銀杏館 婆婆廚房

Open Now

Now Closed

在生日前一天和女朋友到銀杏館吃晚飯, 除了簡單而健康外, 感覺也為這晚飯在支持社企上, 加添額外的小小意義. 無論點甚麼小菜也好, 也附上有機蔬菜沙律吧, 我最喜歡的是芽菜的爽脆, 還有紅糙米飯, 真夠健康. 主菜點了豉油雞和椒鹽鮮魷, 味道比傳統小菜點少鹹也少油, 但並不代表味道淡然無味, 前者豐汁帶有甘點, 雞肉嫩滑帶鮮味; 後者的魷魚也很新鮮, 有趣的是切得比傳統細粒, 也許是為了方便長者進食吧! 上菜速度快, 價格也頗商宜, 還有Root Top的境色, 比起其他油塘的食肆多了一點特色.

星期六第一次黎試下呢度，午餐是半自助形式，每人揀一個主菜，就可以享用自助沙津，紅米飯，粥，湯及飲品。🥘我地叫個兩個主菜，分別是醬油雞和香露蝦。兩個主菜都好味，餐廳標明少油少鹽，但個人覺得略咸一點。🥗沙津吧選擇不太多，車厘茄，菜，粟米，大豆芽和青椒，紅腰豆，但都好新鮮，有沙津醬同黑醋可添加。🥣個湯都好好飲，味道清甜，見到材料有紅蘿蔔和牛蒡，不像平時街飲的湯油淋淋。☕️飲品有咖啡，柑桔蜜和洛神花蜜。驚喜的是柑桔蜜和洛神花蜜都是不甜的，只有食材本身的味道👍🏻🌻呢餐午餐好滿意，好欣賞支持長者就業的理念，當日餐廳的侍應服務都很好，我地睇緊餐牌的時候都有走來問我地是否第一次來，並介紹如何點餐。Openrice上見到原來還有其他分店，希望下次再試埋其他分店😆

坐在室外吃中菜，在涼風下與三五好友暢談，一樂事也。這是一間由社企經營的餐廳，餐廳的職員非常友善及貼心，詳細介紹餐廳的菜式。我們點了三碟小菜，包括雞、魚和咕嚕肉，很美味，再加上任吃的沙律和無味精的素菜湯，物超所值！餐廳的員工都是長者，他們待人親切，令人有回家吃飯的感覺！在這樣舒適的環境用饍，吃著冇味精的住家菜，心情也感舒暢。這餐廳的性價比高，我和朋友相約再來這裏相聚，試試餐廳其餘小菜。大家不妨來支持這間用心經營的社企。

已是第二次來光顧，起初只是為了支持社企，但食物味道卻令人有驚喜。今次和家人來吃晚飯，叫了醬油雞和三鼓蒸黃花魚，家人對醬油雞讚不絕口，肉嫩滑而醬汁美味，我也同意只是稍嫌不夠熱。我更欣賞蒸魚的三鼓調味，十分開胃而且條魚也幾大又多肉自助沙律的菜也新鮮，總括是性價比高的一餐

呢間餐廳係半自助形式。你揀咗主菜，可以係自助吧度無限拎沙律／湯／飯／粥／飲品。特別想highlight嘅係佢嘅飯，湯同飲品飯係紅米飯，好健康😊湯係齋湯，好清，好甜😊飲品我飲咗柑桔水，好清甜，佢係用咗大量柑桔浸嘅味，唔係沖粉或者濃縮果汁嘅味。呢個係加分位！☺講返主菜先，我叫咗豉油雞。比較濃味。佢有少少生，呢度扣咗少少分。😖😖

星期日去咗油塘食午餐。估唔到假日都有lunch set（不過假日就要加一，平日就唔洗加一）。我叫咗蒸蛋飯。個蒸蛋好高質！用作大碟蒸蛋所以快熟啲，啲蛋滑啲。另外佢加咗南瓜蓉同蔥花，豉油另上。好高質，好送飯，同埋好健康。如果屋企無煮飯，呢個係一個好好嘅選擇！

去大本型最高嗰個空中花園 原來有一間半自助餐 嘅舖頭 佢請咗好多退休人士做樓面，應該係社企黎嘅。餐牌有好多選擇,照顧到素食者同肉食者。大部分餐50幾到70幾蚊。如果你食蒸魚嘅話就貴d,要80幾90蚊。佢有沙律吧同飯畀你無限添加，我覺得性價比超高。我叫咗茄子魚塊，有d鹹同有d油，幾送飯嘅，不過下次想試下其他多d。

家庭樂最大嘅煩惱就係要搵到一個大人細路都開心嘅地方，又要舒服又要有細路岩食嘅野，但大人都想有d新鮮感，同埋會想呼吸下自由嘅空氣～今次嚟大本型，無疑係因為樓下有Playhouse，樓上有好野食＋公園，對於小朋友嚟講係安全遊玩空間。哩道有d套餐係包埋自助沙律吧＋飲品吧＋糖水＋湯～雖然未必食到好多轉，但bouns嘅野有就會好開心！黑醋紫薯咕嚕肉：份量唔細！同平時菠蘿咕嚕肉有d唔同，相對無咁甜口，小朋友仲幾中意食d紫薯，加上酸酸甜甜，最岩就配飯食！白玉黃花：顏色翠綠～賣相好靚，蛋白滑～就咁睇以為又係輕輕燙下嘅西蘭花，好驚佢又生又硬，但入口原來岩岩好，仲有調味～唔係Hea煮～我地唔覺唔覺連配菜都清哂～小朋友就當然最愛上面d卜卜脆啦～古洞天然醬油雞：招牌菜之一～肉好嫩滑，最怕雞肉煮過龍就"鞋口"～但哩道醬油雞就感覺熟度剛剛好！ 醬油味道咸淡適中，又係配飯最岩！另外，今日糖水係芋頭西米露，我仲翻斟左幾次有機柑桔蜜，兩樣都唔會太甜～岩我口味！額外一提，侍應們都好nice，上菜個陣仲同小朋友玩下，仲好耐心介紹d菜俾我地，成件事好warm～

暑假又係化骨龍出沒好時機，帶囝囝去油塘個超大playhouse玩～知道天台有間銀杏館分店～外面仲有公園～咁既然下午係小朋友嘅happy hour，晚上當然係我地大人享受一下！囝囝一上到去即刻俾個小公園吸引左～我地兩老就揀左戶外位，個view真心唔錯！可能因為今日好天，黃昏時間上去真係震撼眼球！夏天坐戶外位偏熱都正常，但可能開始入夜同埋係天台，不時有陣陣微風吹埋嚟，都幾舒服～哩間係食中菜為主～一樣以無味精同有機菜做主打，叫套餐仲包自助沙律吧，作為父母～我真係幾重視食材品質，始終放入口嘅野都想係安全同有益，所以都幾滿意哩道對食材嘅用心。小朋友口味就揀左有機柑桔醬烤骨、古洞天然醬油雞～前者酸酸甜甜好開胃！侍應話個醬係用返佢地公司自己嘅有機柑桔醬，另一道係醬油雞，雞肉嫩～囝囝竟然好鐘意～可能因為醬油甜甜地！大人就揀個川菜－水煮魚！辣味唔算好勁，魚肉好滑唔腥，我見好多枱客都有叫，不過要注意會有少少細骨！最後仲有個翠塘扒有機豆腐，都係一啲撈飯嘅菜式，整體都幾滿意～最緊要係家人都覺得味道幾好！以環境去睇，哩道真係幾高分，要做半戶外餐廳唔易，打風落雨都幾大鑊！但佢地俾左老人一份工作，讓佢地有安穩生活，

知道這間商場的頂層有家社企餐廳, 隔了很久終於能一訪.午餐以半自助式進行, 大概有6款沙拉菜, 亦有糖水, 白飯, 白粥及茶飲任加. 主食價錢由大概58元起跳, 十分合理.店外都有些室外座位, 但在這個炎熱環境下, 還是留待秋天吧.食物味道正常, 有家的感覺, 走健康路線, 平平實實的.看到這家社企有聘請不少長者, 令他們能自力更新之餘又帶給社會生氣, 有種莫名的感動. 如此有意思, 真的要多支持!

銀杏館於油塘大本營開業半年，在天台花園的角落，設有室內及室外的座位，環境挺好。不知不覺在醫院期間已有半年，終於出院，之前無聊時在OpenRice查到這間餐廳，有機會過來看看，工人推著坐輪椅的我找電梯，原來紹香園隔壁有直達天台花園的電梯（不是在巴士站隔離），當日天氣大熱，我不是看到室外位置有點合拍，幸好室內環境舒服，剛好過了最繁忙的時間，裏面的侍應哥哥很好人，立即調整空間讓我駛誰去。餐牌上的有素食及肉食小菜，價錢有$50多至$98不等，包沙律吧、任裝白飯、湯、飲品及咖啡。若不要小菜，享用自助吧也需要$48餐廳內的侍應們全是上了年紀的婆婆公公，對我10分關顧，主動幫我浸了柑橘水飲，味道清甜，菊花茶更是生津解渴！婆婆公公服務態度很好，笑容可掬，對我來說，挺親切的。這裏主打蔬菜或食材是有機的，沙律配菜清爽鮮甜，有黑醋或千島沙律選擇蒜心炒牛柳$68：味道濃郁，牛柳軟軟，熱炒，餸飯幾好的，比較油，分量可接受，他們說如果晚餐的話，價錢雖然貴些，但份量會更多香墇茶鴨$98：份量較多，新鮮炸起，其實對我來說更普通烤鴨味道差不多，但配有旁邊那個酸酸的醬汁，也是一款很開胃的菜色。不得不提這個足料素湯，我足足

餐廳位置起大本型天台花園，分了戶內外座位，餐牌有單點和套餐選擇，屋企人鐘意食中菜就真係岩！入面仲有自助沙律吧同糖水，我地揀左３款小菜，沙律選擇唔算多但基本野都有，有時覺得多款係好開心，但珍惜食材更重要！侍應婆婆好熱情，推介左幾樣菜俾我地，最後叫左古八味椒鹽有機豆腐、樟茶鴨同家鄉小炒王，古八味我唔知係咩，但椒鹽有機豆腐我知～哈哈！豆腐都幾大舊，外面炸得微脆，入面就嫩滑，上枱仲係熱辣辣！樟茶鴨聽講係老師傅嘅拿手菜，我地都係第一次食，佢地話係燻鴨一種，用上茶葉同木去燻，令到鴨肉吸哂佢地嘅香味，對於哩道菜我有啲期待～上枱見到啖啖肉，就已經胃口大增！原來燻鴨嘅皮係會有種酥脆感，而鴨肉都叫嫩，鴨肉本身都有一陣騷味，唔係人人都鐘意，但咁樣整，多左茶香味~某程度係另一種味覺體驗~哈哈!最後一道係家鄉小炒王，即係大雜燴咁～惹味無比！好多人都唔鐘意韮菜，但我地一家人就好喜歡～入面有D銀魚干,蝦干同腰果等等~其實真係一道下酒菜哈哈！講起下酒菜就順帶一提喱道都有酒飲，侍應話係由麥子釀製嘅柑桔手工啤，仲係用佢地自己農場嘅柑桔，只此一家，哈哈！可惜家人唔飲，所以決定下次同朋友嚟就叫杯一齊啤啤佢～

早有聽聞銀杏館係一間支持長者就業嘅香港社企，早排適逢母親節，媽媽提議近近地幫襯下銀杏館，試試佢地嘅家常小菜，媽媽叫到咁一定要成家一齊去支持下餐廳位於大本營天台花園，媽媽話室外座位幾靚幾好坐，但可惜當晚天公不造美，落著毛毛細雨，唯有改坐室內～一行六人不用多想，就叫六人套餐，包各款小菜、田園沙律吧、飲品吧、白飯同養生素湯前菜係麻辣木耳同手拍青瓜伴海蜇，味道比較清淡各款餸菜味道都唔錯，有住家飯嘅味道最欣賞係冰梅春蘇骨，酸酸甜甜好開胃；套餐裏面嘅蔬菜比例好足夠，啱晒一家大細黎食；素湯無使用肉類都十分鮮甜～長者侍應服務殷勤細心，仲係咁問我地洗唔洗添飯媽媽食得開心，我地都好滿意

今日去左油塘婆婆廚房食晚飯，天氣雖然熱左～但可能因為天台的關係～陣陣微風吹來都幾舒服！哩間鋪除左散叫小菜仲有多人套餐選擇，如果揀套餐仲可以任食沙律吧和飲品，沙律吧有個涼拌大豆，辣辣地好好味！是日糖水仲要係我最愛的蕃薯糖水！忍唔住起餐前先食一碗～哈哈！我地一行五人～計過揀套餐更抵，四人餐除左有前菜、湯同有機菜之外，仲可以揀四個小菜，睇落好豐富～到上菜個陣直頭唔夠位擺～哈哈！每碟份量偏大，平均每人$150左右，晚餐來說挺划算。朋友指定一定要叫水煮魚！話上次嚟食好好食～一大鍋水煮魚滾住食～好正！辣度對於唔食辣嘅朋友嚟講尚可接受，不過就話要撈飯食消消辣～我自己就覺得岩岩好！魚塊嘅肉質都嫩滑，不過要小心會有啲細骨～可能因為辣嘅關係，大家食下食下好快就清左，不禁講左句：「可唔可以俾多啲魚我～」另一道我地揀了古洞天然醬油雞，好入味！雞肉都好嫩！本人已經夠奇怪～鐘意食雞胸，大家都怕雞胸肉"鞋"，其實都真係好多時都係比較"鞋"～但雖隻醬油雞好滑之餘仲食到啖啖醬油甜味～真心推薦！！然後係有機香葉炒牛柳，嚿嚿牛柳都好大舊，肉質ｏｋ～我就覺得有少少老，但朋友們覺得刪刪好，所以口味真係個個唔同～哈哈！最後翠塘扒

其實銀杏館一直以來都請過好多長者員工，包括我爸爸在內，所以我一直都幾欣賞這間餐廳，他說:其實在這裡工作都幾開心，每個同事同客人都對我好好，好充實。可能我都想同女朋友分享一下呢份情懷同溫馨，決定和她一起走入油塘的這個露天小樂園到食飯！一入到去其實地方都夠廣闊，的確幾舒服。望著一班長者雖然工作中，但每一位都好熱情，笑容都很好，和在出面玩耍的小朋友形成了一種很歡樂的氣氛。來銀杏館的第二個好處是，他有沙律吧可以任添菜同湯，全部都是有機菜，令成餐飯感覺健康左好多。湯的味道很好，不感覺到有味精，亦飲不出會溝淡，湯一直都好清甜。正係呢兩樣都抵哂加左唔小分！因為鐘意食辣，今次叫左回鍋肉及炒四季豆。回味川式回鍋肉 $88欖菜肉鬆炒四季豆飯 $58回鍋肉對我來說不太辣吧，但其實對不太吃得辣的人來說味道剛剛好，加上不同的配料去炒，亦香味十足，這個肉是不錯的。四季豆亦炒得剛剛好，不太老又不會太生硬，令到食落口爽之外，亦都夠入味，個味道真係好似家常便飯一樣，最重要都係無味精姐其實社會有有很多的社企一直都令香港都有一份關懷，其中銀杏館出色的地方就是令每一位長者都可以安心快樂咁生活，比到佢地一個選擇的權利，不用擔心