泰巷 (將軍澳廣場) (Closed)

國慶假期，不敢到外地旅遊，一於留港消費。就在星星戲院看戲後，到附近餐廳晚餐。看到這家泰國餐館，平日晚市會有很多客人在排隊輪候。今天竟然很少人在等候，真是机會難得，全家就在此晚餐。一行五人，於卡位就座，其一位擔櫈仔，坐主席位。點了二個啤酒餐，另外散點几款。　芭提雅燒雞　　　看到很多枱客人都點了這款燒雞，也要來一份。這個外表平平無奇的燒雞，雞脾位的滑溜部位，就留給母親大人，自己則取雞胸。雞胸肉竟然保持鬆軟嫩滑，不乾柴，没有攝入牙縫。就連雞胸肉都如此美味，相信雞脾就更加正了。全家都覺得燒雞好好味呢！　　泰式明爐冬蔭烏頭鍋　烤魚没有期待那般好。烏頭早已煮熟，待上枱前再加入冬蔭公湯底。　　　招牌無骨海南雞飯　　海南雞很正常。而那個接近螢光黃色的雞飯，没有黃薑味。　　風味豬頸肉　　　泰味蝦頭膏鮮蝦炒飯　這個飯很惹味，每人分一小碗，很快的把蝦膏炒飯消滅了。　香辣魚餅酸辣無骨鳳爪　　　　1664 BLANC啤酒大大支，食香口美食，當然要飲番杯啦。要有技巧地倒酒，造出一定份量的泡泡。　　幸好今天客人不多，無需等位，相對職員的服務是正常。　如果唔洗排隊等位，才會考慮光顧。

侍應態度十分差勁，甚至轉個頭黎寸返顧客。不知所謂！！如果大家想試下佢地啲態度，請去試一下幫襯！！野食方面都唔好，講都無用，唔信的話大家入去比錢自己試！比錢買難受！

剛開業時去過兩三次，食物水準還可以，服務態度尚算正常，但因為經常排長龍，所以好耐冇去。直至上一個月再去，唔洗再排長龍，而且仲有吉位，心諗同剛開業時差咁遠？！呢次食物質素已經好一般，只有泰式明爐鱸魚還好，服務亦不見得非常差。但是晚晚市時間再次光顧，叫左個四人餐，湯要左冬蔭公，個湯鹹到平時重口味嘅本人飲左兩啖都頂唔順要倒左佢... 主菜要左泰式明爐烏頭同肥牛海鮮鍋，兩個嘅材料都一般，魚本身已燒過，唔係新鮮嘅，湯底亦好鹹... 都算啦，照食，食完個個都咀唇同牙都黑哂，唔知係唔係個爐甩色... 餐仲有個菠蘿炒飯，啲菠蘿壞嘅，一朕臭味...野飲要左兩個椰青，加左$26*2，點知黎左一個，個面落刀切嘅位全部菌哂黑色邊，好似發霉咁，叫其中一個年紀比較大嘅職員同我地換過個，佢話第二個都係咁架咋，我地堅持話要換，點知個女職員話“種過個俾你好唔好？！“，而家做服務業原來可以咁架？食客黎食飯定受氣？全晚我同屋企人一齊受左佢氣三次，聽到呢句終於忍唔住要鬧個女職員，其他年輕職員完全冇問題，返工已經要受氣，連出街食飯都要受氣，最後因為食物品質已通報相關政府部門，我打呢篇野就係希望唔好再有受害者...

兩個類似經理嘅物體非常無禮貌。態度惡劣比一般茶餐廳仲要差好多。食物已經普通加埋負分服務： 唔再幫襯。大家小心唔好上當。俾錢食野無理由要受氣！！！！！!!!!!!!!

和同事中午到泰巷食飯第一次來嚐 挺失望 應該不會再來叫了個海南雞飯味道和份量都不行照片看還好 上菜那一刻親眼看 份量少得嚇人先説雞吧 不太嫩 但還能接受 不算糙油飯普通調味醬差勁 酸辣汁味道不突出 黑色甜醬甜 有怪味花生就普通花生 充撐三間醬料盤的一格五十多塊近六十塊 份量少 味道差 真的不推介環境是店舖比較好的一點 商場內 正常舒服服務普通

2017/09/08Grand AvenueThai cafeDinner2人餐配泰式併盤因為之前試左幾次個豬手幾好食，今日帶個朋友仔係度食晚餐，點左個二人餐首先上既飯前飲品係泰奶茶（聲稱是泰國入口烘焙茶葉）雖然一入口很甜，但之後出現淡淡烘培茶味。飲落都幾滑，值得推薦，只是分量太少小食拼盤第一款雞串有雞味。第二款春卷中包有羅白，椰菜，青豆，算炸得幾鬆脆。最後一款雞肉包 爽口彈牙。漿汁包括紅色的甜酸漿和啡色的沙嗲漿，個人較喜歡沙嗲漿。炒飯微辣，飯較飲身，容易入口，多料有口感豬手煲個人對豬手要求高，但佢唔太腥，汁很入味，唔太lump，豬手軟硬度掌握都好好，口感像啫喱。南瓜湯味道ok，但部分南瓜未變軟，較有咬口總體而言，呢個二人餐係值得推介既! 分量超過二人份量而且幾好食又有特色！抵食！

差劣。有一味生菜包漏了單，一小時才出，肉碎白水色，水汪汪，賣相驚人，入口極咸，相信大厨走了？但女部長不道歉及黑口黑面，衹取消單矣。另男部長收多了啤酒錢，指出後，他找錢時將錢及碎銀拍落櫃面，態度十分十分差劣。他們是否人工太低，或是公司的待客指引，大家一齊趕客，工作便不忙了！差劣😠😠😠😤😤😤

今天與家人約下午2:15到將軍澳廣場泰巷下午茶，等了半小時才有位，這是可以理解的，因我們共六人而店內只有很少大枱，入座後立即點食物，等了20分鐘食物也未到，我們追時店員話廚房做緊，再過了十分鐘，店員跟我們説廚房有問題，所有沒有東西吃！等了半個鐘才告訴我們冇野食，加埋等位時間共浪費了我們一小時，今時今日竟然有如此餐廳當客人係儍瓜！店員有道歉, 但說不是他們問題，係廚房問題，我們可以投訴！好，從此black list這間垃圾餐廳！

在香港要吃泰國菜幾乎每一個人都會推介到九龍城但其實除了九龍城外不少地方也有較平民化的選擇今次嘗試的泰巷坐落在將軍澳廣場西式的設計較不少泰菜店坐得舒服先來幾乎是每一枱都會點的明爐火山燒冬蔭海鮮肥牛鍋看賣相已覺十分吸引海鮮也相當足料有蝦、蜆、魷魚、青口等等冬蔭功也十分惹味絕對是必叫之選美中不足的是今天的蜆有點沙泰式明爐冬蔭鱸魚同樣是熱門之作爐魚相當大條炸過後帶油香的魚肉味道也不錯點著冬蔭功湯底吃味道頗佳可惜的是爐魚只有配冬蔭功湯一個選項但兩道菜的湯和底料(菜、金菇、粉絲)也一模一樣吃著有點重覆的感覺炸蝦餅拍的時候已剩下一件熱辣辣、蝦味濃喜歡蝦餅的話我會推介單點蝦餅而不用點拼盤這個泰味蝦頭膏鮮蝦炒飯則相當平庸一點蝦膏味也沒有令人頗為失望另外點了一個海南雞豬手拼盤雞頗滑但太咸而且份量偏少不太建議點今天點了的數樣食物不是每一款都是水準以上但總括而言都是不錯的另一缺點是單點食物沒有加配飲品的選項若想品嚐泰式飲品就只好點套餐了

將軍澳區唔算多泰國餐廳選擇，今次試試依家～ 各方面表現平均， 味道環境尚可，價錢適中，一是無妨！ 今次試左：脆香泰式蝦餅- 新鮮熱辣嘅！傳統風味豬手- 啖啖肉，唔係得層皮，值得一試！咖喱布吉香辣牛肉配自製麵包- 分量較少，牛肉冇乜，但自製麵包好食！泰式凍檸茶- 特別泰式青檸味道～未試過要試吓！

三個人食飯，叫咗幾碗粉同埋條魚成日經過呢間已經見人食，用鐵板熱住條魚，好想試好耐，果然冇拎我哋失望條魚本身已經炸得好香脆，我個人最鐘意係當佢未同個湯撈勻嘅時候食啲魚皮，因為會好香口份量好大好多料，入面有金菇，木耳，車厘茄，白蘿蔔，蔥，芽菜，粉絲,etc好多香料，拎到成盤係咁滾住香辣惹味啲魚浸落個湯度完全索哂啲味，魚肉好嫩唔會鞋，加埋啲索味嘅配料一齊食真係正因為我哋開到最大火係咁滾，所以啲水好快收乾哂，唯有叫店員繼續加湯，估唔到店員拎嚟嘅竟然係冬蔭功湯加完味道唔單止冇淡咗，仲好似俾一開始更濃，啱哂我哋咁重口味

Happy Friday和同事外出午膳，再次到這家很久也沒有去過的餐廳。記得之前這家餐廳在午飯時間人山人海，廚房及樓面也比較混亂，所以沒有甚麼期望。我們一行六個人在等候的時間已經看過放在門外的大餐牌，最後全部人都點了扎肉豬排河粉。我本身喜歡吃辣，所以點了冬蔭功湯底，而小食則選擇了野菜卷，放棄了之前吃慣了的酸辣鳳爪。這邊的冬蔭功湯底的味道一向不錯，香料加上酸辣味的配搭更加開胃，而扎肉的厚度、數量及豬排的份量也令人驚喜，最重要是河粉吃起來不太油膩，減輕了飽肚的感覺。野菜卷也是值得一讚的，吃得出來是即點即炸，而餡料也有豐富的蔬菜，可算是假期前的guilty pleasure。套餐還包括了一杯飲料，用餐的環境不會太擠迫，而服務員的效率及態度也有所改善，這個真是簡單午餐的不錯之選。

三個人睇戲前試一試哩間平時好爆既泰巷時間七點幾尚早唔洗等,直接有位2人餐加小食/散叫都唔平,所以直接叫個四人餐加多份蒜蓉包冬蔭公海鮮湯,成餐入面最辣,好開胃,而且足料,多海鮮,蝦,青口,魷魚,蜆個泰式拼盆就一般般,無咩特別吸引既地方,肉質略微乾左小小蒜蓉通菜,正,爽口,蒜味夠咖喱軟殼蟹加多份蒜蓉包,軟殼蟹有2-3隻,幾厚肉,蒜蓉包就乾左小小同埋咖喱入唔到味,但剩軟殼蟹都加左分,個人幾推薦原個菠蘿炒飯,正常水準,不過都係好足料,大大份明爐烏頭, 試左少少都好厚肉同入味,我個人唔太好魚,但兩個朋友就大讚,中途都有侍應主動為我地不停加湯,服務幾好最後重有試左杯泰式奶茶,比港式既甜d,幾特別,可以試試總結黎講泰巷整體食物同服務唔差,食到近8點都開始滿座,可見幾受歡迎坐左近兩個鐘都無俾人慛交台,侍應又唔會扮睇你唔到,環境又唔迫價錢就唔算平,將軍澳食泰國野黎講算係唔錯既選擇

依間 thai food d set 都幾平成日都好多人排隊, 都等得幾耐下感覺 d 店員做到冇停手好忙不過態度好好冇咩 o野o野食就普普通通 o甘 la, 冇咩特別生蝦刺身還可以~串燒一般

今日假期見到這間餐廳無人排隊，所以入去叫了三個午餐:兩個火車頭湯米粉，一個香茅豬扒飯。平日晚市見這間餐廳很多人排隊，真係無諗到這幾個午餐可以如此難食，除了味道，更可以話係完全無心機煮，但都要收$65一位，一點也不便宜。火車頭米粉的餸全部碎得可憐，加上兩片細過手版薄過紙的牛肉及像青瓜絲幼的雞絲，慘不忍睹。湯底又差，衰過即食麵味精湯。香茅豬扒飯仲衰，豬扒已經細件，仲要炸到成舊炭，點食?如此質素，絕對唔會再幫襯!