Video
Telephone
26629600
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
Recommended Dishes
今日喺火炭一個活動中心開會，開會開7點先散會，同事話食埋飯先返屋企，咁一齊喇，一齊過去駿洋邨商場1樓茶餐廳，可能屋邨關係晚上生意都比較靜，餐廳只有兩三成客人。燒鵝三拼飯，亞姐話係預設咗燒鵝、油雞、叉燒，無得揀的，叉燒唔係好似燒爐出品，似係焗，係唔同風味都好食，油雞切咗雞髀位置得3件仔，雞皮夠滑。燒鵝就比咗最肥近尾部位，係好香鵝油味，不過就無肉，有人最喜歡這部位，我喜歡啖啖肉唔多識欣賞，燒味整體味道唔錯。焗豬扒飯即叫即焗，豬扒軟軟炒飯底，上面有菠蘿、洋蔥、蕃茄茄醬芝士焗好香，灑咗香草落去，又係唔係個個人都會欣賞。
continue reading
今日和朋友去咗火炭買床品，不經不覺行到下午1點鐘，知道駿洋邨巴士總站有巴士出返尖沙咀，就行上去搵食，食飽先搭巴士出尖沙咀，駿洋邨商場店舖不多，但食店就有4-5間，我地選擇咗商場一樓嘅呢間好佰佰，店內都幾大但人很多，見兩個吉位即刻坐低叫嘢食，朋友叫咗個午餐，黑椒汁牛排腸仔蛋飯加凍檸茶。我就叫咗餐廳精選菜式，梅菜扣肉叉燒飯加熱即磨咖啡，好搞笑精選仲平過午餐，啲定價真奇怪。朋友話佢個飯都幾好食，我個飯甜梅菜，腩肉淋，叉燒就合格，價錢係合理。
continue reading
今早去行山，終點位於火炭工業區，又到午餐時間，想起月頭才到過的茶餐廳，位於火炭駿洋邨的好佰佰，就提議朋友近近地醫肚，今次我們坐在近窗的卡位，景觀開揚遠望沙田，都不錯。今日朋友點了午餐雪菜肉絲炆米，我試咗少少，味道都唔錯，係即叫即炒，有啲鑊氣，就係覺得水分多少少。常餐煎豬排蟹王麵餐配火腿奄列.丹麥多士豬排煎得香，蟹王麵軟硬適中，火腿奄列正常無特別，丹麥多士就好似普通多士，仲要烘得唔脆。最欣賞依舊係即磨咖啡，香濃。感覺環境衛生度比上次體驗還低分了一點點。
continue reading
今日喺火炭早收工搵地方食個下午茶， 今次 揀咗呢間屋邨嘅茶餐廳 -好佰佰， 店舖環境 乾淨企理光猛 ， 地方都幾大 ，行過門口見到餐牌 下午茶都幾多選擇同抵食， 我哋叫咗個乾炒牛河同星洲炒米。星洲炒米:即叫即炒， 裏面有蝦有火腿有 叉燒， 上面再灑咗 蛋絲， 都好豐富👍 香辣適中， 米粉質地夠乾身 好惹味。乾炒牛河: 上枱時熱氣騰騰 ，食得出 有鑊氣，牛肉鬆軟 唔會有根，河粉有嚼勁。凍奶茶： 茶味幾香濃，夠滑。嘢食幾好食，不過服務 就有待改善😅
continue reading
無論堂食定外賣，都係一樣差，食物質素都愈黎愈差，執外賣個個好似欠左佢咁，唔想有人幫襯其實就唔好打開門做生意，就算平都唔想在去比錢受氣，而堂食都係叫極都扮聽唔到，落張單慘過咩咁，足足等半個鍾先落到張呀，上菜又慢，同趕客無分別
continue reading