青咖喱屋

Open Now

Now Closed

相信住在南區的朋友，對這一間位於黃竹坑熟食市場的青咖喱屋都不會陌生。這間餐廳是由正宗泰國人開的，由老闆娘結婚到生子，再在看到她的女兒成長，當中包含的不只是對他們食物的喜愛，更是一份人情味。因為是在熟食市場開，店舖裝潢固然沒有九龍城的泰國菜店般華麗，卻多了一種地道的感覺。每次來到都必點一客泰式生蝦做頭盤，材料新鮮不在話下，畫龍點睛必定是他們特製的泰式辣汁，酸、辣、鹹、都調製得恰到好處。燒豬頸肉也是他們的主打，飄來陣陣炭香味之餘，肉質亦十分嫩滑，必食！他們的泰式鳳爪算是偏酸微辛，來做開胃菜不錯，而且洋蔥相當甜！喜歡泰國菜的朋友相信對Pad Thai十分熟悉，而這一間佢有特別的泰式鮮蝦炒粉絲（即是Pad Thai味的粉絲）。一開始都會擔心會很油膩，試過反而愛上了，比起一般用開的河粉更為入味，成為我的最喜愛粉麵類菜色，哈哈也許在別的泰菜餐廳，包括泰國當地的，都會喝到不甜的椰青。但是這間的椰青卻從來沒有讓我故意沒有失望過，超級超級超級鮮甜當快要辣到飛起的時候，它絕對會是你的救星

每當要出其他地方做嘢，都希望食飯時間會有人帶路。人生路不熟，當然都係買個保障。平時好少可幫襯熟食中心嘅我，今次都係同事帶路過來呢邊搵食。呢頭有好多唔同種類嘅餐廳選擇嘅，不過佢就力推呢間泰式茶餐廳。喺我睇來，佢都係茶餐廳。似乎係全日嘅餐牌都喺晒到，所有資料都一目了然，雖然圖片欠奉，但見佢門庭若市，應該唔會好差，信心都增加咗㗎～然後，同事都係叫咗佢至愛嘅海南雞飯，口味都係同事描述，我就不便評論了。不過只係睇個賣相，睇佢嘅處理，我自己心裡打個突，雞皮冇認真處理好⋯⋯希望真係同事話齋，咁啱自己唔好彩。我就穩陣派，叫咗個香草炒肉燴飯，其實就一啲都唔辣，不過鍋氣幾重下，上檯仲熱辣辣，比多兩片扎肉，餸飯都幾唔錯。加分嘅係飲品，清淡得來又夠味，材料都幾足，很解暑。

今日入到黃竹坑探朋友，佢係地膽緊係由佢帶路。 沿路行見到大部分也是工業大厦飯堂，初時我諗住今餐應該係是但在某飯堂吃。 點知跟佢行行下竟然又有座熟食市場，入到去有兩層，有快餐丶小菜丶西餐及泰菜。 朋友介紹去青咖哩屋，佢話好耐之前電視也介紹過。 一望也是熟食市場格局，幾張大圓枱加幾張細長枱，不過相比其他店它又真的有好多人食。 三個人叫三個餐，另外再叫了個泰式冇骨鳯爪。 午餐收費唔貴又可以加配飲品，味道都幾好又夠份量。 鳯爪就麻麻地，完全未入味。

早幾日同家人去完包玉剛泳池游水, 超級肚餓, 就去附近南朗山街市食lunch,順便去幫襯青咖哩屋, 我諗我對一次嚟, 已經相隔一年了, 因為屋企人未嚟過, 所以就由我負責點食物, 我揀咗青咖哩雞, 香蒜炒蝦, 蒜蓉包, 另外叫了一個椰青。呢度嘅青咖哩雞真係無得輸, 侍應一放碟青咖哩喺我哋枱面, 超香, 即刻要叫兩碗白飯, 青咖哩味道依然, 好正宗嘅泰國口味, 香料味濃郁之餘,  不會太辣, 送飯一流。香蒜炒蝦, 好多乾蒜, 好香, 好味, 蝦仁亦算大隻, 入晒味。蒜蓉包, 可以用來點青咖哩食, 唔錯。

Just had dinner here because of the one I usually visit is closed on every Wed. Resto serves variety of food and drink here. Appreciated with the Flappe Coconut, it looks extremely nice and tastes lovely. The baked mussel and garlic bread are tasty and highly recommended. The green curry base is good tho and not too spicy. Price is acceptable and good for family gathering here.

一早就聽聞黃竹坑熟食市場的泰國菜非常正宗！為食妹當然要去試吓！一上到去！就發現原來有三間泰國菜！我哋見冇乜人想坐得舒服啲就揀咗青咖喱屋！一見到Menu！個二人餐都幾抵食！有晒我哋想食嘅嘢！所以就決定叫個二人餐！之後仲加咗個生蝦刺身！刺身比較貴！但係新鮮嘅！而且都有12隻蝦！喜歡食蝦的人就一定要試吓！蝦餅同豬頸肉都好出色！讚！冬陰公湯唔會太辣啱晒我呢啲唔食得辣，又要食嘅人！椰青絕對係食泰國嘅時候必飲！最鍾意連肉都食埋！

中午放lunch諗住去搵好嘢食，就嚟試下呢間叫青咖哩屋嘅大排檔。表面上望到青咖哩屋應該會試青咖哩，但係我反而想試下其他。其他同事和我哋四人揀咗兩份米線，兩個炒飯。分別是兩碗喇沙拼兩餸set，而炒飯分別是蝦醬炒飯及一個菠蘿炒飯。當大家滿心期待諗住炒飯炒成點時，嚟到嘅時候發現炒飯賣相普通，食落完全沒有鑊氣，味道非常一般， 而且炒飯沒有口感似是預先整好再用微波爐翻熱 。蝦醬非常鹹裏面啲鹽撈唔勻，飯中放了很多臘腸及非常堅硬。喇沙湯底非常一般 ，本來期待有啲椰香味也沒有 ，四人食完個lunch結論是下次不再幫襯了。

今天遠道到黃竹坑工作，終於可以到熟食中心一嚐朋友常提起的泰國菜！出發前做了一些資料搜集，鎖定了這店的海南雞飯！午膳時間到達，人山人海，幸好獨自一人，很容易找到位置！不過由於客人眾多，店員都忙得很，要等一段時間才有空替我下單！價錢合理，午餐連飲品只是50元！雞肉比想像多，去骨！惟一不足是雞肉比較「鞋」！飯有油香，粒粒分明，味不濃，沒有強烈的黃薑味！醬汁方面，味道較濃和鹹！總括而言，是不過不失！以價錢來說，值回票價！最值得一讚的是椰汁冰！冰凍味濃可口！甜度適中！十分推薦！

叫得青咖哩屋緊係食青咖哩🤣青咖啡飯，雞好滑份量多，成碗有成十幾舊茄子，醬汁好香口，仲有好多檸檬葉👍🏻👍🏻配埋珍多冰，都係50蚊，係黃竹坑黎講真係抵到爆

公司附近冇乜好嘢食，同事就介紹左我去附近嘅南郎山熟食中心食lunch，第一次食，叫左泰式雞扒飯配咖喱蟹汁同珍多冰(+$2)，份量夠哂大碟，又多雞扒，又夠汁，個汁好有特色，吾辣但係好香！

之前午餐都食過呢間味道算唔錯今次就試下佢地嘅晚市果然無失望⭐️泰式燒雞醃料好野味 雞都算嫩滑 但有d厚少少嘅部份就有d柴 不過算係咁啦 唔洗點個甜酸醬食都好夠味 佢地話係即燒嘅所以要等耐少少⭐️泰式青咖哩蝦球個menu有兩粒辣椒果然都幾辣下 咖哩好香有好多香料 蝦球🦐好爽口仲有茄子🍆都好入味 果然對得住”泰式”兩個字 可自選配飯/薄餅/蒜蓉包(賣相好吸引 好多枱都有叫)⭐️泰式馬拉盞炒椰菜苗味道OK 本身食泰國野必點椰菜苗 貪佢夠爽口

最近運動神經發達，好想去做一做運動，就去左游水。游完又好肚餓喎，梗係小不免大吃一餐啦夜晚時間黎到熟食中心，發現好多店鋪都未關門，樓上個層比較多泰國野，樓下就港式茶餐廳。今日黎到兒時會食ge泰國餐廳，懷念下佢ge味道menu選擇多，係傳統ge泰國菜。見到個蒜蓉包，二話不說就點了。🔶蒜蓉包 評分8.5/10係法包上揸滿蒜蓉香草，用料足夠，務求令每一口都會有蒜蓉ge感覺，牛油方便都絕不手軟。熱辣辣，咬落去咔嚓的鬆脆。比起好多食店，佢做得非常有水準。🔶馬盞炒通菜 $55 評分7/10份量大碟，食落有咸香，菜新鮮。加埋d蝦米仔一齊食，好有海鮮味🔶泰式青咖哩蝦球 $78 評分7.5/10青咖哩係必點ge菜式，加個蒜蓉包一齊，點一點，吸收哂咖哩ge精華，實在欲罷不能💗呢個咖哩入面有唔同種類ge菜，茄子煮得好林，吸哂d咖哩味，辣辣地。當然小不了主角蝦球，都係彈牙有蝦味，而且仲無腸屎，非常乾淨，一口食，讚

今日又要入去黃竹坑總公司開會，難得咁遠入到黃竹坑，當然要去黃竹坑熟食市場，吃過快靚正午餐。 今次就試這間之前飲食節目介紹過的青咖哩屋。檔口不算大，但工作人也多。 午餐選擇也算多，有湯粉炒粉麵飯，而且價錢也不算貴。龍眼冰味道不太甜，龍眼濃也足料。椰汁珍多冰，不太甜但椰汁味較淡泰式鮮蝦炒金邊粉(thai pad) ，炒得較濕味道也ok 。 但沒有加入泰式香葉/料，欠缺泰式菜應有香味。 扎肉丶豬頸肉湯河，味道一般。 但十分大碗，好抵食。

今日過左黎揾朋友食晏，唔講唔知黃竹坑有好多工廠，放晏時間人多到呢，度度都有人排隊既，朋友問我介唔介意座得迫啲，熱啲？我話有得食就得架啦吃貨的答案😍😍😍😍最後帶左我黎南朗山熟食中心食泰國野，只但係哩都好多人下喎🤨🤨🤨🤨🤨最後我地揀左黎哩間青咖哩食野😋😋😋😋午市meal樣樣都有，我揀左雞絲牛肉湯檬粉，青檸梳打😘😘😘😘碗粉好快就到左，味道一般般啦，以哩嗰價錢原全超值既。

今日晏晝想食個快飯，所以就嚟咗公司附近嘅南朗山熟食中心，上咗去2樓，隨便揀咗一間泰國餐廳，叫青咖喱屋。餐牌望落去價錢非常之超值，食個晏就都係三十幾四十蚊，仲送埋一杯特飲，邊度搵呀。見到隔離枱食海南雞飯，啲海南雞非常吸引，飯既份量非常多，但由於我唔想食太飽，所以帶咗海南雞湯河，冬陰公湯底，再配椰汁冰，埋單40幾蚊。海南雞非常鮮嫩，一啲都唔乾，好好味，冬陰公湯唔會太酸太辣，好易入口，椰汁冰亦都非常足料，會話落太多水溝稀曬。