Video
2-min walk from Exit A, Sai Wan Ho MTR Station
continue reading
Opening Hours
Mon - Sun
07:30 - 21:30
Above information is for reference only. Please check details with the restaurant.
Recommended Dishes
這間餐廳因爲名字獨特，所以我一直都想試一試，今日路經此地，在門口看到大大張banner講到「早、午、晚餐$26」，所以我就大膽試一次。我睇到餐牌，有兩個餐係呢個價錢，都還算合理。我選擇了麵餐，因為我其實只想食個快早餐這個便是今次的26蚊餐，我轉了凍飲，所以其實29蚊才算正確。食評：碗米粉真係非常多，我根本食唔曬，但其實碗米粉一點味道都沒有，但個米粉其實係靚米粉，太浪費了。紅腸和肉丁老實說太少了。不過我曾經食過比佢更少的餐廳，所以我都習慣了。服務方面很可愛，好似想令客人覺得大家都好熟一樣，那位姐姐都算主動，但最後佢有個動作，令我對佢扣分了，就是佢問都無問就收走我的米粉。整體來講這間店都算合格。但如果佢可以早餐都有燒味就更好了。
continue reading
今日星期日，剪完頭髮到附近一間燒味店填肚，上一次試過，覺得不俗，想再食多次，比上次更勝一籌！叫左碟叉燒切雞飯， 切雞入味， 但肉唔多， 普普通通。叉燒真係不得了， 上次師傅比係瘦叉， 味道係好， 不過口感因為係瘦叉關係比較鞋身，今次咁岩切左肥叉比我， 肉身腍， 多汁， 蜜味濃， 好好味！早知叫淨叉飯算總括 價錢雖然偏貴， 要38蚊， 但好味可惜的是當日去係星期日， 本以為像招牌所貼下午茶會有優惠， 原來星期日冇， 大家要留意下。
continue reading
住在附近，本不喜食燒味早排見食評不錯，又話由中環開到嚟西灣河。今晚剛不想煮飯於是試買外賣回家。叉燒燒肉飯雖然7:30點後雙拼只售$28(只限外賣自取)但回來一看未食已大打折扣，燒肉4、5塊全都是肥肉，根本唔食得，叉燒又淡而無味。不如去對面大X家賣仲好。一次就夠永不幫襯 !
continue reading
突然間好想好想食燒味，縱使每區都有燒臘舖，但是卻又要山長水遠跑到西灣河來，尋找一個燒味飯。來到西灣河，尋找那目標燒味店，不單只是一間燒味店，還有小菜吃，那就是好燒味。除了燒味和小菜外，看看餐牌，喔，原來還有碟頭飯，還有臘腸，猶如一間茶餐廳吧。當然在餐牌上沒有像茶餐廳般的字母或數字餐那麼的多吧，也許主力都是那燒味和好幾款小菜吧。來到的時候，已經是兩時多，故有下午茶，故較正餐便宜。點來雙併飯，叉燒燒肉飯，較單併飯貴兩個大洋，是可接受。先講燒肉，燒肉與皮分離了，並不連在一起，實在有點失望，吃起來皮不是很脆，有點硬，個別還有軟腍，似乎有點失準，但燒肉的味道略為稍稍鹹了一點，但問題不大；至於叉燒，蜜味足夠，還有鬆化的感覺，軟硬適中吧。熱奶茶茶味足夠，香醇及有茶香。淡奶適中，能把茶沖出順滑感覺，是不折不扣的好茶。一碗雙併飯已滿足了在下的食燒味飯的欲望，如有機會再來，還望下次可品嚐她的小菜呢！
continue reading
看到那麼多好評，咁岩經過就試一試34蚊有雙併仲有例湯，其實很不錯。叉燒算是鬆軟，但味道偏淡，沒什麼蜜味，也沒有焦邊。燒肉味道更淡，皮不但不脆更帶硬身，肉不鬆化。整體以這價錢來說平平無奇。
continue reading