青辣椒

Open Now

Now Closed

一直我都好中意食班蘭糕，嗰種香味唔係度度食到，有時就算自己整用香精或者班蘭葉都做唔到好香嘅班蘭味。班蘭千層糕($22/6件)偶然喺度試過個班蘭糕可以話變咗佢嘅捧場客，只要經過都會去買🤣🤣 佢又唔係香到一打開個盒有撲鼻而來嘅香味，但你食落去真係會有種班蘭獨有嘅香味，加上味道唔太甜，口感又夠軟熟，搵唔到唔買嚟食嘅理由。如果唔係怕肥，我肯定5分鐘內食曬成盒🥺。希望可以keep住咧個水準，遲啲得閒試下佢其他嘅野食先！

🍴海南雞半隻 $72 (9/10)冇諗過半隻海南雞都咁多，非常足料，店舖手撕完都會俾返啲骨係底，雞皮好彈牙，皮同肉之間係有啫喱，證明整得好，雞肉都嫩滑，雞胸會有少少鞋口，個汁鹹得來帶少少酸味，非常開胃，真心呢個價錢真係好高質。🍴蝦春卷 $38 (8.5/10)見到呢個春卷都幾多人買，又買來試吓，入邊有一大隻蝦，米線同蔬菜，點完個孫汁酸酸辣辣好開胃，蝦肉爽口粉皮都好忙，入邊包住啲蔬菜詩係感覺好清爽，非常啱夏天食嘅！🍴椰汁西米糕 小 $16 (8/10)甜到剛好，椰汁味都幾香濃入邊粒粒西米都好遠霖，竟然有芋頭粒粒呢一樣嘢係非常驚喜嘅，好食！推薦指數: 8.5/10完全諗唔到呢個商場入邊有間泰國嘅外賣店咁好食，如果經過都可以支持吓，推薦海南雞春卷同埋椰汁糕！

自疫情開始，很久已沒有吃過泰式小食了。今天在青辣椒店內看見色彩繽紛的泰式小食，也忍不住要買點來吃了。這店面積佷小，主打外賣。食飯物選擇尚算不少，有泰式飯、粉、咖喱、小食、甜品和飲品。最後我選擇了兩個泰式甜品。～椰汁千層糕顏色奪目，做型吸引。我選的是雙色椰汁千層糕，紫色的有芋香、綠色的有斑蘭汁獨窄的味道。整體兩種千層糕椰汁味濃，口感煙韌。無論是凍食或熱食也很好。～椰汁西米糕傳統椰汁西米糕賣相並沒有特別，味道也不錯。面層椰汁味濃，底層的西米仍見一粒粒的，又淋又有咬口，但香葉味只是淡淡的。

青辣椒不嬲都係我嘅最愛，我通常會叫青木瓜沙律同埋生菜包，佢嘅青木瓜沙律入邊仲有啲花生，然後生菜包入邊就有超多肉碎再加埋多多嘅生菜！食落真係超級滿足！同埋佢嘅沙律仲可以自己落汁，真係減肥恩物，你想食light d就唔落咁多汁～佢嘅雞飯仲要有勁多份量，配埋油飯真係好正！..............................

看見餐牌上面有青咖喱或是黃咖喱豬頸肉，心想如果午餐$40左右它給你四五片豬頸肉，都算划算，豈料落單時🤔收銀姐姐卻說原來沒有豬頸肉🙁因此臨急抱佛腳，還是簡便的點了個海南雞飯。海南雞飯都算大大盒，飯份量就不太多，雞都去了骨，這兒的海南雞比起沙田中心那間德興，大份得多，味道都比較出眾，亦都不會看到有大大條黑色雞毛在雞皮上邊那麼核突。米飯夠香，至少不會有爛飯出現，應該是由於，你落單，店員才會將飯盛盒子裏，都算是即係叫即做。整體的味道中規中矩，不過$43左右的外賣店，比起$50的堂食店做得好，也值得一讚。再去這兒，餐牌上好似已經刪去豬頸肉這個選項，看相片豬扒賣相也不錯，試一試黃咖喱豬扒飯。外賣自取，沒有飲料，其實不要緊，在辦公室自己泡個茶或者弄咖啡都相當相宜，飯亦都同樣大盒，豬扒份量也不少，切開有四五件，不過質地就偏乾，比較瘦身的豬扒，口感也相當普通。黃咖喱味道帶點甜，不算太辣，內裏的薯仔只有兩三件，真是可惜，因為薯仔柔軟右面，再點咖喱汁，用來拌飯都相當可口。因此，兩次吃青辣椒的外賣飯盒感覺質素都不錯，應該是瀝源邨、禾輋邨附近外賣店性價比最高的店舖之一。

逛完瀝源邨大眾書店後，途經一間各青辣椒的小食店，看見店內有售一些泰式小食和甜點，非常吸引。二話不說我便進入店內買了一盒外帶甜品試試。此店面積很小，主要是外賣為主，亦有少量坐位和企位讓食客即塲食用泰式湯河粉/米線或泰式飯。～椰汁千層糕 $20我選擇的是鴛鴦椰汁千層糕，顏色非常吸引。一盒千層糕有6件，有3件紫色的芋頭味和3件綠色的班蘭味椰汁糕。吃起來兩者味道差不多，有椰香，頗甜，有咬口，非常煙韌彈牙，但又不痴牙。他日有機會便可試試此店的其他食物。

唔想煮飯，趁大小姐在沙田，順便叫她買埋外賣回家，她說曾經試過這間青辣椒外賣店，影了Menu比我選擇。我們叫了青咖哩雞飯(青咖哩很惹味，不會像出面得個甜字，還有些微辣，撈飯一流，唯雞肉較嚡，不知道是否焗在飯盒20分鐘才運到家所引致??)，泰式豬手飯(我不喜歡吃豬肉，沒試，亞女說，味道還可以)，鮮蝦春卷(清新好味)，香茅雞翼(香茅味唔夠重，炸得較乾)。《總結:》抵食，有下次，但下次會再食其他青咖哩類食物!!

沙田瀝源邨呢就開咗一間泰式外賣店，咁呢就真係開咗冇幾耐，因為感覺上都比較少專賣泰式嘢嘅食店開喺呢啲咁舊嘅屋村邨，又有少少肚餓，咁不如試一試下啦，咁就行咗入去啦。見到佢有張leaflet任人拎，咁我就拎左張。佢食物種類都好多架，有小食啦，甜品啦，當然仲有正餐啦。咁正餐入邊呢又有海南雞飯啊，豬手飯啊，咖喱飯啊，仲有啲冬陰公河粉或者米線。我自己呢就幾鍾意食咖喱嘅，所以呢就揀咗個青咖喱牛腩飯。飯嘅份量都好多，食到好飽架。啲咖喱就有好香嘅椰奶味，椰奶同埋咖喱個味道好均勻，撈飯一流。咁叫咗牛腩飯啦，個牛腩都好多架而且仲有好多蔬菜，牛腩夠稔唔會咬唔開，更加唔會好肥膩，40蚊真係好抵食，性價比極高👍🏻👍🏻👍🏻