天然齋 (Closed)

好多年前食過貴德宮，今次係第二次試私房素宴。一共有八道菜。第一道菜係牛油果伴沙律，味道可以但牛油果醬比較凍左D。第二道係姫松茸湯，好清甜。第三道招牌菜叉燒包，真係好好味。第四道係菇餅伴紅菜頭汁，其實剩個餅都好味，有D似蝦膠，可能個汁係要畫個嘴吧。第五道係素翅炒蛋白，似賽磅蟹，唔錯。第六道是猴頭菇，平時好少食，想不到都唔錯。有少少似鮑魚質感。第七道是心形炒飯，炒得乾身同香，不過有D辣。第八道是腰果露，幾香但有D甜。其實食完四道已開始飽，都算抵食。另服務貼心，見壺茶開始凍就幫我地換壺熱，還幫我地換過杯。

今次已是第三次嚟呢間齋館，第一次嚟食的時候覺得好神奇，點解我明明知道自己食緊齋，但無論口感，質地，味道都唔似我平時食開齋的感覺。佢哋所有食物的出品除了味道好之外，賣相亦有研究，絕對唔係隨隨便便的把食物傳上，而且計算份量時亦洽到好處，每次當我帶新朋友來食時，他們的反應同我第一次食的反應都是一樣，完全將我以往對食齋的傳統經驗顛覆晒。

今日試試食素食，感覺還不錯，菜品都幾多，搞到我同我噶friend吾知道選邊個好，然後店員好nice，推薦比我地果個叉燒包，叉燒包我就食得多啦，素叉燒包就真系未試過，個叉燒包好香啊，素叉燒好多滴蜜汁多到流出來，食落去好好味，完全不覺得系素叉燒。而其他菜品都好好味，素食系幾健康噶，好適合我地哩滴上班一族，推薦比大家試試。

This is a good veg shop I had. The staff is helping and patient and the food is tasty. they make all meal like meat but they are all veg, everyone go green now, and they are not alone.  bring you some Chinese religious feeling and thinking. the place is relax and comfortable. it is very clean and tidy. the food are amazing. in fact, I wasn't go there with fds or something. I had to go with boss and important person, so I cant really taking photo like I went out with my fds, I  can only do fews p

今日同朋友去位於上環嘅天然齋食飯。中午時段嘅天然齋真係好旺場，有好多OL黎呢度食飯。不過大家得好熟格步，排隊點菜搵位全部自動波👍🏻因為今日比較大風，朋友唔想坐露天位，所以我哋就揀坐室內。職員提示坐室內嘅位置需要每人最低消費$88，我地都OK！我哋叫咗叉燒包，炸豬扒，四寶齋，同埋炒飯。叉燒包係每次黎必叫嘅嘢食，個叉燒包用嘅係刈包，叉燒嘅質感同埋味道都同真嘅叉燒一樣，但係冇真嘅叉燒嘅肥膩感，味道一流！炸豬扒一寸厚口，大大塊，有咬口，炸得乾身，咬落有肉嘅纖維，幾可亂真。其他炒飯同埋四寶齋就比較普通。

侍應好無禮貌訂左位午飯，已知設最低消費每人$88落單四個小菜，叫佢擺低menu,諗住一陣再叫。無耐有個男侍應走黎，隔住幾張檯距離向我地大叫「你地未夠最低消費喎」，後來又加句「你地要叫多百二蚊左右」。咩事呀？埋黎講唔得？況且我地無話落完單。上菜速度龜速食完一碟，半個鐘都未黎下一碟。隔離檯都換左三檯客，新入黎嘅客都上左菜，我地果啲都未黎。見下面有食評話啲侍應殭屍咁，真係好貼切上菜竟然問番個客呢個係咩菜，問佢地問題又唔願答咁。反應最快係埋單。食物普通又咁嘅態度，真心趕客。

唔知點解大家都對齋鹵味好有興趣有啲男人聽到食素好似叫佢哋去死咁但一話有齋滷味就個個爭住食去上環接朋友放工大家都同意新年前食清啲一直都聽講呢間分店畀灣仔嗰間更加好食所以今日決定去試下😛店員一次推介我哋試個叉燒包個包蒸得好香！！！素叉燒都好多蜜汁但就唔太夠熱既然要清清地又點少得粥?估唔到有咁多款！！仲可以一碗叫唔使一叫叫一大煲又食唔曬可惜啲粥就唔係咁好食南瓜粥仔有南瓜嘅顏色但係冇南瓜味入面仲有好幾舊味煲容溶都幾硬身嘅南瓜應該唔係落好多南瓜一齊去煲係後加落去你什菇粥同樣入面係有菇但係冇菇味亦都唔係好夠熱所以最後食唔曬呢個牛油果沙律沙灣仔分店都有嘅🥑牛油果新鮮creamy配上甜甜酸酸既黑醋醬仲出色餐廳選用咗松子因為佢既香味比其他果仁更特別更襯托出牛油果獨特質感🦁🐯最後梗係唔少得大家口中所講嘅齋鹵味我哋一次都認為素食拼盤一定同齋鹵味有關咁你就錯喇成個拼盤基本上全部都係炸嘢原來分量大成咁樣我覺得職員其實應該有責任提一提我哋因為我只有兩個女仔仲要全部炸野熱氣嘢女仔最棹忌食落 炸豬扒比較 優勝🐷其他就普普通通中間個涼菜都太鹹最尾果然都係食唔曬元朗齋鹵味係可以分別散叫幾十蚊一碟仔早知散叫啦大家都醒目啦唔

同女朋友上去試一試呢間素食店, 入到去有分室內同室外, 環境算是不錯。 食客唔多, 尚有空枱。 有小菜同快餐供客人選擇。見到有快餐心想一試, 好食嘅下次再黎試小菜。 我地坐左係室內嘅二人枱。 然後有一男店員同我地講室內係食小菜, 如食快餐要到室外。 但今日咁大風。 諗住算吧，就直接試小菜吧。 試左個肉鬆四季豆同xo花枝炒蝦。 四季豆偏咸, 花枝炒蝦味道適中。 然後我地見到有2至3枱食客都坐係室內食快餐。 咁我就問問個男店員。 佢就話''係丫, 室內食小菜, 室外食快餐。 嗰d係老闆娘d熟客黎, 唔關我事!" 態度極為囂張。 不過諗住開開心心食一餐就無再爭論落去。 但個人覺得係座落上環區餐廳, 收得呢個價錢都應該比番相等嘅服務, 一視同仁。 但今次經歷非常唔開心, 應該唔建議朋友再黎了。

今天的聚會，有人提議食齋，那就訂了私房齋。地點非常方便，在地鐵站附近，到達餐廳，這裡環境佈置很優雅，座無虛席，人齊即上菜，菜單是8 courses每道菜擺設都好靚，好精緻，最好吃的是包羅萬有，原來是义燒飽，很特別，其次是吉星拱照，原來是一個鮑魚，好好味，但令我齒夾留香的是最後的甜品，腰果露即濃情蜜意👍濃濃的腰果香😋

前幾天的晚上🌒，剛好到了上環，想到「天然齋」搬至新址後，仍未嘗光顧。於是，就決定來品嚐一下了。這晚，我們一共吃了3款菜式：👨‍🍳枝竹珍菌素羊腩煲👨‍🍳叉燒包👨‍🍳香芒果仁卷首先上桌的是「枝竹珍菌素羊腩煲」，當我們準備為「阿煲」拍照時，突然有「非生命體」湧出來，阻止我們拍照。嘩😱，乜咁恐怖咁科幻，好似睇緊「龍珠」定「哈利波特」咁?嘻嘻，其實這個「非生命體」，是指從煲仔散發出來的熱氣🤣🙈。不過，食物熱氣令到拍攝時要先「迴避一下」，印象中也是頭一趟，這道煲仔菜的熱力♨️真是不能小覷的。煲仔菜的素羊腩咬下去不會太淋太鬆，有少許「實」的感覺，口感不錯，而清爽的馬蹄也頗吸引。素羊腩汁用來撈飯🍚，是不錯的配搭。不過「撈汁」的份量不宜🙅‍♂️太多，因為過多的話，便會略鹹，這個要注意一下。店方的「半份」叉燒包，是會附上3件刈包的。紅彤彤的叉燒，閃爍着光澤，也能見到內外的層次，實在是幾可亂真。把叉燒夾在刈包中咬下去，感覺也不算油膩。叉燒的份量很足夠，我們各自吃了一份叉燒刈包後，未吃的叉燒，仍可以覆蓋刈包的大半面積(見貼文的相片)。這道食品，絕對令人感覺飽足👍。不過要數最吸引的，都是「香芒果仁卷」🥙。起初以為這

上環一間很方便的齋舖，在地鐵站附近。店裏裝飾優雅，光猛整潔，坐得舒適，喜歡室外的朋友也可以在室外坐。今天來吃中午飯，快餐形式，揀幾樣餸連例湯，坐低快快食完就走。今天叫你四個餸，有湯，好大碗飯，都係$55。食唔晒。有炸素雞，這個好味，但係凍左啲。麻婆豆腐。炒大黃豆。和涼瓜炒蛋，好多蛋，但係咁啱我嗰份就冇乜涼瓜。超多飯。個湯係紅青蘿蔔湯，好甜好清。整體來講啲嘢唔算油。我最鍾意係個碟，一格格，好似飯堂咁。

朋友食齋，所以搵咗呢間餐廳。不過記得要上3樓就要搭大廈外架𨋢。我哋入咗電梯大堂等𨋢，結果去咗後門，要麻煩職員開門比我哋。呢度可以揀三餸飯或者小菜，我哋平靚正揀咗前者（$50）。正常嘅味道。朋友唔食蛋，問姐姐某個餸有冇蛋，姐姐話唔知道。如果可以更貼心就好了，始終有不少素食者都唔食蛋呢。朋友好心諗住坐個二人位，唔好霸住人哋張大枱，即刻比職員話「咁多個位唔坐，係要坐嗰度嘅」我諗嗰兩個位係比食小菜嘅人坐嘅，所以就好尷尬地搵張四人位坐。呢度仲有室外位，簡直係石屎森林中嘅綠洲，如果唔知食咩好，下次都會再嚟！有咗經驗下次就唔會撞板。

呢度雖然地方隱蔽於上環寫字樓裏面，但亦都好多識食之人上嚟幫襯，呢度嘅齋菜最特別係唔似齋菜，同葷菜相當接近，不過，對於如素者或佛教徒，可能覺得齋心唔齋吃唔太適合，不過以我呢個食葷嘅人，就覺得相當有特色。呢度有三味菜我認為係必食嘅，包括荷香金針雲耳蒸猴頭菇、招牌叉燒包和避風塘素善絲窩，尤其係素善絲窩，用乾冬菇撲上粉再油泡，口感同鱔真係有幾分相似，微辣之餘相當香口，至於招牌叉燒包同真嘅叉燒包真係有九成九似，我可以講，比真嘅叉燒包更加好味👍🏻，猴頭菇本來係我最憎嘅食物，成日覺得有一浸味，不過佢癖左嗰浸味，又加入醬料和金針雲耳一起煮，Number One👍🏻。

最近食咗好多餐大魚大肉，想轉換一下口味，加上其中一友人是吃素的，於是決定今晚就去食齋。我們五人一致決定去上環的天然齋，因其中一人遲遲未到，店員就提意我們可以叫一碟四色齋鹵味拼盤食住等，四款齋之中，個人較為喜歡酸齋。終於等齊人就立即叫了店裡的招牌菜 - 义燒包、鮮雜果咕嚕肉和濃湯鮮腐竹浸時蔬。首先就是咕嚕肉上場，無論口感或賣相的像真度很高，跟著那碟招牌义燒包，無怪乎是招牌菜，色香味俱全，义燒放入包子一同吃，一個又香又軟的义燒包，味道恰到好處，是全晚最出色的一度菜。等了很久還未見那碟濃湯浸時蔬，原來是店員漏單了，順道又叫了崧化芋頭魚和焗原個南瓜飯。曾經食過一些店舖的芋頭魚，表面會有一層油光，還未食已經感覺到很油膩，幸好今晚完全無這種感覺，芋頭魚炸得很酥和香脆，配埋甜酸醬汁，更加好味。焗南瓜飯俾想像中大個，可惜南瓜略為味淡，否則出來效果會更好。至於遲來的濃湯浸時蔬，味道實屬一般。

之前在「天然齋」只是午飯時間，都已經覺得好特別，因為今晚會在上環活動，突然間個腦浮現「天然齋」，證明我對佢已經❤️心掛掛😂，所以相約朋到此晚飯，嘩！平日都已經好滿座，好佐我有Book 枱，（1）四寶齋滷味，份量足，（2）招牌姬松茸燉湯，嘩！湯料十足，我現在寫緊食評，感覺D湯味道好似仲在我臭覺道👍價錢相當便宜，（3）招牌叉燒包，同個菜式一樣，一定要Order, 麵包軟綿綿，夾落齋叉燒， 相當匹配👍（4）鴛鴦豆腐素海鮮煲，女侍應一路行過嚟，香味已經撲鼻👍（5）心花怒放，唔食得都睇得，用佐南瓜汁，非常特別，咬口又好👍（6）懷舊錦鹵雲吞，我只覺得少佐少少菇類，最後我覺得女侍應Services 十分之好，經常笑容滿臉💯