君逸飯店

Open Now

Now Closed

食物中毒!!!12月2日下午時段兩位叫左鴨瀨、鮮蝦韭菜角、燒賣、蝦餃及叉燒腸，食完之後兩位數小時後都出現嘔吐、嘔心、發冷、四肢乏力、肌肉痛及頭痛跡象，我本人今日上午甚至暈低左係屋企走廊。估計係叉燒腸出問題，因為我同行另一位當日已經指出叉燒有粟味，而大家當日都有份食既菜式只有鮮蝦韭菜角同叉燒腸，而鮮蝦韭菜角係炸野估計唔會出事，今日12月3日我仲係臥病在床未康復而另一位已經好好多，應該係因為我食左5件叉燒腸佢食得一件所以佢冇咁嚴重。諗住幫襯既人自求多福!!! 你只能活一次!!!

蒜蓉開邊蝦，實際是蒸蝦米，食刀工，連咁細蝦都可開邊，勁！ 轉左手，灰晒，叫左3 個小菜，無一個正常. ..啫啫通菜煲，職安建意識好強，個煲太熱，要分開，來到埋桌才合拼 不會再來，列入我的黑名單

尋日去朋友屋企食晚飯，諗住加料上去。呢間野既叉燒之前都買過好多次，味道算唔錯，所以再去買一次。因為之前都買過好多次，不過多數買一條免切，今次買一斤唔記得講免切，就咁出事。同佢講要半肥瘦叉燒，當打開時簡直晴天霹靂，正常叉燒得一半，其餘全部肥膏，根本食唔到😡。之後我打去間野搵投訴，佢大聲夾惡話呢d叫腩叉，完全唔覺有問題。我就話乜野腩叉呀，全部都係肥膏，況且我係叫半肥瘦，之前買一條免切都唔會俾d咁既野啦。你咁樣講，不如話係我要半肥瘦，所以咪俾一半肥一半瘦你囉🙄。希望滿東邨或街外人，去呢間野買燒味時，切同免切都一定要睇住佢，最好即時開黎睇，如果唔係好易俾佢呃。做街坊生意都咁唔老實，希望間野早日得到教訓。

限聚令終於解封至容許八人聚會，今次決定同屋企人食呢間屋村街坊生意酒樓補祝母親節🏠💕片皮鴨要預早一日訂📞盛惠HKD 148 ，可加HKD 58 二食，可簡涼瓜炆/枝竹豆卜炆，份量好足，非常抵食。鴨皮充滿油滋香氣，適量脂肪顯得鴨脂比例均勻，伴上青瓜和大蔥，減低油膩感，而且面皮比較厚身，起身有20塊，誠意之作。💕 每人都有自己既包法，我就鐘意用糖蔥餅咁包。😋 總結： 誠意之作 抵食之選#東涌#滿東邨#君逸飯店#片皮鴨好好味#面皮#份量多#誠意推介#親民價格

好抵食 早茶$36 一盅飯或者粥 再加籠點心 餐牌冇影🤪真係好抵 點左盅鹹魚蒸肉餅飯 蠔油鮮竹卷 $6茶錢 可以轉其他熱飲 不過平時已經飲得多 試吓飲佢啲茶 叫咗壺普洱 相比之下 飯最好食 蠔油鮮竹卷好爽口 新鮮熱辣 即叫即蒸 食到辣親 不過唔緊要 最緊要好食 下次應該食牛肉球 呢間茶樓嚟過好多次 點心方面最出色 其次午餐碟頭飯 不過每次午餐我都會謚點心拼盤 推薦你哋午餐食點心拼盤 $43連熱飲(凍飲加$3) 再送埋碗湯 不過就冇茶選擇

東涌多了不少屋苑還未到訪過在內食店，這天走到去新邨內的君逸飯店吃Late Lunch！選上它最主要看上有點心供應喔！ 餐牌有很多選擇有茶餐、潮式粉麵、燒味、炒粉麵和點心等十分多元化，而且價位相當親民好抵食，跟餐凍飲加＄3熱飲免費奉送不過質素一般！ 點心選了好味馬拉糕＄20賣相不俗耶！吃下口感鬆軟甜度恰好好味道啊！ 家鄉鹹水角＄15上檯時熱騰騰新鮮熱辣，外層是香脆不油的但少了鹹水角應有煙韌口感，而內餡味道則屬正常！ 燒鴨湯瀨＄29還要碰巧是鴨脾真心抵，燒鴨皮香肉滑質素不俗，可惜湯底完全沒味道很失敗！最差的是吃罷才驚現燒味師傅沒帶口罩(滴汗中)！ 我原先點雲吞河粉怎料售罄！侍應建議轉水餃湯河＄33心想也愛吃水餃沒所謂吧！來到時呷一口湯只嚐到鹽水的味道，水餃吃下充斥濃濃的怪味十分難食，這碗粉絕對是切頭切尾的惡啃！看來還是吃點心好了！！

伙記姐姐太污糟，每次到這裏食飯，一帶着一對藍色 即棄膠手套走天涯，拿空垃圾袋後，不棄掉手套，攞碗時整隻手掌放入碗水 ，奉飯給客時，手指掂着飯，太恐怖，大不衛生了，就算幾好食都係假

自從逸東村酒樓暫停⏸️營業，除左去東薈城飲貴茶都無咩地方好選擇，好彩怡家滿東村多左間平民茶樓，做下退休老人🧓都不錯。今天是星期六，茶芥都係6 蚊一位（早晨優惠），最抵小點：HKD 17， 中點：HKD 22，大點：HKD 27，特點：HKD 32，仲有早晨孖寶配，一個飯/粥配一個點心都是30頭，都比較化算。😍普洱茶🍵得個顏色無咩茶味，好似有色既水咁，麻麻地，只係一個大茶包。點心係自設工場，保證即叫即蒸。絕對新鮮。鳳爪排骨飯： 鳳爪同排骨都好焾身入味，飯粒比較乾，要加多點豉油先可以撈飯。不過不失。潮洲蒸粉果：香氣撲鼻，用上沙葛、花生🥜、韮菜碎、豬肉碎、蝦米為餡料，好豐富，表皮蒸至精瑩通透。燒賣：粒粒飽滿，滿滿比較瘦既豬肉，好扎實既燒賣，吾會咁油膩。蜜汁叉燒包：竟然用上瘦豬肉，一點肥膏都無，個人比較喜歡💕好夠蜜汁😍總結：價錢親民 味道不錯唯茶種有待改善

呢間餐廳開喺滿東村，附近比較少餐廳，以性價比來講，呢度唔算貴又比較好坐。餐廳有兩層，枱與枱之間空位足夠，唔會好迫，樓上係一間「小茶樓」，有大圓枱，同普通茶樓分別不大。食物賣相幾好，色彩繽紛。味道合格，燒賣唔會話有濃香肉味，但係唔難食。鮮竹卷比較結實，有咬口，唔會散修修。油菜比較乾，落豉油食都可以接受。不過個茶就冇乜茶味，係有色嘅水，如果啲茶葉靚啲會比較好。埋單$50一個人，價錢適中，算係一個午飯嘅理想地方。