極品泰國菜館

Open Now

Now Closed

叫左 串燒 雞肉、雞軟骨、雞翼 佢個醃料好食 雞軟骨仲要拮滿晒成串 冇空位拎起食添😂😂蒜蓉包 好食！ 可以揀2/4/6件 本身叫2件過下口癮算 下次要4件！！米紙卷 正路正路肉碎煎蛋飯 煎蛋 驚辣唔好食姐姐仲送左杯奶茶 不過外賣冇比餐具🤣好彩屋企食 唔驚平就唔係絕世平 但都叫做好食 🤤 又抵嘅特色野

母親節飯食得太唔開心，好耐未試過食咁差嘅泰國菜，我哋叫咗明爐魚冇影相，仲要勁腥，魚肉梅梅地👎🏼 食咁多餸，得個蒜蓉幾好，質數非常差之餘，態度都好差。以後都唔會幫襯👎🏼👎🏼👎🏼👎🏼

估唔到大角咀有一間清真回教泰國菜餐廳， 因為我朋友老公佢係回教徒， 所以如果我哋約佢哋食飯都要搵啲回教嘅餐廳， 呢間係佢哋推介俾我， 地點算方便但係嘢食就麻麻哋， 服務態度就好好老闆娘好Nice😉叫咗幾樣嘢我都覺得太乾， 同埋啲味道都唔太啱我， 個冬陰功還算好嘅

原本諗住喺附近食平時食開嘅餐廳，經過發現呢間好local嘅泰國菜小店！餐牌嘅嘢食大部分都係好正路、主流泰國菜。入去之前見到有一班泰國人行出嚟，諗住應該都有保證！午餐包埋嘢飲，有凍檸茶、凍檸水、泰式奶茶、珍多冰、龍眼冰等。香葉肉碎蛋飯味道非常正宗，煎蛋已經好有水準，脆邊流心！令我諗起曼谷街頭嘅味道！海南雞飯分量足夠、好食！我哋坐入去之後冇幾耐老闆就收到好多外賣單，見到佢哋執緊外賣單，分量都好大！呢間餐廳一定會再幫襯！！

在香港能找到一間清真(回教)餐廳, 很難, 找到清真好味的餐廳更難, 找到一間清真好味的泰國菜,更難! 所以感在大角咀找到很好味的泰國菜, 真的很值得找上你的回教朋友一起去吃一下這家, 極品泰國菜館!🥢香辣肉碎煎蛋飯(牛肉/雞肉) 一般都是以豬肉入菜, 回教的話會改成牛肉/雞肉, 這家做得好到味, 煎蛋邊很是脆口, 整個就是很開胃好吃, 一個人可以吃光光整盤, 整個好吃到不行.🥢 咖哩炸雞飯會以為是繪的形式上盤, 才知道是咖哩汁配以炸雞形式. 炸雞香脆, 咖哩汁香濃, 但略嫌偏甜, 沒有印度式的香料味.🥢燒牛柳這個牛柳比想像中要多油脂一點, 偏油膩, 如果瘦一點會更加喜愛 🥢明爐烤魚(烏頭)烤魚比我們想像中要大條, 也很好吃, 耐吃, 酸酸的很開胃🥢椰汁雞湯個人偏愛酸辣, 但椰汁雞湯偏香甜, 份量很大整體來說價錢便宜, 份量偏大, 如果兩個人不建議一次叫太多, 可以先叫2-3樣,慢慢加上去.老闆娘是泰籍回教徒, 門口也有清真認證的證書.人潮不斷, 是地方有點小, 店要走一大段路才到. 但真的很好吃. #泰國 #清真 #回教 #香辣肉碎煎蛋飯 #燒牛柳 #香港美食 #小店 #九龍 #大角

今晚喺外賣平台嗌咗4樣嘢：- 柚子沙律- 香葉牛肉炒河- 鹽烤烏頭- 芒果糯米飯先講柚子沙律，蝦、柚子正常，新鮮，但冇汁，食咁多次泰菜，從未試過冇汁嘅柚子沙律。哩道菜仲可以接受，因為柚子同沙律本先可以就咁食。然後到香葉牛肉炒河，見其他食評話炒河唔油，今晚又想食鑊氣嘢。點知個炒河鑊氣欠奉，但就超油。調味正常，但全兜嘢好似廚餘咁，河粉碎，紅蘿蔔唔新鮮有啲好似爛咗，一路食一路覺得噁心。烤烏頭，一揭開塊皮見到出晒煙，原本以為好好食，點知食落似煲湯瘦肉好柴，亦因為over-cooked，冇晒魚味，食食下發現內臟都冇清，真心好核突。 芒果糯米飯，乜味都冇，芒果淋到霉。全部食物食咗一半都冇，嘥錢之餘嘥埋等候時間。

Went to eat here with my husband, and I am very happy with the food we ate. The staffs are friendly and extremely nice. And the portion is great too!you could tell it’s a great place as it’s always packed, so better go there early before it gets packed!

大角咀小店，家庭式經營～泰國人主理，樣樣餸都好用心煮，真係食得出泰國風味！見到都有泰國人嚟幫襯，就知有保證🤣🤣椰子雞湯好椰、好足料，勁多菇同雞，香料都好足料🫶🏻🫶🏻以為佢細細兜，但5個人都飲唔哂！另外大讚蒜蓉包，真係整得好香、好脆卜卜，點吓個咖哩蟹汁仲！鹽焗烏頭都好食，個汁好味，酸酸甜甜～仲未講個大蝦粉絲，係我至愛🥰樣樣都真係好正宗泰國口味。老闆娘勁好客仲送咗椰汁糕，係童年回憶！但最後太飽，無叫到芒果糯米飯🥲🥲下次要再嚟試吓甜品

與兩位舊同事聚會，他提意過嚟極品開餐，我當然贊成囉！這小店，我與家人已經幫襯好多年，要食泰菜，都會想起她，喜歡這兒的食物及老闆娘的親切感。今晚三個人，訂了6點檯，因其中一位舊同事早下班，我們也提早會合，17:40已入座。叫了生蝦、必食蒜蓉包、木瓜沙律、香葉肉碎飯、生菜包、燒牛肉、炸皮蛋及飲品，埋單600有找，抵食又好食。兩個大男人聊天興奮起上來，聲音有點大，真的有點不好意思😅。食飽坐咗一陣吹吓水，7點左右，見到店外有人疑似等位，雖然店家沒趕我們走，但、我們都識趣的起身走人，小店要靠翻檯才能有錢賺，這個道理，我們都明白的，只希望這店長做長有，我們又可以番嚟食喇。

大角咀出名多野食，呢日就打算打賣唔同野食外賣返屋企食，因為朋友想食串燒，買完炸雞就去左呢度買泰菜。朋友都鍾意食呢度嘅蒜蓉包（細，$45），見店家係門口即烘到金黃色，即使外賣返去食仲有少少酥脆香口，蒜蓉牛油都好香。主角沙嗲串燒（二牛三雞，$66）都係即燒，入味又有肉汁， 唔會燒到乾晒，推薦。而冬蔭公湯（細，$72）幾濃郁，香料味重，比較特別係會微酸，但唔算好辣，連我呢個唔太食辣嘅人都食到，用蒜蓉包黎點都好食。裡面好多菇同蝦，食落都幾飽。

是咁的同朋友喺大角咀想食泰國嘢其實附近都有成三四間泰國嘢咁我哋今次就揀咗呢間極品泰國菜食佢都係有泰國人主理嘅但係個位置就唔算太開陽舖位亦都較細當日我同朋友就要坐出街食但其實都冇乜所謂變相仲更有泰國風味———佢嘅選擇都非常之多咁我哋都揀多咗唔少嘢去嘗試下喺門口見到佢有個燒烤爐整緊啲串燒同埋蒜蓉包都非常之吸引所以我哋就叫咗一份蒜蓉包好好食牛油同蒜蓉都非常之足夠佢係長方形嘅四邊都燒晒外脆內軟小食拼盤就梗係走唔甩啦好似有大概五樣小食泰式臘腸春卷魚餅蝦餅分量都唔少味道正常生菜包都係必食夠味好似喺泰國食咁樣仲揀咗條燒鯽魚魚肉好滑推薦咖喱雞好普通大家唔試都得最後佢送咗一個椰漿糯米飯都係好好食黑糯米同糯米都好夠熱芒果好夠甜椰漿亦唔會得少少

我既第一次食評俾左佢，真心覺覺中伏，如果你想減肥，你可以試吓，包你食唔落！係foodpanda 叫左四樣野食1）波蘿炒飯———腰果霉既，飯都係無味2）蒜蓉炒椰菜苗———菜唔新鮮，見到啲菜唔係黃左既葉就係穿窿。3）泰式鳳爪沙律———鳳爪有種腥腥地既味，啲醬完全入唔到啲鳳爪入面4）蝦球炒金邊粉———蝦球無味，金邊粉係碎既，我從來未食過一間既炒金邊粉好似佢咁完全無味，呢樣餸幾差應該都唔會差到好似佢咁🤦🏻‍♀️佢真係極品，極品難食，無下次！

今晚本身喺度叫咗份外賣，其中兩個係菠蘿海鮮炒飯同埋蟹肉炒飯。然而，我一拎到返屋企之後發現果2個飯貨不對版。我打返比呢間野同佢講佢話其中一個係來錯咗雞肉炒飯，就咁退返少少差價比我算數。咁我見佢肯比返錢，唸住算數，點知佢原來兩個飯都係錯既，一個係冇肉既炒飯，一個係臘腸炒飯，打返比佢講佢就同我講話下次再叫外賣先會比返個甜品我。我唸唔明點解你唔係會今日即刻退返個甜品比我。呢餐真係食得好激氣，食到中途先記得影相，都唔知果2個飯係咩來，話難食唔係難食，係個味道好怪。如果唔係見佢有個蒜蓉包，我真係行多兩步去返Orange Elephant 食好過。其實呢間小店都唔係多人幫襯，原本唸住支持下，希望你地唔好連少少單都搞錯，你地真係令到客人好失望。我已經喺foodpanda 落單，要食啲咩白纸黑字講到明，唔係普通打電話落單，點解你地可以唔check 清楚，就咁敷衍了事。經過今次外賣一事，暫時唔會考慮再回頭，亦會同之前推薦過你地的人講返呢件事。用餐體驗： 🤢

🔅 #hkfoodmap泰國菜🔅 #hkfoodmap大角咀🔅 #hkfoodmap旺角.𝐹𝑜𝑙𝑙𝑜𝑤 𝑜𝑢𝑟 𝑖𝑛𝑠𝑡𝑎𝑔𝑟𝑎𝑚 𝑓𝑜𝑟 𝑚𝑜𝑟𝑒 𝑓𝑜𝑜𝑑🦦.食泰國野唔一定去九龍城嘅～去開旺角 行多幾步去大角咀一樣有好味泰菜💁🏻‍♀️生蝦沙律入面嘅生蝦超爽口 仲帶鮮甜🦐中間仲有炸蝦頭做伴碟💛炸得好香口好脆～蝦餅同外面嘅好唔同 食得出係啖啖嘅鮮蝦肉 彈牙足料💁🏻‍♀️炸粉不厚炸得啱啱好 仲要勁大舊！串燒醃得好入味 燒得啱啱好鎖住曬肉汁勁𝚓𝚞𝚒𝚌𝚢🤤沙嗲汁都好好味～濕炒河河粉好滑 每條河粉都入曬味🤪個汁會比起街外嘅稍為淡味小小 但我都覺得好食🥳龍眼冰好大杯好多龍眼 夠曬足料～食飽老闆娘仲送左甜品比我地食～佢滿場飛同客人傾計 人情味超濃厚的小店🦦唯一嘅小缺點係店面比較細 位與位之間都貼得好近😷😷真係有啲迫～

泰菜癮起，尋覓一時終於有間睇圖都流哂口水，即時book位一試。做足功課，知道蒜蓉包出名，一坐低就叫左，仲為左佢叫埋咖哩點汁食。 蒜蓉包不負眾望，酥脆香口，包皮每一邊都好脆口，蒜蓉牛油香到就咁食已經好夠味。 點埋黃咖哩味道又更上一層樓，吸滿湯汁既軟糯又香脆，必點。黃咖哩蝦調味一流，配料都足料，最鐘意食入面既薯仔，略嫌選用雪藏蝦性價比較低。串燒好有驚喜，揀左牛雞各二，惹味、入味又有肉汁，牛都尚且有少少韌，雞真係可謂完美，兩款都係我食過最好食既串燒，下次會all in雞。冬蔭公湯都好正宗，可惜菇落得比較多，唔知係咪因為咁而未算係好強烈刺激既酸辣，如果再重口d就好。