好運泰國美食

Open Now

Now Closed

餐廳在新蒲崗廣場2樓，門前一個大魚缸，養了多條色彩繽紛的熱帶魚，裝修簡約，兼具日本及泰國風情。餐廳提供日式和泰式美食，今天我選了泰式午市套餐，喜歡泰菜香辣的味道。午市套餐有多款泰國特主食，並可以優惠價錢加配小食及飲品。主食：「泰式咖喱飯（牛）」，泰式青咖喱牛肉，青咖喱酸甜微辣，有陣陣清香。牛肉份量不少，有牛肉味，肉質腍軟之餘又有質感，口感不錯。咖喱伴飯真一流。「招牌海南雞飯」配油飯，轉雞脾。去骨雞脾，啖啖肉，肉質鮮嫩，雞味濃郁，配上甘香雞油飯和多款醬汁，特別滋味，果然是招牌菜。小食：「泰式炸蝦餅」，新鮮即炸，份外脆口，點上泰式香辣醬就更惹味。「酸辣無骨鳳爪」，爽口彈牙，加上酸辣味道，味道口感出奇地好。甜品：「芒果糯米飯」，精心佈置，雙色糯米飯搓成小團，配上芒果肉，更附上一壺椰奶。糯米飯加椰奶，是非常好的配搭。飲品：「泰國奶茶」、「泰國咖啡」，味道特別，比較甜，富泰國特色。這裏的食物質素，真可用“有驚喜”來形容，下次再來嚐晚餐。

細個係新蒲崗住, 雖然地方唔算大, 但其實都暗藏唔少好食既餐廳, 仲好記得細個一放學就去新蒲崗廣場買菠蘿冰食, 有時仲會跟屋企人食下日本野, 最近發現新蒲崗廣場有間泰菜都幾出名, 上星期同屋企人回到此地食晚飯, 原來係我以前食開既日本菜餐廳同一鋪位, 依家開左日式同泰式兩邊, 雖然有少少隱蔽, 加上平日關係, 自然人流都少啲餐牌食物價錢唔貴, 叫完野食十分鐘左右, 野食就好快送上我地叫左個泰式皮蛋釀蝦餅, 一份有八件咁多, 蝦餅好彈牙, 食得到個蝦味好突出, 而且炸到個外皮好脆, 點埋泰式辣醬連皮旦咁一齊食, 好正!冬蔭功鮮蝦炒飯我地叫左少辣, 但都比想像中辣, 如果食唔到辣真係叫BB辣就夠, 冬蔭功既酸味比較強, 炒飯粒粒分明, 好足料之餘, 鮮蝦都幾彈牙, 愈食愈過癮泰式蟹肉煎蛋餅炸到好似炸蛋一樣, 入口好酥脆, 蟹肉份量都唔少, 真係真材實料既蟹肉一嚿嚿係蛋入面, 點辣醬食好正, 唔會食到成口油, 唔錯!估唔到鋪仔細細都食到唔錯既泰菜, 唔洗一定要去九龍城食, 又多個選擇!

好運泰國美食 地址: 新蒲崗祟齡街33號新蒲崗廣場2樓C38號舖電話: =====================去了買材料，而家好多舖頭都搬了去樓上舖同工廈，租金平呀嘛！入到商場仔入面，好有懷舊感覺，仲有好多間補習社。叫了香葉辣椒肉碎炒飯，個飯好惹味辣辣地，好濕潤架，有豬肉碎粒！再加多隻太陽蛋下飯，就極之有泰國街頭風味啦！出菜好快，唔洗等好耐就有得食，唔怕餓親飲品要了lime soda 夠氣微酸， 飲落好爽呀

呢區一向多小店, 試極都試唔完, 就算附近開左大型商場, 都係鐘情小店。經濟實惠之餘, 味道亦唔會一式一樣,今日終於試左呢間泰國菜，店內座位都幾闊落舒適。同朋友點了幾款小菜試試。泰式蠔仔煎蛋餅,並非普通蠔仔煎蛋, 食落好濃濃蛋香味，好有驚喜。每件蠔仔都大大粒無腥味。呢度炒菜可以自選配搭口味,好FLEXIBLE, 包括泰式，蒜蓉，清炒。最後都係選了最惹味的馬拉盞炒通菜(BB辣)。食落咸香味一流, 食到粒粒蝦米, 下次又試泰式炒芥蘭。炸蝦餅, 有別於外面的半圓切法, 呢度係切片, 較易入口, 而且食落有少少香料味, 很不錯~猶豫左好耐選擇紅/青/黃邊款咖哩, 主菜必需是大蜆/海鮮, 所以店員都係推介了黃咖哩炒大蜆~真材實料呀, 每隻蜆都大大隻, 配濃稠的黃咖哩汁好夾!有咖哩點少得蒜蓉包! 蒜蓉包有用牛油焗香, 就算未醮咖哩汁都已經脆卜卜十分好食, 配埋咖哩汁就更美味!飲品點了2杯泰式奶茶小冰~ 下次試下紅咖哩青咖哩！

黃咖喱海鮮🥘，本身就係非常鍾意食泰國菜嘅，我梗係唔少得叫呢個泰式嘅黃咖喱，朋友喺雞肉牛肉同埋海鮮之間就選擇咗海鮮，其實都好夾，有青口鮮蝦同埋魷魚！非常鍾意食佢嘅青口，食落去都幾好，而且鮮蝦我哋都覺得非常新鮮，味道都唔錯魷魚亦都非常有咬口，正 ！再加埋佢嘅香酥薄餅，非常鬆脆，而且同黃咖喱嘅味道都非常配搭得好好，整體同埋佢嘅價錢都唔係好貴，CP值非常高，大大碗咖喱再配搭埋薄餅其實已經差唔多好飽！泰式蟹肉煎蛋餅🥘，出邊食呢一個蛋餅起碼都要$100起跳，估唔到呢度只係需要$66就食到，而且份量嚟講都幾大份，充滿啖啖的蟹肉，非常好食！而且都做得非常厚身，咬落去嘅口感，所以都幾好，唔會話好薄！本身就非常鍾意食泰式蟹肉蛋餅，所以呢一個我覺得都非常值得推介俾大家！芒果糯米飯🥘，呢個係我最鍾意食嘅泰式甜品芒果糯米飯真係非常好食佢嘅芒果非常甜！而且唔會好酸！佢做咗做六粒唔同細細粒嘅糯米飯，成個擺盤都非常精緻，忍唔住即刻攞電話出嚟打卡！味道上嘢都做得唔錯！價錢嚟講，非常抵食.豬肉冬陰功湯粉 🥘，冬陰功嚟講唔算好難非常適合香港人嘅口味！加上佢本身有非常多嘅配料，令到成個湯底嘅口味都更加多元化！我本身都非常鍾意

今日去左新蒲崗圖書館, 係附近睇下有咩食, 原來商場2樓有間泰國菜, 午飯時間都幾多人食, 就入左去試下😆餐廳係小店格局, 但食物款式都幾多!湯粉, 飯, 小食都有👍🏻我地揀左:酥炸紫菜魷魚鬚: 見呢個小食幾特別, 魷魚鬚幾彈牙, 出面仲包住好香脆既外皮同紫菜🥰泰式湯河(豬頸肉,金邊粉): 豬頸肉份量超多, 個湯有少少辣, 金邊粉吸埋D湯汁, 好岩我口味!😊泰式海南雞飯:海南雞好嫩滑, 油飯都好香, 仲有三種醬汁,好好味!🤗仲叫左兩杯飲品:巨峰活乳酸梳打, 青檸梳打, 兩杯飲品都大大杯, 好清爽解渴😝

新蒲崗廣場呢間好運泰國美食真係一個食地道泰國菜嘅好地方，入到去就好似被泰國嘅風情包圍住咁，裝修有種泰國色彩，又有啲小擺設，好有特色，感覺好地道。佢地嘅菜單選擇好多，好似虎蝦粉絲煲、招牌海南雞飯，同埋青咖哩牛等… 樣樣都好吸引。特別係虎蝦粉絲煲，味道濃郁，好夠火喉，虎蝦好鮮甜，粉絲夠入味，真係好正。而佢地個招牌海南雞飯就更出色，雞肉嫩滑，好有雞味，配埋個油飯簡直冇得輸，食落去口感一流，真係超好味。另外佢地嘅飮品亦好好飮，尤其是泰國奶茶好有特色，值得一試。總括嚟講，呢間泰國美食係一個食地道泰國菜嘅好選擇，無論係同朋友聚餐定係一個人嚟食都好啱！

夜晚八點半去到餐廳，岩岩到門口，一個肥肥地嘅女仔企係cashier位，見到我地就反白眼，但系有frd話上次黎過，野食唔錯，我地就照入去啦入到去我地落order嘅時候，個女人都keep住黑口黑面，然後我地叫嗮野食，叫野飲嘅時候，其中一個frd諗左一下（前後唔過五秒），個女人就反嗮白眼，又做出好嫌棄嘅表情，個下其實我地都覺得好莫名其妙，我地一直都好有禮貌，佢俾menu我地嘅時候，同落order嘅時候，我地都有講唔該，完全唔知點解個女人要黑面都咁然後到送餐啦，首先黎左碟炒飯，因為我地有兩個人叫左飯，所以朋友a就問個女人尼個係咩飯，個女人就態度好差咁講「咪你叫個個lor」，然後唉左聲就走...我地從係門口未入餐廳已經俾個女人反白眼，黑口黑面咁對待，最後係到我地到cashier埋單，尼個時候有個男人係度，態度幾好，應該係老細，直到尼個男人系度，個女人先無再黑口黑面最後只可以話野食普通，價錢又唔算平，但服務態度差到一個極點，請個個女人翻黎簡直係個錯誤

週末去了新蒲崗，又到午飯時間，有一陣子沒有食泰國菜，便去了新蒲崗廣場的好運泰國美食。蠔仔蛋餅 -想食蛋餅，店員推介蠔仔蛋餅。煎得酥脆的蛋餅內裡充滿著粒粒飽滿的蠔仔，鮮味又不覺油膩。泰式海鮮船河 -有蝦、青口、魷魚等海鮮，豐富，金邊粉掛上濃郁湯底，簡單美味。炒得夠鑊氣又微辣惹味的泰式雜菜。芒果糯米飯 -波波形狀的紫糯米及白糯米非常精緻，端上時還是微溫的，一口一糯米，配上鮮甜的芒果，入口軟滑。改良了較少甜的泰式奶茶，更適合港人口味。價格相宜又有水準的泰國菜，成為我去新蒲崗其中一個飯堂。

好運泰國美食 地址: 新蒲崗祟齡街33號新蒲崗廣場2樓C38號舖電話: =====================day 3 annual leave 繼續留港，enjoy me time 🤫，行去了san po kong 發掘一些小店在商場的泰國菜餐廳，好親民架價錢食lunch ,放假當然對自己好一點，呢度叫了主食，60幾蚊好多款附近返工放lunch 食岩曬，試了好多唔同架叫了$66 香葉肉碎飯加$10煎蛋，是店裡的推薦，辣辣地豬肉碎好香又濃郁，非常下飯。個芒果糯米飯好cute,黑白糯米搓成波波，好好食更煙韌。

如果唔係朋友住喺新蒲崗廣場，我就未必來搵到呢間名為“好運泰國美食”個餐廳，佢位於新蒲崗廣場的一個角落位，呢度上面係住宅，下面就係商場二合一的格局，多謝好友带我來😉😉😉有一排冇食泰國菜，所以都有啲懷念，咁朋友介紹到，一於幫襯吓。「泰式炒通菜」係我鍾意嘅其中一味，唔想太辣，要求咗小辣，餐廳都可做到，滋味不減；睇到隔離檯的黄咖喱菜式唔錯，所以點咗份「黃咖喱炒大蜆」，味道恰到好處，相當好味，蜆真係够大隻，好想叫多碟，唔好喇，都係等下一次😜「冬陰公湯粉」除咗蝦，仲可以揀豬，牛，雞，揀咗牛肉同埋河粉加少辣，享受到冬陰公的味道，又有大大片牛肉和喜歡的河粉，幾滿足又唔貴，勁抵食；「芒果糯米飯」亦非常之唔錯，同埋係雙色糯米飯，紫藍色飯應該係碟豆花，兩種顏色搭配零舍好睇，當然味道也不俗😊

今次同朋友二人嚟新蒲崗搵食,發現係新蒲崗廣場有間隱細小店食泰國菜,晚餐時間入內,先有個勁大既魚缸係門口附近,勁吸晴,安排了個舒適既坐位,先看看MEMU,有齊泰國菜既款式選擇都夠多,先點了泰式蠔仔肉碎泡飯同埋泰日炸物併盤,先到蠔仔肉碎泡飯,成碗勁多蠔仔好夠鮮味,唔錯,再上埋個熱騰騰既拼盤,上枱整碟賣相不錯,有皮蛋,蝦餅,雞卷,泰式雞翼,日式餃子同埋雞皮餃子,每樣都好好味,份量十足,喜歡!點了泰國奶茶入口同係泰國飲既一樣,好香茶味小小甜,另一杯青檸梳打,都唔錯! 最後點了甜品泰式千層糕,好傳統!熱食不錯!好香椰汁味!整體幾夠泰式風味,食物味道又唔錯,啱晒成班朋友嚟幫襯聚一聚既好地方!

中午約同事去新蒲崗的一家隱世泰國餐廳，聽說這裡的性價比很高，讓人期待。餐廳位於蒲崗廣告的2樓，進去後發現店面寬敞明亮，店員也很親切，讓人感到賓至如歸。我點了海南雞飯套餐，雞肉鮮嫩，搭配香滑的油飯，還有三款醬料，味道絕佳。飲品方面，我選擇了椰汁冰，椰子的香味濃郁，喝上一口特別爽口。同事則點了泰式金邊粉和龍眼冰，他對配料的豐富感到十分滿意，笑著說這是他吃過最好的一份。除了主菜，我們還點了泰式蠔仔煎蛋餅和泰式雞肉串，兩道小食都讓人驚喜，味道香濃，口感絕佳。最後，我們的甜品選擇了芒果糯米飯和泰式椰汁千層糕，甜品的味道讓整個餐廳體驗畫上完美的句號。一頓這麼豐盛的午餐，總共才312元，性價比真的高得驚人。食物不僅美味，環境也讓人放鬆。我下次一定會帶上家人再來享受這頓美餐！

平時黎開新蒲崗 大部份食店都喺室外地鋪, 呢日天公不造美 落雨濕濕, 入咗個商場仔避雨時發現咗呢間泰國嘢, 就決定食佢我哋叫咗泰式炭燒豬頸肉、泰式豬肉串燒、泰式炒金邊粉 (牛肉)，同埋泰式海南雞脾飯。最先黎係泰式豬肉串燒，上枱時仲覺得原來得一舊 好似有啲寂莫　但一啖落去　哇　唔係講笑 驚為天人個調味好得, 除咗平時泰式常見嘅酸酸辣辣汁嗰種開胃feel, 好似有落蜜糖咁有少少甜味, 但唔會太搶成件事出奇地夾, 舊肉都好juicy, 呢個再黎食的話必須要encore之後上黎嘅海南雞脾飯都好開心, 配油飯 但食落唔會好重味, 係好無罪惡感嘅油飯隻雞都唔算肥, 基本皮下面都係肉黎, 雞脾肉都好滑之後係炒金邊粉, 佢餸有三個選擇, 我哋揀咗牛肉, 佢default都仲有好多配料like豆乾 蛋絲 芽菜etc食落口感豐富唔會悶, 個調味都好食 酸酸哋幾開胃, balance咗炒粉本身會比較油嘅感覺最後仲有個小食 炭燒豬頸肉 default有個泰式酸辣汁, 只係少少少少辣吊味用, 唔食辣人士如我都食到, 豬頸肉唔會太油nice

呢間街坊泰菜，份量十足，平民之選。我哋叫咗炒椰菜苗、招牌海南雞髀飯、牛肉冬陰公湯粉同青檸梳打。先講個炒椰菜苗$68，份量真係好多，夠晒兩個人食！椰菜苗大大碟，炒得爽口，仲有少少焦香~~~招牌海南雞髀飯$74配日式麵豉湯。雞髀肉唔鞋，飯粒粒分明，飯量夠多。牛肉冬陰公湯粉$58，我哋叫咗少辣，湯底酸辣適中，唔會太辣。牛肉份量都唔少，湯底夠晒香濃鮮艷。最後個青檸梳打$24，酸酸甜甜，好似汽水咁爽~~~~