嘅lunch時間，門口不斷有人等位同等外賣，樓面姐姐d態度全部都好好，特別一提唔知係唔係假期，人手十分充足第一次嚟梗係試吓我最鍾意嘅沙嗲牛麵，最驚喜嘅佢個奄列餐係可以跟菠蘿油，仲要唔使加錢！我諗香港已經冇乜邊度係咁沙嗲牛麵竟然有花生粒，誠意十足，做到好香濃唔係味精嘅沙嗲味奄列脹卜卜，裏面好多火腿，唔係Hea你菠蘿油就正常，外皮唔脆，但係個包就幾軟熟，考慮到佢係跟餐送，所以冇怨言，唔知佢單嗌菠蘿油會唔會好啲呢？茶走煉奶嘅份量唔錯，唔會太甜遮咗陣茶味，凍檸茶我就略嫌太甜成個餐$50，性價比好高，仲要係好食服務又好希望佢一直keep到個水準

我睇吓呢間舖頭好耐冇人寫呢個食評啦喎，咁我都寫兩句啦，我好少去牛頭角嘅，今次見個friend，所以就專登嚟呢邊食咗個Lunch，叫咗個福建炒飯，炒得幾好食，幾香，份量又足。我個friend叫咗個四季豆炒肉片，講真都幾夠鑊氣嘅！你睇埋張Menu，其實真係好多種類嘅嘢食。我哋叫咗一杯凍奶茶一杯凍檸茶凍奶茶特別好飲，家陣咁熱嘅天氣，呢度嗰個冷氣開得夠晒凍呀，各位阿姐服務態度好好，作為街坊嘅話，真係可以去幫襯吓！

近年，茶餐廳應時代的發展，改頭換面，座位比以前寬敞許多。菜式上亦無太大變化，味道也是保持原來的風貌。就這樣，無聲陪伴三十年。(1) 香煎豬柳公仔麵 + 腸仔煎蛋這種配搭愈發稀少，除了常見的沙嗲牛肉、雪菜肉絲等，還有香煎魚餅。配搭繁多，即使經常光顧，也能每每為自己製造不一樣的早晨。還記得以前有點對點外賣，不收額外費用。近年來卻轉為先致電點餐，然後到店自取。拍照的人留住美景；肚子餓的人留住飽腹；有故事的人留下回憶。願有新月為鈎、清風作綫，給妳滿天星星，皓月千里。

由將軍澳一下子搬左去九龍灣早餐一下子變得太多選擇圍住淘大行一個圈已經有數間茶記可以入已經試過淘大既, 所以今日就行遠少少去安基苑商場既靚記茶餐廳因為聽 社文平台沙牛group既人介紹過一心黎試下佢個沙牛先!!估唔到十一點左右到都仲有早餐叫只係三十零蚊真係非常抵食沙牛汁好濃, 牛肉有咬口,  麵都有按要求煮得爽口通粉偏長身, 唔會煮得太淋煎旦應該係煎好一夾就上碟微暖奶茶係正常水準, 夠熱阿姐勁心急落單, 因為我第一次黎都睇左好耐menu

好多地方叫外賣都唔夠熱，返到屋企暖食已經好似係平常事。但呢間茶餐廳每次都會好有水準，就算炒粉炒麵佢唔油不特止，今次叫個乾炒豬排意粉返到屋企入口仲係好熱。值得一買😃

咖哩大家都有唔同要求，有人鍾意勁辣，有人鍾意椰香重啲，有人鍾意滑啲，有人鍾意似沙嗲咁。我覺得靚記嘅咖哩做得好好，少辣得黎唔會好多人食唔到，佢煮得好滑但不失香味。配菜方面都唔姑寒，佢個薯仔得非常之欣賞！佢有炸一炸過嘅，所以食起黎好香口！ 另外今次呢個係咖哩班腩，好多地方都食唔到，佢介要係即叫即炸即煮，所以回味度好高！我覺得算係呢間餐廳數一數二高分嘅一個餸🤤🤤🤤試過佢咖哩仲可以配答豬排，牛腩，牛肉都掂👍🏻

第一次試佢個乾炒豬扒意粉，平時都係食其他早午常餐多。豬扒唔會整到好乾，有咬口得黎夠林，小朋友都食到👍🏻佢落甜鼓油炒個意粉都炒得好乾身，一啲都唔油，有下次！👍🏻

細個成日見爸爸好鍾意叫星洲炒米，佢話食咁耐都食唔返以前食過一間星洲炒米咁好食，一係得個辣字，一係炒到鬼咁多油，所以認知中好食嘅星洲炒米其實都唔易搵！ 直到有一次喺靚記食到呢碟星洲炒米，做到爸爸口中辣只係香辣吊味，食落唔會覺得油，什至食完碟底一滴油都冇，食完又唔覺好漏好飽咁。相信佢個星洲炒米都算成功吖

已經黎食過幾次, 但我真係忍唔住要寫食評啦講真, 小菜款式唔夠多, 我只揀到幾款, 而自己本身鍾意食西檸雞, 所以黎親都會叫但由上年冬天起, 我食過一次之後, 之後黎親叫西檸雞, 侍應都話無每一次黎之前都話俾多次機會佢啦, 點知去到又係無, 已經失望左3-4次啦, 有次侍應話係因為未解凍直到呢次, 我係門口等入座前, 已經問定有無西檸雞, 收錢阿姐話有坐低左, 阿姐俾左例湯我地後, 我地就order啦, 呢個落單阿姐又話今日無西檸雞我話門口果個話有架喎, 佢話門口果個唔知嘛我心諗~你唔知就唔好亂UP 啦~妖就係咁, 又俾人呃左入黎食小菜款式真係好少, 好難揀先揀個蒸鲩魚, 但條魚唔新鮮, D 肉晦晦地, 真係好失望蝦醬通菜鮮魷, 唔知點解條魚黎左, 但碟菜都未黎, 明明係一齊落單之後我發現阿姐係特登較時間晏D 黎先上碟菜, 可惜好心做壞事, 我地變左食完條魚先黎菜而且碟菜好咸我決定以後都唔再黎食, 連西檸雞咁common 既食材都無, 我理得你之後有無西檸雞呀

食物質素非常一般， 當然去茶餐廳都預咗嘅食物價錢都比同區為貴！地方:坐得唔舒服， 阿姐派餐 粗魯！永遠大大聲咁對啲客人， 呼呼喝喝！'服務態度超差'，同區有更好的選擇！

好難搵到一間好食的西炒飯，材料本身都只是蕃茄、香腸、火腿、雞蛋咁，所以飯底都幾緊要，要有茄汁味又唔酸，最好要有點鑊氣。西炒飯——呢個西炒飯好大碟，份量十足，但味道一般，平平無奇，材料炒不香，蕃茄就咁撈落去，飯底本身無咩味，茄味唔香濃，整體來講無特別。。。。老黃瓜湯——湯水一碗，無料，幸好也無味精。服務算不錯既。下次可再來試其他款式~~~~~~~~~~~~~~~~~~~~~~~~~~~~~~

很久沒來靚記了，以前商場未翻新時，間中也來吃晚飯。自從新舖華麗變身後，今日才來光顧。以屋邨茶記來說，這裏不算便宜，食物也不是特別好吃。加上舊舖座位較擠迫，坐得不甚舒服，故不常幫趁。今日想轉轉口味，特來吃個早餐。餐牌除了價錢外，其他還是一樣。我點了沙爹牛肉米粉，配火腿煎蛋方包和奶茶，價錢是$31。記憶中，這裏的米粉很不錯，幼滑通透，似是用較貴的河源米粉。沙爹牛米送上，份量不少，牛肉的味道只是一般，但那個沙爹醬汁，濃濃的似是黏稠著牛肉，色澤稍深，混有花生粒，味道不錯。米粉則沒有以前那麼幼滑，只是正常的米粉。火腿蛋也是一般貨色，火腿沒有煎過，減少了油份，但可能有人會覺得不夠香口。方包的質地很好，十分鬆軟，最怕茶記的方包放久了，乾乾的很「鞋口」。其他有心做，麵包切開了，用保鮮紙封著，要用才取便可以保持鬆軟。做法簡單，只在有沒有心去做好而已！奶茶的味道勝以前，茶味香濃，上檯時是熱熱的，不錯。聽阿姐說，早餐點檸蜜和柚子蜜等，亦是同價不必加錢，值得一讚。

以我印象記憶中靚記係商場翻新前都係商場上既獨市生意多，除非去街市樓上食既ja今次裝修後去完鋪頭整體上乾淨好多，唯一唔同既係商場翻新裝體黎講都靚左，之後引入左其他商鋪變得不再獨市入到餐廳感覺舒服，但繁忙時間要由佢地職員安排位置座。店鋪職員態度招呼都有禮貌，keep住舊區既一貫情懷，用餐散叫左個豆腐班腩飯，即叫即整有個湯送，一共44蚊，價錢一般，但師父應該即叫即整，個餐夠熱令到成個餐加左分，感覺可以，附近一帶黎講都係一個唔錯既選擇。若果價錢平啲相信可以更吸引，但店鋪職都較多招呼呢點可以加分

茶記食唔少，港九新界區區都會去，但令我留言激讚唯有靚記👍🏻靚記絕對係街坊嘅首選，除咗人情味（老闆老闆娘同樓面伙記個個好禮物又親切❤️），食物水準好而且平穩、早餐同埋下午茶絕對係我哋一家三口嘅最愛😋我4歲嘅女最鍾意食佢啲叉燒湯意粉👍🏻叉燒又靚但唔太肥、意粉彈牙有口感 (唔似其他餐廳煮到D意粉淋哂~) 湯底好味但絕對唔會食完口渴、證明真材實料👍🏻我個女4歲大平時出街唔好餐廳食物，但獨愛靚記嘅义燒湯意粉😊靚記嘅食物同口碑證明茶餐廳一樣可以有高質素高水準的食物👍🏻相比坊間各種連鎖快餐或連鎖茶餐廳嘅口味(🤨😖)，我會選擇繼續幫襯靚記👏🏻👏🏻

食左幾次靚記, 味道都唔錯. 不過今次試左佢地既招牌魚旦河同魚香茄子米粉, 就差少少..招牌魚旦河: 魚旦好爽口彈牙, 但河粉太林魚香茄子米粉: 得兩舊茄子 >< 但味道還可以. 仲有湯送, 個湯都幾好飲, 唔係味精湯值得一讚, 餐廳侍應姐姐個個都好好禮貌, 態度超好, 各個侍應都互相合作, 好有街坊FEEL.而且食物價格合理, 下次一定要試下佢地既招牌”京都炸醬麵” 同 “五香牛腩” .