Gram Cafe & Pancakes

Open Now

Now Closed

Gram pancake,應該冇人唔識吧。猶記得以前去日本必食！仲要喺心齋橋嗰度排長龍。幾年前開咗嚟香港，就幸福好多！喺The One 4樓，好方便既地點。雖然貴過日本，但係心思思想食嘅時候都可以解饞。🥞超人氣招牌熱食梳乎厘班戟 $138絕對必食！呢款每日3次限定供應🤤每份有3大塊動L動L既梳夫厘pancake，厚身又非常鬆軟，入口即溶。配上凍忌廉、牛油、楓味蜜糖，忌廉香甜，豐厚口感，牛油香同蜜糖都上乘好味❣️2個人/3個女仔share啱啱好💓🦖歡笑兒童餐$5858蚊成個餐都幾抵，鐘意恐龍小朋友最like!有迷你原味同朱古力班戟串、牛油粟米杯、田園沙律、香煎日式雞肉棒，小朋友乖乖食晒，食到底就見到個cute cute恐龍碟。🍨鮮果乳酪梳乎厘班戟芭菲$98竟然實物比佢幅相更加吸引❣️芭菲杯上面一球雲呢拿雪糕，中間豐富嘅忌廉加生果，仲有幾塊迷你班戟，芭菲杯底係士多啤梨味嘅乳酪。好難對呢個咁靚咁吸引既芭菲抗拒吧😋

Gram Cafe & Pancakes (尖沙咀)尖沙咀彌敦道100號The ONE 4樓L408號舖可算係第一代過江龍既pancake起碼開左無十年都有八年既gram pancake Menu 從7、8年前一既百零蚊同而家一樣百零蚊既價錢所以咁計，係好多抵食超人氣招牌熱食梳乎厘pancake $138每日限定次供應Pancake 非常鬆軟入口即溶 配上凍忌廉 牛油 蜜糖香甜可口 配搭一流咁多間pancake，始終都係佢最好Set lunch 蟹肉忌廉意粉$78Set lunch可以選飯或意粉，仲有all day Breakfast 全部都唔過$100意粉軟硬剛剛好，上面有明太子和蟹肉材料多、味道夠Lunch set 仲有飲品扺食地點喺The One，非常方便餐廳坐得舒服食pancake食lunch不可錯過

回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰💰（TTL $237.6，人均消費$118.8）環境質素：☘️☘️☘️日本人氣班戟餐廳Gram Cake & Pancake已經登陸落咗香港一段時間，趁住時間尚早，唔使排隊，小妹一於把握機會去試試😊。士多啤梨流漿班戟 ($118)將膠片拎開之後，厚厚既cream好似岩漿咁散開，賣相非常吸引😍 班戟中間有一層海鹽味吉士，岩漿既味道會類似芝士奶蓋，食落唔會太甜，絕對係今期必食之選👍*溫馨提示：呢款班戟每日限量供應，記得問清楚店員仲有冇呀😉。蛋沙津巴馬火腿班戟 ($98)第一次食鹹味班戟，估唔到非常有驚喜🥹薄身煎餅皮包住蛋沙律，下層就係近似於熱香餅既班戟，再配上Parma Ham，鹹甜交融，味道同口感都非常有層次👍

辛苦咗一星期，為咗獎勵自己約埋同事一齊放工去尖沙咀The One食非常有名只買pancake嘅日本過江龍餐廳。未入去，已經見到外面有好大個pancake公仔。餐廳設計到好似後花園一樣，以綠黃色設計，非常悠閒舒服，令人心情喜悅。今日仲要唔使排隊，就即刻入咗去坐低，叫咗佢哋招牌嘅疏乎厘pancake，仲要每日限定。招牌疏乎厘 pancake三層厚厚超有空氣感的梳乎厘pancake，超有彈性。因為梳乎厘有啲傾斜，店員即刻用支叉喺碟度墊到令疏乎厘平衡，果然係疏乎厘專門店，對pancake超級呵護。一食落去鬆軟口感，入口即溶。蛋味超濃，Cream 亦好輕盈食落唔會膩，淡淡嘅奶香，再加埋糖漿非常好味。食完一嚿會唔夠想再嗌多一碟。焦糖脆脆 $118上菜後大家諗咗好耐，因為個甜品比玻璃紙包住諗緊係撕開佢抽起去定點。一問之下，店員話要，即刻去先戰抽佢出嚟。一抽啲cream就跌落去個迷你pancake上面打卡非常一流食落唔會太甜，連埋脆脆口感豐富。仲送上一塊咖啡餅，好吸晴

高級商場低檔舖頭一個客都無，仲擺covid隔離板，好核突。食完晚飯3個人想食甜品，一座低就話要一人點一份。已經好飽，只想食少少甜品。擺明覺得自己間野有名氣，寧願無客都唔做細單。多客人就明姐。明明無客都不識變通，呢間野遲早執笠。

係尖沙咀食完晚餐想食下甜品，發現到呢間日本人氣班戟店，即刻思鄉病發作🤭🥞招牌梳平厘班戟 $138黎到呢度點可以唔試下佢哋既招牌班戟，即叫即做，入口即融又夠鬆軟。口感軟綿綿，配合上佢哋既糖粉、糖漿同新鮮忌廉，甜度更多層次、三層層層都好厚，空氣感十足🥞意大利芝士蛋糕班戟 $118滿滿既朱古力粉，一樣有三層，但口感比較結實。班戟之間加入cream cheese，同招牌款有強烈既對比店舖裝飾都小清新輕鬆感，座位之間都有足夠空間，適合姊妹打卡談心

嚟自大阪嘅超人氣班戟店，主打多款口味嘅Pancake，另有梳乎厘、芭菲、主食、飲品等供應。店內裝潢簡約，採用植物元素點綴，感覺舒適，而且地點方便，經過可以一試呀。提拉米蘇班戟有三層，濕潤度適中，中間夾住邪惡嘅吉士醬，面頭灑上朱古力粉，再用塊朱古力做裝飾。味道比想像中甜，個人好鍾意。食落層次感豐富，一個人食啱啱好。想外賣嘅朋友仔可以要特定嘅外賣班戟，一盒有五件，亦可單點。口味分別為草莓、肉桂蘋果、焙茶、開心果、抹茶、朱古力同原味。每日限量供應，咬落鬆軟，忌廉入口幼滑，性價比高。

今日食完飯，去咗食甜品。其實之前成日經過The One，都見到有間疏乎厘好吸引，但係就一直都冇去試。今日終於有時間，可以食吓佢嘅三層梳乎厘。Premium Smile Pancake $138見到佢都有好多款唔同嘅pancake，今次就叫咗佢呢一個每日限量發售嘅款式。佢分咗三層，而三層都有唔同嘅味道。最上面嗰一層就係雜果加cream，生果種類有甜有酸，混合埋一齊味道都幾夾。中間嗰一層係朱古力，不過我就略嫌佢啲cream有啲太多。而最底嗰一層就好特別，係一粒流心蛋，食到最後突然間見到有啲蛋漿爆咗出嚟，都好驚喜。而味道上面，粒蛋浸味都好出，呢個配搭有啲奇怪之餘有幾特別，鍾意食甜品嘅朋友不妨可以一試。😎

3 assorted penne雜錦長通粉班戟🥞呢款pancake唔係甜品，而係一款正餐啲Bacon燒得香噴噴，但唔會過於乾，仲帶有少少肥豬肉，口感豐富，咬落去好有層次而且搭配咗三文魚，味道非常平衡，不會過於鹹最特別嘅係長通粉，係用肉醬長通粉味道濃郁，但唔會太膩，長通粉煮得適中，啱啱好入味當然有最出名嘅pancake蛋香十足，又有淡淡嘅甜味想食pancake又驚自己食太多，不妨直接食佢做正餐😜Gram Cafe & Pancakes (尖沙咀)📍 尖沙咀彌敦道100號The ONE 4樓L408號舖#gramcafeandpancakes #foodieintern學英文👩🏻‍🏫 #尖沙咀 #尖沙咀美食 #pancakehk #雜錦長通粉班戟

之前bookmark 了好耐的日本過江龍 - 人氣梳乎厘班戟Gram，終於有機會試試！Gram 的梳乎厘Pancake有多款選擇，今次決定試試「招牌梳乎厘班戟」。店員將Pancake送到時，見佢「搖搖欲墜」，就睇得出其輕盈蓬鬆柔軟，充滿空氣感。當你打卡打咗10分鐘，Pancake仍能保持原狀，一啲都冇塌下來，不得不讚廚師的技術👍🏻Pancake軟綿綿，入口即化；同時蛋味濃郁，並夾帶淡淡的奶香，配上蜜糖及忌廉一齊品嚐，令人一口接一口食唔停，好好味😋

超人氣招牌梳乎厘班戟，梳乎厘班戟新鮮出爐，暖笠笠，有成三層厚身嘅梳乎厘，騰騰震上枱！食落口軟綿綿，充滿空氣感！自己因個人喜好加入糖漿，配埋新鮮嘅忌廉，幾好味！紫薯火山流漿班戟，一上枱就已經好吸睛！輕輕力拉起膠塊，紫薯流漿流哂出黎，好靚！口感綿密嘅班戟入面有滿滿嘅紫薯蓉，好香！甜度適中啱啱好，好好味！餐廳舒適，上菜速度都好快，梳乎厘全部都係即叫即製，甜品質素幾好，難怪好多人都係嚟食呢度嘅梳乎厘啦！！

平時好鍾意周圍食疏乎厘班戟，會周圍試吓邊啲好食，但都未試過難食到要寫食評。今日咁啱去尖沙咀有時間就試吓呢間日本過江龍。開頭佢就有min charge，每人要嗌一個item。就嗌咗一個疏乎厘班戟同埋一份焦糖香蕉班戟。但係個疏乎厘班戟份量好細，先得平時嘅一半，唔值138$，最低嗰層有個流心蛋好腥，真係食到反胃。焦糖香蕉班戟又乾又硬，好似煎起咗好耐咁，得個cream過到關。呢間真係經驗咗一次就算🙂‍↕️ 。

今日終於去咗尖沙咀一間好想試嘅甜品店Gram Cafe & Pancakes，每次路經都好想食，今次終於有機會嚟試下．🥞 我哋二人叫咗招牌梳乎厘班戟 ($138)同士多啤梨流漿班戟 (Strawberry Cream Volcano Pancakes)（$118）。呢度嘅梳乎厘班戟真係名不虛傳，入口即融，口感非常軟熟，係梳乎厘班戟迷一定唔可以錯過嘅好地方！💖 招牌梳乎厘班戟有三層，造型靚得嚟好大件，上面仲放咗一塊牛油，同埋一杯蜜糖同cream做伴碟。食嘅時候可以自己調整甜度，真係非常貼心。梳乎厘班戟鬆軟又順滑，配埋cream一齊食，口感更加豐富，甜度啱啱好，食曬都唔會覺得膩🍯🧈。 至於士多啤梨流漿班戟，移走膠片即有流漿傾瀉，好有儀式感📸。士多啤梨流漿唔會太甜，帶有淡淡嘅奶味，非常滑溜，中間夾住濃郁嘅吉士醬，配上鬆軟綿密嘅班戟，真係絕配🍓🥞。呢款流漿班戟系列真係好受歡迎，唔試唔得！ Gram Cafe & Pancakes 📍尖沙咀彌敦道100號The ONE 4樓 L408

早排星期三同同事特登落The One嘅Aeon買嘢，貪佢有超級星期三特價🤭買完平嘢就順便喺The One食lunch，想食埋甜品，所以揀咗呢間。-唔算太肚餓，所以嗌咗個All day breakfast（lunch set$88連熱/凍茶）同埋tiramisu pancake ($118) share食~ 原本以為All day breakfast份量好少，點知原來炒蛋下面收埋兩塊pancakes，炒蛋同煙肉配埋pancake食好正👍🏻沙律菜都好爽脆，食得出好新鮮～-最正係個Tiramisu pancake，滿滿嘅朱古力粉鋪喺面，Pancake與pancake之間有好多cream cheese，食落去有平時食Tiramisu嘅感覺🤤份量都幾大，建議同朋友share試吓唔同嘢～

行開the one，想食返個甜品，於是就黎左4樓呢間Gram Cafe & Pancakes～呢間係黎自大阪既pancake店，同朋友坐低叫左一人一款pancake share 食😋1️⃣石板街班戟（$118）呢款係偏厚實type既pancake。造型好靚😍朱古力味既pancake中間一層夾住忌廉一層夾住吉士醬，面頭撒上左層可可粉，朱古力味唔會好甜，另外仲有啲藍莓、棉花糖係碟邊。2️⃣雜果朱古力班戟（$108）有三件既pancake，配上面頭繽紛既切片水果，再淋上圈朱古力醬，呢款味道會冇咁重，如果想味道同口感豐富啲，可以蘸埋佢既忌廉一齊食😚佢既忌廉奶味幾香，而且係偏輕身既質感👍